渡邊屋

营业中

休息中

餐廳最初係做立食，後來改左可以坐，環境細細，有五個座位，全部都係席前板前位，可以睇住師傅整壽司。另有店員服務殷勤，時刻細心留意客人，主動添茶。服務不錯。望下黑板有咩時令特別推介先，揀左富山灣白蝦軍艦（一件）$68時令當造，師傅推介，一於試下。細細隻既白蝦， 晶瑩剔透，上面放左少少黑魚籽。原來白蝦係富山灣最代表嘅特產，有‘’富山灣寶石之稱”， 以‘’優雅濃郁‘’，‘’甜味融化的質感‘’ 享譽。一口咬落，白蝦肉質彈牙，咀嚼下細綿黏口，味道鮮甜，清新不錯！本鮪壽司盛盒 $146拖羅控啱晒，一個set食晒赤身、中拖、大拖、蔥吞拿魚腩。赤身厚切、味濃郁。大拖做到入口即溶，舌頭輕輕一壓就滿腔油脂香既效果！新鮮！高水準！火炙安康魚肝壽司$36火炙過，肝味油脂味出色。海膽壽司師傅席前即製，即刻食，紫菜仲係超級趣！海膽極其新鮮，鮮味口腔爆發，讚！呢度嘅壽司，刺身食材都比壽司飯大，絕對唔會飯大舊舊，然後得好薄或好少刺身，可以充份滿足享受刺身美味。總括喺九龍城，如果人少少，又想快嘆下高質壽司，渡邊屋確係首選！

喺九龍城衙前圍道轉角位，兩邊都有好大塊玻璃，可以望到入邊，之前一直都係立食，近年就改咗有得坐喺度食，但座位不多，所以嚟之前最好book位。職員服務殷勤，其間不斷添茶，又會介紹一下時令既野。本鮪壽司盛盒 tuna sushi set$146 本鮪大拖羅壽司$56赤身，中拖，大拖，蔥吞拿魚腩大拖羅入口即溶，肥美鮮味，另外散叫多咗個大拖羅，真係好滿足，預埋+1價錢都唔算貴，因為以佢咁嘅質素，真係物超所值。渡邊屋壽司盛盒$168 三文魚，油甘魚，真鯛，紋甲，帶子，赤蝦，海膽Basic嘅set， 168有7件壽司，一個人食都夠，簡單如三文魚，都感受到每日嘅新鮮空運。鱈場蟹棒壽司$9 牛油果壽司$12好平嘅壽司，質素不錯，牛油果口感真係有三文魚嘅感覺。深海池魚腩壽司$36深海既池魚肉質一定肥美，因為佢要keep住保暖，身體會逐漸養成一層脂肪，同普通池魚係唔同，要食就一定要食深海池魚。富山灣白蝦軍艦（一件）$68新鮮當造，平時白虾主要係熟食，師傅介紹生既白虾少有。所以一定要試下。白虾上面鋪有黑魚子，味唔算濃，一試無防。性價比十足嘅壽司店，食完之後食返個甜品，就係而家嚟九龍城必做嘅事。

今晚九龍城做完嘢 正常來講都會食泰菜，但係有啲熱氣所以想搵日本嘢喺十字路口見到呢一間好光猛，所以就入咗嚟試今晚想食得香口啲，所以叫咗個火炙壽司盛盒師傅好細心咁問我使唔使燒得熟啲 呢個舉動係幾surprise 本身諗住留返個赤蝦最後食但係師傅提我話啲蝦膏要趁熱先好食我心諗，我又唔係叫一啲好貴嘅嘢都咁細心呢個心思真係值得我打一篇文讚一讚可能日本嘢喺香港地真係好易搵但係我覺得有心思嘅師傅就唔係咁易可能因為細細間 最多都係坐得兩三台但係有時香港人夜晚食飯 有質素嘅一餐飯，唔係只係講材料 而係有時輕輕鬆鬆有講有笑嘅一餐飯

九龍城高質即叫即做壽司小店的 極上壽司盛合 和 特上壽司盛合都是非常值得推薦的。特上壽司盛合的壽司品質非常優秀，各種鮮魚都非常新鮮，口感鮮美，食材的質量也非常好。極上壽司盛合的壽司更是豐富多樣，包括了各種和牛、大拖、牡丹蝦等高級食材，味道非常美味。除此之外，壽司小店的服務也非常周到，給人非常溫暖的感覺。總體而言，渡邊屋壽司小店的極上壽司盛合和特上壽司盛合都是非常值得一試的，絕對不會讓你失望。由於坐位比較少，建議都是訂枱。

呢度得五張凳，所以基本上嚟親都要等😂 所以你會見到好多人叫外賣🤓 網上外賣平台外賣自取都大約係本身餐牌嘅82折🤭 我今次好好彩等咗15分鐘左右就有位🤓 係唔想諗嘅情況下，只係係set餐度諗食乜😂 我同男朋友都嗌咗極級霜燒壽司盛合 $248😂，有8件🤭 有三文魚$21、左口魚$20、原條海鰻$28、帶子$39、大拖$57、和牛$43、牡丹蝦$88、玉子$9，係等嘅期間我做咗樣好無聊嘅嘢😂 揾返單叫嘅價錢，。如果8款單叫加埋要$305，所以都係大約單叫嘅8折😋 不過如果唔係特别想食大拖/牡丹蝦，我會叫你唔好好似我咁懶，應該獨立叫，因為呢度有好多平時食omakase先食到嘅特别刺身/壽司😳 用呢set嚟計我最中意係左口魚同帶子🤭 因為左口魚炙燒過之後啲魚油出晒嚟，口感好正🤭 其次就係帶子，好大嚿又好有鮮味🤤

本身我都好鍾意去九龍城搵一啲小店食嘢，今日拍拖經過九龍城，發現呢間日式壽司店，真係好正啊！我最鍾意就係佢嘅松葉蟹腳壽司，蟹腳肉質鮮甜，配上滑嫩嘅壽司飯，啖落好香！熟蝦壽司亦好正，蝦身好新鮮，清甜爽口！另外，佢嘅黑瀨油甘魚腩壽司，魚腩嫩滑，油甘味濃郁，十分好味！飛魚蟹籽軍艦，飛魚薄脆，蟹籽鮮味十足，襯托出壽司飯嘅香氣。我仲試咗佢嘅鰻魚芝上加洲，鰻魚肉質鮮美，加埋芝士同醬汁，味道更加豐富！灸燒神戶和牛卷，牛肉煙燻嘅香味襯托出牛肉本身嘅鮮美，配上壽司飯同醬汁，口感豐富。而佢嘅黑白黄金蟹膏手卷，蟹膏濃郁滑嫩，加上壽司飯同海苔，啖落好香！火灸神戶牛手卷同黑白黃金蟹膏軍艦都好正，牛肉鮮美，蟹膏滑嫩，令人回味無窮！最後，食咗幾款軍艦壽司，包括芝士飛魚籽軍艦、辣味三文魚軍艦同芥末八爪魚軍艦，每一款都有佢獨特嘅風味，好好味！總括而言，呢間壽司店嘅食物質素高，價格亦合理，值得一試！

一直都好想嚟呢度食，去過幾次北斗，幾次浜淹，唯獨係未嚟過渡邊屋🤔 今日終於試到🤤 因為佢得好少位(5個) 如果唔想等太耐，就要早過6點半嚟🤔 不過呢度有兩嗰師傅，師傅對客係一對二咁😳 今次叫咗平時食omakase先食到嘅火炙壽司🤤火炙海膽紋甲壽司 $28 - 好有咬口，亦好爽甜，如果舖頭有得嗌，我一定會去食🤭 火炙深海池魚腩壽司 $37 - 好肥美，好多時都係omakase先食到，炙燒後迫出魚自身嘅油脂，更突出😋牛油果芝士三文魚卷 $88 - 呢嗰我覺得係必叫，首先自己好中意食牛油果🥑 呢嗰配合又抵又好食🤭甜蝦角切魚生丼 $128 - 驚唔夠飽，所以嗌多嗰魚生丼，佢所有魚生都係即場切粒，絕對唔係切頭切尾俾你

This sushi restaurant left a lasting impression on me. From the moment I walked in, I could tell that this was going to be a special experience. The ambiance was calming with soft lighting and Japanese decor. But what truly set this restaurant apart was the quality of their sashimi. Each bite was like a burst of flavor in my mouth, and I could tell that the fish was incredibly fresh. The chef had clearly gone to great lengths to source the best ingredients possible, and it showed.In addition to

九龍城有間corner 壽司店特別引起路人嘅目光：一、只能夠容納5位客人，2位師傅和1位員工，真係奇景；二、舖頭外面等位等外賣嘅人隨時多過裏面的5個客人，證明佢嘅受歡迎程度；三、小店在街角任路人睇通睇透，就好似一個強烈statement ，「好嘢我有得食，你哋有得睇冇得食，吹咩？」繁忙時間冇預約基本上較難有得食，今日嚟到餐廳係6:30 pm，幸好上一批客人準時離開，我哋就有得坐低。2個人叫咗一份壽司，盛盒，一個刺身丼，同埋一啲手卷和刺身，兩個人埋單共$600左右。兩位師傅喺我哋面前即叫即做，專業，有心機，食材質素高，新鮮，基本上性價比上好過好多香港嘅壽司店，唔怪得知佢堂食外賣都受歡迎啦。$138 火灸壽司盛盒$168 本鮪赤身蔥吞拿魚腩丼$98 日本馬糞海膽手卷$68 黑瀨油甘魚刺身$68 富山灣白蝦軍艦 （春天限定）

餐廳有5個位，6:30入座已經full，Keep住有人排隊，Keep住有人外賣。價錢同質素係正比👍🏻有2位壽司師傅即時整造你面前嘅魚生！🍣日本馬糞海膽手卷 $98好新鮮，記得唔好掛住影相，要快啲食😋🍣黑瀨油甘魚刺身 $88紋理清晰，油脂豐富🍣火焰壽司盛盒 $138唔想淨係食生嘅刺身，所以嗌咗個火焰set！其實佢有好多set，我覺得幾抵嗌，而且賣相好好，超吸引👍🏻每一舊都有佢嘅特色，味道配襯得好夾！🍣本鮪赤身蔥吞拿魚腩丼 $168用上蘭王蛋做成個飯嘅點綴！記得先撈蛋，後加豉油再食，會有唔同味道！🤣想食壽司、刺身可以泥一試，我覺得外賣都唔錯👍🏻人均$300

渡边屋 有次個朋友討論起香港日式餐廳真的多得很會不會有一間有omakase 的質素，但不用1000一個人價錢的選擇，朋友說她住的樓下街口有一間我們朋友聽到後也只是覺得他說客套說話，剛好今天去佢家吃飯他就帶我下來落黎試一試如果地鐵站過嚟嘅話，九龍城B3出口 走5分鐘之後到達！門面非常之光猛，喺正十字路口，所以好易認內裏位置雖然只有五個位但係坐得舒適本身唔係好肚餓 諗住叫個丼就搞掂橫掂都係就食咗個最吸引嘅三文魚子海膽丼💖絕對冇後悔💖讀用既海膽大大塊 三文魚子唔係細細粒 粒粒都有返咁上下先可以做到一咬即爆嘅口感三文魚油脂加海膽鮮味真係食到停唔到口跟住見隔離枱叫咗牛和壽司幾好食羊群心態就叫多嚿嚟試吓😼因為之前食過壽司郎嗰個唔好食 所以今次膽粗粗試吓可能因為師傅燒一燒，令到表面油脂好香口所以我會再叫 但係壽司郎嘅和牛壽司就不了😂想食好食嘅壽司但想一個你400蚊埋單我真係會再嚟

在九龍城行街，聽到行過的姨姨指着渡邊屋，跟友人介紹：這間超好味！聽到後即刻排隊等位，好好彩等了大約20分鐘便可安排入坐。餐廳內只能坐5位客人，地方雖小，但感覺舒服，更能拉近廚師及客人的距離，感覺十分親切☺️我們兩人點了一客加拿大海膽刺身、火炙安康魚肝壽司、蔥粒吞拿魚腩手卷、甜蝦角切丼及霜燒魚生丼。海膽刺身十分鮮甜，配上青瓜及紫菜，豐富了口感。吞拿魚腩手卷，紫菜乾脆，令手卷的層次提升。霜燒魚生丼入口即溶，魚生新鮮軟滑，跟平日食的質感完全不一樣，食得出的優質食材。甜蝦角切丼，用料豐富，一次過食了不同刺身，大感滿足最後欣賞職員的親切及有禮態度，雖然星期六他們比較繁忙，但仍對每位顧客細心照顧，值得表揚👍

早前陪bff去九龍城睇中醫，打算睇完之後就去附近食店醫肚，但最後佢竟然遲大到，咁我唯有自己一個人先開餐，之後再同佢匯合。係街上面行咗陣, 見到有間日本餐廳, 係人來人往嘅街道入面, 採用半落地玻璃設計, 創新又大膽，吸引咗唔少途人注足, 而我就係其中一個, 見到壽司師傅用火槍燒緊火炙壽司，好似好好食, 好喇, 俾個機會試下佢!除咗餐牌上嘅壽司刺身, 仲可以叫黑板上嘅重點推介食物~我一次望點咗兩樣食物, 火炙盛合＆火炙丼, 望住師傅係我面前拎住火槍燒魚生, 感覺賞心悅目~霜燒魚生丼所謂霜燒魚生, 其實就係火炙三文魚＆帶子丼, 三文魚肥美, 加上係厚切, 大大塊, 表面用火槍略略燒過, 三文魚介乎半生熟, 入口有濃濃嘅魚油脂香, 肉質細緻嫩口, 有魚香; 帶子同樣厚切，火炙點到即止, 味道鮮甜有彈性, 同三文魚好搭, 一口三文魚, 一口帶子, 配埋日本米, 大滿足!火炙壽司盛合盛合入面有好幾款火炙壽司, 好似三文魚、油甘魚、鰻魚、帶子、左口魚、赤蝦及原條鰻魚！火槍將三文魚油迫出嚟, 口感仍然能夠保持嫩滑細緻, 放入咀喥細嚼, 三文魚獨有嘅魚香味, 久久不散~油甘魚經過火炙後, 帶有焦香,

九龍城好多嘢食，今日試咗呢間渡邊屋，真係好高質要推介俾大家舖頭面積唔大，都係坐喺吧枱，直接望住新鮮嘅魚生，望住師傅即場製作俾你，所以保證新鮮新鮮嘅魚生海膽生蠔就喺你面前先來牛油果芝士三文魚卷，厚厚牛油果creamy ，配上新鮮三文魚一絕件件足料架跟住係併盤渡邊屋壽司盛盒，可樣樣試下，但真係樣樣都咁好食，蝦頭蝦羔都非常多特別鍾意係三文魚腩，黑瀨油甘魚，北海道帆立貝壽司，全部肥美鮮甜，要另外再叫，帆立貝好厚身，三文魚腩啲紋路好靚，油脂分布100分，另外不得不讚師傅刀工，係三文魚腩上再界2,3刀，口感一流餐牌上大拖羅壽司寫必點，當然要試，OMG，入口爆油溶化，真係必點啊正常嘅我已經餓，但太好食，再叫蒲燒鰻魚青瓜手卷，海膽北海道帆立貝手卷，手卷另一種食法，一樣出色，紫菜脆卜卜員工禮貌都不錯，又主動不斷幫加茶，呢餐完美

九龍城給人的感覺，大概就是吃“泰國菜”，不過，其他實這一區有很多隱世美食，這次我就來到渡邊屋吃日本菜。 渡邊屋位於衙前圍道轉角位置，從玻璃窗外望進餐廳，可以清楚看到各款魚生食物，還可以看到師傅在握壽司，畫面非常吸引。 店內的座位並不多，但食客不少，在門外等了一段短才可以安排入坐。 甫入店內，店員態度親切，除了快度上茶，還主動為我們介紹及推介黑板上的時令推介美食。 餐牌上的選擇極多，食物圖片亦色彩豐富，當中以丼飯最吸睛。 三文魚籽海膽丼大力推介！這送上來時，真的非常震撼，因為白飯上放滿了海膽及三文魚籽。 北海道馬糞海膽不但肥美厚實，口感細膩綿潤，最重要是份量十足，瓣塊極多，海鮮甜味突出。 北海道三文魚籽粒粒圓潤，晶瑩剔透，入口輕輕咬破，會有淡淡的鹹鮮甜味。 三文魚籽及海膽可以說是perfect match，當兩者混合在一起，三文魚籽的鹹鮮味便能起提鮮作用，令海膽味道變得更鮮甜，配上日本久保田米飯，100分！