渣哥一九九六 (已結業)

🐟💬：當然唔係真。渣哥啦，阿魚意思係終於試到渣哥ge野食啦！.椒鹽炸燒賣！（6粒／12蚊）.好食！！估佢唔好咁好食！.表面有椒鹽粉！燒賣亦係熱辣辣！脆卜卜！好好食！.因為出面ge炸燒賣多數都係輕輕，但呢個係全粒都有脆脆包住粒燒賣，食落卜卜聲！.唔洗點仼何醬汁都好食，又夠味！.下次一定要再試其他野食先得！🐟FISH'S REMINDER🐟💡阿魚提醒💡.記得留意下佢張單，會有唔同嘅句子！好有意思㗎！.🐟📝：９/10.🍽🐟📝📌 渣哥一九九六📍 地址: 九龍灣偉業街33號德福廣場一期P41號舖⏳營業時間：營業時間：星期一至日：08:00-22:00

黎呢頭睇戲順便食個魚蛋醫下肚。魚蛋掂！！好彈牙，唔係粉粉唔好食個隻魚蛋。加上甜醬是必須仲有燒賣。兩樣一齊食完好滿足。主要係支持黃店。加上食物質素真係好。值得支持👍🏼👍🏼

#tastytommy良心食店 (黃到超金唔洗多講 近日依然關注周同學身後事 仲有網店想借渣哥名義食人血饅頭 要大力d懲罰!💛)渣哥咖哩三寶💛 $30咖哩汁少少辣 d蘿蔔超爽甜 完全冇渣 一流😍 豬皮好淋索曬汁 魚蛋口感就普通d 唔太彈牙~ 想瘋狂試曬佢其他小食🤪

難得 路過德福 見平時大排長龍ge渣哥 條隊都唔算好長 就排隊試下有幾正 好耐以前都知佢勁出名 身邊好多人都話好食 但都係到而加先第一次一試究竟港式小食店 魚蛋 燒賣 腸粉 li d一定走唔甩 所以叫左個「頭抽腸粉套餐」有齊 （辣）魚蛋 燒賣 腸粉 26蚊 一個腸粉餐 其實一d都唔平 希望質素對得起價格等左大約20分鐘 終於有得食因為我鍾意食辣 所以自行加左辣醬for食腸粉腸粉超滑 配頭抽 超好食 夠哂香 美中不足係 d芝麻唔夠多 我勁鍾意食腸粉時有好多炒香左ge芝麻😋個辣魚蛋 好普通 真心普通貨仔 一d都唔辣 講白d係無咩味 無咖哩魚蛋香味 令到個餐扣左d分🤦🏻‍♀️個燒賣 勁好食 好鍾意 好食過出面個d魚肉燒賣n倍 配頭抽 真係一流😆唔知個腸粉餐 可唔可以轉哂要燒賣 唔要魚蛋 無咩興致再食佢d魚蛋😅 p.s. 我見手抓餅賣哂 唔知係咪好好食呢 有機會要試下

眾所週知，渣哥係一位香港小姐開的店，我特別喜歡渣哥呢支消脂山楂烏梅洛神花茶。入口酸酸甜甜，好開胃好醒神的感覺，加上健康有益，飲完真係有種消脂的感覺咁，雖則價錢有少少貴，但真係好味道又有益，大大力推介！仲有個樽身幼長，好適合之後再重用，支持環保♻️

今日行街餓餓地，行過呢間渣哥，見好多人圍住係度買野食野，我都唔執輸試一試。簡簡單單叫左個頭抽香滑腸粉，大大盒，出餐時醬料都幫我落埋，唔洗同人爭醬料。食落d腸粉真係認真超級滑喎，我都未試過食過咁滑既腸粉😲，滑得來d腸粉又唔會痴埋一舊舊，而係片片分明，食得出既層次感呀！腸粉上面除左有豉油，仲有芝麻醬同原粒白芝麻，味道溝得岩岩好，唔會太齋又唔會太鹹，真係純粹食個腸粉都食到既滿足感。價錢雖然貴小小，但係食完係覺得值回票價，對食野有要求既巴打絲打值得一試。

喺呢個咁艱難嘅時候 要經營一間小店真係唔容易！希望大家多多支持良心小黃店！❤-------⭐碗仔翅（細）$20小編好中意street food 因為真係好有香港嘅風味！😭今日就叫咗碗仔翅我加左胡椒粉同麻油 超香❤ 雖然話係細碗 但都好足料！❤有雞絲 冬菇 粉絲等配料 真係好正！啖啖都食到好多料食完都飽了哈哈😂-------價錢：$20-------評分（10分滿分）賣相：7味道：8性價比：8回頭率：7-------店鋪資料名稱：渣哥地址：九龍灣偉業街33號德福廣場一期P41號鋪前往方法：九龍灣站A出口

今日黎到商場搵早餐食，德褔的小食店實在不多，所以想來想去，有中式小食售賣的就只有渣哥1996。10點前有早餐套餐賣，腸粉燒賣糯米雞咁。但因為我去到的時候已是10時多了，沒有早餐套餐售賣， 我便點了價值$26的頭抽腸粉套餐。雖然是外賣，但亦無求求其其偷工減料，擺得十分靚仔我一向都好鍾意渣哥燒賣，貪佢咬落去非常之煙un，唔同出邊一啲劣質的燒賣咁，只係食到一舊毫無口感嘅粉。腸粉就好嫩滑，粉皮亦都好薄，無奇怪嘅粉味，好食！魚蛋有得揀辣同唔辣，辣嘅都真係幾辣㗎，如果唔食得辣嘅朋友就揀返唔辣喇。

九龍灣多車行，最近都係來來回回去不同車行睇車同試車，所以多了在九龍灣活動。路過德福廣場，找了找小食店，決定試試渣哥。一看餐牌，的確是比較貴，但同大少分享（最緊要唔使自己找數🙈🙊），就試一試吧。點了腸粉燒賣加魚蛋，再加一支百香果冰茶，然後找個通風位置品嚐😚豬腸粉精髓是腸粉本身要夠滑，而且甜醬要夠好味，渣哥兩者都做到！👍🏻另外不得不讚渣哥的百香果冰茶，茶味濃，不像那些人工味道很重的飲品，而且冰茶原支雪凍，不用加冰，夏天飲是種很正的享受！😋😋😋

本人前后買了兩次綜合烏冬, 但發覺$3X作為午餐份量不太足夠, 有豬皮魚旦冬菇菜加一隻雞翼, 建議兩隻雞翼會好一點, 始終唯一真正肉類, 同埋個汁可以多返少少因為味淡一點，希望渣哥老闆盡快改量一下, tks

差不多每天都在這裡買早餐, 厚蛋治和芝蛋治大份又好吃, 份量多得可以分兩餐吃, 生菜魚肉碗仔翅都不錯, 足料; 員工服務態度非常有善, 有甚麼要求都會盡量配合! 推薦厚蛋治, 芝蛋治和生菜魚肉碗仔翅, 雖然有點小貴, 但食物真的物超所值!

之前食過渣哥嘅高質碗仔翅後，一直打算試埋其他小食。今日終於一次過試咗咖哩魚蛋、魚肉燒賣、豉油皇炒麵喇！魚蛋燒賣算係香港最普遍、最悠久嘅街頭小食，需求量高，有人hea做，有人用心製作，渣哥絕對係後者！靚嘅魚肉燒賣，應該用真正魚肉做，唔加太多粉（最好唔加粉），食落有魚香，蒸熟後唔會發大，凍咗又唔會回縮，用全人手做，粒粒都唔會太靚仔，各有特色，方為靚貨。但……呢種靚魚肉燒賣幾乎絕跡，市面上大多係麵粉燒賣。難得渣哥仍然堅持用靚貨，令我哋可以食返兒時味道 （超感動😭），配以頭抽提鮮，倍添風味！咖哩魚蛋，好多人以為只要個咖哩汁掂就得，其實醬汁只係提味，主角始終係魚蛋本身。渣哥啲魚蛋有魚味，細細粒，質感結實彈牙。辣咖哩汁辣度足，香料味濃，味道層次豐富。魚蛋同咖哩汁完全融合，咖哩辣味全部响魚蛋入面，非常入味！豉油皇炒麵，麵條炒得乾身唔油膩，配料只有椰菜，椰菜嘅甜味同豉油汁味道好夾。醬汁微甜，好開胃。份量以早餐嚟講，係剛剛好。早餐送熱飲，$18 有炒麵＋熱飲，價錢分量相當佛心。熱飲咖啡比便利店仲差啲。建議加多$10-$15 改為樽裝凍飲，款式較多。如果想一次過食齊魚蛋、燒賣、炒麵 ＋熱飲，可以叫豉油皇炒

之前聽講渣哥啲腸粉同某米芝蓮腸粉店同廠造，作為腸粉愛好者嘅我一直都想試試，今次試咗頭抽香滑腸粉($16)+香滑齋($15)頭抽香滑腸粉，名符其實非常香滑，腸粉熱辣辣好正。平時好怕啲腸粉好大陣粉味，好彩渣哥啲腸粉唔臭粉味，仲有淡淡米香，豉油同甜醬辣醬分量啱啱好，好味🤤😋另外仲叫咗份香滑齋(+咖哩汁)，咖哩汁微辣非常香，加落齋度好夾啊😍 冇記錯一共有五大嚿，如果每嚿可以剪開兩半就更加方便食👍🏽總結：試咗兩樣嘢都非常好食，腸粉香滑，齋配上咖哩汁係畫龍點睛，一定會再食😋😋😋

星期六又要返工啦，開工前去買翻個靚早餐先路過渣哥1996，有唔同類型既野食可以揀，今次就決定買份咸牛肉三文治，盛惠28蚊。佢有好多唔同類型飲品可以揀，我就揀左熱檸蜜，朝早飲熱野醒神D嘛。決定好就去點餐，之後就企響門口等左一陣間，好快就有啦，返公司慢慢嘆包裝唔同一般店舖，用個有精美印刷既紙袋裝住。塊包好厚，夾住好厚既蛋，蛋有蛋味，夾住好多咸牛肉，食起上黎有陣陣牛油香味，大份到差D食唔曬。下次再試埋其他野食先

早前比 #美容師 游說買咗個 facial package👀轉眼間八月底已經係到期日，咁啱呢排忙到中午飯都無時間食👀 本來預咗星期六先去做 Facial，點知又同 #游水課 撞時間😝 好在最終今日比我都等到個位，不過就趕頭趕名咗啲囉🙃做完Facial出嚟已經差唔多7:30，#小秘書 個肚真係肚餓到一個點👉🏻👈🏻 平時會嫌貴嘅 #小秘書 今日都唔理得咁多，一枝箭咁跑去「渣哥」個檔口排隊。#九龍灣店 似乎比以前公司樓下嗰間多選擇，不過我怕用$25買得5件「煎釀三寶」食我唔飽，所以最於買咗個「頭抽腸粉套餐」😅 希望 #腸粉、#魚蛋、#燒賣 樣樣有啲，可以填得飽我個胃。等咗大概2分鐘，我要嘅套餐整好喇😉 #腸粉 嘅質地真係比一般嘅 #小食店 做得幼滑，不過用緊撈 #腸粉 嘅 #混醬 就做得唔夠好，冇咗麻醬嘅味道🙃 #魚蛋 同 #燒賣 ok啦，無太大驚喜，而且買住又要 #小秘書 企喺街邊食，比路人甲乙丙丁望住哂...有啲尷尬啫😅