港麗酒店餅店

营业中

休息中

// 𝘾𝙚𝙡𝙚𝙗𝙧𝙖𝙩𝙞𝙣𝙜 𝙈𝙞𝙙-𝘼𝙪𝙩𝙪𝙢𝙣 𝙁𝙚𝙨𝙩𝙞𝙫𝙖𝙡 𝙬𝙞𝙩𝙝 𝘾𝙤𝙣𝙧𝙖𝙙’𝙨 𝙀𝙭𝙦𝙪𝙞𝙨𝙞𝙩𝙚 𝙃𝙖𝙣𝙙𝙘𝙧𝙖𝙛𝙩𝙚𝙙 𝙈𝙤𝙤𝙣𝙘𝙖𝙠𝙚𝙨 - 𝘾𝙤𝙣𝙧𝙖𝙙 𝙃𝙤𝙣𝙜 𝙆𝙤𝙣𝙜 🌕 //-Reunion with your family and loved ones and celebrate this festive holiday with these handcrafted mooncakes by 𝐓𝐡𝐞 𝐆𝐨𝐥𝐝𝐞𝐧 𝐋𝐞𝐚𝐟 of 𝐂𝐨𝐧𝐫𝐚𝐝’𝐬 𝐇𝐨𝐧𝐠 𝐊𝐨𝐧𝐠. A perennial fan favorite, The Golden Leaf team distills their exceptional culinary technique and creativity into these small, sumptuous medallions that shine bright under the moonlight.-☞ 𝐌𝐢𝐧𝐢 𝐂𝐫𝐞𝐚𝐦𝐞𝐝 𝐄𝐠𝐠 𝐘𝐨𝐥𝐤 𝐌𝐨𝐨𝐧𝐜𝐚𝐤𝐞𝐬 - 𝐇𝐊$𝟒𝟗𝟖With a total of 8

呢間我試過嘅蛋糕店真係一啲唔使諗咁多嘢，起初見到chestnut cake賣相普通，但食落竟然意想不到嘅靚！嗰啲栗子甘香得嚟，又唔會太過甜膩，爽口得嚟，令人一啖接一啖😋。同桌嘅細佬豪邁切咗兩大塊，臉上滿是幸福嘅微笑。就算係容易對甜品拒絕遠離嘅grandpa都不知不覺中食埋兩件！不過話說返黎，我覺得枱上嘅grandma就嫌佢甜咗啲，下次試下買個清新啲嘅口味應該會更加啱佢口胃。再講返次撞正Conrad旁邊嗰間餅店食嘅Blueberry Tart啦，事關啲藍苺夠曬晒量，每一啖都彈牙鮮甜，撻底呢，唔會過分牛油，脆口得嚟好夾custard醬，簡直係小巧精緻嘅下午茶寶物，平民價格享受高級滋味🍰！ 話分多一句，嗰個原個黑森林蛋糕嘅震撼程度，唔係蓋嘅，外層櫻桃酸甜開胃，每層夾心似乎巧妙運用咗不同層次嘅甜，而且嗰啲朱古力嘅香濃，實在係引人入勝。大家一致全軍出擊，順利克服咗呢場甜蜜嘅戰役🏆！

👧🏻👧🏻👧🏻👧🏻👧🏻早前同屋企人去到港麗酒店staycation去慶祝佢哋嘅生日🎂🥳🎉🎊🎁咁慶祝生日就梗係唔少得生日蛋糕啦🤤於是就喺等緊check in嘅時候，👧🏻就偷偷去咗樓下嘅cake shop到買個蛋糕先🤣落單嘅時候，店員見仲未有房，就好主動咁提出解決方案，抄低👧🏻嘅電話號碼，講實幾點會打黎confirm房號😚👍🏼聽到👧🏻話想當宵夜食嘅時候，店員都好好咁講聲話會冇咁脆，所以早啲食會好啲🤩所以最後就變咗做tea喇🤣俾錢嘅時候仲提醒👧🏻用滙豐信用卡俾嘅話會有折‼️✧✧✧✧✧✧✧✧✧✧✧✧✧✧✧✧✧✧✧✧ 1）芒果拿破崙蛋糕🎂 HK$290（折後HK$232）估都估唔到係酒店買呢個一磅嘅蛋糕先要二百多少少🙈賣相滿分💯店員姐姐冇呃人，切開都真係好脆🤣因為有吉士黏住啲酥皮，所以切開都唔會散👍🏼啲吉士食落落少少甜，唔會好膩🥰擺面嘅芒果都好甜，唔會好似有時啲水果蛋糕咁，啲水果酸到傻咗🤣😍賣相：🌕🌕🌕🌕🌗😋味道：🌕🌕🌕🌕🌑總括黎講，港麗酒店嘅cake shop用好親民嘅價錢就可以食到酒店質素嘅西餅，真係超抵呀🤩等到屋企人嘅正日生日，👧🏻好有衝動再買一個返去食呀🤣✧✧✧✧✧✧✧✧✧✧✧✧✧✧✧✧✧✧

特別推薦大家✅Seasonal Fruit Cake蛋糕好鬆軟🍰，甜度適中，完全唔膩，唔會lup口，Strawberry大大粒同埋都好甜🍓☺️，普通得嚟又好好食，好飽都好好食💰$290 LB (original price)💰$232 LB (折後)*今個月(SEP)用任何一張HSBC card付款有8️⃣折，全年HSBC platinum card有8️⃣5️⃣折**Seasonal Fruit Cake可以揀strawberry🍓、mango🥭、雜果😛

中午飯後行出餐廳,朋友們説天氣太熱不想四圍走決定來本人家再天花亂墜, 走出coffee shop,見旁邊的餅店櫥櫃,放滿五顏六色可愛的少甜品 ,忍不住選購了幾件 ,返屋企下午茶當甜品。餅皮鬆軟, 甜度適中; 果撻的生果亦非常新鮮,唔會話死酸; mousse餅的口感亦唔會十分黏笠, 價錢亦適中 ,大家都食得好開心。

偶然經過Conrad，驚覺原來cake shop餅一啲都唔貴($30@)，忍唔住買咗件返office做下午茶Blueberry Tart如圖所見有極多藍苺，堆到好高，食既時候要小心翼翼，唔係藍苺會冧落黎通常蛋糕上既藍苺都係酸既，呢度竟然係甜既！撻底既custard醬甜度剛好，餅底牛油味唔重，唔會蓋過custard同藍苺既味道，而且係脆既！呢度既撻/蛋糕細細件，食完唔會太飽，而且價錢合理，相當抵食！

Conrad Hotel 最近有 promotion，用恆生信用卡餅店有八折，於是便叫了幾位要好同事一試。餅店內的蛋糕不貴，只需 $30，但款式不多，只有約 6 至 7 款。我們各自叫了蛋糕，分別是 Opera、blueberry tart 和 Chocolate dome。Opera 由多層 layers，有 chocolate mousse、cream 組成，上層是朱古力硬塊。整體朱古力水準不夠香滑，有點死實，有酒味但不濃；餅切得不夠 smooth ，賣相不太討好。blueberry tart 批底好脆，帶點酥皮的感覺，中間的 cream 算滑，blueberry 大大粒而且有糖漿 coating，清新是不膩。Chocolate dome 外層是牛奶朱古力 mousse，內層是淡朱古力且帶點芒果味，整體感覺好 soft，吃後像溶化一樣，是當中最好的一個 cake。總體蛋糕水準雖然只是一般，但折後只需 $24 一件，也不會有太多要求。另外，店內的麵包同樣有折，下次要試試。

二妹送給小妮子的另一個生日蛋糕是來自酒店內的餅店，愛其質素有保證和款式獨特，年前曾讚過此店的餅好味，二妹便差不多年年都在這處買，也許下次要說些謊言，說說無一間餅店的餅好食。這是一個朱古力蛋糕，餅面光滑如鏡，初看以為是Opera餅，原來其正確名稱是 Araguani Chocolate Cake，這朱古力原料來自法國，而可可豆原產地是來自委內瑞拉。輕輕切下，發覺餅身軟硬適中，兩層朱古力慕絲，中間是椰子味的餡料，餅面是朱古力汁，朱古力慕絲很軟滑，朱古力味濃郁，微苦帶點點栗子和甘草味，魚膠粉的比例恰當，最怕吃過多魚膠粉的慕絲，餡料的椰蓉散發著椰香，還增加了口感，味道與這隻Araguani 的朱古力頗夾，皆因彼此都是來自熱帶國家。口中吃著好味的蛋糕，但心裏怎樣說得出謊話呢！

尋日係港麗訂咗個2磅黑森林，見佢個賣相幾好，個朱古力字又寫得靚，就高高興興帶去酒樓慶祝姨媽生日，當眾人食飽後，個個滿心歡喜咁期待個蛋糕，一出現個個都（嘩嘩嘩）好靚呀,其實當時己經有d心知不妙，因為係由我負責切蛋糕，我見到張餅底咭已經濕到淋，當時都覺得有d奇怪，當切好十二件後，衆人趕快開餐，但好快就鴉雀無聲，由於係我切餅嘅關係，我食最後，我當時仲心諗唔通太好食所以個個都唔出聲，點知當我一試，發覺內裏黑朱古力蛋糕濕到無可再濕，唔係濕咁簡單，係濕到霉，濕到爛，內裹d車厘子又難食，莫講話同文華，港香比較，結果係連美心都不如，成個餅都唔知似乜，十二個人無一個可以食哂。 我希望酒店方面可以注重蛋糕個質量，得個樣係無用㗎

5/2當天，當劉總帶來這侖包裝精美、份量巨大的原個蛋糕時，眾人無不嘩然! 　打開餅盒一看，是個賣相非常精緻動人的黑森林蛋糕，份量估計約有磅半，令一眾甜魔又驚又喜! 喜當然是可以品嚐港麗餅店精美的出品，驚是---這麼大的蛋糕，真的可以完成得了嗎? 嗯，有志者事竟成，大家即管努力開戰吧! 還好屋主早有準備，快快開動雪糕解滯程式! 同時送上清新的生果解救大家! 果然，在雪糕及生果的打氣下，戰士們反敗為勝，將原個蛋糕全給掃光，十分厲害! 當然，最重要是原因是這個蛋糕內外俱備，精緻得來同時十分美味：首先面層的櫻桃多汁不過甜，中間蛋糕層又鬆軟濕潤，再加上面層及周邊香醇不膩的優質朱古力，引得每個人都一口接一口的吃，合心合力之下，要衝出這個黑森林陣，其實也不是難事。然而戰地場上風起雲變，正當大家以為已大獲全勝，誰不知後來又浮現另一個更強橫的魔頭... 明天再介紹吧!

跟老媽子在金葉庭飲完茶後，又要起程到甜魔會長家耍樂。我份人懶，唔想諗買什麼食物上去人家屋企，直頭在酒店的餅店買個蛋糕好了。款款蛋糕都似乎好吸引咁，左想右度，終於揀了黑森林，我想大家應該會喜歡。五星級酒店的出品，賣相一定唔會輸蝕，面頭有一半鋪上車厘子，沒半點酸，蛋糕味道亦很不錯，酒香濃厚，旁邊的朱古力亦有一定水準。當日的聚會有太多甜品，還以為會吃不完這蛋糕，結果還是完成了，其中Herbert更吃了近半個，甜魔的實力果真非同凡小可。大家都喜歡這蛋糕，我就更開心！

謝意劉總, 帶來了這店的出品. 這麼大件的蛋糕, 還不是大佬級?黑森林蛋糕: 8分, 相當大個, 磅半的份量, 實在不能小看. 賣相精緻, 一半的地方放滿了車厘子, 一共三十粒, 酒味好香, 配合底下的黑森林蛋糕去吃是幾匹配. 旁邊的朱古力就像森林的圍牆, 朱古力也算幾濃郁.見大家慢下來, 就等我去清掉吧. 看來我至少吃了三分之一.

來金鐘找間高級酒店的cake食，其實港麗酒店和香格里拉酒店我都鍾意因為兩間酒店都是五星級級數。在港麗酒店LL層轉右手面到達，玻璃櫃擺放各類西餅和巧克力雖然款式不太多但勝在夠精緻但這裡不好在沒有咖啡茶座給人坐在享用。我問過女服務員紅桑子cream cake和藍莓撻兩款餅都不太甜於是乎各買一件。紅桑子cream cake 外層有點酸，但裡面的一層咖啡cream與紅桑子夾到而且發揮到一絲絲酸甜醒神效果而且味道很好，紅桑子cream cake用來送禮既高貴又大方。藍莓撻 藍莓大大粒食落有濃郁的藍莓果比較特別之處，低層的曲奇與東海堂的不相伯仲味道不俗，港麗的藍莓撻賣相和味道較優勝。

Last Day 的散水餅我自己選了一間我去都未去過既酒店,當然啦,o係如此狀況之下,個西餅當然係自己食返Ga La......芒果餅唔係唔好,只不過既然太古廣場俾我既回憶係朱古力同開心果小圓餅,我都想跟返呢條路線.......個朱古力餅個頂部朱古力醬係好滑,但夾底下唔算好椰子既椰絲脆脆(我覺得個椰絲可能係來貨tim,唔夠味)重量唔多夾;個小圓餅佢俾我既感覺可能有少少薄荷/青檸底,我覺得唔似係開心果......呢個價錢,「更上一層樓」始終比較穩陣d......

Honey 生日，為隆重其事，不想求其買個蛋糕，走入Conrad 睇睇，款式很多，價錢亦不算貴，買了一個外表睇落唔似，但實質係 Tiramisu 的蛋糕，$210 約有磅幾兩磅重，重抵過一些連鎖餅店，話晒都係五星級酒店出品，質量一定有保証。圍著餅邊是Ladyfinger，餅面的裝飾，是用一塊紅色方型朱古力及三粒沾了些金箔的 raspberry ，加添了些高貴，而且紅的色調很適合生日用，店員知道是生日用，更細心放上一個 Happy Birthday 牌及送上蠟燭和膠餅刀。味道方面，蛋糕很新鮮，不太甜，配合咖啡酒的味道香濃，忌廉和 Mascarpone 芝士的味道，天衣無縫。因香港人愛吃 tiramisu，相信Mascarpone 應是港人吃得最多的意大利芝士，其次可能是做 pizza 的 Mozzarella 及 Parmesan 了。這店的做法頗特別，他們不是將 ladyfinger 浸咖啡混合液後藏入餅內，而是將它們圍邊的做法，可避免有些做得不好，變得過濕，我們將 ladyfinger 拌著蛋糕來吃，也很不錯。當然，傳統的做法亦是我杯茶。