影片
以上资料只供参考，请与餐厅确认详情
依家好難搵到咁抵食嘅雙拼飯😋😋星期日早左起身專登黎到依間元朗著名冬菇亭😆8點咁早都見到有個阿叔等緊～要坐多兩三個字先賣～環境就有少少少熱，不過阿姐好細心轉個風扇過黎🫶🏻嗌左個油雞燒腩仔飯✨✨份量好多好抵食好味！蔥油好邪惡但必要😝冇介紹錯！四周連鎖餐廳林立下黎，黎到食著名燒腩仔確有特色✨🫶🏻😙
继续阅读
😎 今朝特登早起係天后坐 968🚌 去元朗食也值得🤩 燒肉重暖嗰皮咬落真係”chop chop” 聲🤫大概 0815 到🧐 已經有人排緊買燒味外賣🫢堂食計埋我得麻佬3名😅我第一次去坐低諗住即叫番碗著名生熟地例🥣 (我起碼有卅年未飲過😭) 點知😲 靚姐話要 1000 先至有🥺 原來佢就係喺度準備緊湯料😛叫咗碟燒腩叉燒🍚 呀姐話係爽叉喎💁🏻♀️ 我話好呀🙋🏻♂️(其實我唔知🤷🏻♂️ 乜嘢係爽叉)呀姐寫咗紙仔 $42🤔走咗之後尾睇番 OpenRice 餐牌雙拼飯係 $30🙆🏻♂️ 唔通亞姐以為我會等到 1000 飲埋碗例湯🫨😬
继续阅读
上星期端午節10點半去到都有條人龍，但姐姐話冇拎飛既人佢就叫大家唔好等了，因為做節d 人朝早4點幾就黎排隊，賣哂就派飛，所以都派左好多飛，未必有剩俾排隊客買了。但發現左平時原來可以即日打電話黎訂定，咁就唔使特登黎排隊!唯有隔一個星期，揀星期六9點零打電話去留定$200 燒腩仔，講定11點去拎。11 點前去到都見到條長隊，有接近20人。因為留左就可以行入去，等左5分鐘左右，都即斬新鮮既俾我。呢度$199, 肥瘦適中，返到屋企都仲脆！唔會咸，又真係幾好食，但偏貴。等既期間都會出堂食既飯同埋都有其他留左既人拎燒味飯。 但walkin 既話就繼續排緊，所以有心想食既話，打去留定都唔錯👍🏻
继续阅读
講起燒腩仔就一定要試喺元朗雞地附近嘅呢間燒味檔佢係冬菇亭入面次次都要12點前過嚟買，如果唔係就會賣晒尤其大事大節簡直要一早過嚟買而且佢一啲都唔貴單拼$28 我就加多咗$20要多份燒肉超級大份 好好味 好飽肚燒腩仔好脆，而且肥瘦均勻買完都要忍唔住企喺一邊度食😋😋😋除咗燒腩仔之外，佢其他燒味都唔差可以一試佢嘅搶手程度簡直就係想買返屋企夜晚加料都買唔到😂😂真係超級推介👍🏻👍🏻👍🏻👍🏻👍🏻
继续阅读
其實一直都有食開添記, 每次都係食燒肉飯, 因為真係做到皮脆肉嫰感覺, 食過一次叉燒同雞,感覺一般,無乜驚喜燒肉水準尚算平均,每次都 keep到一定水準,但率嫌偏肥 偏油, 豉油都偏淡味直得一讚係燒腩仔無骨, 唔似方間有d嚿骨佔左一部分位咁如果唔介意燒肉小小偏肥, 係值得一試,而且燒肉即出即切,熱辣辣好好味,對比起另一太子出名燒肉果間,添記實在優勝太多另外, 價錢27蚊一個飯盒都合理, 但唔建議加20蚊加燒腩, 因為份量的確分別不大店員服務都親切有禮
继续阅读