海鱻城

营业中

休息中

同同事黎樂富飲茶。點心幾好食🤓好食過上面間酒樓，而且份量都多。環境係正常有啲嘈吵嘅屋村酒樓，都好多街坊幫襯。蛋散勁大碟，有手臂咁長😂桂花糖漿幾甜，同蛋散一齊食好夾。蛋散味道似脆身嘅馬仔，唔會油淋淋。蝦餃燒賣正常發揮，每籠有四粒，都算大粒。七味豆腐外脆內軟，椒鹽鮮魷唔會韌，有比埋喼汁我哋點，可以解膩。春風得意腸包咗蝦、油炸鬼同三色豆嘅腸粉，味道都唔錯🤔雪山叉燒包都正常發揮，面頭微脆，叉燒餡熱辣辣。金錢肚惹味，大概有五六舊，底下墊咗啲白蘿蔔。蒸腸粉係早餐食嘅白雪雪冇包餡嘅腸粉，都幾滑lulu，有三條切開做九件腸。#沒有接受用餐款待

樂富一間有新鮮海鮮食的中餐，食物水準非常好，仲有好多好新鮮嘅海鮮，外面有個大魚缸。環境整潔乾淨，仲可以有私人房間添，服務非常好，又有禮貌又細心。今日食咗蒸蒜蓉蒸扇貝，炒斑球，奄仔蟹，豉椒炒蟶子，椒鹽鮑魚，炒芥菜，燒鵝，甜品係自家製嘅益力多糕。今日真係大滿足呀，我好欣賞嘅係豉椒炒蟶子，奄仔蟹，仲有個燒鵝同炒斑球，豉椒炒蟶子，豆豉味加上蟶子嘅鮮味，實在係難以形容，真係好好味，好豐富嘅一餐，仲有個燒鵝性價比高，仲滿滿嘅燒鵝味再加埋個甜醬就更加好食。

週末約咗一大班朋友同外國回港的朋友飲茶，朋友特意話一定要飲茶，太掛住啲中式點心，於是9個人嗌了20個點心/炒麵😆真係太開心！最驚喜係呢度可以嗌到「蛋散」碟頭非常大，沾上蜜糖非常好味😋另外，蝦餃燒賣牛肉球不能少。我地食午餐，見出面排左條龍，原來有下午茶優惠時段，下次有機會又試吓。服務員都好殷勤，叫加熱水加茶都好有禮貌，讚讚。

朋友介紹話樂富呢間鱻鮮城食海鮮好正就帶左屋企人去試 去到一睇價錢表 d海鮮都幾唔平 最後決定叫左個圍餐再另加個個都講到必食推介既椒鹽鮑魚同小食燒鵝上枱熱辣辣 皮脆肉滑 好得卡邦尼龍蝦伊麵 我自己個人就比較鍾意食芝士焗龍蝦多啲 卡邦尼個感覺好似相對冇咁夾香煎墨魚餅 呢個好好食好彈牙又香口濃湯雞包翅 呢個係加錢upgrade 好值得食 個湯勁濃 亦都有好多翅 好好飲椒鹽鮑魚 嚟到先知點解個個都咁推介 個鮑魚清洗得好乾淨 一啲都唔韌 炸過都咁軟滑香口 真係好好食 好值得叫另外都係菜 蒸魚同埋炒小菜 味道都好好 甜品係馬拉糕好鬆軟好味 我諗呢度飲茶嘅點心應該都好唔錯

今天7月24日，我們一家三口（2大人+2歲小朋友）一早起來大約8:30，去咗海鱻城酒樓飲早茶，我哋叫咗5樣早茶特價點心，香煎蘿蔔糕，金勾鹹水角，清香紅棗棧，煎釀虎皮尖椒，鵪鶉蛋燒賣，值得推薦係（鵪鶉蛋燒賣），好好食，計2位茶埋單$113，招呼唔錯，下次再來

今日一個人去樂富行街,行到見到間酒樓名咁得意中間個字有3條魚,就入去叫D點心試下,帶子餃,帶子鮮甜蝦肉爽口,煎蘿蔔糕,可能蘿蔔未係時候蘿蔔唔係咁清甜,但係味道唔錯，可以試下

今朝一早與家中一老去飲茶， 等一陣便有位安排在房仔內， 好正常咁每人叫咗一盅兩件， 坐吓坐吓越坐越熱流哂汗，房內其她客也在潑扇，我好正路叫侍應唔該開大啲冷氣， 佢好 hea 咁話商埸冷氣無得調已最大， 但我見房內有獨立冷氣機無開， 谷鬼氣既然咁我叫取消未來啲食物埋單走人去第二間食過， 一起身走第二位侍應攞住個 remote 來開冷氣， 同我講開咗冷氣了， 我都費事啋佢，以後唔會再來幫襯。 真係唔好怪人上內地消費， 香港好多食肆真係幫唔落， 完。

每況愈下的酒樓今年父親節約咗喺呢度慶祝， 訂咗頭輪6:00， 前一日已經打電話提醒叫我準時到。 今個父親節，外面比較冷清，人不太多， 呢間酒樓也如是。 我們一行準時到達酒樓， 由於是父親節， 酒樓已經將其他餐牌全部收起來， 主力推父親節套餐， 我問咗一位侍應有冇其他散叫，佢話吾知，再問多一個侍應，佢先至喺個衫袋裏面拎咗張menu出來。 然後叫咗幾個餸和留左壽包後上慶祝， 老實說的是佢哋嘅水準真係退步咗，質素冇以前咁好，好鍾意Sell貴價海鮮。 講咗壽包後上， 離譜的是我哋枱面啲餸未食完佢哋已經嗱嗱聲將啲壽包拎上嚟，真係離晒譜。 仲有壽包食咗一半， 另外又有一位支客走過來又話要同我哋買咗單先！ OMG 佢哋啲樓面同時合作無間， 嗱嗱臨將我哋啲碗碟筷子全部收晒， 想我哋快啲走咁樣！ 咁嘅服務態度真係好掃興😔， 防止食物質素又唔係高，真係冇下次啦！ 唔怪得香港飲食業咁差，唔係冇原因嘅！

好少過嚟樂富食飯 估唔到呢度有間酒樓食海鮮大廳環境濶落 朋友預訂咗間房😆菜單都係朋友預先寫好咗 食海鮮🦞為主🔆墨魚餅人齊前菜就即上 墨魚餅係炸嘅 🤣太開心食唔記得影相🔆牛肋條牛肋條有少少半炸煮的感覺 外面好脆口但啲牛腩位又炆得好淋 再點上自家咖喱醬 好特別嘅醬汁 少少辣辣哋但又唔會好咸 🫶🏻🔆宮廷濃湯雞煲翅酒樓姐姐上菜時都問我哋要唔要影相 一邊影一邊煮趐 估唔到個雞湯一啲都唔油膩而且口感好似飲牛奶咁順滑 翅我就唔識評價了 太少食😂 欣賞個湯！ 🔆椒鹽瀨尿蝦好耐都冇食過瀨尿蝦 因為要用手🙈 但酒樓好貼心 比我哋影完相幫我哋起埋肉 懶人恩賜🩷🔆奄仔蟹呢道菜係朋友話必點嘅 係用冇受過精的蟹 估唔到蟹膏咁多 酒樓有提供手套🧤食蟹 蟹肉都唔少 係幾野味 🔆金不換炒蟶子煎米粉餅呢道菜好有驚喜 平時出街食都係豉椒炒蟶子 但大廚用金不換炒蟶子 保留咗蟶子的鮮甜味但又有金不換的香草味🌿 最特別係個底層係煎米粉餅 米粉餅煎得好香脆 撈埋啲醬汁一齊食到停唔到口 🔆椒鹽鮑魚本人唔太喜歡鮑魚 有時煮得太硬唔好食 呢間鮑魚不但有口感 唔會硬 鮑魚清潔得又乾淨🙈而且個椒鹽味好香口🔆金銀蛋莧菜莧菜好新鮮 食落唔會有

呢度除咗海鮮出色之外, 其他食物都好有水準, 同埋呢度鑊氣好夠小炒皇平時小炒皇用料大致都差唔多, 但今次係我特別最鍾意, 韭菜花 , 魷魚切絲, 腰果, 蝦乾, 芋頭絲切幼條再炸過特別香脆, 呢個餸鹹鹹香香, 夠鑊氣, 佐酒一流燒鵝呢度除咗海鮮之外, 燒鵝係必點之一, 燒鵝皮香又鬆脆, 肉質嫩又香滑, 仲有鵝油香喇沙牛腩牛味濃郁, 肥瘦雙間, 軟淋味香椒鹽南非鮑魚呢度嘅招牌菜之一, 椒鹽炒過夠香口又惹味, 鮑魚彈牙鮮美, 口感仲有少少脆, 真係好好食龍蝦煎米粉大部分酒家都係做伊麵底, 呢度就係煎米粉底, 南澳龍蝦好鮮甜, 香脆米粉吸埋龍蝦汁嘅味道特別開胃蒜蓉粉絲蒸貴妃蚌貴妃蚌大隻厚肉, 肉質爽彈鮮甜冇過熟胡椒湯東星斑 呢個湯真係不得了, 胡椒味濃郁, 東星斑起肉切片, 鮮味嫩滑, 呢個魚湯唔係每次都可以訂到, 因為手工問題, 今次有幸食到好開心益力多榚清甜微微酸, 唔錯嘅一個小糕點糖水西米露有咬口, 一啲都唔甜, 清清地

由知客,樓面,上菜姐姐至經理都服務周到. 食物水準高,用料新鮮. 經理落單時會留意客人需要,提供建議！唔會硬推食物. 我想點多D食物,經理亦提醒可能過多,叫我食住先,唔夠先加👍點咗食物有：象拔蚌刺身,連爐上,可以用湯灼熟啲象拔蚌加咗一啲學鬥矮腳白菜食完象拔蚌之後再用個湯去灼白菜. 象拔蚌好新鮮係加拿大A蚌.豉油王花竹蝦,新鮮肉爽唔太鹹啱啱好鹽焗奄仔蟹,經理揀咗啲松皮蟹畀我勁多膏燒鵝例牌經理揀咗下裝畀我,成隻燒鵝髀正🥰清蒸咗一條遊水嘅紅瓜子,蒸到啱啱熟有鮮甜即刻攞咗一個白飯嚟撈魚汁😜見有老人同兒童,侍應主動拆蟹殼,蝦殼🥰飯後送上甜品,亦照顧大人和兒童嘅喜好. 大人有熱嘅紫米露小朋友係益力多糕☺️經理安排了房間,用餐沒有限時！餐廳有酒杯, 冰筒提供,啱我呢D愛喝酒的人😉

在網上尋找，位於九龍城樂富區有一間評論不錯的餐廳，位於樂富廣場的海鱻城， 今天同朋友一齊過嚟試試， 我哋6:30到達，餐廳不算大，食客不算多。 坐低咗一陣，一位戴眼鏡的經理便走過來不停推銷海鮮，說今天的海鮮好新鮮，好靚， 淨係不停一輪嘴咁喺度Shell啲貴價海鮮， 我哋心諗冇所謂啦，反正都打算來試吓啲海鮮，都想試吓，最後分別叫咗一條東星班， 油鹽焗奄仔蟹， 椒鹽賴尿蝦，椒鹽鮑魚， 同埋一個炒菜心。 想講一講的是，佢價錢都唔算平，賴尿蝦到差不多$300 －只，叫幾隻都已經過千蚊， 又唔算大，食落冇乜肉，味道正常，沒有驚喜，一點也不值得！ 還有東星班和椒鹽鮑魚，都是正常貨色， 只有油鹽焗奄仔蟹算較為出色。 未試過的朋友，總體嚟講不算差，但係個價錢就偏貴唔成正比. 自己想食咩海鮮就自己決定， 唔好俾人sell 到， sell得你嘅全部都係貴價嘢.

咀嚼中的繽紛盛宴，今晚嘅食評旅程帶大家去咗一家食店試吓啲手路菜。搵日正！鹵水豬腳仔啖啖肉咁，好食到嗲嗲聲，皮滑肉Q嘅感覺真係得意過癮啊😋。而家講下七味鹽燒豆腐，啖啖脆卜卜外皮同肉質滑溜溜嘅組合，完全係開胃之選！重點黎喇，豉汁蟶子，勁入味又鮮嫩，啲豉香撲鼻埋黎，微鹹中帶甜，味覺上真係有一番新體驗。椒鹽鮑魚又點樣？硬係令人眼前一亮，椒鹸味夠香，鮑魚嘅爽口同鮮味簡直係絕配！正宗好滋味。碧綠炒雙蚌加咗新鮮甜豆，蚌肉爽口得滑，無油膩感，滿足哂想要健康又美味嘅心願😊。接著菜花蟲草花百合炒帶子，西蘭花嘅清甜夾住帶子嘅鮮美，加埋百合，完美！清蒸海星斑，肉質細膩，蒸功一流，搭配咗豉油同蔥，純粹享受。上湯菜苗清新解膩，而脆皮潮連燒鵝，皮香肉嫩，塊塊皮脆卜卜，實在係完美收官😍。總結落嚟，今晚嘅食材新鮮，烹調得宜，層次感豐富，每一味都係口感同滋味嘅完美組合。今次食評介紹喇咁多，希望下次有機會，再同大家分享更多嘅美食之旅！

今次又係做完嘢匆匆忙忙趕過去同朋友食飯，一樣係朋友話請食飯，所以就去咗一個平時好少去嘅地區食飯，最大問題係今次因為做嘢遲咗，所以去到佢哋已經食咗幾樣嘢。今次應該係叫套餐嚟嘅，其中一個最大賣點應該就係個鮑魚，識落口其實又真係幾好味嘅，同埋重點見到其他枱上菜都係好適合打卡嘅一個菜。雖然張相就核突啲，但係個豬手都還算可以嘅。不過佢個小炒就真係有啲鹹，結果大家食咗半碟就已經冇再食落去。龍蝦伊麵，都係平時識到嗰啲嘅感覺，穩穩陣陣咁樣。佢隻燒鵝就比想像中好味，係有少少肥，但係都幾香口。條魚亦都蒸得唔錯，都唔會話蒸過龍，以套餐來計都算係咁。

甚少過樂富，但朋友話呢間海鮮好得，所以過嚟試下🤤煎墨魚餅$138望落去普通，但食落一啲都唔普通🤩超級鮮味彈牙，好好食😋（椒鹽南非鮑魚）呢個真係好出色，飽魚食落好爽口，椒鹽味合到好處，唔會搶走鮑魚原有嘅味道👅💬重頭戲黎啦😂😂有位叫Andy 嘅經理送隻鵝入黎，「潮蓮炭燒鵝」係用獨門自家技術😎超聲波燒出嚟嘅！話個燒爐會有超聲波，可以令鵝嘅毛孔擴張收縮，令到燒出嚟嘅皮咁靚～啲肉咁嫩滑😝西澳龍蝦（上湯）炸米底$1900出面酒家通常都係整伊麵底（食到厭）但係呢個係炸米粉出奇地好食😛😛鹽焗奄仔蟹（$2100/6pcs)👍椒鹽瀨尿蝦$（$2384/8pcs)好正，最正係有人幫手剝埋殼🤪甜品又係有驚喜！益力多糕❄️❄️川貝海底椰燉花膠湯好足料🤗認真，依間啲嘢真係好好食！