影片
以上资料只供参考，请与餐厅确认详情
今年生日去Conrad扮去旅行，一個staycation package包食四餐，當中的下午茶是在酒店59樓的行政人員貴賓廊serve 的。上到去無敵海景一定冇得輸，可惜食物方便令人大失所望，最初還以為是英式層架上，最後只是兩碟送上來。味道當然沒有太大驚喜，份量也絕對偏細，這一餐只是食海景而已。有機會再揀，下午茶這個部份可以跳過，因為感覺略嫌cheap，同酒店格局有點不配合。
继续阅读
【酒店食】無敵大海景配埋靚靚tea set😻維港片海向來值錢 package 包埋既lounge 仲要對到片海正一正🤤話說我地去個日係閒日 但1440落到去已經滿左半場 1500準時到既已經冇曬海景位野食方面唔錯 配合埋海景更係加曬分 鹹點會岀色啲 唔只係得三文治 甜點 推介canele, scone係成個set既敗筆位 唔夠鬆 食落口偏乾同實嘢食款式會轉 想refill嘅時候鹹點有新款 ps唔知點解葡撻淨係俾一件🤣而下午茶同cocktail時段亦會提供唔同野食 由3點坐到7點絕對無難度 Pps 同平時係大堂既tea set野食其實有啲係一樣既 所以想試tea set既朋友記住唔好miss左lounge既下午茶時段評分🤨味道:🌕🌕🌕🌕🌑環境:🌕🌕🌕🌕🌑服務態度:🌕🌕🌕🌕🌗📍Executive Lounge @ Conrad Hong Kong @conradhkhotel
继续阅读
🍽港麗酒店 行政貴賓廊 (金鐘)📍金鐘金鐘道88號太古廣場港麗酒店59樓.Conrad 其實7樓同59樓都有lounge , 我地都算好彩喺無book 之下都去到59樓嗰度，仲有得坐窗邊望到海景～ Afternoon Tea, Cocktail session 分別係3:00-5:00同5:00-7:00，所以係連住落嘅，但大家book 晚餐時間就要預一預啦。.以package 嚟講Tea set 都算夠滿足，個Scone好鬆又唔會太黏口，亦夠moisture. 茶雖然係茶包，但都用咗The Wellbeing Group 嘅TWG茶～ .Cocktails session 都有好多款house wine 同有sprite, 食物方面就有Cheese board, Smoked Salmon , 生果等等。都算豐富，係不停咁食😂
继续阅读
Staycation第一站就係去食下午茶，check-in完即刻有得去食🥰下午茶有好多層都有提供，不過個個都一定爭住去executive lounge，因為係酒店最高層，成個維港景靚到爆😳不過小編去食個時間已經full曬，職員會安排你係啲冇咁靚嘅位坐住先，等有靚位空缺，再安排你轉位😆小編就幾鍾意呢個安排，起碼可以食住等😛.🍰afternoon tea飲品有果汁同咖啡茶可以揀，我地分別揀咗甘筍汁同埋西瓜汁🥕西瓜汁幾清甜，不過甘筍汁岀奇地勁好味，小編飲咗兩杯，排毒效果仲好好，飲完即刻岀事🤭食物方面有鹹同甜點，全部中中挺挺，味道唔會好驚豔亦都唔會難食，不過鬆餅就做得幾出色，鬆軟得黎配埋啲cream cheese相當唔錯的😚.🍽味道: 3.2/5🏙環境: 4.7/5👨🏼🍳服務: 4.8/5💧衛生: 4/5
继续阅读
適逢我又生日, 老公安排左一個2日1夜既Staycation @Conrad 呢個Package包左Breakfast, afternoon tea & happy hour @Executive Lounge Check in後先同港B胖胖去到59/F Executive Lounge享用呢個Afternoon tea set 3pm左右唔太多人 (胖胖黎到之前應該仲係好寧靜😂 )佢地安排左個梳化位俾我地 係harbour view 叫左black coffee & grapefruit juice之後就黎左個賣相普普通通既3-tier tea set 底層: scones (配berry & apricot jam & butter)中層: cheese & ham ciabatta, tuna sandwich (double deck) & salami whole-wheat sandwich頂層: sponge cheese cake, strawberry sponge cake & canelé 賣相一定唔夠平時食開嘅港女下午茶吸引 味道亦都只係一般般 但勝在環境不錯 而且服務一流 可能怕胖胖會太嘈騷擾到其他客人D staff拎咗好多嘢去engage佢 又成日走黎同佢講野好彩隔離枱啲人都好鍾意胖胖 仲撩佢玩添😂 食完個set 去游左陣水之後老公提議試埋佢個Happy Hour又上返59/F 叫左兩杯Sovereign Blanc (我至愛!) 不過可以再chill多陣第二朝早餐係Buffet 都幾多野食不過忙於照顧胖胖我唔記得影相🙄除左toast同一般早餐都有嘅熱食之外佢仲有燒賣之類嘅中式點心雖然無Egg Station 但係要咩蛋都可以Order 即叫即整我要兩隻太陽蛋 結果佢黎左兩份(4隻)D好熱情又Helpful嘅 staff又不停拎野俾胖胖 當中包括專程為胖胖炒嘅全熟蛋加埋我本身拎俾胖胖嘅烚蛋同老公一問始拎嘅炒滑蛋一朝早就成枱都係蛋不過幾款蛋都整得不錯期間有staff會問你or唔order 雲吞麵 仲話黎呢度一定要試雲吞麵同牛角包然後又拎左個牛角包俾胖胖, which 佢其實唔食得🙃我覺得個croissant幾啱我食 唔係太重牛油味 而且好鬆脆呢度D Pastry都keep係焗爐度 所以食嘅時候仲熱 又唔會因為放得耐淋左我試左個Danish都係好香好鬆脆 又唔太甜胖胖受到咁好招待食到好飽又玩得好開心 推住人地張High chair唔肯走😌
继续阅读
您可能会有兴趣的...