淥烚年代

营业中

休息中

太太生日，今年選擇到源於佐敦吳松街「尚鮮火鍋海鮮料理」的分支店，「淥烚年代」再試下精品火鍋以外嘅私房菜，由於老闆之一及大㕑都過左新店撐場，所以水平依然保持高水準。雖然一行五人，但老闆（史提）知我為太太慶生，所以特別安排咗獨立房比我地（全店共有三間房）。今晚菜單一星期前同老闆溝通過及經其安排後，令7餸1湯嘅全海鮮餐更出色。由七點食到十點，全家人都非常滿意及享受今晚豐富晚餐。1. 北海道海膽、帶子剌身（12份）2. 金目鯛剌身3. 椒鹽金目鯛魚頭腩4. 蒸扇貝配日本葛粉（非粉絲或薯粉）5. 椒鹽珍寶瀨尿蝦(6隻)6. 上湯龍蝦配鍋巴(兩隻共四斤)7. 黑松露西蘭花炒雙蚌8. 海底椰螺片湯*芒果拿破崙蛋糕+兩支香檳(自攜)

自從通關之後尖沙咀海傍道熱鬧很多，為慶祝母親節將至，我和家人一早已經book 咗尖沙咀地鐵站A出口鄰近海傍道寶豐大廈淥烚年代私房菜吃火鍋。裝潢實而不華。首先來過鴛鴦湯底，分別芫茜湯底和沙嗲湯底，再來一盆有多款不同部位的牛肉拼盤 ，精緻金莎手打牛肉丸，口感一流。黑松露肉丸 也不遜色，自家製品牌有獨一無二的養顏桃膠素水餃 ，很有特色。大大隻鮮甜爽口的鮮蝦雲吞，餡料豐富。我最喜歡將煙韌烏冬和新鮮爽脆鵝腸 放入沙嗲醬湯底 , 簡直冇得頂，加上侍應的殷勤款待，令這個母親節充滿溫馨和滿充的感覺！

打邊爐吹水好地方♨️🌬️.平時行過海防道都唔太覺有間打邊爐嘅餐廳，而出街打邊爐印象一向都係周圍都好嘈傾唔到計，呢度可以畀你安安靜靜同friend子們傾下心事😮‍💨👯‍♂️👯‍♂️唔使拍待應送遞火鍋料時撞嚟撞去。發咗癲食咗好多款怒未能盡錄，主要會揀啲highlight推薦項目！.1️⃣白鱔片($138)上枱時有10塊，大約淥20秒左右就食得，首先縮水係必然，但佢無乜骨、魚肉唔散好鮮甜要讚👍🏻其次係個魚皮淥熟完超級脆同爽口.2️⃣珊瑚蚌($98)無怪腥味、雪藏味，淥完縮水程度可接受，肉質爽口.3️⃣炸響鈴($58)呢個真係必點！！佢絕對唔係用來貨pack好嘅響鈴，你係睇得出佢人手即炸，件件都係脆口熱辣辣，浸落湯兩三秒就食得😋. 4️⃣百花釀油條($68)呢個其實係蝦膠釀油炸鬼，鮮味十足，美中不足係略嫌個油炸鬼偏硬有少少刮口，如果唔係都係中上水平的🌟.性價比：🌕🌕🌘🌑🌑美味度：🌕🌕🌕🌕🌑獨特性：🌕🌕🌕🌑🌑.♨️淥烚年代 (尖沙咀)📍尖沙咀海防道32-34號寶豐大廈2樓.@the60s_hotpot #淥烚年代 #打邊爐 #火鍋 #hotpot #尖沙咀美食 #香港好去處 #九龍好去處 #新界好去處 #性價比高 #香港

淥烚年代除左顧名思義有火鍋之外，仲有超正中式海鮮私房菜😋四個人食五餸一湯夠晒食，仲有大隻龍蝦扇貝等高級食材～1️⃣龍蝦炒飯⭐️⭐️⭐️⭐️⭐️以炒飯舖底吸收晒龍蝦嘅鮮味，上面大大隻龍蝦超鮮甜多肉夠晒新鮮，鍾意食海鮮絕對不能錯過！龍蝦起好晒肉好方便，唔鍾意剝甲殼類嘅女仔朋友都可以用筷子就食到美味嘅龍蝦肉。加上上湯淋喺面，絕對係值五星嘅菜色😍2️⃣粉絲蒸扇貝⭐️⭐️⭐️⭐️⭐️又一道滿分嘅海鮮菜式～扇貝大大隻之餘仲有好大塊橙膏，放上蒜蓉一齊蒸逼晒啲鮮味出嚟，扇貝嘅汁由粉絲吸收晒，啲粉絲充滿精華好鮮甜！3️⃣冰鎮咕嚕肉&手撕雞⭐️⭐️⭐️⭐️除咗海鮮，肉類一樣出色。咕嚕肉熱食得多，冰鎮夠晒特別～個盤加埋幻燈效果，賣相一流，而冰鎮之後嘅咕嚕肉鎖住肉汁，外脆內軟，而且冷盤好fresh，加埋火龍果夠晒開胃，食極都唔會滯🤩手撕雞有青瓜伴碟，都好清新，有肉有菜飲食均衡～4️⃣雙蚌 - 珊瑚蚌&象拔蚌⭐️⭐️⭐️⭐️啲蚌好彈牙爽口～清清地夠晒新鮮，襯埋好fresh嘅西蘭花喺底，更加清新！總括而言，如果大家想搵食私房菜又鍾意海鮮同埋中菜，下次不妨試吓淥烚年代~

想打邊爐但又想係個靜靜地既地方盡情打同不被打擾，依間主打私房菜體驗既淥洽年代幫到你🤩今次同朋友嗌左最經典既芫莤皮蛋湯同沙嗲雙拼鍋，主打六品牛拼盤（$418）同日本黑豚肉（$68）就點都走唔甩要叫，但估到海鮮如白鱔片（$138）同珊瑚蚌（$98）都好鮮甜😋鐘意食餃既朋友可以嗌手打雙拼餃，養顏桃膠餃同蟹黃餃口感特別得來夠fancy🥟！最後邊爐必嗌、索汁首選既蜂巢豆腐（$48）同鮮炸響鈴（58）我同朋友都覺得係全場mvp，好食到停唔到口，仲忍唔住後加咗百花釀油條，啲蝦膠配合油炸鬼好惹味！

同母親大人慶祝，梗係要食好野，家姐提議尖沙咀食私房菜，在Openrice訂座仲有88折優惠。6位以上可以自訂菜式，我哋叫左5樣野，全部都大大碟，好抵食：茶樹菇花膠燉湯：用料十足，花膠、茶樹菇、紅棗、滋補養顏，打開蓋就聞到陣陣香味。特色手撕雞：雞肉香濃嫩滑，油脂適中，不會有油膩感，配埋特色涼拌醬汁和爽脆既生菜，開胃前菜。冰鎮松板豚肉：新鮮即炸既松板豚肉，外脆內嫩，配上新鮮火龍果伴碟，口感和味道絕對無懈可擊。西蘭花炒雙蚌：西蘭花顏色翠綠，珊瑚蚌和桂花蚌，爽口鮮甜，用松露炒惹味非凡。澳洲龍蝦炒飯：龍蝦起晒肉，擺上龍蝦外殼做裝飾，上枱既霸氣又吸睛，炒飯份量大，上層既龍蝦肉吃起來很過癮。總結，所有菜式都係即場烹調，確保食物新鮮味美，服務員態度殷勤，又會詳細介紹每道菜式，十分專業。

海防道淥烚年代主打火鍋，最近更推出私房菜，今晚一於去開餐。私房菜式可以同餐廳商議，按照食客口味將食材作出改動，非常有彈性。而家做緊優惠，6位以上送自家製飲品兩瓶，相當超值。特別推介下面4款必點佳餚：茶樹菇花膠燉湯：一碗熱辣辣既燉湯送上枱，打開蓋香氣立即撲鼻而來，真材實料，甘香濃稠。冰鎮松板豚肉：表面粉薄香酥，入口酸酸甜甜，味道均衡，內裡既松板豚肉爽嫩厚肉，脂肪甘香不膩。特色手撕雞：金黃色既雞皮，晶瑩而散發甘香，肉質細嫩，鮮美含汁，並帶有濃郁雞味，直至骨髓。澳洲龍蝦炒飯： 龍蝦鮮甜爽口，多膏又啖啖肉，讓平民炒飯變身奢華美食。整體來說，餐廳無論裝潢、食物都充滿驚喜，位置便利，座位舒適，服務優質，性價比高。

很喜歡這家餐廳的燉湯及蒸飯，沒有落味精原汁原味，很有住家飯的感覺！$78一個飯一個湯，各有3款選擇，而且3款我都試過，全部都好食，但最中意蟲草花蒸雞飯，最入味！個飯有蟲草花，蒸雞都好嫩滑，好大舊，絕對夠食！我第二最愛就係桃膠蒸肉餅飯，用粉紅豬肉，再加埋桃膠好養生，而且一啲都唔鹹，是有仲係自己會落幾多就落幾多，完全就晒個人喜好！黑松露排骨，我試過一次，都幾特別中西合璧！午市沒有加一服務費！好抵食！無味精既湯

之前係IG見有人推介呢間餐廳，咁岩朋友生日，佢request要打邊爐，於是就帶左佢黎呢間度慶祝。呢度無論係裝修，用具定係擺盤都勁打卡able, 黎慶祝特別日子都勁有face~一開始落左單之後就有職員捧左一大盤醬料材料黎，除左平時好common嘅材料之外，仲有好少見嘅洋蔥同埋芝麻，耳目一新呢度好似比較多人推介食內臟，咁岩我朋友都係一個好鐘意食內臟嘅人，見佢呢度提供咁多款嘅內臟我地都叫左唔少黎試下。內臟嘅部份我地叫左豬潤，豬肚，鵝腸，同埋比較少見嘅粉腸黎試。粉腸我真係成世人第一次食，但朋友極度推介。食落嘅口感都幾特別，外面煙煙韌韌，但咬到入面又有少少豬潤個種比較淋身嘅口感，都值得試下～豬潤非常新鮮，切得厚薄適中，爽口得黎內裡又有D軟淋淋。不過咁多內臟黎講我都係最鐘意食鵝腸，爽口又掛汁，打邊爐食最過癮！湯底方面我地叫嘅係鮮茄雜菜湯，雖然個人黎講打邊爐係比較鐘意食D濃味D嘅湯底，但朋友話太濃味會蓋過左內臟嘅香味，佢生日佢話事啦～但個湯嘅蕃茄味都出，唔會感覺太單調打邊爐嘅重點之一就係牛肉，所以我地叫左一份鮮牛肉，估唔到細份嘅份量都唔少，其實3-4人食都冇問題! 2個人食食到捧住個肚走! 由個色澤

週日家庭樂，相約家人黎到隱私度高既樓上火鍋私房菜食野，店如其名有供客人淥下烚下既火鍋，原來仲有私房菜餐單可選擇，我哋今日黎到先試試佢既主打火鍋！聽聞佢既湯底用左3小時熬煮而成，果然名不虛傳，川貝百合燉螺片湯，真係好清甜好滑，螺肉經熬湯後仍很鮮味，仲可以食埋，入口有少少咬勁。手切安格斯牛肉，每一塊切得厚薄均勻，而且肥瘦亦都好平均，咬落去肉味香濃，而且冇乜筋，可以睇得出舖頭揀牛肉嘅時候嘅用心。鯛魚刺身，由日本新鮮空運嘅鯛魚，即叫即劏即叫即劏，非常新鮮。即炸響鈴，豆味濃郁，唔同坊間已經包裝好嘅響鈴，由於係新鮮製作嘅原因，所以入味超級快，浸一下就可以食得。午餐肉，唔會太鹹，肥瘦均勻，真係一樣好好食嘅配料。脆肉鯇，師傅除咗將脆肉鯇起咗肉之外，仲將佢介蝴蝶刀，令佢面積比較大，更好入口。凍豆腐，鴨血，超入味，吸收咗本身一個咁正嘅湯底嘅精華。手工鮮蝦雲吞，絕對冇偷工減料！大大隻蝦喺裏面，而且好細心地，蝦肉冇完全剁碎，只係將佢拍扁，所以食得出鬆軟，但係完整地成隻蝦。可以稱得上係一隻皮薄餡靚嘅雲吞！蔬菜拼盤，每樣蔬菜都非常新鮮，而且有多種嘅菌類！呢間餐廳用料新鮮，用心處理每一道食材，店員服務亦十分照顧周到

今日經朋友介紹下，嚟到呢間私房菜火鍋店食嘢，個名好特別，叫淥烚年代。💁🏻‍♀️💁🏻‍♀️而家喺OpenRice訂位，指定時間日子仲有八八折，我哋今日就係用呢個優惠。餐廳主打係打邊爐，但係亦都有做私房菜菜式。川百合燉響螺湯底,真係好濃郁，響螺肉質都好鮮美，湯底入口滑，川百合味道好突出，真係好好味。安格斯手工牛肉🥩，肉質非常嫩滑，好juicy。肉汁濃郁，上等之作。鯛魚刺身都非常正🐟，魚肉鮮甜，配上wasabi 同醬油，可以體驗到白身魚嘅清香同埋優雅。即炸響鈴🫘，炸得好酥脆，唔會油膩，好好味。而且豆味極之濃郁。脆肉鯇🐟，啲肉質非常脆同juicy，真係好食到爆。手工鮮蝦雲吞🦐，皮薄厚度啱啱好，蝦肉鮮美，而且餡料嘅份量可以話係爆炸級！新鮮蔬菜拼盤🥬，蔬菜都好新鮮，健康又好味。鴨血，蜂巢豆腐，口感非常好，特別係蜂巢豆腐，豆腐質地非常細緻，兩樣嘢都可以吸咗湯底嘅精華。📍淥烚年代 (尖沙咀) 📍地址: 尖沙咀海防道32-34號寶豐大廈2樓#美食 #打邊爐 #火鍋 #冬日必吃 #暖身 #好味道 #食物控 #美食愛好者 #熱騰騰 #幸福時光 #港式風味 #經典菜式 #豐盛餐點 #共享美食 #滿足味蕾 #經典打

打邊爐呢家嘢不嬲都唔會分季節！前幾日收工就同朋友去咗打邊爐😋😋《淥烚年代》幾時都話，港式邊爐係最正😋😋先嚟一碟安格斯（小份）🥩🥩🥩雖然寫就寫係小份，但兩個女仔夠食有特🥹擺到靚靚咁上嚟～睇落似手切！每塊都有一定厚度🫢碌一碌就食得😋😋入口未到即溶但肉質嫩滑，啖啖滿足🥹海蝦🦐🦐🦐好有心咁一隻隻用竹簽串住👍🏻方便碌又方便食！一向好驚係出面食海鮮，驚會腥🥹但呢到嘅🦐🦐竟然有驚喜！一啲都唔腥！仲要厚肉得嚟肉質仲好爽滑😋😋😋真係好好食🥹一定要點！食完蝦就食埋魚！白鱔片🐟🐟一睇就知好新鮮！魚肉冇骨🤍🤍碌完之後會捲起一片片咁！唔會一碌就散～肉質紮實！咬落去爽口彈牙😋😋港式打邊爐就係要呢啲👍🏻三拼丸（鮮牛丸、墨魚丸、鮮蝦丸）每款有三粒👍🏻全部都好彈牙！食落似手打嘅～當中最鐘意鮮蝦丸😋😋係真係食到蝦味！總之三款都好好食！必點～

今日要去尖沙咀買啲野，順便搵咗個地方打邊爐。朋友介紹呢間打邊爐，4月份而家做緊星期日至四晚正價88折～撞正有折喎😍😍😍啱晒我啲師奶仔～🥰🥰🥰呢間位置都幾方便，係海防道中間去阿士厘道條樓梯，轉入去搭𨋢上2樓就到～～淥烚年代～個名都幾得意，玩食字🤣淥烚60淥烚60，下次約人打邊爐試下打「不如去60」睇下有無人知我講咩先😂😂😂望下餐牌先，原來佢除咗打邊爐之外仲有做私房菜，好多款式選擇😋😋😋另外仲有做午市套餐，有湯有蒸飯。既然佢私房菜主力係海鮮，陣間打邊爐等我都叫啲試試佢～揀好晒野食，就係醬油時刻。每次打邊爐都好鍾意點辣椒豉油，見到呢個調味盤咁多配料就開心，加咗辣椒，蒜頭，脆蒜，芫荽😍😍😍醬油 is ready👍🏻👍🏻👍🏻跟住就送上雙拼鍋-沙嗲拼芫荽皮蛋湯😍😍😍一清一濃，食鮮味可以用清湯底，想食有風味就用沙嗲湯底，呢個經典組合係我嘅favourite，開行個爐滾返熱下佢先～湯底is ready😋😋等緊個鍋滾嘅同時，啲野食亦都送上檯，時間啱啱好👍🏻👍🏻仲要係我嘅至愛安格斯肥牛😋😋😋😋😋跟手，其他野食都一次過送上～😍😍😍新鮮鵝腸$98 蜂巢豆腐$48，牛柏葉$68，活海蝦$128，萵筍片$58，大

今日老公帶我打邊爐，係一間樓上舖呢間坐得好舒服，如果人多，仲可以有房坐個爐都印有logo一坐低佢就俾個九公格我地，調定豉油嘅料我眼裡只有芫茜，但納眼都見到少見既紫洋蔥又想食辣又想唔辣，可以加錢雙拼左邊係沙嗲右邊係皮蛋芫茜想講個鍋本身已經勁多料，皮蛋重手，鴨血又多鴨血仲要超好食！兩丁友，叫得唔多安格斯牛肉、菜心苗、蒿筍、日本黑豚肉、牛柏葉、水魷，粉腸菜真係條條都好嫩，放入辣鍋索曬d辣汁食又係別有一番風味濃郁既牛味同柔軟既質地，安格斯真係最愛既種類之一日本黑豚肉，呢個有驚喜上台先見佢色澤已經勁靚，脂肪分佈均勻放入口超香，有一陣微妙既甜味真係唔食牛都要食豬另外碟粉腸都好高質，平時mama地粉腸但同海膽一樣，如果係靚野就真係識品嘗佢既好食之處口感幾q彈，內餡豐富鮮魷又係要提一提，佢勁厚！！！超有份量同埋好鮮味，好厚肉又嫩唔會好似咬擦子膠咁打邊爐就係要食呢d新鮮既野！結論，好食加好坐，可以再食好多次

出消費券的日子，實在應該好好咁樣整返一餐，大家舉手都話打邊爐，更有朋友介紹尖沙咀有一間非常雅致的去處，於是心思思地走咗上去，（淥烚年代）好有feel嘅店名，內裏的佈置令人想起阿飛正傳，但是手切🔪安格斯牛肉卻平行時空地出現……放落個銅鍋再經過沙嗲湯底十幾秒，嗰種彈牙、嗰種軟滑、好味到連個嘴都有記憶，保證60年代一定冇咁嘅味道，今晚相信只有牛脷才可以與他比較，真係倚天不出誰與爭鋒，這個牛脷有啲咬口質感和安格斯牛肉不同，我們幾個有說牛肉最好，亦有說牛脷才最好吃😋，其實今晚還有百褶豆腐、鵝腸、即炸響鈴，桃膠餃子，萵筍、和（一木箱）菇和菜，海鮮的出現，也實在搶眼，脆肉鯇魚、大蜆、蝦🦐⋯⋯不辜負了（鮮）這個字.如果一定要挑剔，就可能係今晚沒有梁朝偉（講笑）.店員的親切和細心服務，其實都好窩心嘅！原來除咗打邊爐佢哋都有私房菜，睇吓個Menu真係口水都流埋，班老友記都好認真咁講，值得一試！