海盜王餐廳

营业中

休息中

難得放早 係上水搵野食下 行下望下被海盜王服務員熱誠態度引左入去 勁街坊咁叫你試下食 好搞笑 入到去見到好似無咩選擇咁 就求奇叫 點知叫左個正野 呢個雞扒滑蛋多士 好似平平無奇 同事形容係「精緻」 但點知一咬落去 佢個牛油多炸到勁脆勁多牛油香 超級好食 。 牛油濃到一個點 雞扒肉汁鎖住晒 超juicy 成個餐係滑蛋失色 因為一點都唔滑 但其他完全係超正 出奇咁好食 好推介大家一試

餐廳環境較為簡約沒有富麗堂煌的景象，特色雲朵燈，不同國家的國旗及米字櫈為主調，令人感覺較為簡約舒適。千島海鮮pizza，一個4塊，醬底係蕃茄醬，千島配蕃茄好有新鮮感，係我最鍾意的脆底，另外芝士份量好足，啖啖芝士配上多款海鮮，推薦。板燒紐西蘭肉眼扒配薯菜七成熟岩岩好, 鎖住肉汁, 黑椒汁少少微辣, 上菜上得快, 嚟到嘅時候個鐵板仲係夠熱，滋滋聲好吸引, 加分！另外仲叫咗個紐約芝士漢堡，入面夾埋煙肉，芝士咸香味好出，而漢堡扒好厚，仲有少少肉汁，相當惹味。以呢個價錢，可以有高級嘅質素，仲要餐廳係主題餐廳，但收平民化茶餐廳嘅價格，去邊度搵？一定會成為我的飯堂之一！

四月係賞芒草最佳嘅時機，好多朋友已經喺網上曬靚相。趁假日約左好朋友到上水郊遊，去雙魚河附近影芒草海再食埋豆腐花放題，好寫意。行左成日，朋友要幫家人慶生，我唯有獨自快樂，自己「吔」。六點幾嚟到舊墟呢邊，見到呢間海盜王餐廳，門口就有張超大餐牌，免加一，就入去試吓。裝修以天藍色為主，仲有啲白雲裝飾。揀左個豐盛晚市一人套餐，歐陸雙胡椒香烤黑毛豬柳配脆薯皇$138。原來好大份，有四件黑毛豬柳，仲要厚切。雖然只係平民餐廳，但呢件絕對係黑毛豬柳，用刀輕輕一鎅就切開，肥瘦適中，有肉味又夠彈牙，唔錯。雙胡椒汁唔辣，好香胡椒味。加埋咁大份脆薯皇，真係好飽，不過今日用左好多體力，全碟清晒~~套餐包左餐湯同餐飲，湯幾大碗。餐飲轉特飲都係$8，我就加$3轉左我至愛即磨咖啡。食到飽飽歸家去，今日好開心。

係朋友屋企附近揾到間好野食。好特別的海盗設計餐廳，無論燈位,牆壁裝飾都同海洋好貼切。最鍾意天藍色😎好舒服板燒紐西蘭肉眼扒配薯菜七成熟岩岩好, 鎖住肉汁, 黑椒汁少少微辣, 好彩上菜上得快, 唔會凍哂先黎, 加分卡邦尼野菌煙肉意大利麵: 香到呢汁又唔會太漏,岩岩好。煙肉明顯有煎過,但唔會太油膩。食到清唒成碟呀我😎😎份量岩岩好跟餐飲2杯。大杯到驚😂😂😂凍朱古力(不太甜,唔會溝水溝淡唒。凍奶茶(夠哂凍白滑甜度適中, 茶味濃)好抵食, 可以當飯堂喎, 最緊要近屋企XDDD

食物平均平宜，茶餐廳的價錢，但裝修點都靚過大部分的茶餐廳的 環境乾淨，但鋪頭仔會迫d. 同上水周圍都好多自由行的人呀！!繁忙時間，假期夜晚6點入座，2個人，所以要搭枱。點左個魚柳焗意粉及煎豬扒薯菜，蘋果汽泡飲品。# 焗魚柳意粉上枱時，好似好靚咁。但食落原來下面好多水，未試過焗野有咁多水，連d魚柳都濕晒。但魚柳份量好多又厚，大件搭救啦。#煎朱扒薯菜呢個豬扒煎到好香口，個磨菇汁配合，好好味，呢個推介，可以encore的菜薯菜質素一般，但夠熱度，所以都pass的。#蘋果汽泡汽水幾好飲的，又大杯，跟餐半價，只要$13 抵呀。

晚上10點後，上水除咗雞煲同串燒就沒有太多選擇。但因為感冒，就想隨便食小小。9點5X分經過此店，就問一問關門未？店員話仲可以落單，但要盡快落單同先埋單。就坐底落單。一邊睇餐牌，侍應一邊話，仲有3分鐘⋯⋯仲有2分鐘⋯⋯。其實，我都唔係想阻人收工，你講收工，我哋可以去第二間食。我哋好快落好單，埋咗張單。3個人叫咗一個黑松露三文魚炒飯，一個蒜辣蜆肉煙肉意粉，同一個肉眼扒。炒飯，冇影相，望落好正常係即炒，不過偏淡，意粉如名重蒜味，有啲辣，都算正常。咖啡同檸茶唔錯嘅。到肉眼扒上枱，件牛扒食落似係燒烤場嘅薄牛扒嘅味道。好干，好硬(如圖)，而哩個餐要85蚊。我哋冇同佢講，食完就即刻走，全程用咗20分鐘左右。我都係第一次試哩間餐廳，平日可能質素好啲。但臨收工就真係要諗過先入。

餐廳以海盜王⚔️為主題。係上水少有有裝潢、主題的餐廳。抱著一試一妨的心態入去。餐廳以藍色為主調，天花上有可愛的☁️雲型燈。水手煲仔咖喱吉列豬扒$60上菜時，可憐的脆脆吉列豬扒被浸在熱辣辣的咖喱汁中。立即拯救可憐的吉列豬扒，少部份是脆的，但大部份浸淰晒，或者在咖喱汁中遇溺。相片是拯救過程。咖喱🍛味道不錯。飯量少（如相片），大約1/3個飯碗的分量。紐約芝士漢堡配美式脆薯角$58大堆頭之作。薯角係翻炸😵。因為晚餐沒有跟飲品/餐湯。加錢叫多個是日餐湯-忌廉蘑菇湯（是日餐湯$8一碗）侍應拎咗相中兩碗湯，5啖可以飲晒的份量。炒過嘅蘑菇加稀稀的麵粉水。果然係海盜主題⚔️。

今日經過上水符興街，附近全都是藥房，特然見到一間外貌是藍色裝潢的餐廳，吸引了我的目光，由於我到達時間已經是差不多7點，門外已經有不是客人等位食晚餐，當然我都要嘗試一下，便排隊等位，等了一會兒，便可以進店，效率都很快！排隊時有老人家在等，店員馬上拎櫈岀來招待，很體貼細心👍🏻👍🏻在餐牌上，看見不少種類的選擇，有据扒，安格斯手打牛肉漢堡，不同的意粉，燴飯，炒飯，咖哩，烤焗，小食，薄餅pizza！我們叫了千島海鮮pizza.芝士肉醬焗薯王.棒棒脆蝦伴煲仔肉醬意粉，凍奶茶。千島海鮮pizza，面面鋪了很多芝士，做到拉絲的結果，還有蠔仔，蘑菇，千島醬等材料，餅底不會太薄，焗得不會太乾身，size剛剛每人兩塊，可以留肚吃其他食物。芝士肉醬焗薯王，有很多芝士肉醬在表面，薯王其實是自製的粗薯條，薯條炸得脆口，不油膩，加上肉醬的口感，令人喜岀望外的配合。蝦伴煲仔肉醬意粉，炸蝦的粉漿不會過厚，炸得剛剛脆身，不會過林，炸的時間剛剛好，肉醬都不會太鹹，味道和份量剛剛好。凍奶茶不會過甜，牛奶加紅茶份量剛剛好！整體來說，店員態度十分友善親切和諧，最後店員還會問一下食客意見，還有不少相熟的街坊光顧，以上的食物都不會過

餐廳環境的主題主要以海盜為主，有藍天白雲的感覺，而座位很舒適，位置夠大。到了晚餐時間，都頗多人吃，位置側邊有紙巾提供，十分貼心呢！首先是吉列豬扒拌煲仔肉醬意粉，吉列豬扒外層十分酥脆，而且另有沙拉可以作解油膩之用途，配有芝麻醬，吃下去亦不會太淡而無味。重頭戲來了，肉醬意粉好重蕃茄味，而且牛肉是條狀，並不是肉碎咁少，令到每一啖意粉都吃到豐富的蕃茄和牛肉！而是日濃湯的奶味濃郁，口感滑溜細緻，另外湯中的蘑菇加分！蘑菇新鮮而蘑菇的鮮味大大提升了湯的味道及口感，值得一試！還叫了個芝士焗牛乳粟米汁炸魚柳飯的魚柳量十分多，足足有三大塊，魚柳的肉質滑嫩。而粟米粒的分量足夠，能夠每一口嚐到粟米粒，加上焗飯的飯是蛋炒飯，配合票米粒的口感一流，芝士焗得剛好，能拉出芝士絲，外觀吸引！

係上水郊遊完出返舊墟搵野食見到呢間餐廳裝修都幾得意幾用心藍色牆壁配白色雲燈卡位仲有唔同國家既國旗係滿怖水貨客既街道上突然覺得眼前一亮主題偏向童話世界見有一兩台都係一家大小來用餐門口有一個好大個menu 林林總總寫滿各式各樣既野飲野食見佢裝修咁特色 冇諗過價錢會咁親民晚餐時間 都算多客人見佢好多小食 款款都好似好好味叫左一個主食同兩樣小食 飲料唔夠五分鐘就上齊唒主食係水手煲仔咖哩牛肋條咖哩上加左椰奶 聞落香噴噴大大塊牛肋條 仲配有火煎菜同車厘茄小食有芝士肉醬脆薯皇同夏威夷風光pizza薯角炸得岩岩好 恰到好處外脆內軟 仲加左啲啲辣粉芝士肉醬都唔會太咸 就咁食都ok!Pizza 有滿滿既芝士菠蘿粒都好多食落夠唒fresh 杯紅豆冰大大杯勁多豆又唔會太甜兩個人食三樣野都好飽肚

上水近年都比水貨客霸佔，好多餐廳都執左轉晒做金行藥房，再唔係就敵唔過租金既巨獸，同其他行業可觀既利潤，得返好小數餐廳係當區咬緊牙關經營著。好多當區既餐廳因爲生存問題，都需要開源節流，所以多數都係走親民本地茶餐廳文化，不過今日係上水遇到既一間餐廳就走另類路線，連個名都特別啲，叫做「海盜王餐廳」。餐廳裝修都充滿行船既風格，座位都算闊落，食物走西餐路線，有意粉有pizza,價錢就直頭親民，一個pizza都係三十幾蚊，最後我同朋友就叫左個夏威夷pizza,一個肉醬烤薯條，一個咖哩牛腩飯，飲品就叫左一個紅豆冰。食物十分鐘左右就上齊，講講個咖哩牛腩先，牛腩肥瘦岩岩好，咖哩煮得好入味，好重辛香料既香味，白飯上面加左日本味素同脆粒粒增加左口感，配合煮到軟熟既牛腩同食口感唔錯。之後就到夏威夷pizza, 批底薄面脆口，批上放左大量菠蘿同火腿，增加清新既味覺同食滿足食肉獸既咀嚼感，芝士鋪滿做到有拉絲效果，食落脆口不在話下，酸味適中既番茄醬更令我食慾大增。紅豆冰唔會成杯都係冰，紅豆粒粒分開，起沙甜度適中，落左淡奶增加左奶香得黎凍冰冰解渴十足。最後要講下個肉醬烤薯條，薯仔條條粗條做到有咬感外脆內軟，上面鋪滿肉

今日同朋友經過上水，晚餐想食下漢堡包薯條，但又唔想再食啲連鎖店，於是喺網上面搵到呢間好評、價錢都唔錯嘅海盜王餐廳，咁就黎試左喇！呢間餐廳招牌、裝修都設計得好有特色、以海盜王嘅卡通做主題，一入到好有童真嘅感覺，而且環境十分舒適、整潔，座位闊落。今次我就嗌左呢度主廚推介嘅紐約芝士漢堡配美式脆薯皇，特別之處在於餐牌上面寫住100%保證使用手打安格斯牛肉啊！但價錢十分實惠，只係$58，所以我嗌左黎試一試！漢堡包同薯角一上枱仲係熱辣辣，漢堡入面材料豐富，有煙肉、芝士、番茄、生菜同勁厚既安格斯牛肉，口感十分豐富。牛肉煮得剛剛好，肉質不會過韌、太乾身，肥瘦均勻，牛味濃郁。而香噴噴嘅薯角真係好好味，香脆可口，油而不膩，唔會好似坊間餐廳預先炸定，上枱已經林晒，雖然好熱氣，但我都忍唔住食多幾件！友人嗌左牛肉漢堡煎蛋配鮮茄意大利粉，漢堡扒一樣係安格斯牛肉，厚度十足，脆嫩酥香，牛香味濃。而煎蛋仲係太陽蛋，蛋汁配落意大利粉一齊食啱啱好，十分滿足。而最後嗌咗杯薄荷朱古力特飲，味道好似平日食薄荷朱古力雪糕，十分清新，而甜度適中，朱古力味濃郁。總括而言，呢間餐廳嘅性價比唔錯，下次會再來！

上水新開既一間快、靚、正餐廳，餐牌選擇多，漢堡、意粉、燴飯、常餐、扒餐、pizza、焗飯粉等，真係應有盡有!! 😍價錢、味道、份量、上枱速度，都值得回頭，以後去上水都唔駛怕無野食啦~😋韓式炸雞粒伴煲仔肉醬意大利粉 ($58)雞粒炸得較為乾身，炸粉亦偏厚，味道一般；肉醬多茄少肉，鹹甜適中，整體較健康既感覺😋；意粉同肉醬份量都好多，但醬汁偏水，如果結番少少更佳其實佢有個$48既肉醬通粉餐，但我想食炸雞粒既原故，所以點左呢個，但炸雞只有六粒且味道麻麻，加上無餐飲既情況下，就好似食餐比較化算招牌水手咖哩牛肋條配飯連餐飲 ($58)呢個雖然係鹹左少少，但我認為係餐廳必食之選!!😍 牛肋條炆得非常淋身，而且一碗有5至6大件!! 微微微辣既咖哩加上少許椰汁更香口，性價比相當高小店絕對值得一試，佢已經成為我去上水既首選餐廳

今日放假諗住一家大細去試下間新餐廳，問個職員幾次下午茶幾點有，但係只識講就快，我係想知確實時間吖大佬。重頭戲黎，諗住叫個牛肉漢堡，一切開完來比錯雞堡，又諗住叫個職員幫手，十間九唔應。又冇確實話比我聽係換定唔換，只係講，是但拉。最後等左15鐘都未換，當我再問，個唔知老闆定經理先過黎確定幫我換話係內部問題。 最後唯一條氣順啲就係比杯水我。老實講我唔係想R野食，只係想要我原本個餐，再加上我當時叫佢收返錯個包走。開頭又話我切開左個包又呢樣個樣。好耐未試過食餐飯嬲都咁，呢間野我都永不再試。貼錢買難受。

同朋友行開上水，去到呢間個名幾得意嘅餐廳食飯，海盜王。入面裝修都幾骨子。朋友就食咗個意粉，我就要左個薄餅，大概等左15分鐘。意粉同薄餅都上咗了我朋友要個個係雜菌火腿焗意粉,但係成個意粉祇有火腿和意粉,啲雜菌就唔知去咗邊度？定係其實佢比錯第二張枱嘅意粉我地？r頭。個薄餅仲恐怖。我都唔知點樣可以形容呢個係一個薄餅，見到個樣都無胃口了，價錢又唔算便宜，但係呢啲食物，真係接受不到