添樂園 (已結業)

添樂園我細細個時已經成日幫襯(無錯﹐我以前係住九龍城。住得耐左﹐飛機飛過都唔知)﹐由細食到大的係煲仔飯﹐後來轉食煲仔菜﹐食極都係煲仔乜煲仔物。煲仔飯夠份量﹐款式選擇又多﹐排骨飯同油鴨脾飯真係香噴噴﹐再配埋添樂園自家炮製的煲仔飯豉油﹐真係正﹐又係良性毒品之一﹐耐唔耐總會諗起﹐心思思想食。煲仔小菜款式一樣地多﹐其中一味薑蔥壕油牛肉煲﹐對我黎講係極品﹐一煲在檯﹐真係叫兩碗白飯都未必夠﹗其它煲仔菜我試得唔多﹐其它好野等你地黎發掘。其實添樂園除左煲仔之外﹐仲有其它一般粥麵店的食品的﹐水準都唔錯﹐唔中意食煲仔都唔怕無野好食﹗抵唔抵食﹖都算抵﹗服務尚可﹐有時要搭檯囉哩羅﹐不過呢類港式粥麵鋪﹐有邊間唔夠位時亦唔需要搭檯坐呢﹖

煲仔飯最出名，但我就覺得普普通通喇….唔知係咪人多，質素好唔隱定。 <br>我最鐘意食臘腸雞飯。其他都麻麻… <br>反而我覺得粥品方面仲好~ 粥底夠棉~ 正！ <br>可惜冬天一到晚飯時間就全場爆滿，地方頓時變得又迫又污糟，仲要搭檯添…. <br>食到好.. <br>

添樂園賣煲仔飯真係賣倒街知巷聞，出晒名，但早兩年有次食過就真係好失望，明顯一早煲定兼且用石油氣爐整，一d原始煲仔風味都冇。但佢d粥麵反而幾拿手，粥底又綿又滑，配咩料食都咁正，如果唔怕膽固醇高可以試下唔係度度食倒o既珍肝粥，穩陣d可以試下雞粥、牛肉粥，都一定唔會令你失望。至於麵都唔錯，未算頂班，但合格有餘，起碼雲吞麵d麵夠彈牙，湯底都算入味，雲吞sizeo岩o岩好，另外牛腩河d河粉都幾滑，湯底又夠濃，牛腩都幾鬆化，算唔錯，而且一碗o野都係10零20蚊，份量又夠，認真食得過啦！

比較年輕的朋友可能吃過炸魚皮, 但可否吃過又爽又滑的魚皮呢? 師傅說要另魚皮爽夾滑，必需多次以凍水不斷來沖洗才能達至爽滑。各位女士們, 魚皮含有大量膠質對皮膚有益, 不妨試試.......p.s.多在早上有限度發售，亦不是每天供應,要看看大家運氣如何了

這間老字號, 因我結婚初期曾居於鄰, 故光顧了近5 年, 亦因其水準超群, 氣氛特別, 而愛上了煲仔飯, 當年近乎晚晚無此飯不歡, 從一個初哥至自行在家研製, 但後來此店水準參差, 服務及環境生也欠佳, 令我大失所望, 尋尋覓覓終在李鄭屋找到一間更有水準的" 師父飯", 但可惜近年也結業了, 本人也從此甚少吃煲仔飯, 但現今再重提添樂園又引起我的無限回憶, 不竟由拍拖開始便一直幫襯, 直至結婚懷孕, 連我的大仔在我肚內也吸了不少精髓, 真懷念往昔溫馨的日子, 特別在寒冬時的氣氛, 實在暖在心頭, 亦陪我經歷了人生的幾個重要階段, 正謂十年人事幾番新, 添樂園能多年屹立不倒, 一定各方面也有所改進, 坐言起行, 明天便去一試, 回來再定雌雄。

老字號，用古法秘技泡製，故飯焦香氣傳十里，豉油調製更是一絕。即使天時暑熱亦大把人爭食。

我未試過一間舖頭, 唔駛五分鐘, 就可以o 羅煲飯o 黎! 記得叫人剪開臘腸呀~~ 唔食皮蛋, 你就笨!! 一定糖心呀!! 羊腩煲>> 好食到不得了呀!!