漁屋日本料理 (荃新天地2) (已結業)

除夕夜食放題，點知中晒伏！！！由食物質素講起，啲刺身一想到已經見到啲冰開始溶雪成水，每食一啖都覺得啲刺身唔新鮮。到熟食，未食過燒雞翼可以趕到好似柴咁😅😅羊肉串勁串，完全食唔落口((p.s.唔係臊味到員工服務質素，其實大部份員工都算正常。唯獨係一個着T恤嘅女人((講普通話嘅))，黑口黑面😅😅好啦，當佢唔識笑或者全家死晒笑唔出😅佢竟然送嘢食上枱嘅時候黑口黑面企喺我哋側邊示意叫我哋幫佢攞，重點完全冇講過任何一句說話，或者唔該，淨係企喺度望住我哋😅😅我哋已經幫佢set晒位，比個空位佢。請問呢啲係咩服務態度？😂😂唔講以為我哋先係服務員🤣🤣到間舖頭嘅衛生，廚房入邊嘅情況我哋唔知啦都唔敢想像，但眼見嘅地下同座椅都好污糟。仲有咁大間舖頭竟然唔收信用卡((話部機壞啦))但完全冇提早通知，好彩我哋兩個人食八百幾蚊都有現金，有啲成六至八人食點會個個有幾千蚊現金袋喺身，仲要冇提早通知😅😅應該要喺入座前提早通知。仲要呢間舖頭真係瘋狂漏單，見到隔籬枱客係咁追單真係辛苦。比錢買教訓😅😅冇下次

位於荃新天地2期日式放題, 晚市經常爆滿，建議先提早預訂位置，不建議walk in 食物方面刺身新鮮多選擇蝦一般，其他都ok串燒好食, 夠味同夠熱，雞軟骨可以encore 有好多特別飲品可以叫，唔同顏色唔同味道，可以try try

睇左某影片分享網站 片就去試下啦！講到又蟹腳又三文魚腩又三文魚鮫拖羅任食放題！咁就book左去試啦，仲話有9折tim……..咁緊係去試下佢咩料啦一入到去用QR code落單，一睇，吓，咩都暫停嘅，大部分食物話「售罄」。午巿一開舖12:00就話無哂！咁做咩唔入場前同客人講賣哂無得食比人有個心理預備先！咁重點黎喇！！！！！！！我同個女人講：「你地放題咁多食物話售罄，做咩唔入座前講定？依家我入黎但又無野食提供架？蟹腳三斗魚腩咩都無」之後個女人話：「無咩？蟹腳都無咩？」之後佢先去部電腦度禁幾下話依家有喇我隔離檯啲客都和應：「我都有咁嘅感覺！」做放題做到咁，咁不如明碼點實價收我錢提供放題食物啦，又想吸客但又唔大方！睇番之前人地的留言，叫一兩次就話無架喇！係有部分寫明限量供應，咁啫係限幾多？一早寫明一客or兩客仲好啦，大家有心理預備！門口寫都好多好多食物提供，入到去坐低就好多好多食物售罄。我最後係無食到嘅！因為我覺得間食店唔誠實！

人均above 350一 衛生差，紙包飲品有黑點，勁污糟，其中一包仲發現有隻細小強係度爬。雖然出街食嘢都知唔可以要求咁高，但係基本都冇做到。二 瘋狂漏單，基本上除左首輪落單，之後都會漏野，D野重覆叫左3-4次都唔會嚟。落咗單嘢食未來但係check單又表示食物已出。體驗感極差。三 性價比低，8.30pm入座，已經好多野售罄，食物質素及選擇對唔起價錢。店面裝潢比較陳舊狹窄。結論： 除服務態度外，全一⭐，因為無得俾0⭐，無下次，完！

難得男朋友帶我食好野😂緊係唔執輸啦！一入座，我即刻瘋狂叫唔同既刺身壽司🍣呀！仲有好多嘢飲同甜品🍮😂我真系第一次見甘多選擇既放題，雖然已經開咗好多年，但係味道質素無下降！keep到 ！

疫情前本來book咗大埔位，但後來因為冇晚市堂食，所以取消了，現在大埔分店都冇左😩只有去荃新天地食啦🤣日式放題選擇多❤️出單快👍🏻價錢合理😘會再光顧🔥

最簡單, 座位要坐喺商場行人路, 你可想然知得唔得. 食物嚟得好慢, 只有暖唔熱. 而且座位好逼, 坐到好貼. 價錢唔平, 同旺角其他地方幾間大型日本放題一樣價錢, 但質素就差好多

我第一次光顧這店是十多年前食放題，質素好，款式豐富，不過係座位狹窄，所以沒有再光顧放題。但它的午市定食也相當吸引和有質素，與不同人士到來，次次都滿足開心地走。但今次失望極。我叫了菊壽司併細牛肉烏冬$76，壽司賣相都尚可，烏冬煙靭，牛肉味濃。老公叫了豬軟骨拉麵，碗是特大，份量正常，不覺得特別大。豬軟骨若軟淋多少少更好。最不滿是個湯完全唔熱，只是微暖。阿仔就叫了近乎一百大元的炸蝦拼軟殼蟹天婦羅便當。一送來，相機先食，因為賣相吸引。但一嚐就失望了。軟殼蟹炸得過火，脆脆硬硬，蟹味一般。賣相吸引其中是因炸金菇像一把扇，不過都係「脆」「硬」，沒有味道，呢把扇三個人分都分唔晒，因為唔好食。三個餐仲要加一，二百九十幾。講真，如果這樣的價格，而質素又這樣的差，我寧願去食其他。希望是一時失手，再俾多次機會你啦！

侍應態度極差！係超級差！4個灰衫侍應，得一個係正常………無要嘅嘢，又唔講夾硬幫我轉咗另一樣嘢，仲要同我講咁無就係咁架啦，真係黑人問號😑唔該晒囉………就係因為呢個態度就算再好食同抵食都唔會再幫襯，更何況唔係…我地係食普通午餐，唔係食放題食物質素一般，但呢個價錢可以接受嘅……但等好耐，由叫嘢食到送上枱要成30分鐘，但我地只係嗌普通嘅午餐丼……除咗時間耐，就係上枱食物唔熱，又未至於凍，但係微暖…啲壽司飯係硬嘅😅有啲一粒粒好似未熟咁……

星期四午餐時段點了極上刺身便當（$105），配白飯、是日沙律、味噌湯、甘味 (鮭魚、松葉蟹腳或美味鮑魚、油甘魚、拖羅、甜蝦、帶子、大赤蝦、海膽三文魚子籽，這個價錢來說食物質素合理，不過不失。

我家習慣考完試就去大食放鬆一下，咁岩放寬堂食8人一枱，咁就決定娘家一齊去。原先諗住試下荃灣海之戀睇住海景嘆放題，點知睇到食評唔係咁睇好，我諗去番✨漁屋日本料理✨會比較穩陣Apps 落單，未有漏單情況，只係燒物同炸物稍為要等一等，刺身同壽司🍣就好快到。刺身唔錯，算新鮮，特別要讚牡丹蝦夠大隻，一啖入口好滿足。燒菠蘿🍍係必點，上枱熱辣辣，食落好甜好多汁。魚鮫魚鰭係限量供應，先叫先得。炸物就推介芝麻雞翼，炸蠔🦪，南瓜，芝士年糕，蝦🦐，全部熱辣辣，外皮好薄，食落脆卜卜，唔會一口油。爐端燒就推介雞軟骨，羊架同鰻魚。雞軟骨食左好多串。清酒煮蜆蜆肉大大粒好飽滿，食落無沙。

聖誕一家人去左漁屋日本料理食放題個陣join 左黑金卡會員，隨住第5波疫情就暫時停業，一直未有機會去食，一開番想訂星期六位真係唔容易，要到7/5先有位去食個lunch，去到就用左午餐卷先。豬軟骨烏冬豬軟骨好淋好入味，烏冬夠煙韌。九洲拉麵好多料，特別要講講入面蜆肉算好大粒拉麵質感岩岩好。套餐有沙律、卷物同泡夫沙律好新鮮，卷物2件，泡夫1粒。油甘魚魚餃定食包沙律、麵豉湯同泡夫一個餐一杯飲品一杯凍咖啡兩杯雜果賓治。

黎到荃灣搵食，誤打誤撞黎到呢間，價錢的確如食評所講係抵食，但真係唔可以有要求叫左個金箔香蔥拖羅蓉丼，一黎到就知伏，唔知係咪見識少，我仲以為拖羅係肥美d顏色應該偏白d，但黎到係血紅色，照計menu應該寫@吞拿魚」而唔係拖羅啦說好的拖羅蓉呢？唔係拖羅都算，仲要蓉都唔蓉吓，d飯又硬到，似乎少d牙力都無能力食晒碗飯呀😂由於唔係好蓉，所以d吞拿魚起晒筋，啖啖都好有趙頭，唔知以為自己食緊香口膠，但點解食吞拿魚都要lur出黎架😩呢間餐廳可能做開放題所以單叫既水準會差d？點解打開門口都可以咁無誠意？唔明、唔明、唔明。。。

好彩有book定位，餐廳比較細，我地八個人要分兩張枱，環境都有少少擠逼🙈餐廳有得用電話scan qr code落單，又環保又方便👍🏻·2小時晚市放題($298/位)🐟刺身類基本嘅三文魚吞拿魚油甘魚甜蝦都有，估唔到仲有帶子、花螺、青口同蟹腳😳刺身好厚切，正常放題質素😂·🍣壽司類平時食放題好少食壽司，但呢度嘅壽司幾特別吸引到我叫幾件試下😆海膽吞拿魚唔錯，海膽唔腥臭👍🏻·🍢串燒類蒲燒鰻魚必食😍好少放題會有鰻魚食，燒得岩岩好幾好食🤤仲叫左串燒一口牛，等左好耐都無黎，決定再落單，結果隔左好耐差唔多食飽晒先黎😵‍💫·🍤炸物類黃金燒扇貝勁多芝士，但中間粒帶子好細粒😂海蝦同松葉蟹棒天婦羅唔錯，唔厚粉😋吉列炸生蠔、芝士年糕、紫心香芋年糕、至尊鮮蝦多士、黑松露蝦多士都好食😚🤤仲有榴連炸彈一定要食😆·🍧飲品&甜品類比一般放題選擇多好多，有好多款雪糕雪條，連香蕉船都有😂😂飲品有水果茶都好正，唔洗飲罐裝汽水喇😎😎·間唔中口痕乜都想食果陣可以考慮下放題，呢度選擇真係好多，熟食質素唔錯，刺身有待改善啦🤫🤫

漁屋的lunch set可謂選擇多份量足又幾抵食!! 所以lunch time都幾多人幫襯，時不時要等位!! 今次食滑蛋豬扒飯，味道幾好豬扒外脆內軟， lunch set有沙律、甜品同麵豉湯，但大食嘅我每次都鍾意加幾件佢嘅$4壽司，質素唔係話超級好但係以價錢來講可以!! 另外都鍾意食佢嘅拉麵，大碗同埋好多蔬菜，豬骨湯底都幾好味!!