深仔記

营业中

休息中

嗰日入去食咗個鮮茄焗豬扒飯焗飯係炒飯底 個飯仔吵到好乾身 粒粒都有雞蛋香好好味 熱辣辣個汁亦都條配得好好豬扒已經幫你切到一件件方便你食齋食個焗豬扒飯已經覺得好滿足另外我哋叫咗一個常餐個沙嗲牛肉通粉都好好味個沙嗲汁勁濃另外杯熱檸茶都沖得好出色有茶味之餘又唔會有檸檬嘅澀味加上每一個餐大約$50就有成交絕對係性價比高嘅選擇店員服務亦都唔錯(茶餐廳來說)而且位置都幾方便下次經過不妨嚟試下見到佢其他小菜都係賣相都幾吸引

係觀塘工業區搵食雖然有好多選擇，但有時都會想快快脆食完又一餐，咁呢間都係可接受嘅選擇。嚟咗2次食下午茶，3 4點幾都仲係好多人好旺，今次叫左個常餐食。點完好快就比左個炒滑蛋同豬仔包我，個炒蛋夠熱，唔會好水，但豬仔包就太硬了，個口感有啲似本來烘完擺左係到好耐，要出餐先再烘一烘熱咁🙈。瑞士雞翼有兩隻，汁嘅分量適中，唔會太咸，但麵嘅分量感覺少左啲，定係我真係太肚餓？😂凍檸茶太甜了，下次都係叫返少甜吧另外因為人多，我坐左張4人枱被間版，但佢係向住對面咁打橫間，有啲迫同尷尬😅

第一次係openrice 出post, 但預到d 咁ge 店 真係要將佢公開，等大家唔好中招。2021年6月25日 星期五 8:45pm到達餐廳，係觀塘食過好多間餐廳，未預過咁差ge餐廳，跟本就係呃人，服務態度極差。同朋友到達時，發現9pm後只有數個宵夜餐可以選擇，而宵夜餐係只有幾ge款，係某幾個普通餐牌 炒粉麵但一定要加飲品，其中一個是 楊洲炒飯。普通餐牌 港式炒粉麵飯 每款$54, 寫住由11am後開始供應(看圖1) 。當日8:45pm入到去，發現9pm後只有數個宵夜餐可選，又唔係自己最想食，就諗住快快手落個炒豬扒公仔麵，點知個侍應話已經不可以叫 普通餐牌，果d食物已經唔供應，我心諗廚房師博可能提早了沒提供某些食物，那我眼見宵夜餐有 楊洲炒飯，我就叫普通餐牌的楊洲炒飯 不跟飲品吧，點知侍應話普通餐牌係下午茶餐牌 話8:45pm沒有供應唔跟飲品的楊洲炒飯，當時我已心知這間跟本就係 呃人！ 在未夠9pm都迫客人選擇宵夜餐，要客人跟餐飲 , 想賺更多錢。最後，我就叫了宵夜餐 楊洲炒飯 加 凍奶茶(看圖2) ，當時時間是8:50pm, 但最後佢入單時間是21:02(9:02pm) (看圖3

過咗10點觀塘都冇乜嘢好食，行咗好耐終於嚟到呢間，見佢開到兩點，太好啦。夜晚唔想食咁多嘢，叫咗碟韭菜，同埋一個迷你三寶，有魚蛋水餃同埋雲吞。嘩水餃同雲吞啲蝦超爽口，又好夠味，不過碟油菜就由咗少少，已經叫佢走咗蠔油，睇嚟下次要叫佢落少啲油添。

佛誕放假同幾個朋友去觀塘游完夜水，肚仔餓就去買宵夜返屋企醫下肚仔🤗可能游完水都已經十點多既關係，所以餐廳既選擇不多！行到搭車附近既天橋底見到呢間茶記仲開緊而且外賣有9折優惠，即管就試試去！宵夜餐大概有十多種選擇，而唔想食宵夜餐餐都仲可以叫常餐或者單點正常茶記有既食物！尚算多元化！最後我揀左宵夜餐既魚香茄子炆伊麵$60+凍檸茶$3+芥蘭油菜$20+外賣$2再9折番，盛惠$76。等餐時間十分鐘，而回家用了二十分鐘！所以野食都仲係熱的，魚香茄子炆伊麵味道同火喉都夠又不太油，而且份量算多！芥蘭就比較老一點，大概是因為現在不是當做季節吧！野飲係大杯的外賣杯！所以都幾抵！

放假同朋友去食個下午茶，叫咗個黑椒鐵板炒烏冬，一上菜就聞到好香嘅黑椒味，熱辣辣滋滋聲，完全係新鮮滾熱辣出爐，食落去好惹味，嗰啲肉片食到停唔到口🤣之後仲叫咗雞翼西多茶餐，個西多好脆邊，炸得啱啱好，雞翼都好香好脆，放假冇嘢做屋企附近又有深仔記，係深仔記tea吓都唔錯啊😋

全香港最好味嘅水餃一定係深仔記。深仔記已經有五間分店歷史非常長!每星期我跟男友一定要嚟呢度食一次, 是我哋必定要食的每週食物。 佢哋下午茶係最好味水餃凍檸茶簡直完美!水餃裏面蝦好大隻,匙羹一樣大!!!!如果你喺香港人有冇食過深仔記, 咁你就係冇做過香港人。

細用係香港民間美食之一，🍜店競爭の激烈可想而知，能夠🏃🏻‍♂️出既一定絕非等閑。一間可以有咁多間分店既深仔記確係有啲料到👍🏻。佢地價錢唔算好平，但☝🏻碗🍜有🖐🏻粒雲吞，雲吞size亦正常，唔會話好袖珍。雲吞啲🍤都幾爽口，重麻油味，湯底係典型大地🐟個隻，整體質素唔錯。佢地有麻🌶口味，但唔知點解lunch既麻辣湯麵加六蚊🐔可加熱飲，但正常細用加🥤要正價。其實麻辣只係正常細用加上去，再加啲🥜，就秒變重慶麻🌶湯麵🤣。正常細用食得多又想轉下口味既朋友，唔怕麻🌶可以試下🤗。

其實我一直都有幫襯開深仔記旺角店,  旺角店食物都可以算係叫做Keep到水準.話說早排行經觀塘,竟然見到觀塘都有深仔記,咁岩又差唔多到晚飯時間........當然要試下好味嘅牛筋腩麵,點知咁就成為我一次難忘嘅回憶!!!!!.......................當碗牛筋腩麵嚟到嘅時候, 表面都算正常,但翻開麵底下嘅牛筋腩,竟然見到牛筋腩裡面夾左幾條各長2cm嘅陰毛!!!!!!!!!!我食左兩淡之後即刻同樓面呀姐投訴,之後呀姐話可能係牛毛,然後3秒內極速換過另一換俾我, 銷毀罪證!!!!!!可能我當時岩岩收工之後有點攰,就無再深研落去,但翻到屋企再諗深一層, 上網再搵下資料,牛筋腩根本唔會有毛!!!!令我更相信果幾條就係陰毛!!!!!!覺得成件事太過份!!!!!!!!!陰毛本來唔應該出現喺食物度,而且仲要幾條!!!!! 仲要每條都好粗!!! 唔通整野食條友真係盲左???????好後悔無立即call食環同底影相...........牛筋腩麵本來係我最愛食物之一,但從今令我對牛筋腩都有陰影,,,諗翻起都想嘔

眼見疫情放緩，相約同事出外，專程坐小巴去觀塘工業區吃午餐， 來到這間同事推薦的招牌雲吞麵店-深仔記。服務員快手快腳， 可惜凍飲少冰落左少甜。午飯時間難免擠迫， 幸好還有卡位可坐。我們點了麻辣招牌雲吞麵 有四種辣度 :微辣/小辣/中辣/大辣我第一次嘗試選擇 微辣，同事則選擇中辣。可自由轉配河粉，米粉等。麵餅不硬，沒有難以入口的鹼水味。湯底麻辣混合，配合相容，下次可挑戰高一層次的辣度。招牌雲吞， 5粒大大隻，爽口彈牙用料新鮮，咬開入面蝦肉明顯均勻，值得推介。

好少去觀塘，最近喺附近上緊一個課程，每日都喺度捐窿捐罅搵好嘢食。見到深仔記門外有好大個餐牌，以為係平時工廈飯堂食頹飯，都冇乜特別期望。睇吓個餐牌，咦！又幾有驚喜喎，佢面類唔單止有雲吞麵嗰啲港式面當必備嘅配菜，仲有新鮮魷魚、肥餓腸等等。食物方便好有驚喜，首先黑柏葉嘅份量好多，你見到足足鋪滿成碗面。黑柏葉切成幼條，比較容易入口，而且烚得啱啱好，唔會熟得滯過軔，有咬口得嚟唔會𡁻唔爛。麵質同埋湯底都係有傳統麵家嘅水準，老實講我覺得麵質拍得住「奀X記」。入口係爽口嘅，唔會淋Patpat亦唔會硬到𡁻唔開。麵嘅梘水味唔係好重，亦夠彈牙。湯底有淡淡大地魚湯味，即使我碗面入邊已經有好多薑蔥，但係依然食得出湯底有魚味，而且唔會比鹼水蓋過湯底嘅味道。隨麵附上辣椒豉油，唔算好辣但幾細心，俾你配黑柏葉去食。而且價錢都算公道，我叫嘅薑蔥黑柏葉麵只係$43 ，好多時出邊黑柏葉都唔可以直接配麵，要單點價錢就會比較貴。加$10去買凍檸茶，買單都只係53 ，算幾抵食。食品質素整體都好高質，座位都舒服因為我有梳化位，但店中間嘅圓檯就要坐膠凳，可能無咁舒適。另外我叫嘅少甜凍檸茶都幾甜，好似無特別做到少甜，希望下次可以改善。

上次試過叫外賣雲吞麵唔見咗雲吞，今次同朋友去咗堂食，分別叫咗個常餐、牛肚鵝腸撈粗麵同豉椒肉片炒麵。先講個常餐，都係同一般茶記無分別，無咩驚喜，只係佢唔駛錢轉多士(有好多仲係要加錢先有得轉)。跟住到個撈麵，啲牛肚幾入味，同埋鵝腸都幾爽口，麵亦都無梘水味，同埋啲餸都幾多，呢個值得一試。至於個炒麵，唔知係咪啲麵嘅問題，食落口有啲韌(通常好多都係脆口)，而個汁就偏淡，個炒麵就普通。成晚3款最值得一讚就係個牛肚鵝腸撈粗，大家都可以試吓

今晚要OT無得早走，於是落去買外賣順便兜個圈(因為唔想喺公司坐成日)，叫咗碗雲吞撈粗拎走，佢啲雲吞都真係幾好食(之前都幫襯過好多次)，同埋佢個湯幾入味，成日都會飲埋。買到返公司，一打開個盒就有驚喜，竟然係唔見咗啲雲吞，本身有諗過會唔會喺碗湯度呢？跟手即刻打開埋碗湯，結果都係一樣。有諗過落去換返，但又唔想行(始終公司同佢又唔係真係咁近)，結果最後變咗食蠔油撈粗。好咗佢蠔油都算夠，如果唔係就變咗食齋麵。

放工到觀塘駿業里6號富利工業大廈A座地下的深仔記吃晚餐， 常常經過附近都見到餐廳入面有很多人， 當晚也不例外， 快速落單～京都炸醬麵$34， 咖哩牛腩飯$50， 郊外油菜～ 芥蘭$20， 凍檸檬茶$6。京都炸醬麵～ 好多人鍾意食韓式炸醬麵， 北京炸醬麵或台式炸醬麵， 但我最鍾意都是港式炸醬麵。 深仔記的炸醬麵水準不錯，微甜帶辣的濃汁，混合肉絲，加上彈牙的幼麵，很滋味，又有口感。咖哩牛腩飯～ 咖哩香濃而不辣， 牛腩份量很多，抵食。芥蘭～ 新鮮翠綠的芥蘭， 配上蠔油，好味。凍檸檬茶～ 味道正常。茶餐廳都是打工仔的最愛， 深仔記地點方便，食完可以行過附近經apm搭地鐵返屋企， 又多一間選擇了。

午飯時間，第一次跟同事去食深仔記，茶餐廳都要排長龍......入到去果然有好多人，比較逼。選擇都幾多，除左午市套餐，仲有其他嘢食，不過就唔包餐飲～望望下，見到有個羊腩煲午飯，當然貴過支竹火腩煲飯，仲要唔包嘢飲啦～不過想試一下。羊腩煲午飯黎ge時候，有羊腩煲，白飯，醬，仲有一碗湯！？好似平時食撈麵會比果碗湯，其實係點食ga？定係飲ge？ 我地無一個人識🤣就當係飲ga啦⋯⋯講返個羊腩煲，好夠味，亦有肉有皮，有少少骨，其實唔點醬都好夠味，點左就更加惹味