港原味 (已搬遷) 新店位置

之前剛開張時，黎過一次，都覺得幾好，但今次兩個人再黎，感覺比上次更好，叫左椒鹽骨炒公仔面，涼瓜火腩，芝士黑松露焗雞扒飯，加兩個湯。。。椒鹽骨入味，香脆可口，涼瓜火腩幾新鮮夠味，芝士黑松露夠香，我地最欣賞係兩個湯，超足料又飲得出係冇味精。。。雞腳淋到脫皮，證明煲左好耐，真係老火湯。。。服務都好好，同上次一樣好有禮貌，仲仍然有九折。。。見到好似係一班後生仔打理，希望佢哋繼續努力！！！！性價比高！會再來！！

港式味道選取烹調款式多變，地道家常小菜更是「港原味」必點之一，不一樣摩登噴畫牆以主題裝備為設計外觀上的打造連擺設的確吸引，不僅堂食或單點自取或外賣配送白飯套餐同樣划算口感上叫了三餸似乎視覺也不錯尤其炸物「椒鹽鮮魷」外層薄薄脆卜卜重口味兼夾惹味而「古法京蔥雞」皮薄肉滑油香保留了外表澄黃油色澤，不論你沾上醬汁或放涼後再切甚為適合肉質原汁原味香而不膩再者「土魷蒸肉餅」鹹香細緻綿密，一頓簡簡單單的一頓便飯加例湯增添更多色香味

晚飯時間經過大角咀見到有新餐廳裝修好特別 - 港原味。俾餐牌上面嘅農夫包吸引左即刻要試吓先。 入去餐廳侍應姐姐即刻幫手度體溫，最驚喜係枱上面已經放咗一支免沖洗手液，好貼心，值得加分！先講環境，睇得出係有心思，聽姐姐講係特別請左插畫家混合香港風味元素去設計，絕對係影相打卡位！食物方面，最大驚喜係農夫包，我哋揀咗咖喱牛肉，咖喱汁自家調配，香濃港式馬拉咖喱加埋烘得香脆嘅農夫包，一啖一啖停唔到口，裏面嘅薯仔更係一絕，吸收晒咖喱汁又軟又香！必食！見到是日例湯係木瓜合掌瓜，只係加$8,即刻點來滋潤一下，足料，無味精！推介！非洲炒飯其實係松子，蝦仁，叉燒火腿醬油炒飯。唔好睇佢賣相平平無奇，食落就停唔到口，平時飯量細既我都食咗兩大碗！另外叫咗黃金鮮魷，炸好嘅魷魚再加鹹蛋黃炒成，味道不過不失，比較普通。雪山紅豆冰同忌廉鮮奶都算比較少見，紅豆冰略嫌奶味太濃，紅豆多啲會更好。忌廉鮮奶絕不會出錯嘅組合，正！

利奧坊這個新商場有很多店還在裝修、未營業，眼見已開業的有家甜品店，而另一邊則是這家港式餐廳。環境座位比茶記舒適、寬敞多了；菜式fusion創新；透明的落地玻璃，望到入面一幅幅壁畫，很特別。牆上特色畫作絕對是重點之一，充滿七、八十年代懷舊風味，緬懷昔日的香港，影相打卡之地。餐牌選擇蠻多，除了特色菜式外，還有小炒、常餐、粉麵飯、茶記懷舊飲品及甜品。待應先給兩小碟的冷盤作前菜，南瓜及醃辣豆芽。咖喱農夫包肉類可以選擇豬、牛或雞，不喜歡咖喱的話，可以轉成芝士黑松露。烘烤得香脆的農夫包，頂部切開，麪包碗盛載著餡料，有紅椒、洋蔥、薯仔及雞肉。農夫包沾滿咖喱汁，軟化硬身的麵包，滿滿的芝士鋪面，趁熱吃還可做到拉絲效果。螞蟻搬家即是螞蟻上樹，有驚喜的小炒，停不了口，粉絲跟豬肉碎、辣椒粒及蔥花一起炒，雖然只是簡單幾款材料，但粉絲濕潤香辣，吸盡醬汁，惹味非常。椒鹽骨炒公仔麵如此邪惡、無法抗拒的炒麵，配料還有芽菜、炸蒜、韭菜、大葱，加添口感。椒鹽豬扒薄且香脆，瘦肉多，較健康，不過吃至後期有點鹹。甜心蘋果整個蘋果長時間浸泡著以洛神花調製的糖漿，更加軟腍及甜。蘋果輕易切開，入面有紫糯米，粒粒有嚼勁，特別的甜品！

大角咀岩岩開左間港式新餐廳，就試下😆 味道不錯! 環境乾淨，岩D唔中意食大排檔，又唔想係環境污漕既地方食野既人🤓肴肉唔錯，係幾好既開胃小食😂豉椒肥牛炒麵  ($69)本身以為呢個係炒麵，但原來佢係先將個麵煎過，變左麵餅，而餸就係另上～D麵勁脆!!再加埋肥牛，正啊🤩呢個份量有絕對夠2個人食～京都骨 ($88)京都骨堅好食，個肉唔韌，醬汁酸度剛剛好，洋蔥夠多(私心中意多洋蔥🤣)，反而肉唔算太多，加埋碗飯同湯，先岩岩好👍🏻金銀蛋時菜 ($88)芥蘭份量勁多!! 不過呢個餸就清清地，唔算出眾，當係食完上面比較重味既野，清下腸胃啦～椒鹽鮮魷 ($98)鮮魷舊舊都好大，算係幾抵食，岩岩炸好既魷魚上碟都好惹味，同出面大排檔一樣😁 不過建議多D人一齊食先叫呢碟，因為兩個人食都多嫁～不過呢個餐廳冇小食揀，有D可惜~

在大角咀舊區中新開了一個利奧坊的地方，當中新開了這間港式新派菜，地方頗大，樓底高，光猛乾淨，坐得舒服，裝修並不是跟一般茶餐廳般普通，餐廳內有多幅香港特色噴畫，很適合影相打卡的。餐牌選擇多，早餐，午餐，各式小菜，連甜品都有，價錢實惠。點了一個咸魚雞粒炒飯，賣相不錯，份量十足。米飯炒得乾身，用上雞粒，蛋絲，生菜絲及咸魚粒一齊炒，充滿咸香。另外點了沙拉骨配白飯，沙拉骨其實是將炸得金黃的豬扒，拌入調好味的沙律醬，比普通的炸豬扒多了一份甜甜酸酸的味道，很好送飯。食完邪惡的豬扒，需要一碟金銀蛋菜心來平衡一下。每款菜式另加$8 就有足料靚湯，火候十足。

復活節四日紅日冇得出國，行山或者離島又多人感覺仲危險，唔想四日都屈喺屋企就出去食晚飯行下當係節目。港原味係大角咀一間新開特式茶餐廳，全店畫滿六七十年代香港街景嘅壁畫，每個位都係打卡位。晚市以小菜為主，價錢由$58至$108，送白飯同熱飲，另外可以加錢要足料靚湯同轉凍飲或其他特飲。落完單侍應先送黎一人一道前菜，免費。咖哩農夫包($99)農夫包入面嘅餡料可以揀豬扒、牛肉或者雞肉，份量都幾多，建議可以兩個人share食。我地揀左豬扒，裡面除左豬扒，仲有好多薯仔同青椒，所以都幾飽肚。咖哩香濃得黎唔辣，就算唔食辣都食倒，不過咖哩汁唔多，想用黎蘸麵包食就唔得。椒鹽鮮魷($98)椒鹽鮮魷份量都唔少，鮮魷幾多而且都幾大隻，中間有好多炸蒜粒，好香蒜味。魷魚唔會太韌，椒鹽味都可以，炸漿唔會太硬太厚。辣子鮮雞($108)辣子鮮雞香香辣辣幾惹味，辣度屬於小辣程度，唔會食得太辛苦。足料靚湯(跟餐加$8)足料靚湯晚晚唔同，是晚係它黃瓜雞腳湯，入面都有幾多料，夠味得黎飲得出冇加味精，平時屋企冇乜湯水飲嘅朋友必點！凍朱古力(跟餐加$3)凍朱味道都幾濃。雪山紅豆冰(跟餐加$10)紅豆冰上面有大大球忌廉，令口感硬滑，奶味

新開嘅香港情懷小店，乾淨企理，進入店內看見牆壁都是非常之特別，處處都見到香港舊時情景☺️坐低侍應們就給了一支酒精消毒易非常貼心。- 中式牛柳中式牛柳食落好淋，配上洋蔥炒很惹味，味道調校得很不錯，帶點甜又酸酸的很開胃。- 芙蓉炒蛋蛋鋪滿成個碟，蛋夾開內有蛋汁👍， 配有火腿，芽菜，韭菜以及蝦，好足料大碟，口感豐富，簡單的調味已非常好味。- 咖喱牛肉農夫包一上枱就聞到陣陣咖喱香味，有芝士鋪面，還有配菜在側邊，牛肉嫩滑，咖喱微辣，夾住包食- 金銀蛋芥蘭原來金銀蛋唔係只可以配莧菜㗎，配下芥蘭都好味的😋- 老黃瓜南瓜煲雞腳湯 湯飲落清潤，而沒有添加味精，沒有放過多啲鹽，唔會好似出邊嗰啲例湯咁淡而無味。

係匯豐返工嘅朋友話匯豐中心附近開左間港式新派菜—「港原味」， 係佢地平時嘅飯堂， 因為主張無味精，少鹽少油，健康配搭嘅菜式，所以好受OL歡迎， 所以小編咁啱係附近做完嘢就去試下啦！😆 餐廳外牆全以落地玻璃打造， 感覺開揚光猛，乾淨企理，一覽無遺～😂 全店嘅牆壁都畫上充滿香港🇭🇰特色嘅壁畫， 係六七十年代嘅香港街頭舊模樣， 舊式嘅紅巴士🚌、霓虹燈牌和見證住啟德機場嘅九龍城寨， 流露着昔日香港風情～ 除左有傳統嘅中式小菜之外， 仲有加入左西式元素嘅芝士黑松露焗飯， 新張嘅關係， 而家全店做緊9折優惠，外賣更可享有8折呢～ 新張大酬賓嘅關係， 每人都可以有一份水晶肴肉作前菜小食，不錯吃！ 我地最後叫餸食飯，order左三個小菜。 每個菜式都奉送白飯一碗， 加$8仲有老火湯。 是日為南瓜花生雞腳湯 橙黃色嘅南瓜🎃湯， 味道香濃鮮甜，感覺足料又冇味精。 ⭐️推薦❗️西檸雞扒（$80） 傳統嘅西檸雞係用炸雞扒， 不過「港原味」推行健康主意， 所以採用煎雞扒，少油少鹽， 連西檸汁都原汁原味，冇加好多糖，比坊間食開嘅更酸香。☺️

今日來到了位於大角咀的港原味，餐廳的裝潢以老香港為主題，別具特色。我們點了芝士黑松露牛肉農夫包、辣子鮮雞和金銀蛋娃娃菜。小菜套餐均有配有白飯和飲品。先來的是贈送的前菜鎮江肴肉，酸酸甜甜，非常開胃。農夫包可選咖哩或芝士黑松露，和自選肉類，而且有薯仔、洋蔥青紅椒等配料。包烘得香脆，配搭芝士黑松露醬汁，不錯。辣子鮮雞又麻又辣，非常惹味，雞亦炸得香口，愛吃辣的朋友可以一試。金銀蛋時菜店員推介娃娃菜，以金銀蛋高湯浸煮，非常清新。

和老公來大角咀取包裹，辦完事後，見時間已不早，決定在附近吃頓晚飯才回家。記得早幾日有網友介紹「福澤街 利奧坊」一間新開的茶餐廳，據說店舖不但主打港式新派菜，而且還有不少撚手小炒、香口美食、"蒸"選小菜等供應，反正晚飯還沒想到吃甚麼，一於過去碰碰運氣。餐廳於佈置上明顯花了不少心思，門面用上一排大型的落地玻璃作設計，可以清楚看到內裡環境，感覺開揚。店內裝潢亦別具特色，全餐廳的噴畫都是由俄羅斯藝術家畫出，每幅都有唔同主題，色彩鮮明搶眼，好值得來打卡影相！我哋揀咗三個菜式，每個小菜都會奉送熱飲及白飯一碗，如果想轉凍飲就要 +$3、特飲 +$10、配足料靚湯就要另 +$8。是日足料靚湯 (+$8)  為木瓜藜麥羅漢果湯，湯身呈淡啡色，味道相當香濃，內有不少清甜軟身的木瓜，入口順喉滋潤，絕對無落味精，啖啖都有家的感覺。魚香豆腐 ($78)：魚香茄子就食得多，但魚香豆腐反而係第一次試。原來這客魚香豆腐同麻婆豆腐嘅賣相很相似，面頭淋滿醬汁，再灑上青綠的蔥花，上檯時仍熱烘烘，挺吸引。豆腐相當滑溜，食落富豆香。醬料做得很有水準，充滿鹹魚的香氣，加上豬絞肉的口感，完全被豆腐吸收曬，惹味好吃。糖醋魚塊 ($8

大角咀新建了利奧坊恰巧來到，有間港原味餐廳，當然上前看看。港原味新張開業，只有FB/IG 讚好便可有九折優惠，當然係試左先啦，好食一定讚！進到店內，發現四周牆壁上都是香港昔日的倒影，真令人緬懷。餐廳更有同心抗疫餐，只需$45，真是相當抵食。肴肉下單一回，便上了這肴肉作開胃前菜；有如水晶般的肴肉，色澤鮮明，添了薑絲，更顯美味。蒜蓉炒芥蘭 - $58來到時有種甘香味道，清甜又爽脆。椒鹽豬扒 - $88豬扒肉質鬆軟，椒鹽辣味剛剛恰到好處，且帶有椒鹽的鹹香，鹹鹹辣辣，香口又惹味。中式牛柳 - $88牛柳煮出來已聞到酸酸甜甜的氣味，咬起來肉質鬆軟，滑嫩不韌，下飯一流。

今日行過奧運既街巷住揾下有咩新餐廳,原來附近開左個新樓盤叫利奧坊,樓下仲開左好多全落地玻璃既新餐廳.透過玻璃望入去見到一間港式餐廳裏面既牆充滿住好有香港特色既噴畫,見到咁靚當然要支持返本土餐廳.入到去再問店員,原來噴畫既來頭都唔少架,係由俄羅斯畫家親自畫.黃金鮮魷,一上枱就聞到好濃既鹹蛋黃味,外皮薄薄一層炸漿輕輕包住爽彈鮮嫩既鮮魷.炸漿掛起沙沙鹹蛋黃醬,入口內帶鹹醬黃粒,味道香而不膩.醬爆茄子,角切茄子軟綿香滑,加上肉醬爆炒夠晒獲氣.茄子吸晒肉醬既香味好惹味.是咁的三色蒸蛋同時間食晒3款蒸蛋口味,平時既三色蒸蛋係一碟上但呢到係真正將一碟分成三份.蒸蛋既蛋香味重唔會水汪汪咁,入唔夠滑,加左豆腐蝦仁最滑溜送飯超正.

今日返娘家之前同朋友嚟個快閃飯聚🤫見呢間啲壁畫畫得咁靚即係俾佢吸引咗😂環境好食嘢都開心啲❣️呢餐係早午餐夾埋❣️2個女仔叫咗4樣餸阿姐都問我地食唔食得哂🤣🔺京蔥爆安格斯牛飯❣️師傅炒得好有鑊氣👍🏻京蔥好入味❣️平時我唔中意食但呢個真係炒得幾入味👍🏻送飯一流❣️牛肉又嫰口👍🏻多啲肉更開心🥳🔺咖喱農夫包➕牛肉❣️姐姐話個咖喱汁原來係即叫即整👍🏻唔怪得要等比較耐🥱但都值得嘅❣️成個包好脆呀🤤個汁甜甜哋唔會辣聞落去又好香👍🏻農夫包入面有薯仔🥔牛肉❣️薯仔🥔好粉好入味➕牛肉有啲似平時食沙爹牛個種質地🤣岩我口味❣️🔺咸魚蒸肉餅❣️肉餅唔肥👍🏻同埋啲肉唔會散開👍🏻食完唔膩又唔乾爭爭❣️有兩嚿咸魚😌啲肉唔霉🤣不過都真係幾咸一定要連肉餅食❣️🔺秘制干燒蝦❣️睇個名以為會係乾身點知係濕🤓不過唔緊要好味就得啦🤣啲蝦幾爽脆加上用咗啲豆瓣醬炒好有家常菜嘅味道👍🏻

喺大角咀商場行完街，過咗去利奧坊地下嘅呢間「港原味」嘆返個午餐。餐廳佈置獨特，牆上畫滿七、八十年代舊香港油畫，別具特色，充滿懷舊風味港原味主打港式新派菜，蒸選小菜、港式常餐、撚手小炒、炒粉麵飯樣樣齊，定價適中，經濟實惠芝士黑松露海鮮焗飯炒飯裏面有唔少蛋絲，加入左黑松露做成嘅白汁好creamy，帶陣陣松露香。海鮮配料有魷魚、鮮蝦、蜆肉、炸魚塊等等，都幾足料呢！加$8可配足料靚湯紅蘿蔔雞腳湯，裏面好多配料，火候十足，鮮甜美味任君選擇常餐香辣肉碎米粉，湯底係每天新鮮熬製的豬骨濃湯，米粉爽滑，配上惹味香辣豬肉碎，飽肚又好食火腿奄列配花生醬多士奄列滿有蛋香，仲有唔少火腿絲添～多士烘得幾香脆，花生醬份量適中，油潤得來滿口花生香，正啊！港式熱奶茶紅茶味香濃突出，奶夠絲滑，係一杯高質熱奶茶