添財記

营业中

休息中

添財記係老字號嘅粥麵店，今日出九龍城質嘢打過爐，天氣凍凍，所以想食一碗粥暖暖身子，就想到這裏，但今次來，已經冇咗雲吞麵部份，因為冇師傅做，這種小店，好靠師傅，所以營運上是有困難的，加上這裏其實已經很老舊，地點又偏僻，當然好多老街坊，有些旅客尋寶過來，但係面對連鎖店，這裏的價錢一點都不平，地方又欠缺裝修，真係難以維持落去，所以喜歡食這種有情懷嘅粥店的人，可以去就去支持吓。我今天吃了一碗艇仔粥和一個炸兩，老實說好一般，但是也要＄45其實真係唔平。我下次都係會去返茶餐廳食一個早餐最少有杯凍檸茶飲

九龍城發哥推介小店-添財記今日突然想食炸兩，記得九龍城有間小店發哥都推介過餐廳，就去試下啦。果然真係無介紹錯wo🤣🤣炸兩好味，腸粉滑滑的，條油炸鬼少脆唔會好硬個啲👍🏻👍🏻我最鍾意食😚我哋下午茶時段去到，好多嘢都賣哂啦，例如沙嗲牛肉麵同炒麵啦，冇得試到啦。。因為佢哋下午5點收工喇，好早就會賣晒啲嘢，如果想食到佢哋啲招牌菜，就要早啲去啦😆下次早d 去試佢早餐先😅

買份早餐外賣，份量越嚟越少，如果唔係少得太過分，都唔會特登上嚟寫食評，之前買都覺得少，但係至少都有80%滿，依家少咗三份一，本身外賣份量就唔係大份，依家仲要冇咗三份一，如果唔係公司附近朝早無粥店，朝早又無時間堂食，我應該不會幫襯，有被騙嘅感覺，非常失望。其實呢間粥舖味道係唔錯，但係服務就一般般，之前都叫過幾次走蔥，不過都冇走同佢講返，佢哋直接拿走蔥，冇加返啲粥落去，結果碗粥又係少咗三份一，真係非常失望

可能廚房覺得只用遷就處理自己方便，尤其是出腸粉永遠不跟入單次序，我已經是第三次等到吃完其他食品也未等到腸粉，反而遲來的就會先到食物甚至先埋單。好明顯，你叫牛肉腸這些會先出，齋腸遲一點，蝦米腸就永遠唔想做，等半小時都不出。但之前老板又極力推薦客人食蝦米腸，十分茅盾的店舖。這小店，我支持了幾年，我覺得他的食品質素一定有很多人會支持的，大家都要支持小店。所以就算我唔再幫襯都唔會有任何分別。

住喺附近成日經過都入過去經朋友推介後 就去食個早餐先朝早10去😅嘩已經排隊不過唔係等左好耐✌🏻入去必先食👍🏼沙嗲牛肉撈河👍🏼炸兩👍🏼熱奶茶👆🏻以上三樣我連續食咗兩日

唔好話發哥就連發哥條腳毛我都見唔到🤨平日一點幾食客唔多職員都幾友善禮貌😚落單後好快到齊⍥ 牛腩麵 ❙ $33幼麵無咩鹼水味😆牛腩好香好夠稔份量夠 唔錯的⍥ 炒米粉 ❙ $18😧唔洗廿蚊 份量幾多簡單以芽菜 青蔥 紅蘿蔔絲一齊炒淡味但偏油膩我加左啲甜醬即刻加分左😳⍥ 蝦米捲炸兩 ❙ $28又係好大份 兩個人分享開心啲蝦米腸包住炸兩 😈眼見好多豉油 但唔會過鹹可惜溫度唔夠之餘 油炸鬼又唔脆唔夠脆就真係乜都唔洗再講喇～～🫠

。O小姐。發哥都幫襯嘅粥粉麵飯。日常。由於要過海做嘢，晨早流流買完嘢，趁有少少時間，同行就帶我去食好西😳 - 添財記同行話呢一間餐廳發哥都會去幫襯，跟住我就問：🙋🏻‍♀️：會唔會見唔見到發哥先？ 🙄：人哋食完返屋企啦，七點幾就你食㗎喇🙋🏻‍♀️：😮‍💨去到門口，見到有好多人排隊，仲有好多遊客，我哋等咗五至10分鐘到啦，咁就可以入嚟啦！入到嚟，即刻望吓參考吓先，其實佢周圍都已經填晒佢可以賣嘅嘢，呢一間主要食係粥粉麵飯，咁當然你可以食雲吞麵嗰啲啦，咁只不過晨早流流，我就叫咗個出名嘅皮蛋瘦肉粥再加炸兩，再加一杯醒神還魂嘅凍鴛鴦🫣以粥品嚟講，我可以話佢係正常，皮蛋都係足料嘅，瘦肉就係肉絲，個粥都綿嘅，不過又唔係話叮一聲囉😅至於個炸兩，正常發揮，不過佢有三條，都算多，個油炸鬼唔係太脆，但可以接受。環境係正常茶餐廳囉，大家會好親密咁樣坐一齊，但係都算乾淨🙆🏻‍♀️如果你問我，要特登過嚟嘅話呢，我就未必啦，因為講到都有好多同類型嘅粥品舖頭，但係你話嚟食，體驗一下九龍城嘅風味嘅話呢，咁都可以嘅，同埋佢價錢都算係平，而家二字頭價錢已經好少見了🥲好多平民嘅恩物黎🥹最後，食完，走埋，可惜遇不到發哥😮‍💨

今日有聲咳想食粥，所以搵到去九龍城，聽講發哥經常嚟食，時間唔啱就見唔到。呢度位置唔難搵，不過地方小，係我學寫食評以來等最耐嘅一次，要搭枱就必然。餐牌選擇好多，白粥都有幾款，我揀咗咸白粥，配炒麵炸兩。粥好夠熱咸道適中，食完喉嚨舒服好多。職員話師傅拉唔切，炸兩要等20分鐘，不過未收好手機就嚟咗，腸粉涼油炸鬼唔脆，我相信真拉唔切，因為佢嘅炒麵、午餐肉餐熟蛋米粉同埋熱奶茶都唔錯。埋單門口一邊等位，一邊等外賣，下次可以嚟試雲吞麵。咸白粥炒麵炸兩奶茶餐熟蛋米

九龍城沙嗲牛肉麵名店「添財記」，你在網路上搜尋呢間店，多數都係搵到粥品類，近期見到好多KOL/遊客都介紹添財記既沙嗲牛肉麵，所以要來試吓。沙嗲牛肉紅腸煎蛋麵，沙嗲汁唔係好濃味既一種，我比較喜歡呢種，冇咁咸，牛肉肉質都冧既，唔會柴口。紅腸經過香煎，有誠意。煎蛋係燶邊荷包蛋，煎得唔錯。麵係採用超力伊麵，口感有別於一般茶餐廳，個人覺得唔使加錢轉出前一丁，加左蔥花，將沙嗲既香味增升左，感覺好似一碗中式既沙嗲牛肉麵。奶茶，順滑呢啲基本野就唔使講，茶味好香濃，茶膽亦夠厚，好高質既港式奶茶。

呢日同朋友係九龍城搵食，見到呢間添財記好似好出名所以就入去試下😎我叫左個牛肚麵，牛肚好淋，麵都好爽口唔會好大陣鹼水味，加少少辣椒油都更加香，湯底都好濃郁👍🏼朋友叫左個餐蛋炒麵底，雖然材料簡單，不過食得出一啲都唔馬虎，午餐肉煎得好香脆，煎蛋半熟🤤 個炒麵底都好食，唔會好膩我地再追加左個炸兩，但係唔記得影相🙃不過個腸粉皮有啲厚，同埋成碟野都係凍，應該係整好左擺係到，入面條油炸鬼都已經唔脆，呢樣有少少失望🫣🫣

① 蝦米捲炸兩 ($28)// 勁好彩最後一份都俾我食到😚！首先份量好鬼多當正餐食都會飽😂蝦米腸包住油炸鬼再淋上煮滾過嘅豉油~腸粉好滑 油炸鬼帶少少微脆但味道正常，鐘意蝦米好多同時隻隻都唔會好細，仲有好出嘅蝦米香！依個份量同價錢無得輸✨//𝐅𝐨𝐨𝐝：🌕🌕🌕🌕🌕🌑#aiiifoodie #aiiifoodie_九龍城

［添財記］粥品腸粉出名就整個九龍城都知。粥品出色連配襯嘅油器腸粉都係必點之一。粥底夠綿，配埋必點碎牛真係回味無窮，難怪發哥都經常光顧。其實除咗粥品出色，港式茶餐廳食品都做得好過好多茶記。基本上我每次都會點粥及茶檔粉麵《牛肉粥拼豬紅》綿綿又熱辣辣粥底，配上店內最受歡迎嘅碎牛肉，確實一試難忘。《蝦米捲炸両》香蔥加香口蝦米混著薄滑腸粉，再包住油香滿滿嘅油炸鬼成為配粥之最，必點！《沙嗲牛紅腸麵》牛肉質素好，非常滑嫩，招牌沙嗲汁出色，濃郁但不蓋牛肉香，搭配超力伊麵及香蔥另有一番風味。紅腸有誠意地先炸至外皮微脆再上碟，好味。《咸牛蛋麵》咸牛蛋炒得剛好並非常鬆軟，咬落軟綿但用筷子夾起亦不散，恰到好處。試過配炒麵及三文治，各有特色百搭之選除咗以上四款推介，其他食物都做得出色，炒麵亦非常受歡迎，雪菜米，各款三文治看似簡單但每款都比其他茶記味道更細緻，食物飲品都唔會令你失望。

Dad loves to eat here and it's good. Got the porridge, Chinese donut, chow mein, wonton mein and toast. Everything is as good as I remember I would give everything a 8/10. Good value for the price and the service is excellent too. I think this place is known for the porridge though which was thiccc.

11月15日揾食肥華同靚媽專誠到呢間，獲影帝發哥點名推薦的食店一試睇吓水準如何，此店本身在九龍城已是老牌名店，再加上發哥嘅品評讚好，真係生意唔好就奇，爆場就預咗，要搭枱亦指定動作，幸好當日肥華到此店光顧時間尚早，可以即時入座不用在店外排隊等位，而今日外點之食品，都係好食，抵食之選，發哥冇介绍錯此店，可惜此店所在地段楼宇，已被列入 舊區重建計劃之內，在久嘅將來此店就要被迫結業，所以若有心光顧此店人仕，就要盡快，因此店老細向肥華透露，今次一別後會未必有期

今天來到九龍城，心裏想自疫情爆發以來，我已很久沒有嚐到我至喜歡吃這店的腸粉了。今天既然來到，我便一定要吃龍崗道添財記的腸粉和粥。～蝦米腸粉這店的蝦米腸粉真材實料，蝦米的份量毫不吝嗇，所以吃起來，每口腸粉也夾著小蝦米和蔥花。最重要的是蝦米完全沒有腥味，而且有咬口。蝦米腸粉單是賣相已是非常吸引，腸粉軟硬度適中，入口軟糯，絕不糊口。吃的時候，我只需加入附上的豉油已是滋味無窮。～炸兩腸粉內的油炸鬼雖然已不脆口了，但味道仍然不錯。軟糯腸粉包上油炸鬼，味道層次已多了。吃的時候，只需沾上豉油，味道已足夠。～艇仔粥個個人感覺艇仔粥較濃味，粥底尚算綿綿的，粥料以爽口豬皮為主。其他材料還有小魷魚鬚、肉絲、花生和蔥花。整體來説，材料不算太豐富，但二十二元一碗的艇仔粥亦算合格了。