淳•生活咖啡館

营业中

休息中

Realising there was a crossover event with Love and Producer, I invited my friend to visit this cafe with me..I ordered the Rose Lover Set, while my friend got the Affectionate Lover Set. My Rose Lover Set included Sakura Strawberry Cheesecake and Strawberry and Rose Special Drink. With a cute cat icing sugar on the plate, the cheesecake was layered evenly. It got strawberry jelly in the middle, combining softness and chewiness at the same time. The drink smelled floral and tasted refreshing, ye

自然素食健康餐廳、位於尖沙咀佐敦交界。應該係全香港唯一一間紐西蘭天然健康食材嘅餐廳。除咗有紐西蘭本土地道食物。還會提供素食餐單。

今日路過尖沙咀山林道，試咗間特式小店-　淳、生活咖啡店！窗明几淨，環境舒服，係呢個天陰陰嘅日子感覺心情愉悅！小店位置適中、枱同枱之間唔會好迫、環境清潔、食物美味、試咗pancake 同店內特式雞疍仔、飲咗杯手沖咖啡同Green Tea、好享受😊Pancake 軟硬適中、搭配上時令水果同軟綿綿cream 同朱古力醬，今日係士多啤梨同好大粒嘅藍莓、咖啡同Green Tea 都香濃、先生嘅飲咖啡、我自己要Green Tea、兩者都係不錯嘅選擇、個人非常推介😋呢間小店都有午餐同晚餐供應，下次要去試吓🤗

環境優美，餐點好食，但對中學生的我來說價錢有點小貴，但尚可接受，因為他嘅內在環境以及食物嘅味道都十分之良好，而且他嘅聯動活動亦都較為豐富，更何況在香港有聯動嘅餐廳有少之又少💀如果要我比一個評分10分，我會比9.5分🫰🏻😇😇😇

約左2個朋友成年，今日終於都約到見面啦好感恩☺️呢次選左呢間餐廳，因為有同事同我介紹過話食過都覺得可以，環境都ok 舒服所以我都試吓約我啲閨蜜黎試下🤭地點係正尖沙咀同佐敦中間，所以我哋都易夾位置算係好搵，因為我都嚟過呢頭食嘢上到去感覺都幾大，係全層樓既、環境舒適，寧靜，陽光充足，因為我都鍾意光猛嘅地方，所以呢度都吸引到食物方面，我地叫左紐西蘭牛肉眼扒餐，另叫自家製蘑菇忌廉湯，好飲，再開紅酒😇（日光日白開紅酒）之後再食紐西蘭雪糕做飯後甜品🍧😋總結餐飯食得好開心😂不知不覺食左3個鐘，傾左3個鐘食完都天黑了😂，完美。

-好多周邊已經賣曬喇~等補貨ing！！雖然係聯名餐廳，但是出品一D都唔馬虎！-我地點ge係“少君醉臥傾酒台”，香煎鴨胸沙律和抹茶草莓奶，肉質鮮嫩，沙律蔬菜新鮮，搭配意式醬汁非常開胃！-另一個餐係“泰華武神鎮東方”，包含安格斯牛肉醬意粉和蝶豆乳酸特調肉酱蕃茄汁加入咗芝士，蕃茄醬的酸甜度調得啱啱好，肉碎嘅份量啱好！原來哩間cafe陳豪同袁偉豪都黎過，真係估佢唔到咯！下次可以專登黎嘆下佢個coffee！-活動時間：2023/12/22(五)至2024/1/11（四）-

因為有活動陪朋友過去，上到去朋友已經話打卡位好少，冇乜誠意，我唔係fans呢樣我唔多評論入到去員工搞錯座位號，不過唔怪佢哋，睇得出係老細縮骨請唔夠人。然後食物質素真係差到一個極點，好心你收人$470/2人就俾返少少良心。濃湯燴飯，啲米一啲生一啲熟，個湯稀到好似雙餸飯例湯咁，我食緊湯飯？ 朋友叫嘅意粉都冇乜味，難食。 仲有份量好細，就算加幾十蚊要個甜品都淨係夠胃口細嘅女仔食。講起個甜品，蛋糕本體得個甜味，唔講我絕對食唔出佢係咩蛋糕，個紅莓汁（？）就好搶，而且同佢個朱古力醬一啲都唔夾。人均$235，去任何一間人均100嘅餐廳都好食過佢唔知幾多倍，撐警大曬？我特登註冊OpenRice Account就係為咗打呢篇嘢，唔該各位fans見到佢有任何聯乘活動即刻叫你鍾意嘅作者唔好俾佢呃到搞活動。

呢間cafe同天官合作，一個餐149未加一叫左拿坡里濃湯海鮮飯，跟餐玫瑰梳打，以及甜品藍莓窩夫拿坡里濃湯海鮮飯$149海鮮飯冇調味，醬汁好水，非佢所講濃湯，本身以為係risotto，食落去係湯泡飯，好似茶餐廳蠔仔泡飯咁，份量亦不大，負評玫瑰梳打玫瑰梳打上面再加奶蓋，奶蓋係好食，夠芝士味同有茶味，但係梳打上枱嗰陣已經冇晒氣，飲落似糖水冇茶味藍莓窩夫$68低質，死甜藍莓醬似罐頭，一食個窩夫似係現成既或者整完放雪櫃好耐，冇特別，阿婆豆腐花仲好食過佢服務🌟： 一般般，收錢兩個人，樓面一個人，10%服務費白給，坐低一杯水都冇環境🌟🌟🌟🌟： 主題cafe，周圍都係天官賜福食物🌟：不再解釋總結：冇下次，唔係因為有合作都唔會黎，149蚊有100攞嚟俾版權，睇佢平時都唔會好食得去邊。唔建議試呢間

因為合作就去試嘅咖啡館。首先，服務加一，但連帶位服務都無，單紙上有枱號，但無直接話俾我地知枱號係邊，去錯枱，得知嘅同事都無好好安撫客人，靜係講你地唔係呢張枱，係個張枱架，用餐前已經不滿。然後，野食份量少，平時食量好細，但一個餐都食唔飽，又唔係特別好食，性價比好低。環境比較細，打卡位比較少，products都少，所以作為合作cafe黎講都唔太建議去嘅，希望有所改善。

難得一次有遊戲聯動香港都幾值得一去，食物唔會太濃郁，都幾岩口環境都比較安靜，如果唔係繁忙時間做一個休息嘆下Tea ge地方都幾唔錯！同埋呢間餐廳好似都同好多遊戲/動漫(?)都聯動過，都係算係比較多ge聯動餐廳

因為cafe有同崩壞：星穹鐵道手遊做合作企劃，所以就同朋友一齊去食指定套餐會有抽獎卷一張，套餐分別有：沙律、焗酥皮雞肉蕃茄意粉、飲品同雲呢拿拿破崙蛋糕以$240價錢黎講的確稍貴，不過一早都預咗所以都無咩問題。焗酥皮雞肉蕃茄意粉：上到黎熱辣辣。一般份量，醬汁偏淡口，雞肉唔柴整體都ok，個酥皮最好食！飲品好似咖啡比較出名，不過我地係去傍晚，就無叫咖啡，叫左蜜桃茶少甜，呢個就無咩特別。講真本身去食真係為左打卡，無估到最後出現既甜品真係好驚喜！表現仲亮眼過張抽獎卷雲呢拿拿破崙蛋糕：拎起個匙羹督落去果時，已經聽到酥皮好酥脆，食落去都無失望，中間既吉士醬好滑亦唔會太甜，一啖入口連埋食口感非常之好！主廚話係靚酥皮同手制吉士醬，一個字：正因為朋友好鍾意食Tiramisu ，不過一個人食唔曬，就另外叫左個分食，價錢唔太記得好似$8x左右：根據朋友所講，呢個都超水準！不過我平時好少食Tiramisu，唔知點形容好簡單啲講：有酒香味有咖啡香味又有朱古力味，一啖放入口真係好享受同服務員+主廚講左幾句，原來主廚係主攻甜品果邊，言談之間都聽得出主廚對自己既甜品好有信心，事實上亦都係既，最起碼呢餐我讚甜品係最多。可

很一般，性價比極低。無論服務、環境、食物質量，甚至咖啡賣相及口感都不值所收價錢。所以不要贪新鮮见餐廳名字有感覺便試。只屬或甚至不如茶餐廳的味道。完全覺得這餐廳定位與其名完全不乎。

淳•生活咖啡館☕️ 喺繁華嘅尖沙咀街頭，竟然有一間裝修簡潔嘅樓上Cafe；店裡以紐西蘭風格作為主題，再加上開揚嘅景觀，令我可以暫時把日常生活嘅憂慮放低，好好享受最悠閒嘅一刻～ 聽講落地玻璃嘅卡位非常搶手，下次嚟真係要早啲What's app留座先得 💛💛💛💛💛 麥蘆卡蜂蜜拿鐵🍯（$49） “入口香滑，味道有少少帶酸！而且有淡淡嘅蜜糖味” 帶子、三文魚羅蘭士撻🐟（$ 139） “上菜嘅時候已經聞到濃濃嘅蛋香；鬆脆嘅酥皮外層，包裹着口感軟綿綿嘅餡料，再加上醒胃嘅沙律菜，一切都恰到好處👍🏻” 💛💛💛💛💛 我覺得除咗定價有啲貴之外，其他各方面（食物質素、店員服務態度……）嘅表現算係幾好 悄悄的告訴你，喺同一幢大廈嘅其他樓層，都有充滿特色同風格嘅餐廳㗎！嚟開山林道一帶嘅話不妨一試喔😉～ 📌：尖沙咀彌敦道176號4樓

週未同好友想找個舒服的地方食下嘢，傾下計，於是在網上search了這間，被它的落地玻璃窗外樹景吸引而來，好可惜，當我們踏進這一層，就聞到油煙滿室，令人呼吸不暢的感覺，這是印象不好之一;第二，有機的餐飲好難飲，但跟餐又不能加錢升级另一些飲品，無乜選擇下，被逼叫了這難飲似药味的有機飲品，但都算了，想着不如叫服務員取些糖浆好讓有少少甜味，不要浪費杯飲品，可是其服務真是令人不爽，這就是第三項不滿意的地方就是服務不佳，那服務員竟說因為我那杯飲品本身係無糖的，所以堅持唔俾糖漿我，但我解釋那飲品難飲想甜少少，而她卻只拿條沙糖敷衍我，我即問她:沙糖加在凍飲可以溶到嗎？她卻答不上，所以她的堅持唔識做令人反感，後來另一服務員見狀，於是識做地送番杯甜的蜜桃茶來，這才叫人心情好番些，總括來說，大家切勿中伏!

今日有啲公司野做，咁就上網search下有邊間cafe可以食下野同坐低做下野。之後見到新假期介紹佢淳•生活咖啡館：落地玻璃樹林靚景＋任坐溫書，咁諗住去坐一陣間做少少野。入到餐廳都叫光亮，都幾岩做下野chill下hea下，所以就叫左一杯coffee tonic同all day breakfast。跟住就拎部電腦出嚟用，點知有啲小小意外，部電腦無電，咁就想拎個充電器出嚟充電啦，點知個服務員走過嚟講，依到唔充得電，再充要收我錢，後面廚房個staff仲要凶神惡煞咁望住我，望到實一實，我心諗都係充一陣電姐，洗唔洗咁。唔講以為偷左你啲咩。其實你個名淳生活咖啡店，都係標籤自己係一間coffee shop 同cafe，正常都係比人坐低比人hea下做下野，我唔明白我比左一個overpriced嘅價錢，都係想有個空間做下野，充個電其實用唔到好多cost，都係做少少野姐，唔會話坐好耐。好似好想人快啲食完，快啲走咁，大前提係間餐廳又唔係full，得3枱客，完全係趕客。至於啲野飲，杯coffee飲低去都唔覺得係啲好好嘅咖啡，又唔nutty 又唔fruity，一飲就知平價野。個decoration係幾靚，不過味道