渣哥一九九六 (已結業)

繼觀塘某人氣燒賣店鬧雙胞事件外，另一間著名燒賣店也宣布在茶餐廳結業後一個月左右亦告關閉！雖然我跟這家燒賣店的緣份太淺，不過早前剛巧路過，就來光顧一下跟這店道別吧燒賣 $18/8粒老實說這個價位是有點貴，縱然每粒燒賣的size都比外邊吃到的大三分之一，只要這樣想的話心理就會平衡一點了！質量方面實在抱歉，蒸得過頭燒賣皮都開始有點糊掉的情況，口感實不太理想，敗筆的還有點綴用的豉油！勝在魚味重粉感少，吃起來還是不錯的有彌補不足相信大部份香港人對店家並不陌生，由起家到為人熟悉，再到今時今日要迎來要說再見的一天（店家最後營業日是7月8日），只能說這十年辛苦了，想吃店家最後的燒賣就要趁著這時段去啦

行過九龍灣，又唔想食德福，行遠少少去到Eastmark。Eastmark上面有一堆唔同style嘅餐廳，但沒有一間有”大渣哥茶記”嘅名氣。曾經係黃店首選，佢嘅幻彩詠西多、焗炸彩脾、黑牛黑麵都好有名。如果未試過，都可以試吓，尤其黑牛味係同其他茶記唔同，顔色同味道都更濃。不過佢嘅價錢比一般茶記高，一個下午茶閒閒地5、60元。

走過街頭，聞到飄香四溢嘅味道，跟住鼻子去〜原來係場食全民美食嘅盛宴！今次就試咗碗仔翅、咖哩魚蛋和豉油皇炒麵。碗仔翅裏面嘅薄切雞肉、冬菇同粉絲嘅完美結合，真係令人開懷。嚟到咖哩魚蛋，每一啖都食到魚蛋本身嘅新鮮同埋咖哩佢嘅香辣🌶️，熱辣辣一路滑落喉嚨，實在太對味喇！到嘅豉油皇炒麵就正宗得滯，麵條推得算係啱啱好，啲椰菜又爽口，同大把豉油皇醬汁混埋一齊，入口即溶，每一啖都超滿足！Old school 既麵味，啖啖都係懷舊情懷🥢。整體黎講，呢間美食攤檔就好似一個小寶藏🗝️，食完之後滿足感爆棚，簡直見到都想揸走條舖頭！大家下次行過，記得唔好錯過呢！

夜晚打算振興消費，所出去食晚飯，行過見到大渣哥就入去幫襯下。夜晚人唔多，見到到處有座位，自自然然自己埋位。立即受到男店員大聲加埋惡劣態度質問： 你地幾位！？內心已經不是味兒，坐低後，問聲有無洗手間姐，女收銀: 呢到無呀！！去第二度！Ok，好，食餐飯姐，唔會同你+妳嘈。食物質素極度一般。埋單時，某某明星大駕光臨，火爆女收銀立即變身親善大使，招呼明星。。原來作為食客，都要俾人分高低。大家如果覺得生活壓力不足，強烈建議大家幫襯下，勁過澳牛！

疫情後少咗食街邊小食，依家總算可以鬆一口氣會響街度食嘢。未夠鐘食晚飯又有啲肚餓，行過德福諗都唔洗諗就去買嚟食！辣魚蛋 $18/10粒燒賣 $18/8粒辣魚蛋嫌唔夠辣～魚蛋算彈牙都幾好味～魚肉燒賣唔會好粉亦算有啲份量～甜豉油無敵企響店外食亦有唔少人，抵讚嘅係食客個個都食得好乾淨👍🏻

返工必經之路，早晨諗唔到食咩，又食下渣哥早餐F先-> 燒賣 + 熱奶茶 $21有8粒燒賣，蒸得夠熱嘅話加埋啲辣椒豉油都算好食，好食過7-11 & OK 燒賣，又唔駛等好耐，不過就唔算平，性價比一般……

🍡渣哥一九九六🍢頭抽腸粉套餐 $29個日經過九龍灣趕時間又肚餓周圍望都冇乜快餐快靚正嘅食物就渣渣臨買左個腸粉套餐('ω')腸粉夠滑 醬汁夠多燒賣同魚蛋又未算好好食但都唔錯

大人同我講渣哥d炸牛筋丸好好食🤤，今日咁啱經過九龍灣德褔，終於可以試下個炸牛筋丸。 12點去到，唔算好多人，我地叫左兩串炸牛筋丸（一串3粒），老闆同我講得返5粒🥴，所以我再搭多粒墨魚丸。野食係即叫即炸，所以要少少耐性，5分鐘後就食得啦。 炸牛筋丸：👍👍👍即叫出來真係好熱辣辣，小心熱親條脷。個面炸得好脆，上邊再加上椒鹽粉，好香口，牛筋丸真係有牛筋，加埋少少黑椒，好惹味，唔怪得大人話成日要食。 炸墨魚丸：墨魚丸好鮮甜，有椒鹽粉加埋都好好食。如果入邊有少少墨魚粒就更好啦！ 炸牛筋丸真心好食🤤🤤🤤，推介之選。👍👍👍渣哥下次應該預備多d

無論今日天氣幾度，佢賣既炒麵，依然維持係凍冰冰既水平，係我等食期間，我又見到有張紙寫住《製作須時，請耐心等候》，須時製作一份凍冰冰既炒麵？連簡單既保溫都無，的確唔簡單

大前日22-10-2022 (Sat)晏晝,同老公嚟到九龍灣搭VAN仔去西貢,老公話食少少嘢先,於是喺呢喥買,我哋睇完一輪menu,就決定要$33.00嘅渣哥三寶同$25.00嘅山楂烏梅洛神花茶.好快有齊就開動喇,渣哥三寶有六粒魚蛋,豬皮同蘿蔔. 魚蛋爽口彈牙,魚味足夠;豬皮好腍同有啲辣味,但唔太辣;蘿蔔夠腍,但近乎冇味,唔入味.山楂烏梅洛神花茶,微微嘅酸甜,正常冇問題.抵食係2.5分上次食評係2020年11月5日刊登嘅呢篇: https://www.openrice.com/zh/hongkong/review/yeah-%E9%86%AB%E4%BD%8F%E8%82%9A%E5%85%88-e3854921

小編依日約咗朋友睇早場，揀咗去九龍灣睇戲🎞，一於喺附近食賣個早餐先入場！［ 亂闖試飲試食 ］🍽 頭抽腸粉套餐 😋😋😋😋魚蛋、燒賣各5粒、腸粉都有唔少，朝早唔想食咁油膩，淨係點頭抽都好夠味道！☕️ 熱奶茶 😋😋😋😋😋茶餐廳奶茶水準，唔澀有茶味、奶嘅份量啱啱好！順滑，又夠熱！👍🏻早餐 💵 約港幣$30/人😎 朝早10點前嘅依個早餐真係好抵食，而且係會飽肚！喺附近返工嘅打工仔，趕時間可以買返公司食，唔使等好耐！

每週一次早餐必食，方便快捷簡單！但係有時都好多人排隊，最鍾意就係食B餐腸粉魚蛋燒賣，配埋辣椒醬就最好。但係有時想走麻醬，但係講完之後都冇走到🥲可能佢哋太忙碌，唔記得左。

今日午飯時間見人都無隻、唔洗排隊就去買一個煎釀三寶、一個腸粉。落單時我同個收銀員講：「腸粉唔該走甜醬」，佢無理我。到佢叫我單號時我再問佢（同一個收銀員負責叫單號），我話：「想問下個腸粉係咪走咗甜醬㗎？抑或啲醬要自己落？」，佢好大聲咁喝我：「醬落咗啦！寫咗啦！」。當時立即明白佢哋點解會無客！十問九唔應（仲要係喺無客嘅情況下，如果佢哋係忙嘅話我可體諒）仲未完，番去打開盒腸粉，發現咩醬都無，只有豉油！佢明明話落咗醬㗎喎！喝個客仲要俾錯嘢人，你話係咪貼錢買難受？成日聽到飲食業話難做，有哩啲害群之馬真係難上加難，我真心唔會、唔敢再幫襯…

真的很久沒有吃這個地道的香港食物, 行經九龍灣德福, 見到有聞名已久的渣哥外賣店, 便買了一個三溝試吓, 三溝即係生菜魚肉溝碗仔翅。生菜魚肉碗仔翅 ($30)撈勻麻油及醋, 入口.....好鹹呀, 食完呢碗嘢鹹到條脷都鞋埋。唔計太鹹呢個因素, 碗仔翅濃杰足料,  內有很多冬菇絲、粉絲、爽口雲耳, 湯底除咗食到鹹味之外, 我根本食唔出任何上湯應有嘅味道, 幸好的是碗細翅內有大量的魚肉, 魚肉不是一團粉, 真係食得出有鯪魚肉的彈牙口感, 有魚味的, 幸好魚肉味道唔鹹, 否則鹹上加鹹就不可能吃完這碗東西, 如果你食開勁濃味嘅東西就問題不大, 我都唔算係一個食得清淡嘅人, 但鹹成咁, 真係頂唔順, 希望廚師搵多2 個人試吓味。

渣哥一九九六✨🤎頭抽腸粉套餐每次黎親必叫🤤暫時係我最愛嘅腸粉😍腸粉好幼滑！！！ʕ •ᴥ•ʔ 粉皮吾厚魚蛋燒賣食落都算煙un 彈牙😋可以揀辣/吾辣PS. 腸粉啲醬多到我平時都會叫少醬🤣少醬岩岩好！٩(˃̶͈̀௰˂̶͈́)و