渣哥一九九六 (已結業)

我就無需要食免費腸粉餐所以就現兜兜俾錢食啦佢賺到就可以再提供免費餐俾香港人 腸粉滑滑的醬料我都覺得剛剛好咁餐係跟燒賣同魚蛋我一向唔食辣嘅但今日PAT PAT痕要左辣魚蛋好彩唔係辣到癲但都好味道 燒賣最好味唔係成舊粉好好味道好似餐可以要晒燒賣我下次會轉晒要燒賣

香港第一魚蛋燒賣店！👍🏼👍🏼👍🏼魚蛋好味，唔係粉，咖哩好味，唔係剩係得個辣字，辣得嚟好香。燒賣唔同出面街果啲，大大粒，有咬口！最鐘意係魚肉魚翅兩溝！大大碗！但要好細心問你要唔要胡椒粉。魚肉係即場煮熟，唔係放喺個煲度不停咁煮嗰啲。第二度食唔到咁好味嘅。仲有係腸粉套餐，唔係用普通豉油，係用最鮮甜嘅頭抽，所以特別好食。每次經過銅鑼灣都一定要去食，仲要買多碗生菜魚肉碗仔翅返屋企俾老婆食。最重要係老細同員工都好好人，有良心！

🔎渣哥一九九六🔸渣哥腸粉套餐$32有腸粉+燒賣4粒+魚蛋4粒*有辣/唔辣返到公司先發現好似多左幾粒魚蛋😂😂可能姐姐唔覺意比多左幾粒👧🏻就選左8粒都係魚蛋❤️😍魚蛋彈牙同埋都真係幾辣下覺得辣汁做得好出色👍🏻夠惹味腸粉滑溜彈牙👍🏻👍🏻👍🏻👍🏻

Finished working out and craving for some quick snack. Walked pass this tradional Chinese shop situated close to sogo. I was attracted by the smell of the fishball. I can smell the spice from a distance. Ordered a spicy fishball, and I got to admit that it was very spicy and please be reminded to bring along a water or milk while trying this. The curry sauce matched very well with the fishball and I will definitely come back to try the carrot. I want to specifically highlight that the service wa

工作路經渣哥，本想買炒面做早餐，可惜8:45左右已經賣完，下次有機會真係想試下個炒面。今次就買了個$32早餐，有腸粉、4粒燒賣、4粒魚蛋（有辣有唔辣）腸粉幾好食燒賣係好食既質地，同便利店既完全不同，很好食👍🏻魚蛋我揀左辣，真係幾辣下，早餐都係揀唔辣好d😂，魚蛋質地都唔錯

三年前在尖東工作，最愛在早餐買滑腸粉，彈牙魚蛋。間中也買三寶和碗仔翅三溝，因為魚肉有魚的成份這年在銅鑼灣工作，原來有渣哥，可尋回昔日的味道以前尖東分店有大大poster 是譚小環的樣子。店員有高大靚仔，高瘦靚女，另一女的也肥肥可愛。而這店裝修十分普通，似老舖隔局。店員是典型師奶今次外賣三溝碗仔翅，水準仍保持，肉魚美味，有魚的成份

渣哥一向賣啲野食都係比其他小食店貴。一分錢一分貨，如果啲野係好食啲既，或者自己整既話，其實我覺得ok。不過當啲貨係入番黎既話，講真魚彈牛丸呢啲，好難難食。不過今次都忍唔住俾負評。嗱，牛丸本身無問題，汁都無問題，不過我就未試過街邊吉野食係唔熱囉。阿姐求其處理左幾下，疑似加熱左就完，但真係唔熱。勉勉強強叫有少少餘溫。買個陣係星期六既夜晚七點幾。呢個鐘數可能無乜人買野食掛，係有啲冷清，可能等收工掛，以前係尖沙咀個間食都唔會咁，希望留意下啦。

生菜魚肉湯- 湯底一般味精湯，勁落胡椒粉同麻油，搶搶味，魚肉有丁點魚腥味，就是一般打魚肉嘅味道，食魚肉湯有時就係貪嗰丁點腥，吾知点解㗎咖哩魚蛋- 咖哩汁係杰身嘅，唔係稀身嗰隻，咖哩汁索到落魚蛋，入味頂肚有時都要搵啲好食嘅

經過開銅鑼灣就同女朋友試下依間由香港小姐譚小環開既小食店，假日去到甘岩前面無人唔洗排$15 酸甜齋 職員係雪櫃到拎出黎，酸酸甜甜無咩特別$20 煎釀三寶 魚肉味都幾入味，熱辣辣幾好食

啱啱同阿肥食咗一個好甜嘅下午茶,雖然已經有啲飽滯不過都想食番小小咸嘢緩和吓,一諗就諗到不如齊齊篤番串魚蛋啦。 喺銅鑼灣區,如果唔想食龍津嘅話,呢間渣哥已經係比較有名氣喇,我都知佢係譚小環一手創立,都有留意過新聞話佢都付出咗唔小努力去建立呢檔生意,開咗冇幾耐我都一直冇試過,就係好怕呢種明星效應明過於實...但最近見佢喺不同地區都開咗分店,而都繼續有人支持,咁應該一試無妨。 行到去門口見店舖除咗賣魚蛋之外,原來都仲有好多其他小食同埋連台式飯都做埋,睇嚟要賺錢真係要多元化吸引客戶,見佢魚蛋賣$10蚊八粒,都唔算過份貴丫,一於就同阿肥一人一串,我要辣,佢要唔辣。 試過之後,真心覺得佢個辣汁係做得幾出色同埋夠惹味嘅,亦都有佢自己嘅character唔同普通旺角掃街嗰種辣汁味,之但係魚蛋嘅口感實在拉低哂佢嘅分數喇,口感唔彈牙,咬開比較粉,唔係鮮嗰種魚蛋,如果店舖可以換一換貨源,可能會較好。

唔知係咪先入為主，總係覺得銅鑼灣渣哥總店係最好味既，今晚喺時代廣場睇完戲行過又要督返串🤗 去到發覺無論幾時都有人買緊🙈龍蝦丸 辣汁其實本來唔特別好龍蝦丸，但係試過呢串真係返唔到轉頭🙊 龍蝦丸爽滑，唔會有任何急凍味，yummy👍🏿👍🏿 辣汁係超惹味，帶有少少咖喱味，一開始覺得唔算好辣，但食多幾啖就黎料🙈🙈炸貢丸炸丸有好多選擇，今次就揀左貢丸試下😛外皮炸得脆，加左啲椒鹽粉，成件事perfect match!!😍

由細細個開始已經好鍾意食燒賣同魚蛋，唔知係唔係人大左口味變左，總覺得而家啲燒賣魚蛋無以前食嘅咁好味，食唔返以前嘅味道，直至佢嘅出現，啦就係渣哥啦。每次幫襯都會必食辣魚蛋加燒賣，先講辣魚蛋，個汁夠辣但唔係死得一個辣字，夠惹味，魚蛋質地係粉口嘅，一啲都唔Q彈，似我細個食嘅魚蛋，情意結關係，好味。至於燒賣，雖然係麵粉燒賣，但唔算粉口而且無腥味，唔錯，加埋魚蛋嘅辣汁，真係超夾超好味。其實講到尾個汁最正!小食店黎講，雖然鋪仔細細但企理乾淨，食完唔會肚仔痛，加分。而每次買早餐，都會見到兩位賣野姐姐，佢哋親切又有禮貌，唔會口黑面黑，呢個值得加好多分。兒時味道難得再遇，會繼續支持!

第一次食渣哥，一向鐘意食腸粉燒買既我點可以唔食呢。揀左渣哥腸粉套餐，全部有晒，腸粉、魚蛋、燒買落返個混醬，未食已經好香麻醬麻香味喇，腸粉滑到有朋友，燒買夠晒魚味，魚蛋細細粒都好彈牙正～下次再食

第一次食呢d食評, 亦都係忍唔住覺得要上黎寫一寫今日岩岩幫襯完呢間野(鰂魚涌新店)其實唔知想食咩, 見佢有個渣哥招牌(豬皮蘿蔔魚蛋) <=無標價錢咁就嗌咗一個, 比錢時問佢幾錢, 佢話三十蚊, 比佢嚇一嚇都算啦, 可能租貴吧但佢比咗兜野我, 我覺得就算賣15蚊都比多佢成兜野8成喺蘿蔔, 只有4粒魚蛋, 乜依家d魚蛋好貴咩?而味道方面, 只係剛剛合格, 蘿蔔有蘿蔔味, 豬皮咸咗少少, 魚蛋其實即係陳記果d, 但陳記d咖喱正好多, 同埋人地收你8蚊都唔會只係比4粒魚蛋你咁鬼寒酸...幫襯完呢個"招牌"之後, 我諗我唔會再幫襯呢間野

今日要去銅鑼灣做嘢！因為今日實在太忙，早餐只係食咗穀物早餐加鮮奶，到中午亦都無時間食午餐，所以6點去到銅鑼灣已經肚餓到不得了，於是就周圍搵啲嘢食頂下個肚先，突然俾我發現到渣哥，嘩！好似好出名，於是即刻買返串辣魚蛋食吓先，一放入口，不得了，一世人第一次食到咁超級難食嘅魚蛋辣味足夠，夠香，如果鐘意食超甜，超咸的朋友，絕對係好味，不過仲要鐘意埋D魚蛋質地，好粉，又粉到硬，硬得嚟又淋，真係好難形容佢有幾難食，如果你瞌埋眼食，根本唔會知道自己食緊果粒係魚蛋