添記麵皇

营业中

休息中

街坊食店，經濟實惠，所以都抵食，又多選擇同款式可選。豬骨湯四餸車仔麵，叫左魚蛋，雞翼，午餐肉同墨丸，正常發揮！冬陰功桂魚片米線加紫菜，呢間紫菜好食，冬陰公湯偏鹹但ok的，桂魚片就有魚味。整體都好ok!

冬蔭公湯底（4餸：辣魚旦，白蘿白，豬腸，雞翼）先講講超鐘意佢呢個湯底，沒有太多配料既同時又做到冬蔭公既味道，真係超讚👍🏻辣魚旦好彈牙，白蘿白夠淋好入味又無乜渣，豬腸唔會太肥，最緊要係唔臭🤣雞翼都好入味清湯（4餸：辣魚旦，豬紅，雞翼尖，豬皮）本身係豬骨湯底，個人認為清湯黎講係好出色👍🏻豬紅入口即化，唔會好易散，整得好夠味唔會腥雞翼尖用鹵水汁醃成，唔會太淋又唔會太硬，唔介意食骨既話可以一試豬皮好入味，唔會好多毛個種整體黎講，佢啲餸都真係幾出色😋到最後一定要介紹佢個香炸豬扒，外脆內軟真係有肉汁，又唔會有一層好厚既粉，真係重點推介要試呀‼️

差份量太小雖然味道還好但下次唔會再光顧唔經濟同以前差好遠堂食會有嗰啲配料變外賣咩都冇又無比最好食嘅辣菜輔魚又有骨超級失望☹️希望可以改變一下謝謝🙂‍↔️🙂‍↔️🙂‍↔️🙂‍↔️🙂‍↔️

平時出荃灣會去另一間米線舖食魚湯米線，見凍凍地又出嚟做物理治療，就係想食碗暖下身。但出到嚟手痕打電話俾鄰居食晏，鄰居強烈推薦呢一間魚湯米線。咁就約埋一齊食個下午茶。其實平時好少行過嚟呢邊嘅內街，見到個餐牌有好多嘢都想試，最後都係揀咗豬扒同埋牛腩。飲在一啖魚湯又真係幾濃woo~ 豬扒腳炸得剛剛好，唔會太乾身啲肉都好Juicy。最正係個牛腩，個底味好出，鹵得好入味。對於我嚟講有少少吊腳，但係我覺得可以回頭嘅小店。諗住飲魚湯，就冇叫嘢飲。食完出嚟之後個口有少少乾乾地，um…我有少少保留，下次可以再試真d。

以前住荃灣，今日來到舊居懷念一下，每次來到都會想再懷念一下添記麵皇既魚湯米線同埋炸豬扒米線。。環境一般茶餐廳裝修，面積雖然唔算大，但滿滿的人情味。。香茅豬扒米線：炸豬扒粉皮唔厚，外脆內軟，我每次都會點魚湯，好鮮甜。。車仔麵：點左個5餸車仔麵一齊share, 魚皮餃、午餐肉、鳯爪、魚旦、雞翼，湯底濃郁，好懷念的味道，最後，嘆埋杯𣲙涷fresh 檸檬茶，好滿足呀。。🔎添記麵皇 (荃灣)📍荃灣享和街42號地舖

平時鍾意捐窿捐罅搵美食, 今日係享和街咪錶場發現隱世米線小店🥰我同老公二人都係叫香茅豬扒米線, 重點係 要轉冬陰功湯底(+3), 豬扒份量唔少, 煎起熱辣辣, 香脆鬆化, 米線煮得岩岩好, 最精彩係冬陰功湯底, 色澤夠紅, 酸辣度十足, 越食越開胃, 如果下午茶時段仲跟埋冷熱飲品添😛店鋪位置係咪錶場裡面十字路口, 唔算太當眼, 但我地一路食一路都不斷有好多食客入座, 亦有好多專程入黎叫外賣, 有品質小店所剩無多, 要多多支持🤗

位於荃灣享和街俾多間車房圍住，鋪面比較懷舊，唔太起眼，平時我都好小過黎依邊，今日朋友推介就黎試下。入座時坐四人座位，需要搭枱，眼見大家都食魚湯底，而且頻頻見到食客買外賣，相當受街坊歡迎。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 炸韭菜餃 (5粒) $29炸到熱辣辣，一口咬落去大大“咔吱”聲，外皮香脆，韭菜味濃烈，炸得好出色既韭菜餃👍🏻。♥️ 香茅豬扒 $30🤩豬扒色澤吸引，雖然唔算厚身但都幾大塊，炸得酥香唔油膩，豬扒肉質好稔，醃得入味好重香茅味，推介🤤🤤。♥️ 自選車仔麵餐 四拼 $44 轉鮮味魚湯底加$3揀左四個餸芝士腸、魚皮餃、豬腩肉、辣魚蛋，店家強調不含味精 健康美食，奶白色魚湯底稍清淡，可能係冇添加味精既關係，豬腩肉較為乾身，辣魚蛋爽口彈牙。♥️ 辣菜脯加埋辣菜脯食，即時提升惹味度，岩哂食辣人士👍🏻。✨ 麵食冇包飲品，需要時可另加$7選擇冷/熱飲。- - - - - - - - - - - - - - - - - - -

呢間鋪頭望落好細唔係朋友介紹麵未必會行入黎但一食真係返唔到轉頭🫶🏻5餸車仔麵只係$49一定一定要叫店鋪自己滷嘅餸例如 蘿蔔 豬大腸 雞翼 豬皮 等等全部都非常入味而且份量好足!! 佢嘅豬扒亦都好推薦好稔好好食 如果係單叫豬扒小食就$29

坐落喺荃灣廣場附近嘅一間粉麵店，雖然唔太顯眼，但係都有唔少捧場客-鮮桂魚片🐟米線$50 + 炸醬$6首必須讚佢個鮮魚🐠湯底，味道非常鮮，一啲都唔咸鮮魚片都算滑，唔係太嚡，只是係份量偏少🤏加配嘅炸醬，以為佢哋會用碗仔另上，點知係加左入鮮魚片湯入面， 破壞左個湯底， 呢個位有啲唔夠細心炸醬同想像中的川式炸醬有出入， 其亮佢可以叫做肉碎， 無咩醬料可言🤫唔野味米線都滑另外一碗，豬肚柏葉魷魚粗麵＄３９啲餸無咩特別， 湯底都ok, 飲得出係豬骨🐖煲，唔咸；但同魚湯比，魚湯🐟出色太多但個粗麵好恐怖， 唔彈牙都算， 仲要淋淋爛爛，毫無蛋香， 好難食好彩有辣菜莆搭救，雖然個辣菜莆都係好一般，唔夠咸香， 辣度都唔夠， 但勝在任加唔嬲👼🏻最後追加點一個炸鯪魚球$29 for 5 粒食得出係新鮮鯪魚球整， 但唔係彈牙個種， 係新鮮炸起，又唔太油，所以都ok 整體來講，用料都新鮮， 係粗麵差啲。Btw 上次食個佢豬扒都ok 嘅， 唔柴唔羶🙆🏾都值得試https://www.instagram.com/p/CdOI07FPWrA/?igshid=YmMyMTA2M2Y=

今日又嚟到添記麵皇到食下午茶，同朋友一人叫咗一碗米線，分別係香茅豬扒米線同埋鮮鯪魚球米線。香茅豬扒米線嘅香茅豬扒一向係添記麵皇嘅招牌菜之一，好多人嚟到都係揀呢一款米線。佢嘅香茅豬扒都幾大塊，而且炸到好鬆脆，反而肉質都算滑，做到外脆內軟嘅效果鮮鯪魚球入去嘅外型睇得出佢係人手包出嚟，唔係用機包，不過鯪魚球嘅鮮味唔係好突出，咬落唔彈牙，相信都落左唔少粉。米線部分冇咩特別，米線偏幼身，火候都OK；湯底係用咗豬骨濃湯，今次嘅胡椒粉落得重手左，導致胡椒味太重，食落有啲辣。

以前中學成日黎食，貪佢豬扒大份又好食，估唔到我宜家再返去食，冇左學生濾鏡之後都依然覺得好好食！照舊叫左炸豬扒米線啦，米線部分不過不失，米線彈牙，豬扒嫩滑，醃得入味，邊位仲有啲脆，超正，經過荃灣真係可以試下

幫襯已八年，味道始終如一，無味精湯麵。愛魚之人(本人)敢話添記魚片米線係全港之冠！魚片無骨無腥味，魚湯鮮味濃厚。另外，豬紅同大腸清洗非常乾淨，亦都相當入味！我個人建議大家要轉魚湯。希望再次開分店！

果日口寡寡咁，唔想食太重口味既野，見到呢間添記麵皇係食米線既，好似清清地咁，就揀左食呢間。有得揀車仔麵、泡飯、同埋米線，魚片米線同埋香茅豬扒米線都係佢地推薦啲既，我地就兩樣都有嗌。1⃣️鮮桂魚片米線（配魚湯）（$47）魚湯米線夠曬清甜🤤魚片唔算多，但係冇骨而且算係幾滑，好抵食！  2⃣️香茅豬扒米線（$38）米線係跟佢既豬骨湯！豬骨湯講到明冇落味精，飲落真係味道比較淡，而且一啲都唔油。香茅豬扒醃得算幾入味，呢個幾推薦👍  3⃣️三餸車仔麵（$35）普通車仔麵，揀左豬紅、鳳爪同埋水魷。  4⃣️炸韭王餃（$25）新鮮炸出熱辣辣，咬落有熱汁滲出😋不過入面肉、韭王都好少，主要係食層炸皮。

今日再去，人流多咗，雖然要等一陣位，都替小店開心。聽到隔離枱都話以前成日嚟食豬扒魚湯米線。另外花姿片米線都好鮮味。支持小店，用心麵家。推介給荃灣區的朋友。後來聽隔離車行師父講，麵店材料從來不過夜，日日都咁新鮮，仲係無落味精。

啱啱過去個星期日行經荃灣廣場一帶見到間間餐廳門口都排晒長龍😱正當我同老公企喺度諗緊係咪真係要排隊食定買外賣返屋企食嘅時候轉個身就見到呢間麵店由於開咗喺另外一邊相對上比較靜嘅街所以一個等位嘅人都冇仲離遠見到應該係老闆嘅落寞身影企咗喺門口😢所以我哋就過去幫襯啦老公話呢間麵店未搬之前佢成日都食個魚湯可以話係全荃灣最出色嘅魚湯底所以我哋兩個今晚都食魚湯我就叫咗五餸車仔麵佢就叫咗魚片牛腩米線一嚟到就試吓個湯先真係非常之鮮甜！完全飲得出係真材實料煲出嚟嘅而且份量好足我叫五個餸 多數都係蔬菜全部都超多！老公嘅牛腩魚片 兩款都係貴價食材但係份量都唔會孤寒值得一提係車仔麵個餸入面嘅蘿蔔係超有驚喜！非常淋甜同入味入口即溶咁滯至於個牛腩都睇得出係靚嘅貨色唔會太肥亦唔會過騷開始食麵就加埋佢自製嘅辣菜甫同辣椒油即刻鮮味提升惹味咗唔少又係另一番風味我哋仲加咗$12 有碟菜同一杯細細的豆漿油菜叫咗芥蘭同菜心 非常淋甜至於豆漿就冇乜特別 唔會太甜另外仲加咗碟酥炸鯪魚球新鮮炸起好好食$25有五粒 雖然唔係好大粒但係都叫做非常抵食老闆行開行埋都會問我哋個湯得唔得呀睇得出好有心♥️本人諗住食完晒碗麵先至食鯪魚球老闆仲好主動過