影片
港铁香港站 C 出口, 步行约6分钟
继续阅读
电话号码
57219699 (Telephone & WhatsApp)
附加资料
自带酒水：开瓶费750ml 或以下$200
750ml以上$400
营业时间
今日营业
12:00 - 15:30
18:30 - 22:00
星期一至日
12:00 - 15:30
18:30 - 22:00
*最后落单时间: 午市14:30; 晚市21:00
以上资料只供参考，请与餐厅确认详情
相关文章
日式料理对我嚟讲，一直唔只系「食得饱」咁简单，而系一场「敬食材、重节奏、讲美感」嘅体验。要食得开心，质素、细节、心意，缺一不可。今次想分享一间我近期非常满意嘅新发现——Mikoto Donburi，地点虽然低调隐密，藏身中环闹市地库，但一入去，𠮶份静谧感已经令人心头一静，好似瞬间转去咗日本乡町嘅料理亭。🍣 厨师发办刺身丼（特上）｜$430当日我拣咗餐厅主打嘅厨师发办鱼生饭，卖相已经非常讨喜，每样食材都摆得精致唔迫人，彷佛一碗盛著海洋色彩嘅艺术品。鱼生种类十分丰富，唔系一般见惯见熟嘅三文鱼、吞拿鱼咁简单，而系包括咗中腹、炙烧鲣鱼、帆立贝、花枝、甘甜蟹肉、粒粒分明嘅三文鱼籽、鲜甜海胆等等。每款鱼生都切得恰到好处，完全冇雪味，口感由滑、爽、嫩到香脆都有齐，层次感非常丰富。值得一提系，唔同刺身有经过唔同处理，例如炙烧边位带点焦香、带汁腌过嘅鱼身略带咸香，令我食嘅时候完全唔会腻或者味道重复。底层白饭软硬适中，混合咗紫苏叶同寿司醋，单食都觉得好食，真系一啖接一啖，忍唔住慢慢品味。整体感觉唔系「豪」咁简单，而系有节奏、有呼吸嘅精致感。🍱 江户前散寿司（特上）｜$370朋友叫嘅系江户前散寿司，特色系用上经过处理或熟成嘅鱼类，偏向炙烧风格。碗内仲有炸豆皮、玉子烧、青瓜、腌姜、昆布等配菜，口味上比我𠮶碗再咸香一点，但食落一样轻盈无负担。特别欣赏佢哋对食材火喉掌握极准确，每一款都熟得啱啱好，无一件系过火或偏腥，系职人手艺严谨嘅表现。🥗 配菜｜沙律・茶碗蒸・吸物除主菜外，套餐附送嘅沙律都做得唔马虎。生菜新鲜脆口、粟米清甜、连小蕃茄都用心挑过，淋上清爽和风酱汁，一啖即醒胃。茶碗蒸够滑，蛋香自然，唔会出水或过老，口感细腻；而吸物更系一大惊喜——用上樱花虾、豆皮同葱花煮成，汤底鲜香清澈，饮落咸香中带微甜，唔油腻，反而好暖心。樱花虾鲜味突出，令整碗汤更加鲜明有记忆点，系成餐饭嘅隐藏亮点之一。🏮 环境与氛围店内装潢走简约日系木调风，柜枱摆放整齐，开放式厨房令人感受到厨师嘅专注与整洁。虽然位于地库，但灯光柔和、环境宁静，空气流通唔焗促，坐低后自自然然放慢咗语速，连食饭节奏都柔和起来。呢度真系非常适合两个人静静食饭，或者自己一个放空治愈一下。🍵 服务态度｜温柔有礼，零压力店员非常有礼貌，落单时会耐心介绍差异、上菜节奏亦唔急赶，令人好安心慢慢食。加水、收碟都好有眼力，唔打扰之余又不失照顾，系一种被善待但唔打扰嘅舒适感。---✨ 总结一句：识食的人，值得俾自己一次Mikoto。唔系最平，但物有所值；唔系最夸张，但真材实料。系一间讲究味道之余，亦尊重食物节奏与空间嘅好店。下次你想奖励自己，又唔想去得太浮夸，试吓来呢度慢慢食，一口一世界。🌸
继续阅读
海言日本料理专门店店舖入面大约有八张枱，面积不算大，但环境光猛整齐干净，而且店员非常友善，一坐低就放低两杯热茶，细心介绍每一道菜厨师发办系列海言厨师发办鱼生饭（特上）$430满满的一碗刺身饭有多种刺身金目鲷，鲭鱼，拖罗，海胆，三文鱼籽，白子，蟹肉等，拖罗含有较多的油脂，口感滑顺且丰满，肉质细腻，咬下去时几乎在口中融化，油脂中透出淡淡的甜味，整体口感圆润，海胆口感滑嫩，入口像奶油的感觉，甘甜香浓，白子口感非常细腻，入口即化，味道浓郁，蟹肉鲜甜，三文鱼籽的味道轻微的咸味，口感柔滑，咬破时会释放出鲜美的汁液，带有淡淡的甜香茶碗蒸，鸡蛋蒸到非常滑，浓郁嘅蛋香味，入边仲有蟹柳，鱼蛋，白果，青豆作为配菜点上添花 沙律菜切到幼，入口爽甜旁边嘅车厘茄，仲好新鲜，呈现鲜红色，粟米，蜜瓜，西兰花够晒新鲜，酱汁酸酸甜甜，非常开胃江湖前系列江户前散寿司$370由海胆三文鱼籽顺时针方向食起，刺身有池鱼，海胆，拖罗，玉子，三文鱼籽，腐皮，赤身，贝类，味道由淡至浓，刺身非常新鲜
继续阅读
Dinner想食好啲，行过中环呢间，见佢个厨师发办丼饭几吸引，一于试吓。以400几蚊嘅价位来讲，质素算系交足功课😋🥗 前菜薯仔沙律creamy得来唔会太漏，加埋粟米粒同车厘茄几开胃，另外材料都好丰富，有大概七至八种蔬菜，沙律酸汁调得啱啱好，食完好醒胃🫡🍳 茶碗蒸蒸得超滑溜！入面有白果同蟹柳，仲有粒粒青豆增加口感~🐟 海言厨师发办鱼生饭-特上 ($430)大概有10几种唔同嘅鱼类同海鲜，摆盘几精致，印象几深刻嘅系油花好靓嘅拖罗，入口即化，另外松叶蟹肉+海胆+三文鱼子呢个组合真系无得输，味道好鲜甜，另外醋饭酸度适中，饭粒分明嚟又够黏度🫶🏻🍣 江户前散寿司 ($370)一样都系有好多种唔同嘅鱼类同海鲜，但系烧鱼嘅比例就比较多，职员有介绍要顺时针方向由淡到浓咁样食，做法比较传统，而且醋饭加咗芝麻油同埋渍物，香气同口感几特别！鱼生全部都好新鲜，而且都有唔少罕见啲嘅鱼类，份量对男仔来讲都够饱，餐厅环境简洁，服务唔错，人流亦都几多，有分普通枱同埋Bar枱😬如果想食好啲又唔想太贵，呢间算系中环区几唔错嘅选择。不过Omakase丼嘅食材会跟季节转，下次去可能又有新惊喜😆
继续阅读
📍 今日嚟到中环威灵顿街55号地库发掘一间低调又惊喜嘅鱼生饭Hidden Gem——海言どんぶり専门店🍣！餐厅唔算大，走住日本简约风格，🪑如果你有两人或以上一齐嚟食，记得提前订位，因为就算系普通星期三晚都FULL HOUSE，实力证明呢度几受欢迎！🌟 点饭之后就有沙律、茶碗蒸同樱花虾昆布味噌汤陪你开胃。沙律系用上生菜、番茄、南瓜、胡萝卜等多种新鲜时蔬，色彩缤纷之余仲清脆可口，加埋清爽沙律汁，真系令人食指大动！🥗🍚 招牌嘅「厨师发办鱼生饭」！有别于一般嘅传统omakase店，呢度主打系Omakase丼饭, 主要系用上唔同嘅时令鱼生嚟到制作海鲜丼！用最新鲜既食材，配上日本靓米既香饭，本身调左味既饭底同鱼生片相得益彰巨大的碗承包了多种鱼生，珍贵的白子，拖罗，海胆，三文鱼子，虾肉，小鱿鱼等等15-17款时令刺身每款都新鲜鲜甜，鱼肉爽弹滑口，价钱贵少少都值得😋🍣 另一推介系「江湖前散寿司」，由海胆开始一路顺时针咁食，咩吞拿鱼、蟹籽、左口鱼、鲷鱼都有，特别最后呢一啖左口鱼，鱼油丰富得黎又唔腻，仲有啖啖柚子香～🤤快啲约朋友一齐嚟试下，呢间真系值得一探嘅鱼生饭天堂！💯
继续阅读
👭两个超级吃货今日来到中环威灵顿街55号地库，品尝最顶级的鱼生饭 ，原来鱼生饭都可以厨师发办，用最新鲜时令的食材，配上日本靓米饭，新鲜七彩沙律，碗蒸蛋，樱花虾昆布面豉汤，非常丰富的鱼生饭定食就此产生。餐厅离中环地铁站很近，行几分钟就到。餐厅不算大，但是绝对的日本风格，简洁清爽，两个厨师正忙碌的搭配食物。我们很快地选择了各自所爱，静静等待美食的出现。喝了绿茶🍵，沙律和碗蒸蛋送到，七彩的沙律很新鲜，双色小番茄🍅🍅，甜玉米🌽，沙律菜🥬，西兰花🥦，南瓜🎃，薯仔蓉🥔，豆苗，加芝麻沙律酱，超级开胃好吃。👍👍🥁🥁主角闪亮登场🤩🤩海言厨师发办鱼生饭＄430巨大的碗承包了多种鱼生，珍贵的雪鱼白子，拖罗，海胆，三文鱼子，虾肉，小鱿鱼等等，加上新鲜爽脆青瓜，紫苏叶，酸姜，腌萝卜，天花板的美味，应有尽有，下层是最靓的日本米饭🍚。😍😍特盛蓝鳍吞拿鱼鱼生饭＄340蓝鳍吞拿鱼的不同部位，有肥美鱼腩，鲜爽鱼肉，有厚切，角切，鱼蓉，尽享不同口感。😋😋最后是樱花🌸虾昆布面豉汤，又热又香，吃得满满当当的满足。😋😋
继续阅读