海鮮角樂

营业中

休息中

很多年沒有落嚟堅尼地城食嘢，由舊時全是街坊小店，到今日大部分外國餐廳，轉變實在太大。年廿九晚，和家人去咗這間主打海鮮嘅小店。可能過年，人唔算多，都有幾枱。因為一早訂咗位和餐，不用等太耐就有嘢食。三個人選了一份特盛海鮮蒸籠飯三人餐，有湯，有海鮮，有飯，有菜有串燒。魚湯不是一般的濃湯，反而像家中煲的魚湯，是我喜歡的味道，不過可能有人會覺得腥。肉揀咗燒蠔，都幾大隻。每人兩隻，有蒜蓉和芝士味道。海鮮飯有扇貝，龍蝦，墨魚，蜆仔，最好食係墨魚，夠鮮味，不會靭。原本驚唔夠食，不過飯嘅份量不少，三個人夠哂。最後還有個雜菜，可能因為蒸籠上，味道保留得幾好，感覺很營養 😆以食海鮮嚟講唔算太貴，味道也可以，都可以試下～

第一次幫襯，環境乾淨舒服，沙發位亦都好舒服，海鮮煮得惹味又好食，又食咗串燒，價錢相宜，亦都有唔少海鮮選擇。老闆好人，服務好，又親切😊小店絕對值得支持，得到好評初時想睇下堅尼地城有無海鮮食，點知俾我搵到伊間鋪頭。地點稍為在大街後面，但係都好易搵。入到去睇環境，知道老闆有用心打理。初時叫咗幾樣海鮮，本身想再加，但係老闆都叫我試咗先，唔夠先再加食物😊首先叫咗蒜蓉蒸蟶子皇，好惹味，又叫咗椒鹽老虎蝦，蝦頭好多膏，全部都好新鮮。仲有串燒牛舌同芝士廣島蠔。掛住食，無影哂相😅老闆好人，又健談，愉快的晚餐！

叫咗個六餸二人海鮮套餐 Seafood set for two 魚湯份量唔細，夠三四位飲。二人可添飲海鮮一碟碟上，冇一次過嚟晒，我鍾意咁樣喎，可以每碟專心品嚐。 蠔仔肉碎粥/湯飯 Oyster Congee with minced  pork  蠔仔大得超乎想像，仲有好多隻，雖然我本身鍾意食細蠔仔多啲，不得不美讚佢呢碗粥，真材實料，好過太多其他餐廳。 Super big Oysters 🦪 for tradition congee, looks fat & fresh, honestly better then many other restaurants另外散叫加咗Black  pepper  short  rib  生燒牛仔骨第一口覺得鹹咗少少啱送飯，再食落就覺得好入味，軟硬適中。 仲有我想特別讚一讚啲蔥粒好新鮮，混咗啲肉汁更美味佢有賣洒，不過我哋就叫咗杯利賓納梳打。地點在堅尼地城的最尾，小山坡的角落。 可以叫做隱世小店，佢冇錢做宣傳，我有緣幫襯過，就幫手推介一下。

真係等咗我好耐好耐好耐好耐好耐好耐好耐星期六晏晝叫咗個3人set 蒸飯等咗成粒鐘ok 但點解我等個雜菜都要等成粒鐘係咪要由菜苗開始種起建議冇番2個幾鐘唔好叫蒸飯set又或者要dum 好耐波鐘嘅一群人好啱嚟呢度始終食物有番咁上下新鮮魚湯真係冇乜味精飯係好食嘅但我真係唔明點解個菜都可以叫我等成個幾鐘間舖係得2個一個企樓面一個企廚房我明咁會唔會分工或者prioritize有效率少少？1245我入座1445我仲等緊我兜菜精彩

餐廳會因應新鮮食材而調整餐牌，海鮮同埋一般家常菜式、蒸飯等共十幾款套餐，各色其式。客飯跟一碗白飯同埋一杯飲品，飲品亦有daily special可供選擇。今日叫咗椒鹽墨魚- 墨魚肉身偏薄而炸得酥脆香口，無油膩感。同時佢配上避風塘惹味金蒜，鑊氣十足👍👍另外亦叫咗一碟翠玉瓜雞柳 - 一上枱就飄來麵豉香氣，唔會炒得太乾身，有汁好送飯👍今日餐飲有冷/熱苿莉花茶/柚子蜜。堅尼地城後街小店，大概有廿幾個坐位，枱面很長，叫多幾樣餸菜都唔會覺得迫夾，坐得舒適。

好少寫食評但呢間小店真心驚艷到我價錢實惠 食材新鮮 服務好點解唔早d 發現 我係超級鐘意海鮮 終於搵到呢間超好味的天堂了 建議來之前打電話留定 因為新鮮送到可能好快無曬 希望多d 人認識呢間店啦

12點一開門無乜人 叫咗蠔仔粥 鹹魚雞粒炒飯 阿媽魚湯 之後見啲嘢咁好食再加個蒜蓉粉絲蒸蟶子阿媽魚湯鮮甜濃郁好奶白，但絕對唔係加花奶，真材實料，無腥味。蠔仔粥d蠔唔可以叫仔，因為好大粒！勁新鮮又乾淨，湯底係豬骨同蝦淆制，同出面嗰啲雞粉湯好大分別鹹魚雞粒炒飯即叫即炒，夠鑊氣。好多小細節位都睇到店家的用心，鹹魚磨得好細，有鹹香，但唔會好似平時喺出面食鹹魚雞粒炒飯咁 突然食到一兩啖好鹹，雞都整到微焦香，好正！之後再追加蒜蓉粉絲蟶子(篇野係等蒜蓉粉絲蟶子寫，所以之後再分享)同大廚傾計，佢好humble同我哋分享食材處理、煮食方法，睇得到佢哋嘅熱誠同用心，最鍾意幫襯呢啲香港local用心嘅小店，希望大家多啲幫襯，等佢哋一直可以做落去。大家加油！

踩完單車諗住返屋企時，老媽子又話唔煮飯，唯有出去搵飯食啦。西港島線風車咁耐都未試過去堅尼地城，不如就去搵下食べログ，一打開個app第一間就見到「海鮮角落」評價都唔錯，就直接去試吓囉，真係有啲驚喜嘅首先個魚湯係好濃，蒸帶子剛剛好熟非常嫩滑，個慢煮魚排比較多骨，應該係先慢煮左再炸脆再上蔥油，食既時候要小心的因為的骨位比較多，最驚喜係個串燒惹味又香口，最後個蠔仔飯非常之鮮甜，平時我唔太食蠔既都整左2碗。埋單2個人五百零蚊，性價比係唔錯嘅，如果去開西環可以試一試

餐廳燈光比較暗，影相唔太靚但啲海鮮係新鮮，煮都煮得好好味廚師亦係無咁忙既時候同客人傾下計好溫馨既感覺☺️☺️☺️唔只海鮮，啲串燒同乳鴿都好好味😛😛蠔仔粥又粒粒新鮮，同埋大大粒蒸蟶子極好味 😂老實說，唯一係個豉椒炒蜆咸左少少同有沙但都一定會再返轉頭！😂

有水準嘅海鮮首先係豉椒炒蜆，完全冇沙非常之惹味。鮑魚好淋好入味，有時啲鮑魚煮耐左會韌，但呢個完全唔會你以為海鮮主打嘅地方其他菜式會遜色？錯了，生炒骨好有家嘅味道🤣唔好過酸，唔會「拿」喉，喉汁包裹住舊肉，幾開胃。有鮮果帶出嘅甜味，而唔係糖嘅甜蟶子皇好大隻好爽甜。通常蟶子都係蒸，呢度有得揀燒。正唔係落左花奶所以有呢種奶白色 ，係真係用魚熬出嚟嘅色，飲得出好足料好落心機，女士們真係飲多啲～不得了嘅一款菜式。係用左成隻嘅龍蝦，起左肉再分佈喺多士上面。最驚喜係廚房會用搵龍蝦頭入面嘅膏，撈埋芝士做醬。龍蝦肉質彈牙，唔係霉嗰種，好好食👍🏻本人好鍾意食乳鴿，呢度嘅乳鴿外脆內軟，唔會死鹹，又好有肉地。估唔到賣海鮮嘅地方連乳鴿都咁正。終於食乳鴿嘅朋友推薦一試最後竟然比我發現有黑啤！已經book定左聖誕節約埋朋友12個人再去食🤣，真係好食嘅野唔怕試。

此店主打新鮮海鮮， 魚缸內空無一物。首先叫咗個二人餐魚湯 腥亦不夠甜。話係南非鮑， size細到大連鮑咁， 亦咬唔爛咁濟。油浸星班扒。 無味6隻細蝦仔， 手指尾咗大唯一正常係 扇貝絕對屋企個工人是但整都好食過佢。。。仲有張枱痴立立一個字。。。。 差差差

多數睇完早場,.便去這店食午飯. 午餐多數是食套餐的,從五十多元至八十多元都有. 如果想加一個魚湯,便要加12元.套餐也有8款可選擇, 我們叫了一個鮮魷炒粉絲, 加一個鹹蛋蒸肉餅套餐. 套餐是贈送飲品, 可選擇凍或熱的柚子蜜或茶.入到去剛開門,我們是第一枱客,之後便有多些客人來進食,但也不多,可能也只是有三四枱.等了大約十分鐘, 先來了鮮魷粉絲, 再上蒸肉餅. 蒸肉餅是有白飯送的, 但竟然鮮魷粉絲便沒有？這點有些出奇？我們以為每一個套餐都送一碗白飯,但侍應哥哥告訴我們, 點鮮魷粉絲這味餸,是沒有白飯的？但最終,哥哥侍應也給我們一碗白飯,多謝. 兩個套餐的味道,都可以. 蒸肉餅好味, 鮮魷粉絲也夠鮮魷,新鮮和有味. 平平常常的一餐.這店其實是食海鮮的, 晚上生意應比午飯好好多. 應要找一晚,去試試他們的海鮮,即點即煮. 他們說, 如果我們想食什麼海鮮, 可預早打去店舖, 他們便會找和報價, 那很好啊. 這是一間小店, 不是賣裝修, 實在. 會再去試試.

很喜歡光顧小店，尤其係用心製作既小店Order 左兩個 lunch set ； 另加$12配左佢個魚湯，味道拍得住啊媽煲既奶白魚湯。主食揀左個海斑蒸飯同蝦乾蒸肉餅，兩個味道都好調和～海斑蒸飯海斑味道新鮮肥美，鮮甜既魚油流曬落啲飯度，簡單既蒜蓉調味，基本都唔使落佢哋嘅蒸魚豉油。蝦乾蒸肉餅質感非常好，唔會太硬，又唔會好似落左好多粉咁，來自蝦乾的咸鮮味道，豐富左口感，係非常好既配搭。兩道菜都非常好下飯～ 簡簡單單友開心飽足既一餐 ！

呢間餐廳，一定要訂位，如果閑逸嚟嘅話，就唔使分兩輪，可以坐耐啲😜以海鮮黎計，真係幾好食同埋幾抵食蒜蓉粉絲蒸扇貝：扇貝好大隻，好爽甜，配埋金銀蒜同埋佢個自家製豉油，正鮑魚、聖子、龍蝦新鮮，蒸嘅火候啱啱好，肉爽鮮甜可口清酒煮花甲：清酒嘅甜味能夠帶出花甲嘅鮮味，連埋個湯都好好飲而家原隻龍蝦多士：呢個真係打卡一流，估唔到呢度除咗中式嘢食之外，做呢一個龍蝦多士都幾好食，龍蝦配埋少少茄醬肉碎，加埋個香脆髮包，又食出另外一種鮮味蟹粥鮮甜，洗咩去澳門食啊😏其實除咗海鮮之外，佢仲有啲串燒，都燒得OK，但係對比起嚟，海鮮的確比較出色

所有海鮮即叫即做, 不用複雜/重口味去做遮蓋 堅持選用最簡單身的煮法保持原味和新鮮食海鮮,唔洗下下去西貢既!而家多左好多主打食海鮮既餐廳!一樣每日用新鮮貨煮比你食!蒸蟹配糯米飯 原隻新鮮大蟹開邊蒸,新鮮炒既糯米飯有花生臘肉蔥花,夠香又軟糯 蒸完蟹既肉汁滲埋入飯之中!令到本來已經好香既炒糯米飯多添一份海鮮味道 蟹肉唔多,但味道非常新鮮 個飯食落真係香好多炸鮮魚柳配蔥豉油 新鮮魚柳起肉包粉炸 西式煮法中式食法 加蔥油同豉油食魚肉脆嫩鮮甜,配中式豉油又出奇地夾!三文魚肉碎沙律 三文魚切碎混醬放滿沙律,食之前拌勻,口感豐富鮮味清爽消費$500西環堅尼地城加多近街67號地下G16號舖