影片
港铁元朗站 A 出口, 步行约10分钟
继续阅读
电话号码
53490140
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
揀茶記最緊要係啲咩❓梗係抵食啦🤣見到雞地開咗間新嘢，lunch 個陣入面又坐滿哂人，質素應該有保證嘅，一於試試佢😎📷 餐廳位於鳳琴街（雞地個頭），裝修光猛，牆身仲畫咗好有元朗特式嘅畫🤩餐牌亦都有好多選擇，是日午餐精選、常餐、中式小炒、炒粉麵焗飯、扒餐等等，落單用apps，仲可以揀少飯、多士走牛油，岩哂👧🏻減緊肥唔想食咁多嘅人😙🍴西蘭花炒鮮魷💰HK$95✨推薦指數：9/10平時屋企好少整西蘭花，因為覺得洗佢好麻煩🤣出去食梗係食啲平時少整嘅嘢，所以嗌咗呢款😎鮮魷份量都幾多，食得出係用新鮮魷魚，口感煙韌，炒得入味，似係以前屋企人整嘅個隻鹹鹹哋嘅鮮味🤤西蘭花🥦嘅熟度岩岩好，平時出去食西蘭花就最驚唔夠熟太硬😖整體個芡汁打得幾好，鹹度岩岩好，推薦😋👍🏻🍴雙檸蒸鯇魚飯/凍奶茶/西湯💰HK$56✨推薦指數：8.5/10鯇魚有俾到少少腩位，腩位食落相對滑身，不過唔係腩位方面就比較鞋同多骨，但勝在份量夠多同埋個汁好好味🥹‼️雙檸汁食落酸酸甜甜，同鯇魚勁夾，真係勁好送飯，👦🏻不知不覺就食哂成碗飯🤣🤣🤣西湯要一讚，真係幾足料同好飲，唔會太鹹🤩凍奶茶就正常發揮😗呢個午餐份量真係好多，利申已經見到人哋個飯勁大，嗌埋少飯都仲係好多🤭🤭🤭🍴常餐-香煎雞扒/米粉/煎雙太陽蛋/多士/熱咖啡💰HK$45✨推薦指數：7.5/10雞扒外皮煎得幾香脆，切開入面幾juicy 唔會太乾，而且醃得好入味，帶有少少香草味，淨食會有啲鹹，配埋清清哋嘅米粉食就岩岩好☝🏻😊煎太陽蛋🍳都幾靚，有少少燶邊得嚟，切開中間勁流心😍配埋鬆軟嘅方包一流😋雖然米粉嗌咗少啲，但都仲係好多，仲送埋咖啡，所以真係幾抵食🤣🤣🤣推薦度：👍🏻👍🏻👍🏻👍🏻/5性價比：💰💰💰💰/5打卡度：📸/5
继续阅读
🎀元朗。高性價比街坊茶餐廳🍛邪惡炸脾西多😍🎀🪄店名* #添添🔮地址* 元朗鳳琴街18號玉龍樓地下3&6號舖🔮🗾分店地區🗾 沒有分店💰價錢$138(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_元朗剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵差唔多到糧尾 今次又去咗元朗過食呢一間平民茶餐廳 平時食開高級嘢間唔中食下港式地道嘢其實都幾唔錯 雖然本身都係住喺新界西 但係勁路痴搵咗好耐先搵到😂 呢一間佢嘅空間都幾大 佢畀起一般係茶餐廳裝修會有少少特色 佢嘅牆邊會掛上一幅超大嘅可愛香港街道壁畫 我哋去嘅時候係下午茶時段 成間舖頭都爆曬場 我想言之呢一間都好受附近街坊嘅歡迎🙆🍽️食物質素🍽️值得一體嘅係平時茶餐廳餐牌都係比較求其 但係呢一間佢哋嘅餐牌勁靚 整到好似一本書仔咁 而且大部分嘅食物都有圖片顯示 佢哋嘅餐點選擇都十分之豐富 除咗有平時可以喺茶餐廳食到嘅嘢食之外 都有唔同類型嘅小食 尤其是下午茶佢嘅價錢真係相當便宜 呢一間一定會再回訪！👀評分💖💖💖💖💖🪄下午茶- 脆炸雞髀&薯條$48本身諗住試佢哋嘅招牌炸豬扒 點知咁啱賣曬 然後就試咗佢哋呢一款脆炸雞髀 都冇失望 雖然等候嘅時間會有少少耐 但係即刻炸果然係唔同啲 首先佢嘅份量係超巨型 然後佢嘅外皮薄得嚟又夠脆 肉質嫩滑多汁 超好食 另外薯條都係好有薯味 呢個價錢黎講真係好划算！👀評分💖💖💖💖💖🪄 椒鹽豬扒飯$60跟住之後就叫咗一個椒鹽豬扒飯 呢一個就唔使等咁耐 等其他嘢嘅時候太肚餓於是都食咗幾淡 我覺得勁出色 尤其是佢哋嘅蒜粒好香 撈埋飯食簡直係一流 而且最正嘅係佢哋嘅椒鹽豬扒唔會炸得太過火 所以食落去唔算話勁熱氣 減低罪惡感！👀評分💖💖💖💖💖🪄 黑白西多士$30另外都有見到好多人叫呢一款西多士 上到嚟估唔到佢嘅份量超多 本身以為30蚊應該唔會好誇張 佢係用咗超厚嘅多士炸成 然後上面再加上煉奶及朱古力醬 佢加嘅份量唔算太多所以甜度剛好 呢一個真係好邪惡 極度建議可以試下🙆👀評分💖💖💖💖💖🪄飲品- 咸檸七&可樂本身下午茶同埋午餐都有包嘢飲所以好抵！(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
继续阅读
今次出返元朗鳳琴街食野，果個位一向成條街都係餐廳。見佢又有茶餐廳又有三餸飯，一於試下佢有咩食。其實見佢D飯餐都幾吸引，叫左個精選晚餐清蒸游水海斑 HK$128即叫即蒸，新鮮熱辣，魚肉非常滑，好似係酒樓食咁。再叫埋芒果粒粒果肉特飲都係加$6，不過就淡左少少，唔太有芒果味。子薑話梅鴨（半隻）HK$98肉質都幾好，個汁就厚左少少，酸酸甜甜咁，幾開胃。加經典紅豆冰都係$6，呢個抵加呀，紅豆同奶都好有份量。
继续阅读
入口苦澀難聞，冇奶味冇茶味亦冇咖味，想飲個下午茶，去隔離啲紅x或者其他茶記好過。🫥飲兩啖想嘔。叫杯凍奶茶少甜，連甜味都冇， 咁你唔好畀人揀有得少甜呀。唔怪得冇乜客。個侍應送餐放角落頭hea到😒冇下次
继续阅读
🇭🇰元朗添添茶餐廳，享受港式高水準下午茶- 裝修好用心，牆上掛咗關於元朗嘅卡通壁畫，增添了不少趣味。啲凳坐得好舒服，食嘢都坐得好啲1️⃣ **蔥油叉燒蛋撈麵** 🍜 - 蛋熟到剛好，非常之滑，蛋汁令撈麵濕潤，豉油味道唔會過鹹，叉燒切得大大塊，肉質軟嫩，真係好味。2️⃣ **炸雞髀配薯條** 🍗🍟 - 外皮炸得香脆，咬落去好滿足。薯條有多種口味選擇，例如原味、孜然等，我哋揀咗海苔味，味道獨特，增添了驚喜。3️⃣ **經典紅豆冰** 🍧 - 奶味香濃，紅豆份量十足，食落去好滿足，甜而不膩，夏天食正好。4️⃣ **凍檸檬利賓納** 🍋🥤 - 檸檬同利賓納嘅配搭好match，清爽可口，解渴又提神。🚩元朗鳳琴街18號玉龍樓地下3&6號舖#元朗 #添添茶餐廳 #蔥油叉燒蛋撈麵 #炸雞髀 #紅豆冰 #凍檸檬利賓納 #香港美食 #食評 #元朗茶餐廳 #香港探店
继续阅读