湊湊火鍋‧茶憩 (圍方)

营业中

休息中

好好食！真係要去是但一間分店品嚐品嚐！👍🏻鴛鴦鍋(昆布湯 拼 台式招牌)黎得打邊爐點可以淨係食一款湯底，今次揀咗昆布湯拼台式招牌。昆布湯帶點清甜，啱晒稍後用嚟放海鮮、魚肉、皇帝菜。而台式招牌鍋就相對重味一啲，適合放入肉類、丸類，麻辣仲越嚟越辣添，食得非常過癮。👍🏻華麗海鮮拼盤絕對對得起華麗呢一個稱呼，海鮮拼盤擺得非常之精緻，有海蝦、鮑魚、扇貝、花甲同魚肉，樣樣新鮮，非常有驚喜。👍🏻貓爪蝦滑絕對要大力推薦，蝦滑好爽彈，咬落去粒粒蝦肉，而且佢嘅賣相真係非常討好。👍🏻新鮮白鱔片老公真係勁鍾意食魚，所以亦都嗌咗一碟新鮮嘅白鱔片，魚肉非常之雪白，食落去唔會太過多嘅幼骨！重點係有冰鎮住，非常新鮮，而且份量好多。👍🏻美國牛肩胛肉打邊爐嘅最佳拍檔當然係牛肉啦，今次揀咗牛肩胛，肉質相對細緻，唔會太過肥膩，而且肉味都好香濃。另外亦都叫咗一份毛肚，朔晒啲湯非常入味！👍🏻飲品分別叫左：雙柚愛玉茉莉冰沙，大紅袍珍珠奶茶。平時已經會買佢嘅奶茶外賣，難得堂食今次同老公都揀咗呢一款相對清新，又不乏口感，沙冰嗰杯比較冰爽，解辣解油膩真係一流！✨當你已經食到好飽嘅時候，唔好忘記仲有個自助吧有水果提供，職員亦都會送上甜品同

去圍方行街經過湊湊火鍋•茶憩推出左中秋Menu，即刻約朋友book枱黎個中秋聚會。我哋揀酸菜白肉湯底同臺式麻辣鍋，呢兩款鍋底仲可以無限refill酸菜白肉同麻辣鴨血豆腐，酸菜白肉湯底入面嘅腩肉軟淋酸酸地好開胃，而臺式麻辣鍋雖然賣相紅卜卜，但不會太辣，而且鍋底超足料非常出色。花好月圓海鮮拼盤海鮮拼盤都擺盤吸引，有鮑魚、帶子、蜆、白鱔片同海蝦，鮑魚爽口彈牙，帶子鮮甜，食材好新鮮。新鮮白鱔片未夠喉再叫多盤白鱔片，薄切嘅鱔片幾新鮮唔會覺得腥，薄片又唔駛淥太耐。美國特選級牛肩胛打邊爐必點牛，呢個美國特選級牛肩胛色澤紅潤，雪花平均，入口滑嫩肉味濃郁。爽口牛黃喉牛黃喉係牛心室嘅大動脈血管，灼1分鐘就熟，非常爽口。企鵝賞月係免費送嘅，有四隻企鵝，係墨魚味，口感彈牙。另外有個圓圓好似月亮嘅飛魚籽滑，都好彈牙。油墨菜油墨菜新鮮脆甜最岩打邊爐。Lee度仲可以飲台式飲品，餐牌最新推廣「雙柚愛玉茉莉冰沙」同「雙柚愛玉茉香茶」好大杯。一路打邊爐一路飲，超級清爽、酸酸甜甜又解膩。最後店員會送上免費甜品芒果沙冰。

中秋期間訂位食飯 即送「企鵝賞月」未搵地方做節? 好快d訂定張枱!.《鴛鴦鍋》台式火鍋嚟講 當然係必定要食麻辣鴨血豆腐 招牌湯底 仲要鴨血豆腐係任添的 正啊😍麻香味十足 入口唔會好辣好嗆口另一邊係酸菜白肉湯底 勁多白肉帶有微微的酸味 濃郁香醇用黎打邊爐 食材吸收哂湯汁精華 味道更加鮮.《花好月圓海鮮拼盤》海鮮拼盤勁精彩豐富 全部都好新鮮有鮑魚、帆立貝、沙白、鮮蝦、白鱔鮑魚淥熟剛剛好爽口 一啲都唔韌特別要一讚沙白 入面既蜆肉好甜 一啲沙都無.《企鵝賞月》企鵝🐧造型好可愛 其實係墨汁墨魚丸子味道好突出 真材實料 口感爽彈企鵝圍住既橙色月亮🌕就係由蝦滑凹同海量蟹籽組成入口都幾驚喜 蟹籽熟左都有嗦嗦聲爆炸感.《新鮮白鱔片》白鱔片鮮嫩爽脆 新鮮甜美搭配鍋底煮熟後 更加吸收哂湯汁 份外惹味.《美國牛肩胛肉》一排鮮嫩粉紅肥瘦均勻既牛肩胛肉牛味香濃 油花分布均勻 正.《爽口牛黃喉》唔係到到都有得食牛黃喉 呢到有緊係即刻叫其實唔係喉嚨 而係牛牛既心管主動脈打邊爐極之爽脆 搭配埋沙茶醬係我覺得最正.《油墨菜》油墨菜好新鮮 食落爽口鮮嫩.《雙柚愛玉茉莉冰沙》冰沙清涼解暑 柚子西柚夾埋酸酸甜甜仲有滑捋捋愛玉

火鍋店座無虛席，非常熱鬧，店內掛滿了燈籠，充滿節日氣氛，加上食材高質，服務態度一流，是和家人朋友共度中秋佳節的好地方。鴛鴦鍋 台式麻辣鍋 麻辣湯底香氣十足，裡面的鴨血和豆腐好入味，還可以免費追加。清涼椰子雞鍋 用料十足，裡面有椰肉、雞肉和粟米，味道清甜。企鵝賞月 口感彈牙的企鵝丸站在一起賞月，賣相十分可愛。飛魚籽墨魚滑看似月亮，爽脆的飛魚籽加上爽滑的墨魚滑，口感非常豐富。美國特選級牛肩胛 肉質鮮嫩，油花細緻，非常推薦。花好月圓海鮮拼盤 樣樣都好新鮮，有鮑魚、扇貝、蝦、白鱔片和文蛤，鮮味十足。爽口牛黃喉 口感爽脆彈牙。新鮮白鱔片 口感爽脆，味道鮮甜。油麥菜 新鮮又爽口。雙柚愛玉茉莉(冰沙) 雙柚愛玉茉香茶 口感清新，打邊爐必點。店員還送上菠蘿沙冰和紅豆布甸，實在非常滿足。

其實啲嘢都好好食 但係服務真係唔太好特別係啲服務員係咁喺度望住我哋跟住同其他服務員講嘢啲眼神都好奇怪令我哋好唔舒服我唔知係咪因為我哋係細路仔所以覺得我哋會俾唔起連對我哋嘅態度都差過後面枱…

朋友喜歡台式麻辣火鍋，朋友之前同同事食過覺得好好食，所以上次聚會她便邀請我去試湊湊台式麻辣火鍋食晚餐，第一次去食湊麻辣火鍋同朋友去尖沙咀分店食，覺得食物質素服務態度及各方面水準質都非常好，十分滿意，今次同屋企人到大圍圍方台式麻辣火鍋食午餐，唔知是否上次係食晚餐關係今次只係食午餐所以服務水準差很遠，服務員服務比較差，同三個接待員講埋單5分鐘冇人理會，要自己出櫃位付款，冇服務係其次，但連付款服務都做唔到，真的好奇怪！服務員加湯底真係好像機械式服務，冇同人客有交代！有一兩個員工比較好，同尖沙咀一樣，其餘有三份二員工都係零服務

喺圍方睇完戲見到呢間 ． 遍佈中港都有分店嘅火鍋店環境氛圍好有格調坐得寬敞舒適Lunch Set 每款都係幾十蚊任食自助吧有多款醬料．前菜．滷肉飯．水果無限量任添仲可以半價追加茶飲✨高雄鮮蝦牛肉八寶黑輪麵一鍋份量充足．有多種配料牛肉軟腍．湯底清甜✨寶島慢煮蕃茄牛肉火鍋明火熱辣辣嘅蕃茄湯底味道濃郁．加入牛肉．充滿嚼勁加入烏東夠哂飽肚✨大紅袍珍珠奶茶大大杯．茶底香醇加入珍珠．燕麥令口感更豐富整體性價比高．午市好抵食

平時去lee間多數都係食火鍋，見佢有台式半自助午市套餐都唔錯，套餐幾款特色小火鍋，包左一個小火鍋/主食、2款配菜同甜品，仲可以半價order飲品添。自助Bar 有兩款前菜，香辣魚皮同杏鮑菇，魚皮爽口惹味，辣度適中、滷肉飯同水果（當日供應哈密瓜、西瓜同車厘茄）任食，台灣嘅滷肉唔會太杰身又唔太肥膩，真係好送飯。經典紅顏花膠雞小火鍋花膠雞鍋湯好濃郁杰身仲好重膠質，入面有花膠、無骨雞件同冬菇，再配烏冬。寶島慢煮番茄牛肉小火鍋番茄香氣濃，鍋入面有好軟腍嘅牛肉心，牛肉好似牛腩，仲有紅蘿蔔同埋番茄。小火鍋嘅套餐包左前菜嘅麻辣鴨血同埋豆腐，鴨血好嫩滑，仲有半隻雞蛋&肉燥娃娃菜，甜品就係一個紅豆豆腐布甸。飲品（半價換購）經典珍珠奶茶（凍）大紅袍珍珠奶茶（熱）

平時聽朋友講湊湊非常出名，一心一意諗住去打邊爐，點知發現佢嘅晏晝居然有午市套餐！仲要有一人一鍋，$100都唔使食到非常盡興，出邊仲有自助吧，等我而家介紹一下。肉小火鍋、經典紅顏花膠雞都非常豐富，前者叫咗寶島慢煮蕃茄牛肉，入口濃郁牛肉好腍，而花膠雞嘅湯底相當清甜，雞肉嫩滑。跟餐仲可以有米飯或者烏冬，肯定夠飽，加上有一系列嘅台式飲品，包括叫咗熱冬瓜檸檬，黃金橘茶加珍珠，清清潤潤！去到自助區域：有多種水果，哈密瓜、西瓜、蕃茄仔等，仲有熱辣辣嘅白米飯同埋好惹味嘅肉醬，爽口開胃嘅魚皮，醃製得入味嘅雞髀菇，仲有多種嘅醬汁任君選擇。

落雨濕濕同朋友gathering好想打邊爐🍲今次去咗食湊湊火鍋‧茶憩 餐廳有自助區當日有涼拌魚皮同中華沙律涼拌魚皮辣辣地幾開胃湯底就叫咗一個鴛鴦鍋揀咗台式麻辣鍋🥵同埋珍鮮菌菇湯🍄‍🟫台式麻辣鍋嘅鴨血豆腐可以無限添加肉類就揀咗牛肩肉同牛小排🥩份量都中規中矩丸類揀咗芝士魚腐另外仲叫咗造型超級可愛嘅企鵝丸🐧😊打卡一流蔬菜拼盤就正正常常最後仲附送鳯梨沙冰同水蜜桃茶凍同行有朋友叫咗大紅袍奶茶🧋茶味好突出，仲有少少碎冰而我就叫咗冬瓜檸檬😇打完邊爐飲埋杯冬瓜檸檬非常消滯😋

平時經開只幫襯過外賣手搖飲原來依家有半自助午餐外面自助區可以拎水果同前菜，仲有滷肉飯主食都有唔少選擇，價錢亦唔算太貴飲品可以半價加購台北燉排骨配肉燥蔬菜，麻辣豆腐鴨血，甜品份量都幾多，排骨燉得入味油而不膩，非常下飯麻辣豆腐同鴨血更是驚喜之作朋友叫左慢煮蕃茄牛肉小火鍋配烏冬用小火爐一齊上，儀式感滿滿同樣有小菜，試左佢個蕃茄牛肉，非常軟淋佢地啲手搖飲都好有水準雲朵絲絨茉香茶 飲第一啖就覺得好飲第一層奶蓋鹹甜交織，再來係茉莉花茶熱美人烏龍珍珠奶茶珍珠好好咬口👍🏻

見到有新嘅嘢食都會去睇吓試吓，本身食開佢嘅dinner，見到有lunch set，都幾多款，於是乎就睇吓個味道如何。如果你係會員就可以免費出邊自助吧，自助吧有幾款生果，當日有西瓜同埋蜜瓜，另外小食有魚皮同埋菇類，個人比較一向鍾情佢哋嘅肉燥飯，仲有好多唔同嘅醬料。🥢經典紅顏花膠雞小火鍋配烏冬：花膠湯底配上雞肉，雞肉好嫩滑。職員話係熬製出來，好清甜，唔會好鹹，烏冬好彈牙。另外仲有個蔬菜，鴨血加豆腐，同埋豆腐味嘅布甸。🥢寶島慢煮蕃茄牛肉小火鍋配烏冬：蕃茄湯底濃郁，好杰身果隻，加埋烏冬非常之夾。🥢冬瓜檸檬：夏日必飲之選，冬瓜加檸檬，好啱夏天，清爽嘅感覺。🥢黃金桔茶：酸酸地，金桔好下火，茶底好香。

經過見到推出午市半自助套餐，半自助即是自助Bar的兩款前菜、滷肉飯和水果（視乎當日供應，通常有哈密瓜、西瓜和車厘茄)都係任食，套餐仲包括兩款配菜同甜品，好豐富！呢個鴨血豆腐好好味，之前去打邊爐都會不停Order!老壇酸菜魚小火鍋的份量都OK，仲有好多餸，酸味及辣味都剛剛好！配烏冬未算好掛汁，配飯應該更加好味！寶島慢煮蕃茄牛肉小火鍋的牛肉好滑好嫩，呢款裏面冇咩配菜，但係蕃茄湯比較入味同瓜汁，呢款都非常適合烏冬！另外跟餐可以半價加購飲品，咁大杯飲唔晒仲可以拎走慢慢飲～

2024年8月5日 星期一呢日終於有機會嘗試下湊湊既午市套餐，喺大圍圍方新開張幾個月都未有機會黎，成日都見到大排長龍，呢日一於去試下餐廳門面整得好有時尚風格，門口有兩隻海豚雕像，仲有流水添入到去好似去咗水族館咁，燈光同裝修嘅用色都幾cyber，每張枱都有獨立空間，傾偈都唔怕其他枱聽到今次嚟主要係嘗試下餐廳嘅午市套餐，因為係台式半自助套餐，可以出去自助區任拎水果同前菜，主食都有幾多款選擇，價錢都唔算太貴，$100內有找，仲可以半價加購茶飲添，所以我哋每人叫咗一個午市套餐自助區除咗有唔同嘅醬料可以自製之外，餐廳都提供咗八款唔同風味嘅醬料配搭俾客人，比較少見嘅醬汁有XO醬、蘑菇醬同香油等等，另外仲有前菜同生果提供，生果都有好多款，例如西瓜、哈密瓜同柑，見到店員係新鮮切出嚟，夠晒新鮮清甜，未食主菜都拎咗幾舊黎食，西瓜冇乜核，而且起晒沙等咗一陣飲品就首先送到，呢個係冰冬瓜檸檬，仲加左茉莉茶凍，味道酸酸甜甜，再加埋食到茉莉花茶凍，口感好豐富又解渴老婆要嘅係雲朵絲絨美人烏龍，飲品上面有一層奶蓋，真係好似雲層咁，口感好幼滑，烏龍茶味幾突出食物方面有寶島慢煮蕃茄牛肉小火鍋，附有烏冬、前菜同甜品，份量都唔

今年湊湊火鍋五週年慶祝🎉推出咗好多優惠💯 平時食開台式麻辣湯底，今日試下新口味，揀咗鴛鴦鍋，叻沙雙拼椰子雞🥘🍲 湯底好足料，椰子雞煲裏面有好多新鮮椰子肉🥥雞肉、人參果，喇沙湯底有蝦、帶子、蝦米肉碎、秋葵等，清清地好健康👍🏻 海鮮做緊71折，超抵食‼️同兩個湯都好夾，我最鍾意西澳曼杜拉龍蝦，上枱嘅時候，龍蝦頭嘅鬚仲係郁緊，非常生猛新鮮😱 龍蝦肉鮮甜彈牙，就咁食已經好正，唔使點任何醬料🦞 蝦滑啖啖蝦肉，非常足料🦐 黃喉唔會太韌，唔使淥好耐，食落幾爽口👍🏻 湊湊最正係有勁多自助前菜，我最鍾意佢個魚皮，爽滑惹味，食到停唔好口🤭 打邊爐打到一半，店員會送上菠蘿波冰，好超冰爽👍🏻 食到最尾仲有甜品，今次係豆腐奶凍，超滑溜，好香豆味，面頭仲有少少紅豆🫘👍🏻 夏天超熱唔想飲奶茶，湊湊嘅桔茶同冬瓜檸檬都好大杯，好解渴，打邊爐必備！🔸南洋喇沙鍋、清涼椰子雞鍋🔸西澳曼杜拉龍蝦🔸手工蝦滑🔸帶子🔸爽口牛黃喉🔸油麥菜🔸黃金桔茶、冬瓜檸檬📍#湊湊火鍋‧茶憩 (#圍方) (#大圍美食)#大圍 車公廟路18號圍方3樓327號舖