影片
平時一向有係呢區幫襯開兩餸飯，試過好幾間。今次第一次幫襯，但算係比較失望嘅一次。—-首先可以讚下佢款色算係比較多，但除此之外其他好基本嘅水準都未做到。首先係食物保溫情況，得買完返去即食不論係飯定餸都係凍，完全稱唔上微熱。而味道方面亦都好一般，只係勉強合格，雞扒比想像中鞋口，飯亦都比想像中硬，未知係咪因為凍左嘅關係而影響。份量方面，姐姐亦比起其他店手緊，雖然咁嘅價錢理求無咩好要求，但相比之下同區其他店舖差唔多價位嘅性價比更高。—-總結黎講同區計有其他更好選擇，最起碼食物嘅保溫情況達到基本要求，食落係熱。希望店方可以改善下。
继续阅读