港記糖水

营业中

休息中

適逢做冬，買碗糖水返屋企同屋企人一齊做節～ 呢間位於觀塘嘅傳統港式糖水舖係小熊貓成日食嘅😋 木瓜雪耳燉桃膠呢一款係超潤嘅糖水～ 好多舊木瓜，甜度適中，如果有多啲桃膠就仲好🤣番薯糖水屋企人話啲番薯好甜呀，又大大嚿～ 而且糖水好有薑味，最適合冬天飲用三寶糖水呢款係配有湯圓嘅糖水～三寶包括芝麻湯圓，奶黃湯圓及花生湯圓～ 湯圓煮得好軟，啲餡係流沙咁流出嚟😋 做冬就梗係要食湯圓攞個團團圓圓嘅意頭啦因為做冬嘅時候太多人想食糖水，所以就算夜晚10點都要等最少20分鐘先有得拎外賣～ 建議節日期間預留多啲時間去買外賣，因為店舖人手有限

第一次食見門口都多人就試下買完外賣廢事出面迫就去左附近商店買野10分鐘內嘅事番去問門口個姐姐有得拎未第一次扮聽唔到帶左2個客入去坐（佢同我對視左一眼之後擰轉頭）第二次拎起我張單睇完之後發脾氣語氣勁差 西口西面不斷重複講話喱張單叫左3次越講越大聲第一次已經回應左佢去左隔離買野唔係度佢仲唔斷氣繼續講迫到人大聲過佢先收聲只係問一句拎得未 有必要發癲？係咪一定要客人企定定係門口一聽到no即刻狗衝去雙手接住先可以？如果係咁不如貼張紙係門口寫明叫完外賣不得離開做生意做到咁惡仲咁多人排隊真係好難明食物已經唔係好好食 不過不失 份量仲偏少 個碗咁細仲只裝一半再加上西口西面聲大夾惡嘅態度永冇回頭

同朋友食完dinner，想有下場再食個糖水，聽朋友講話港記啱錯。就嚟港記試一試，同朋友叫咗芒果布丁，令人一試難忘。這道布丁口感像雲朵一樣輕盈，每一口都帶來夢幻般的感受。

天氣冷，突然想買碗熱糖水暖一下胃點了份番薯糖水+三色芋圓番薯還挺好吃，分量還挺足感覺芋圓還是配椰奶好吃點沒想到這家店有好多種選擇還可以自選配任何配料👍🏻下次嘗嘗其他口味糖水😋

入去等左10幾分鐘滿懷期望，點了個芝麻豆腐花，合桃糊，黑珍珠馬蹄露，彩虹明珠，四個都係唔太好食，啲芝麻糊起哂漿，但一啲芝麻味都無，合桃露又係，另外個兩個都試左兩嗒得個甜字，真係覺得唔太好食無咩特別，食到碗野剩一半都未夠，就不斷有待應行埋黎問你碗野係咪食完，5分鐘唔夠行左過黎兩次問，叫你食快啲趕你走，忙無服務都都唔怪你，食到一半都未有就趕客走，令我唔會再返聽頭，只可講依間野好伏！依間野名大過於實，可能個頭選擇不多

喺觀塘同朋友食完飯,  意猶未盡當然係時候搵下有咩糖水食下啦. 咁就上openrice 搵下啦.  搵到間港記糖水. 好近裕民坊附近. 去到坐爆曬 滿坐, 好似好正咁. 只好門口等下啦. 順便睇下有咩食啦.門口成幅牆貼左所有糖水,  一睇就頭都暈. D 選擇多到成百款. 我呢D 三心兩意, 有選擇困難症嘅就大鑊. 左睇下右睇下, 老闆叫有位喇, 可以入坐, 我都未揀到食咩. 坐低左再糾結一番, 終於揀到. 朋友叫左彩虹明珠 - 鮮雜果, 大西米, 涼粉, 鮮芒果汁. 我就叫左芒果清涼爽 -  芒果, 水晶涼粉, 爆珠, 大西米, Q果 , 忌廉奶.  D 水果好新鮮. 超正有爆珠. 以前讀書成日食呢種糖水.  宜家真係唔係區區有呢類糖水店. 好好食. 以後去觀塘食完飯一定會再黎 ! 老闆娘又好有禮貌. 讚 ! 

食完宵夜，梗係要用甜品來做結尾啦🥰見到隔離有間懷舊港式糖水舖 咁就當然要入去試一試咩料啦見個天仲熱熱地，咁梗係要食啲凍嘢❄️本人就係呢個豆腐花嘅愛好者 所以見到呢個芋圓豆腐花加雪糕🍦 即刻忍唔住嗌咗黎試 佢豆腐花嘅豆味一般 冇加任何糖水糖漿 淨係用雪糕本身嘅調味同芋圓天然嘅甜味去襯托 令到成個甜品唔會太甜 而且佢雪糕係用經典嘅朱古力碎片雪糕 唔係哈X大師嗰啲 令到成件事更加貼地 更加有香港風味☺️至於我朋友嗌呢個涼粉豆腐花 份量都十足 而且見佢啲涼粉都大大粒好似幾好食咁😋🥘🥘🥘🥘🥘🥘🥘🥘🥘地理 7/10環境 7/10味道 7.5/10服務 7/10🥘🥘🥘🥘🥘🥘🥘🥘🥘

以前中學喺附近 成日放學都會同啲同學一齊過嚟食甜品😚不過畢咗業之後就好少機會食😔今日難得同班中學同學舊地重遊😝一定係過嚟食港記！推薦🌞夏日之戀夏日之戀算係港記嘅招牌😍有雜果、煙靭大西米、兩球雪糕撈芒果汁同花椰奶👍🏼乜都有齊哂😋食完超滿足雪糕西米露友人揀左曲奇雪糕 味道冇乜驚喜😉芒果清涼爽呢碟賣相好colourful🤣而且非常足料😚有芒果、大小西米、水晶涼粉、爆珠😝食落味道都係冇乜驚喜😛不過賣相好靚芒果芋圓仙草非常大碟！料超級豐富😚分別有芒果、仙草、紅豆、芋圓😋食落冇乜驚喜不過勝在份量夠多👍🏼整體嚟緊有好多款式嘅糖水👍🏼而且價錢比較親民份量非常滿足🤤

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍港記糖水 雜果刨冰可自由選擇紅豆底定西米露底 🙈CP值高一大碗都只係35蚊！有奇異果、西瓜、蜜瓜、椰果、係底，而刨冰面更係滿滿一大碗，相反佢既芒果士多啤梨醬更是滿滿加足🤤十分足份量🤭

夜媽媽緊係食個港記糖水，呢間已經同屋企人食咗數十次，食極都唔厭😅今晚食完晚飯見黎到附近就忍唔住又入去食返碗糖水先。上餐時間都真係好快，唔洗5分鐘已經有，我自己基本上每次都係叫五寶湯丸，佢分別有芝麻，奶黃，紫米，綠茶，花生，以前嘅薑汁好夠味好辣，不過今日就差少少🤏而我屋企人就叫咗紫米榴連西米露，味道都幾好，特別係一搞完之後嘅榴連味勁重，食到成個口都係呢陣味😂啲紫米味都好重，食完之後仲想整多一碗，不過算了，留返下次再嚟啦。

今日觀塘食完晚餐就去康寧道食個糖水。😛鮮雜果刨冰$37我就唔太喜歡食綿花冰，因為無咩咬口，刨冰就簡單黎講就係碎冰，食落有d咬口，咬落沙沙聲。呢度可以落d果汁係面，我就要求咩汁都加食去。上枱個陣見到無生果仲以為落錯單，原來全部都係晒底，用d冰蓋住左。😅味道ok，但d冰就融得太快，所以d冰水會浸住d生果。建議生果可以放面，美觀且好食d。😘紅豆粒爆珠芋圓仙草$36呢個可以係話集合糖份同澱粉質嘅混合物，食得糖水就唔好嫌肥！鍾意d爆珠，芒果味😛😛😛

同朋友喺觀塘食完飯去咗食糖水~~港記相信係觀塘友由細食到大~~通常都係食啲傳統甜品✔️芒果綿綿雪花冰 $34食落個味道係雀巢芒果雪糕 上面有朱古力醬同棉花糖粒🤣🤣🤣但啲棉花糖粒好硬😂✔️薑汁三寶湯圓 $26芝麻花生奶黃~大大粒薑汁底薑味濃甜味適中👍🏻👍🏻花生味同芝麻味最好食 奶皇味唔係好濃郁✔️鮮雜果芋圓仙草 $39見到好大碟 生果同芋圓都好料🤔仙草食落去都幾解渴 夏天食好適合✔️榴槤富士山(+芋圓) $45+6幾好味喎榴槤肉加椰汁加西米好食榴槤肉都好香同埋有肉質 份量都ok~雖然呢間唔係話啲甜品好好食，但係有時都唔係為咗食，而係為左同朋友揾個地方坐底傾下計~ 由中學食到宜家，係一個充滿回憶既地方😊😊

港記糖水 🕳店如其名 主打港式糖水 當中不乏常見的西米露 綿綿冰 還有第一次見嘅流星和水晶涼粉😯 友人說它的芒果西米露不錯 芒果夠甜😆————————————————————————🐕 椰汁紫米露 ($22)🐕(加$10要了綠茶和紫米奶皇湯圓各一顆）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯以奶皇作餡的湯圓並不常見嚐鮮的我各口味叫了一顆咬開一半 耀眼的奶黃披露頭目它較像冇乜油分且固態的吉士醬 🤨而非月餅那種沙沙的流沙奶黃不知是否被紫米露搶了風頭感覺奶黃味淡 未及傳統的花生芝麻惹味😣如是咸香的流沙奶黃 應該更為合適除了內餡 湯圓也換上了新衣綠茶清幽甘香 紫米顆層次分明外皮比起煙韌 更偏向軟糯黏身第二主角紫米露則正正常常稍微溝多咗少少水 但可接受如多啲椰汁會更香————————————————————————🐕朱古力奇趣脆冰 ($34)🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯外貌不揚 但絕對有驚喜✨✨吃下去先有綿綿冰薄如履冰的口感🍧再於口腔化成雪糕的質地🍨朱古力非常濃郁 帶點苦甜苦甜像是吃了生朱古力的感覺 愛朱古力的人不妨一試🍫😋但絕不是尋清爽者之首選——————————————————

剛剛外賣APP叫了一碗芝麻綠豆沙和一碗紅豆綠豆沙，原本話10-20分鐘到，結果等左半小時後才到。到了發現其中一碗送錯左，由紅豆綠豆沙整錯左芝麻紅豆沙，打電話去舖頭問，個店長仲大大聲話係呀，咁想掂？要掂？！整錯糖水一句道歉都冇，仲問我想點，要點丫。。。我方便就自己去買啦！貴又貴過人！今時今日咁嘅服務態度點得架？香港有你哋咁嘅店員真係。。。！唔想做就唔好做啦！買糖水用外賣APP 費用已經加了價，刺激經濟，送錯左仲要受氣😤😤😤😤😤

剛剛趁其接近收工時，買咗三碗甜品，楊枝金露，芒果西米露，布甸加芒果……水準係我預料之上，頗有水準，在觀塘一間小店實在好難得，我都甚少讚賞甜品店，比較其他所謂名牌或有朵之甜品店更有水準，穩打穩紮，價錢合理。楊枝金露，有香味，西米爽有咬口，香滑 甜味適中芒果西米露，香滑，西米爽，芒果足料布甸加芒果，够香滑，芒果配料足最重要三碗甜品都够凍，炎熱天氣下入口感覺良好，清爽做到最基本美食哲學熱食嘅食物要够熱，凍食嘅食物要够凍服務良好，臨接近收工仲禮貌話做埋我呢張單之收工。真心讚，希望能夠繼續保持