涼皮小姐‧麻辣米線專門店 (已結業)

做gym前想食啲冇咁飽肚嘅嘢，就驚咗喺屋企附近嘅米線鋪😋麻辣撈米線配雞腎、豬耳（走花生芫荽）份量正常，撈米線汁方面有豬肉碎、蔥、辣油等，食落都夠辣，有少少麻，味道都不錯👍🏻 雞腎同豬耳本身都係滷過，滷得幾入味，好似都帶少少辣，驚喜嘅係雞腎完全唔韌，非常好食😋 豬耳就爽口，兩個餸配米線都非常夾👍🏻小插曲係我哋去果陣係週末1點左右，雖然唔駛等位，但野食就等咗成20分鐘，因為book咗gym room最後要趕頭趕命咁食，等嘅期間店員雖然都有行埋嚟話因為外賣單比較多，所以要等耐啲，但如果只顧外賣而忽略咗堂食嘅客人就唔好啦😕

咁岩去開太和果頭做野，諗住是但搵一間店快食個lunch ，經過呢間店門口，見佢好多人買外賣，應該唔錯掛～好啦！就試下啦☺️本身好鍾意食辣野，見到餐牌上嘅野樣樣都想試😅😅最後叫左個涼伴粉皮+雞翼+野飲🥰叫左少辣，辣道對我黎講岩岩好，粉皮夠爽口，牛肚好淋，好食👍🏻唯一不足係太少芫茜，下次會叫佢落多D🤣另外加左個雞翼，佢地既雞翼皮比較乾身，但都juicy 既～都幾入味，有驚喜👍🏻整體呢餐都好滿意，店員都好nice同有禮物，下次去太和會再試☺️

味道絕對一流，環境乾淨對面亦都好有禮貌但係$62來講需要加錢嘅配菜既份量會否太少？四粒迷你萵筍四舊迷你蘿蔔肉少唔緊要 特地想食菜點知得兩粒希望可以改善下 唔係貪心 但係配菜真係太少

雖然店面不大，但環境衛生乾淨，坐得幾舒服。試過酸辣同麻辣湯底都好好味，但個人就覺得麻辣更加吸引😆冬天食仲暖笠笠。餸方面試過和牛同蘿蔔都幾好食，又平又抵食，好食過好多連鎖米線店。最值得一讚係員工服務！次次去都勁好service 好好態度，絕對值得表揚！等天氣熱返啲 會再試下佢個涼皮

今日試咗招牌手工涼皮（加腩肉同金錢肚）（bb辣）同清湯米線（加花枝丸），涼皮爽口嫩滑，腩肉同金錢肚好入味，配料豐富，炸黃豆有口感，清湯嘅配料有腐皮同肉碎，都好好味👍😋

其實本身這類型的麻辣米線或撈米線，不算太特別，不過在大埔區沒有這類型的店舖，就顯得別樹一幟。由於湯涼皮不算特別吸引，於是我就點了個撈米線，內裏除了肉粒之外還有些辣椒粒，好像尖沙咀我們經常吃的那間<<烏蠅館>>一樣，雖然看來有很多辣椒，但其實吃落不是非常死辣。但是配料不太吸引，我只點了個一口黑椒腸及腩肉，米線碎濕濕，像兒童吃的般；反而黑椒腸，細細條，咬落去還有黑椒肉汁，味道不錯。撈米線份量略略太少，不太夠飽，但辣得來夠香，這區鮮有這類店舖，可以支持!第二次來，反正都來到涼皮小姐，應該都要試一試它的涼皮，但想不到，原來正常的涼皮就是涼涼的放在碗內，冷凍食的，而不是放在湯來的。剛好這天過了廿四氣節的小雪，因此比較凍。不過這碗涼拌的涼皮，賣相好看，上邊擺了雞腎以及腩肉，旁邊有些花生碎、青瓜絲、還有些炸黃豆，味道不算太辣，涼皮煙韌，彈牙，不會太過軟。其實我本身叫豬耳，不過都已經端出來了，雞腎較堅硬，都可以一試，不過比較堅硬也沒有特別味道，不算特別吸引；腩肉亦都是肥瘦均勻，似乎是涼皮小姐的穩膽。由於今天天氣本身都較涼，因此後來吃到一半半，都難免搶奪了友人那碗湯米線

最近係大埔翠怡花園呢到開左間麻辣米線專門店，見幾多人食於是同朋友入去試一試。我地叫左一碗小辣的招牌手工涼皮，份量看似唔多，再配合小量青瓜同花生，涼皮有咬口，覺得還可以。另外，我地仲叫左三碗唔同湯底既米線，分別係酸辣湯，麻辣湯同麻辣撈米線味道較為出色的係麻辣湯，因為係比較有味，有夠辣但不夠酸，至於另外兩款係比較淡味，所以覺得普普通通，沒太大的特別。小食就叫左青瓜同木耳，最有驚喜既係木耳，夠爽同醬汁惹味！食完我地仲叫左個甜品，黑糖冰粉，黑糖味尚足夠，再配合花生糖，是不錯的。

由尼間鋪疫市開張後 我都成日黎幫襯 因為大埔好食既米線吾多 尼間鋪有好多特色小食😋😋 墨魚🦑咀 雞翼 雲耳 等等🤩佢地米線仲有好多吾同湯底選擇 我個人推介酸辣同麻辣湯底💜💜 無論夏天定冬天都好岩食！ 仲有，佢個涼皮同一口酸魚菜系鋪頭好出名既食物，我每次坐底食 都見附近既客會叫 😽因為真系好好食！我覺得尼間鋪每碟食物都好大分量 價錢公道😋重點係 尼度伙記個個都好有禮貌👍🏻👍🏻👍🏻極力推薦❣️希望每次黎都繼續保持禁好既水準 研發多d好味😋既野食同野飲

#double👧🏽👧🏻吃在大埔-【太和新開涼皮小店🌶🥢 】..#🥭👧🏻呢間小店主打涼皮同麻辣米線🍜 仲有少見嘅冰粉同其他特色小食💁🏻‍♀️每碗價錢(除咗清湯米線) 都係$29起 可以額外加自選配料($7-$12) 👧🏻叫咗兩餸 朋友就揀單餸～-🔻招牌手工涼皮🌶<小辣>配<墨魚頭+豬耳> ($50)配<雞腎> ($38)涼皮都算滑~口感似另一間兩姊妹涼皮 又冇喺葵廣食嗰種咁大片 呢度係寬粉的粗度自選配料方面 墨魚頭切得有啲細粒 略嫌欠缺口感 雞腎冇墨魚頭同豬耳咁濃味🙈配菜都有好多 花生粒 青瓜絲 炸黃豆etc兩個餸感覺多啲汁 冇咁乾好食啲🤣🔻涼拌特色皮蛋($22)🔻凍奶茶🥤(+$8)奶茶正常 如果茶味濃啲更好皮蛋就唔推介了 22蚊得八件 有啲貴☹️－－－－－－－－－🍴食物：7.5/10🏝環境：7/10🛋服務：7.5/10💲價錢：7/10💥翻兜指數：7.5/10✨CP值：7/10-🍴餐廳名稱：涼皮小姐‧麻辣米線專門店📍地址：大埔太和路14號翠怡花園B座地下15號舖-🔎菜式類別👉🏼#double_陝菜🔎選擇口味👉🏼#double_咸#double_

經常經過太和呢邊 都長期見到呢間小店大排長龍今日3點幾經過難得唔太多人排隊 即刻入去試試！首先叫左個開胃小菜 - 麻辣藕心佢有少少麻辣，亦都非常爽口，份量不少。主菜方面就叫左招牌手工粉皮，再加腩肉、墨魚頭。腩肉入味，墨魚頭爽口，粉皮好滑，份量好多，但碗就冇咁大，所以撈起上黎就相對有困難。但都好好食。最後就叫左桂花涼粉作甜品，味道唔好話太甜，亦都有桂花、提子乾作伴，好透心涼，正！餐廳環境好乾淨，老闆好有善，會同客人傾下計。絕對會再來！

服務好, 地方需然細，不過坐得舒服食左涼粉, 墨魚頭, 酸菜魚, 全部都好好味，價錢都好相宜！一定再幫襯, 見到隔離枱碗米線都好正, 下次試下！好味x10000000000

同朋友見到大埔開左間涼皮店，於是就黎左食晚餐。涼皮係比較少食到既，而且呢到既涼皮仲有炸黃豆，非常少有，而且仲有冰粉食。我哋嗌左︰招牌手工涼皮(+墨魚頭)、清湯米線、桂花冰粉、五彩水蜜桃。MenuMenu食物合照招牌手工涼皮︰好足料，比較少賣涼皮既舖頭，有炸黃豆更加係少見，墨魚頭勁好食，好爽口，有十幾粒左右清湯米線︰足料，幾多肉碎，米線非常彈牙，幾好。桂花冰粉︰涼浸浸咁啱哂夏天。稍為可惜係有少少唔夠味。五彩水蜜桃︰好甜好好飲，有唔少果肉。店員好有禮貌，好有心機咁介紹唔同既野食比客人。座位幾舒服，店內裝修比較簡潔。食物好食，而且幾抵。對涼皮有興趣既朋友一定要黎試下。

第一次吃涼皮，是多年前在大陸的街邊小檔買來吃，賣相不佳，但醬料調配得香香辣辣的，好惹味！涼皮在大陸是街頭快餐，想不到來到香港就入店了！知道去年在太子新開了一家主打涼皮的店，雖然一直想試，重拾以前吃過的味道，但一直都懶得出市區那邊試試！直至近日，朋友告知我，太和也開設了一家主打涼皮的店。既然在家附近，當然要來試試除涼皮外，餐廳提供的主食還有米線 (清湯/麻辣/酸辣/麻辣撈)，另有冰粉及多款小食啊！我毫不猶豫的點了招牌手工涼皮，同行朋友上次試了涼皮，於是她就選酸辣米線啊！另外還點了麻辣炸蝦球～～招牌手工涼皮 (小辣)，配料有花生碎﹑蔥﹑青瓜絲﹑炸黃豆及芝麻 (走了芫荽)，另加$9配雞腎。擺盤幾精美，比大陸街邊檔的涼皮高質好多！不過略嫌碗細了一點點，要撈勻麻辣醬及配料會有點狼狽。先試涼皮，冰凍滑溜之餘亦能吸收麻辣醬汁，夏天消暑開胃一流小辣不太夠辣，下次可試中辣，但都算惹味！配料充滿各種脆脆，還有爽脆的青瓜絲，增加口感豐富度。唯雞腎稍稍偏乾硬一些～～酸辣米線，加配牛柏葉及金錢肚。朋友本來點了小辣，但覺得完全不辣，就拜託店員幫忙加辣啊！嚐了一口，米線配有很多酸菜，酸度足夠～～也試了金錢肚，好軟稔

見有涼皮同冰粉就叫左黎食雖則店面細細但都有3位樓面員工落單唔洗等叫左個涼皮小辣加腩肉同腐竹+凍菊花蜜因為疫情關係所以有提供即棄筷子菊花蜜好快上枱可能因為比你用黎解辣🤨？我覺得甜左少少 但可接受涼皮黎到望落都幾大碗 好足料下咁腩肉係有醃製過既所以好夠味配料炸黃豆都好好食但D青瓜絲乾身左D可能因為切好左放左一段時間乾左水而對於唔係好食得辣既我小辣係接受到既😌（食譚X10小辣的人）食個時諗住撈下先食但發現係好難撈既🤦🏻‍♀️因為個碗唔夠大所以撈個時D青瓜,花生碎飛左出枱⋯食完涼皮叫多左個桂花冰粉食都係足料既食落好香桂花味仲比我食到條桂花個條樹枝仔😂最後就係覺得如果個涼皮可以加底, is 杯菊花蜜同冰粉可以凍D就好了😌

疫情下難得可以出去食下好野，黎左呢間涼皮小店，原來仲有其他湯米線同好多小食選擇😋首先叫左個一口酸菜魚做頭盤，一黎到已經見到賣相好精緻，食落去好香，辣同麻兼備！整體味道搭配得幾好。涼皮就叫左雞腎同藕尖做餸，第一次食藕尖，爽爽脆脆，店家加左少少孜然調味，味道提升了。涼皮口感滑滑並有彈性，配埋醬汁，味道剛好。下次可以encore！