港里冰廳 (廟街)

营业中

休息中

我哋真係好好好揀飲擇食，我見到得豆腐魚腩煲我比較鍾意，心諗冇計喇試食一下冇壞，估唔到又真係幾入味，魚肉夠滑，豆腐我都忍唔住食個碗底朝天，其實我係食飽先嚟陪坐，冇諗過會幾好食，搞到我忍唔住食哂D豆腐然後先去應付埋D香菇。　加3蚊仲有新張優惠嘅薏米紅豆冰真係唔揀走寶，本嚟以為係大大杯紅豆冰奶茶果種，點知係白雪雪有一大堆薏米奉上，飲落仲好香濃差D以為係飲緊糖水，不過放心喇唔甜㗎，一個字平靚正好抵飲。其實仲有碗羅宋湯不過飲咗，幾醒胃唔差，大家得個知，總之$81蚊晚市特餐算係滿意。　朋友嘛小姐佢好迷海南雞飯喎，話個油飯有進步空間，不過隻雞又真係好食，比隔離相近價錢果間好食少少，會有下次。　想食埋店門口新鮮出爐麵飽，但夠飽，下次行過先買。

今日早餐叫佐個B餐，酸菜豬扒煎雙蛋米粉，食到一半返過嚟先見到豬排完全係生，所以大家下次最好唔好叫B餐啦！都係朋友叫的火腿通粉穩正好多！個咖啡都可以！服務也可以！希望廚房會改善下！

在宝灵街一带找吃饭的地方，由于只是一个人，随随便便找一家茶餐厅解决就是了。港里冰厅的门面还是可以的，内部装修也比较新。差不多六点了，就看他们的套餐。供应都是一般的茶餐厅食品，价钱不会跟市场脱节。要了一个最便宜的沙爹牛肉面套餐，配上丹麦多士的炒作蛋。说实话，沙爹牛肉公仔面是个人喜爱，这份汤面份量刚刚好，牛肉和汤就较浓和稍咸，味道不太差。较为好吃的是丹麦多士，它比一般的方包较软，牛肉味很香，吃完还有点意猶未尽。看到餐牌，他们有一款菠萝包三文治，图片颇吸引，下次可以试试。

夜晚冇幾檯人，都漏單！追夥計，話入左機，就係入左啦⋯一追再追，先發覺原來廚房完全冇煮等左成個鐘，發晒脾氣先上菜，一句sorry都冇，好似好正常一樣，離晒譜。咁嘅時勢咁嘅態度，少有！

做完物理治療，去了附近的港里冰廳，路過見到佢個厚切午餐肉炒蛋菠蘿包，好似不錯就入去試試了😎厚切午餐肉炒蛋菠蘿包（34$）上枱時已被佢澎湃既炒蛋嚇一嚇😱，食上口真心唔錯，夠晒熱辣辣，唯獨菠蘿包只是一般水準，外層不夠鬆脆，但此價格相信已值回票價😋，口痕去食下真係幾好🤤奶茶一般茶餐廳中上水準，正常發揮啦～但奶茶可能針得唔係幾好，「一達達」，不太美觀😆😆不過食茶記姐，唔使太高要求既，下次得閒再番食下🤭

四月二十號 晚上7點左右 叫這個單人餐78蚊有湯有菜仲有飯 我覺得OK價錢抵 但是我叫個菜是煲類 上來時已經凍著 原因是本來我睇住個菜準備要拿過來時 一個好矮的經理叫停準備拿餸嘅哥仔去做其他野 我唔明白咩原因 離開俾菜的位置仲好大聲對哥仔講句 做完一樣再一樣先啦 成間茶餐廳都聽得到 直到我去廁所睇過前台 經理竟然仲喺度打電話 直到個菜冇位擺嘅時候個經理先開始準備買餸 嘅餸上來時已經凍著 價錢⭐️⭐️⭐️⭐️⭐️ 味道⭐️⭐️⭐️⭐️ 服務⭐️⭐️價錢OK 味道都OK 經理能力有待加強

三月八日星期一早上在此吃早餐，食物都算好，但伙記工作態度差，摧了多次帳單，都不理。最重要是廚師及伙記都不戴手套，沒有執檯專員，執檯及送餐都會是同一批人，執完檯後又沒有消毒液噴灑檯面，用後餐具亦放在咖啡機旁，顧客人數又沒有控制，在 K11 Musea 事件後仍不檢討，生意緊要，檢疫不注重。對這餐廳，我不會再光顧！

我是港里冰室的常客，因為工作地點在附近 ，每天早上，我將車泊在餐廳門口，便可以安心進食一個豐富的早餐。今天晚上Honey要開會，我就帶他來我的「常駐店」吃晚飯。我叫了一人晚餐：$68一款肉類、一碗白飯、一碗上湯娃娃菜飲品半價 (我叫凍檸茶$20→$10)我選擇了椒鹽豬扒，好大碟！即叫即做起，所以非常有鑊氣！「料頭」好香，有紅椒、蒜粒、乾葱頭…雖然豬扒的份量不少，但是，豬扒肉就比較「實」，不容易咬。凍檸茶和飯，份量都好大，真抵食！Honey晚上要開會，怕吃飯會「飯氣攻心」，所以散叫腿蛋治(烘底)和熱奶茶($18)。腿蛋治$22 (烘底+$2)很大份！蛋厚，上下两片火腿。熱奶茶也好味，茶濃奶滑。一頓豐富的晚餐，好幸福！

每當放工屋企冇飯食，就會嚟到呢一間冰室食飯，因為價錢唔算太貴，就如標題所講呢個價錢70幾蚊有飯有餸有菜有嘢飲相當唔錯而且很飽肚，對我呢啲大隻仔來講CP值係很高的，基本上我每一個星期都會食一次，而且不會很多人，鍾意食佬飯嘅可以一戰！

今朝佐敦開工，梗係要食餐好嘅醫飽個肚先至有力做啦，記得以前呢度有間茶餐廳嘅早餐有跟餐菠蘿包，咪諗住去回味一下啦，點知行極都唔見，可能執咗，見呢一間嘅門面光光鮮鮮，入面又坐滿人，咪入去試吓，點知⋯⋯⋯⋯⋯⋯⋯⋯叫了早餐A，珍珠帶子火腿粒通粉配煎雙蛋同埋多士，煎雙蛋同多士都正常茶記貨式，不過個通粉就真心差，無試過淡成咁，湯底就同滾水無乜分別，通粉入到口，如果唔知仲以為自己食緊病人餐，珍珠帶子唔係唔好，不過佢唔會令到碗通粉好味左，兼且就係因為呢幾粒帶子令到個餐由$28-$30變到$37，唯一可取係佢啲火腿粒屬厚砌，都有味嘅。一碗通心粉可以做到咁，都真係真心配「伏」。

不經意走入一間裝修不錯的冰廳，不經意地點了一個茶餐，卻很驚喜地出現一場在味蕾爆發的大美味，由香酥、外脆內軟的丹麥牛油多士，到沙嗲濃香、麵質彈牙的招牌沙嗲牛肉公仔麵，美食一浪接一浪地衝撃，只想說一句：實在太。好。吃了！哈哈！一篇好像鱔稿，但其實仲要比48大洋去吃的真心食評，在疫情籠罩不少人都冇工開的情況下，被他們的美食感動，被他們的親切服務感動，香港人，加油！

早餐A，好多間茶餐廳都係鮑魚絲火腿絲通心粉拼煎雙蛋多士，價錢30頭左右，講到明呢間非一般就梗係唔係食呢啲野啦！🕞輪後時間🕤 用餐都系等兩分鐘左右就有野飲，都算快手🥢推介食品🥢1️⃣珍珠帶子火腿粒通粉 $37 加茶走比起平時，火腿粒有咬口一點，珍珠帶子爽口微甜，奶茶茶底好濃，有一啖啖苦澀味，有待改善味道 😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳佈置光猛寬躺🧑🏻‍🍳侍應服務🧑🏻‍🍳：服務員態度一般，不停傾偈🔆總結一下🔆：早餐飲品好重要，希望可以提升一下，性格比唔太高

如題。難得食物做得好，與餐牌上的相片一模一樣，無論是樓面哥哥、姐姐或者收銀，保持到高流量速度的同時，竟然仍然好有禮貌，可以做到食物質素、高流量及有禮物的「茶餐廳」已經好難遇到，忍唔住真係要讚！比起隔2條街嗰間X棧燒味，雖然食物質素大家都唔錯，但職員禮貌和對人的基本尊重，是天使與閻羅王之分別，希望能夠保持到。