清雅越南粉

营业中

休息中

😍朋友說想吃越南粉，就選擇了家附近的人氣挺旺的越南料理小店，清雅越南粉🥳火車頭越南粉是我在越南料理中非常喜愛的一道菜，以香氣濃郁的牛肉湯和豐富的食材讓人垂涎欲滴，它家的火車頭越南粉的特色之一是它的湯底，湯頭鮮美，感覺是久煮慢燉而熬製而成的牛肉湯，口感清爽鮮美。河粉勁道順滑，不軟爛。河粉中加入了各種香料和調味料，使整道菜品更加風味十足🤩蝦米紙卷非常適合作為開胃菜或輕食，輕爽清新 口感豐富👍🏻

午飯時間都真的蠻多人，始終位於大街，而且香港人普遍都喜歡吃越南料理。當天去光顧時有兩名侍應，她們都忙得不可開交。上菜速度合理，不會太慢。-103. 生熟牛肉湯粉(牛肉、牛腩) $67.00生牛肉上菜時已熟了大部分，但也不會過熟，而且带有一絲絲牛香，牛腩亦算嫩，份量也不少，由於有兩款牛，所以湯底也充滿牛肉味，很好喝！-越南春卷(2件) $29.00表皮米纸香脆，裡面的餡料爽脆，好吃！下次應該點四件！-凍奶茶 如果習慣喝少甜的，記得要跟店員說”極”少甜，不然的話，還是會很甜。

星期日又係時候搵野食。。。。今朝其實有幾樣野想食。但最後都係想食既係越南野。。最近屋企既只有何文田窩打老道呢間越南野。去到既時候大幾1點40分。。。應該過左最繁忙既時段。入到去基乎每張枱都有上手客人食完野餐碗用具。估計應該係人手不足。有個侍應阿姐都好好禮咁叫等等坐底後點左火車頭，粉包同凍檸檬茶$92 火車頭d料好足。。湯夠熱。食粉面最重要係一定要夠熱。碗粉我都好滿意。因為有時係另一d餐廳食個湯底係暖唔係熱。。蘿蔔好林又冇渣。係略嫌洋蔥少左d...$29 蒸粉包29蚊有2件。有2件同4件咁比人 叫。。如果4件就平少少。。味道唔係特別出色。但都唔難食。。。整體都係好味既。凍檸茶少甜少冰。我反而覺得越南菜黎講呢杯凍檸茶味道好好。好過而家出面有d茶記出埋d冇檸檬既檸檬茶而且可能係lunch關係。杯茶係唔使錢。凍飲都冇加錢👍👍總括番今日個lunch 好滿意好滿足。享受完個weekend明天又要繼續努力工作

下午茶時段2:30pm經過，咁啱肚餓就食個下午茶先🤭叫左一碗香茅雞扒湯河雞扒勁厚價錢係$65 連普通嘢飲如果下午茶嚟講相對比較貴，但的確係好食，食到連啲湯都差唔多飲哂

🌟生牛肉湯河 $58 (7.5/10) 生牛肉都算柔嫩 入口即化 加埋河粉 芽菜嘅爽脆 都幾正 生牛肉湯味道都算鮮美爽口 唔會太淡太鹹 啱啱好 會推薦俾大家🌟雞絲湯河 $58 (7/10)啲雞絲都算多同大嚿 又唔會好硬 一咬就食到 雖然個雞湯睇落好似冇咩味但係食落又ok 係清雞湯嘅味 唔會好重味精 食完唔使係咁飲水🌟整體：7/10店舖比較細 可能撞正食飯時間 就比較多人 香港夏天咁熱 行多陣個人都溶 熱到唔想食啲肥膩野 食碗河湯都幾好 價錢都可以

味道不錯, 雖然地方不大, 但小店有特色推介, 好過大餐廳食lunch, 在培正中學對面, 應該有點生意，但因為食晏不想食太多東西，所以沒有叫到其他小食例如春卷等等，

去開旺角東, 順便過去何文田嘉多娜買麵包, 看見清雅越南粉唔洗等, 一個箭步入去坐佢面向馬路既窗口位. 雖然佢既牛肉湯粉好味, 但也想試其他, 所以今次揀咗香茅豬扒湯粉,牛油雞翼同鹹擰7. 豬扒腌得入味, 煎得剛好, 肉嫩又香口, 金邊粉則煙齦有咬勁; 牛油雞翼則充滿牛油同蒜香味, 炸粉不是太厚, 脆度足. 鹹擰7則是正常. 其實何文田唔只一間越南菜館, 而這店主打粉麵飯小吃, 店面細細, 生意不錯, 而且價錢亦不是十分貴, 服務細心, 見枱上的紙巾用完, 立即補充, 抵讚!

支持本土小店🤍😎呢間越南野食左好多年啦 依然咁好食🤤性價比超級高 好啱學生🤓 而且佢地理位置都近學校 係培正學校對面👀中午時間好多學生 一個麵大概$50-60左右 超級合理我之前試過佢哋既生牛肉湯喝 雞翼 炸春捲🫔fyi鍾意金邊粉既朋友 一定要黎🍜 呢間係有金邊粉呢個選擇 當然都有河粉 檬粉👍🏻全部都好好食 今次決定要出post既時候就去叫左雞肉撈檬雞肉份量好多 仲有醃蘿蔔 花生 蔥成碗野都配得上連鎖店既撈檬🥹📍 清雅越南粉 (何文田)地址：何文田窩打老道69號地下B2號舖

大清早一家人到旺角太子道探朋友，離開時已經午飯時間，一於在附近搵食。越南小店，鋪面不大，高朋滿座，唯有在外邊等吧。門外等外賣的人也不少。蒸粉包（兩件）～$26(套餐送一杯普通飲品)有驚喜，木耳絲，紅蘿蔔絲、肉碎、香蒜、香蔥，清新可口。生熟牛肉湯粉～$60 牛骨清湯底，薄切肥牛片（生）+ 厚切牛腩肉（熟）牛肉質鮮嫩，牛味濃郁👍🏻雞絲扎肉湯粉～$57，清湯底配以洋蔥、芽菜、羅勒等，雞絲還可以，扎肉味道比較一般。春捲撈檬～$55，春捲以木耳絲、芋頭蓉為主，味道不過不失。小食春捲（四支）～$46（套餐送一杯特飲）

整體抵食！難見嘅正宗越南🇻🇳嘢。之前係佢地到食堂食已經幾好，今次試下外賣，疫情期間都有9折。加小食仲有汽水送去，加加埋埋都係70左右一個人小食加粉仲有嘢飲。D stuff服務幾好，見你拎多d嘢，都會主動幫你開門，都講唔該滿意滿意。推介佢地家嘅蟹膏湯粉，最jeng係佢地嘅湯底，好嘢味，仲蟹蝦味，好味過隔離嘅個間越南嘢。隻蝦🦐都食得出新鮮，但係得兩隻。整體都唔差，推介。小食都係會次次食佢嘅春卷，上次聽佢地老闆講都係佢地員工自己親手自家包，唔係買返黎。難得難得，堂食炸出黎好脆，外賣就差d，拎返屋企就濕濕地，但係都係好味。建議叫佢地跟辣椒醬俾你，加埋好驚喜。野飲，茶餐廳水平。越南滴漏咖啡可以試下，雖然只可以單點，但係好重咖啡味，幾好。外賣就還好，冇得睇佢滴。青檸蘇打推介，好多氣整體唔錯，服務好，嘢食抵抵。值得試

又貴又唔好食。今日去食午餐，叫咗個火車頭，盛惠$80大元，好多河粉冇乜餸。加咗個春卷，兩條大人手指大少少嘅size，盛惠$26。咬一啖，只得個胡椒辣味，見到入面黑孖孖嘅肉碎，我都唔知講咩好！同阿姐講，佢話可能老闆娘重手咗少少喎！我通常都唔會比負評，但我真係忍唔住。今日洗咗百幾蚊就係食啲咁嘅嘢。唯一安慰就係杯奶茶只須要加三蚊，雖然都唔係好飲！以後想食越南野，都係行多幾步去下一條街果間，雖然都貴，但起碼人哋好食呀！

何文田呢個地區其實有啲尷尬，話就話同九龍塘／城或者旺角太子好近，但其實出色嘅餐廳真係唔係多。又或者當你懶，唔想行去呢啲就近嘅區食野，其實選擇真係比大家想像中少啊。呢間嘅下午茶時段係由3點鐘開始，做到5點50分，呢日我5點40先入去，用極速落單其實佢個餐牌係同午餐餐牌一模一樣嘅，只係下午茶時段呢就送埋杯熱飲，普通凍飲就加3蚊。今次我叫左個越南生牛肉河粉，好多洋蔥，牛肉份量都唔少，味道Ok，唔收加一，整體上都可以

佢嘅越南牛河係好好食，個湯底係精華所在。不過因為食得太多次所以今次轉下叫其他嘢，今次叫咗越南春卷湯河，越南雞飯，炸蝦餅。先講越南春卷湯河，呢個要現場食先好食，春卷脆口，調味好。越南雞飯雞嫩滑。炸蝦餅係因為個飲品而叫佢，依家叫咗一個細size小食可以送一杯飲品（如果叫一個大size小食會送一杯特飲）

今午逛街偶遇越南餐廳便入內嘗嘗。先來兩杯西洋菜蜜，我倆點了蒸越式粉包一齊分享，味道比較大眾化，亦算好味的小食。相公另點了扎肉河粉，而我點了生牛肉河粉，湯以洋蔥丶芫茜丶蔥丶白蘿白丶豬骨等等淆成湯底味道清牛肉片剛熟，不韌，這也算是很惹味的湯河。

下午茶時間找食時記起以前經過這越南小食店，正值下午茶時段奉送飲品👏👏我點了扎肉河粉， 太座選生牛肉河粉，另加小食蒸越式粉包😋😋扎肉爽口，河粉绵滑，清湯味鮮😋😋生牛河湯底好濃郁牛肉味，牛肉只算合格😋😋粉包味道清新， 餡料充足有雲耳蔬菜肉粒😋😋合格的下午茶