湊湊火鍋‧茶憩 (MONTEREY Place)

营业中

休息中

同屋企人去咗將軍澳嘅「湊湊火鍋‧茶憩」打邊爐🥳內裝高雅有格調，座位好舒適～坐得舒服。自助醬料區除咗有各款調味品～仲有前菜同埋水果🍉仲會附送一人一客好好味嘅菠蘿沙冰同梅子茶凍。而喺下午6時前埋單&離座仲可享85折早鳥優惠添。🔶 清涼椰子雞鍋+蕃茄牛膝骨鍋（鴛鴦 $138+98）只要點新登場湯底「清涼椰子雞鍋」🎉就可以66折加購指定新品一客(竹笙/鹽酥雞/風味湊湊)🥳 抵！梗係要呢款啦～🥥清涼椰子雞鍋湯底好清甜有椰香，入面仲有好多料～除咗加入了清新椰子水同椰肉，仲有好多鮮嫩雞肉&粟米。鴛鴦鍋另外叫咗「蕃茄牛膝骨鍋」👍🏼蕃茄味香濃，屋企人好欣賞裏面嘅牛膝骨，膠質豐富，正喎～如果食辣嘅朋友，依到嘅🌶 「台式麻辣火鍋湯底」超人氣的～鴨血&豆腐都係可以無限任添加。🔶基圍蝦$108擺盤靚靚🦐蝦都好新鮮～入口非常鮮甜。🔶企鵝丸🐧 $591客6隻，超得意👍🏼企鵝形狀嘅雙色墨魚丸～非常彈牙，鮮甜美味。打卡靚呀！🔶美國特選級牛肩胛眼肉 $138見到Menu寫住係人氣之選👍🏼有濃郁嘅牛味～嫩度適中。🔶精選焦羊肉 $981客份量都多！肉質柔嫩有羊香。🔶竹笙$88脆嫰爽口👍🏼索晒啲湯汁，真係好正。🔶鹽酥雞$58呢

湊湊火鍋🍲一直都想食好耐佢哋嘅麻辣湯底同鴨血好正咁岩經過將南都有一間就去食下新推出嘅清涼椰子雞鍋依家凡點購清涼椰子雞鍋仲可以66折加購指定新品一客‼️可以竹笙/鹽酥雞/風味湊湊3選1打完邊爐仲會附送乳酸沙冰同梅子茶凍餐廳嘅座位闊落環境舒適鐘意打邊爐嘅朋友真係絕對要試吓😋🔸清涼椰子雞鍋/台式麻辣鍋 $276今次我哋嘅鴛鴦鍋選擇咗呢兩個湯底，清涼椰子雞鍋係湊湊最新推出嘅產品，係由新加坡果邊引進，呢個湯底主要係以椰子同雞肉去煲，椰子水同椰肉非常清甜，雞肉亦好嫩滑，再加埋檸檬葉令到就湯底更加香同清新，就咁飲都好好飲🤣台式麻辣鍋就係湊湊嘅招牌湯底，主要以雞骨同牛骨再加上多種中藥材熬製而成，辣度唔會話太辣，不過就勁香，鴨血同豆腐仲可以無限添加，真係既好味又抵食😍🔸美國特選級牛小排 $228牛小排色澤好靚，食落肉質好嫩滑，完全唔韌，亦都食到好濃牛味，絕對對得住呢個價錢😋🔸伊比利亞黑豬肉 $138呢碟豬肉片份量好多，每一片都肥瘦好平均，厚度亦啱啱好，一啖食哂成片個口感勁正😍🔸飛魚籽墨魚滑 $68店員非常貼心，幫我哋將一大嚿墨魚滑分成十幾粒形狀大小都差不多嘅墨魚丸，而且每嚿都沾有飛魚籽，食落好彈牙，打邊爐

🍲呢間火鍋店都開咗好多分店，最近終於有機會食到🤤我地假日六時前離座仲有八五折👍🏻我今次係食將軍澳店，環境幾大空間感十足，我地兩人坐四人檯就舒服嘅，兩人檯就真係太迫😅·湊湊係全部係單點的，湯底向店員下單，餸就用QR code落單·～湯底～✨清涼椰子雞🥥🐔 $138椰子肉、椰子水、雞肉、粟米、紅棗、檸檬葉呢個新湯底呀，飲落好清甜😚，點新湯底可以66折加購指定新品一客(竹笙/鹽酥雞/風味湊湊)·✨臺式麻辣鍋🌶 $138麻辣度冇得自選，不過食落唔算好辣，最鍾意係鴨血、豆腐可以任加，我地加咗幾次鴨血，鍾意佢嘅厚度同埋食落好彈牙🤤，不過個湯會愈煮愈鹹😅·～火鍋配料～✨美國特選級牛小排 $228油脂好靚，食落好腍有牛味✨美國特選級牛板腱 $138呢隻牛冇牛小排咁靚，食落肉質一般✨企鵝丸🐧 $59墨魚漿製成，有六粒，脹卜卜好可愛🐧✨風味鴨腸 $58一條條晾喺架上好得意😆，識落唔算好爽但唔算韌✨竹笙 $88竹笙都排得咁靚😂🤣，淥落湯底好索湯✨鹽酥雞 $58熱辣辣嘅台式小食，唔錯✨皇帝菜 $38·～飲品～✨大紅袍珍珠奶茶🧋 $33五分糖少冰，大大杯都冇咁邪惡😆，大紅袍茶葉好香幾特別，珍珠係偏細粒，煮得好軟

湊湊火鍋‧茶憩 湊湊火鍋係將軍澳開咗新分店，但成日都好多人，今日終於有機會試下餐廳有早鳥優惠下午6時前埋單及離座可享85折、宵夜優惠晚上9時半後入座可享8折入座後會有貴妃烏龍茶、同附送乳酸沙冰同梅子茶凍自助小料台有醬料、前菜、水果座位舒適、空間感大、環境好靚打卡一流。凡點購新鍋-清涼椰子雞鍋，即可以66折加購指定新品一客(3選1, 竹笙/鹽酥雞/風味湊湊)。湊湊節日2人套餐 $698🌟美國特選級牛小排🌟臺式麻辣鍋(鴛鴦鍋）🌟清涼椰子雞（鴛鴦鍋）🌟伊比利亞黑豬肉🌟鮑魚(活）🌟企鵝丸（墨魚漿製）🌟皇帝菜🌟冬粉🌟清新鍋 - 清涼椰子雞鍋 $198單鍋 $138鴛鴦鍋 湊湊最近推出咗新鍋，係新加坡限定既鍋底「清涼椰子雞鍋」，最近香港都有啦新鍋底係加入咗清新椰子水同椰肉，湯底既雞肉鮮嫩吸收咗椰子精華， 入口會有陣陣椰香更清甜仲有啲入檸檬葉提升香氣, 營造出清爽的獨特滋味。。🌟臺式麻辣鍋(鴛鴦鍋）另一個鍋揀咗麻辣鍋，麻辣湯好香，淥肉就最啱，呢到鴨血豆腐仲可以無限添加鴨血都幾滑，我地都食咗好多舊肉類都唔錯，唔會太瘦食落鞋口。份量以2人黎講就好足夠。鮑魚好新鮮爽彈，企鵝丸得意仲有墨魚既甜味另外仲叫咗

打邊爐係不分季節😍今日就去到湊湊火鍋的將軍澳Monterey店。餐廳環境別緻，獨立卡位非常舒適，店員服務態度好好👍🏻上菜同收碟效率都超快💯入座有貴妃烏龍茶，中途仲主動奉上芒果冰沙，非常適合同家人和朋友聚會🥳自助區有醬料，前菜及時令生果，醬料20幾款任撈，前菜區仲有正宗台式肉燥飯，生果就有哈蜜瓜同西瓜，啱曬打完邊爐消滯。食飽飽仲有鴨血豆腐打包一份比你拎走，非常貼心🥰📣湊湊新鍋登場 - 清新鍋「清涼椰子雞鍋」🥥🐓💕 優惠唔好錯過: 凡點購新鍋-清涼椰子雞鍋，即可以66折加購指定新品一客(3選1, 竹笙/鹽酥雞/風味湊湊)🌟清涼椰子雞（鴛鴦鍋）$138 / 番茄牛膝骨鍋（駌鴦鍋）$99~ 叫左鴛鴦鍋，新鍋底清涼椰子雞加入清新椰子水，椰肉，粟米同大量馬蹄, 鮮嫩的雞肉吸收椰子精華, 入口陣陣椰香飄散, 另外更加入檸檬葉提升香氣, 營造出清爽的獨特滋味。雞肉好滑，椰子肉爽口香甜，甜味突出，雞肉拆曬骨，勁貼心! 飲左好多碗都無口渴，果然真材實料夠滋補🤤~ 番茄牛膝骨鍋，番茄味道濃郁，清新又唔肥膩🌟鹽酥雞 ~ 大份又唔會好油，雞肉好滑🌟竹笙~咬落幾爽口，吸晒椰子雞湯，非常入味🌟企鵝丸 ~ 造型好可愛

環境十分有情調，但都算暗，對於有嚴重散光嘅我，確實有點不安😅；之前聽朋友介紹講到好好味，但……好貴，第一次試嘅我，就點左個套餐，有牛有豬有蝦有菜，亦有招牌嘅企鵝，整體食材係高質，麻辣湯底嘅豆腐同鴨血係任加， 可惜我是不吃血的人，但豆腐好入味，正！不過都真係貴～～～

🧋大紅袍珍珠奶茶 （少甜）入口幼滑 整體奶味軟少 甜度較低能夠帶出濃郁的茶味🌟 及品嚐到茶香的醇厚回甘☕️ 值得欣賞的是店舖採用細珍珠除了口感煙韌 粒粒分明外 同時能夠輕易吸入飲筒內 「啖啖珍珠」十分推薦🥰👍🏻🆁🅰🆃🅸🅽🅶: 4.1/5𝙾𝚟𝚎𝚛𝚊𝚕𝚕 𝚁𝚊𝚝𝚒𝚗𝚐: 𝟺.𝟷/𝟻𝙵𝚘𝚘𝚍: 𝟺.𝟷/𝟻𝙴𝚗𝚟𝚒𝚛𝚘𝚗𝚖𝚎𝚗𝚝: ~ 𝚃𝚊𝚔𝚎𝚊𝚠𝚊𝚢𝚂𝚎𝚛𝚟𝚒𝚌𝚎: 𝟺/𝟻𝚁𝚎𝚟𝚒𝚜𝚒𝚝: 𝚈𝚎𝚜

傍晚同友人係海旁附近食飯，揀左想試好耐嘅湊湊😚😚因為定價偏高一直未有機會試😛環境昏暗 每個座位都有間隔隔開 較有私人空間 且位置闊落 坐得幾舒服😌見到2人餐都幾抵食 驚唔夠食再單點些食物 不過食到最後真係好飽🤣🤣完全唔洗擔心🫣鴛鴦鍋（台式麻辣鍋+鮑魚花膠雞）麻辣鍋可以任添鴨血豆腐👍🏻味道唔錯 不算太辣也不算濃 聽到隔離檯話可以加辣 鮑魚花膠雞湯底超級濃郁 先喝一碗湯再加水打邊爐！味道濃郁好足料 有兩隻好細嘅鮑魚🤣 一粒粒雞肉 非常嫩 仲有杏鮑菇同冬菇👍🏻有好多疑似花膠物體不過食落好似豬皮🤯 除此之外就唔係好食到有花膠😢 牛小排 望落好新鮮👍🏻份量適中 食落好嫩 牛味唔算好濃不過都算不錯😌伊比利亞黑豬肉呢個都幾好食👍🏻好爽好嫩 肥瘦適中 基圍蝦份量都算多 標註寫係活的 上台見到唔識郁🤣不過係新鮮嘅👍🏻芝士魚餅正正常常 份量都多皇帝菜放係花膠湯底非常鮮 而且都好夾👍🏻菜都新鮮牛百葉（單點）新鮮👍🏻咬落爽口易斷 唔會好似食橡筋咁咬極唔斷🤣黃金條酥冇乜特別 而且食落不算熱 似係提早整定😢有些失望大紅袍奶茶🥤最鍾意就係呢杯 茶味濃郁 加奶嘅比例都好好👍🏻必點😛😛😚臨近尾聲 仲會送上乳酸菌沙冰同埋

Book位入座，服務人員態度好。環境整體幾舒服，坐得鬆動，不過可能設計嘅問題，頭頂唯一嘅燈照住火鍋，所以個鍋全程反光射住對眼。不過點野食嘅時候好多嘢都冇，例如鴨腸、黑豬肉。叫牛小排又上錯牛板腱。午餐肉- 味道比較淡感覺好似健康版本響鈴- 同平時食開嘅有啲唔同，要浸好耐入面先淋，整體味道不過不失。毛肚-非常硬。埋單又俾錯單~整體CP唔高，食完無乜滿足感同記憶點。但飲品非常出色，茉香綠茶同大紅袍珍珠奶茶都好飲，可能下次直接外賣嘢飲就算。

我地3人行，訂唔到枱，只好walk in，平日19:30 都有位。鴛鴦鍋 (台式麻辣鍋+花膠雞湯) 諗住可以任加鴨血同豆腐，所以揀左呢個鍋，呢個麻辣味都可以接受，食落去既鴨血入面好似豆腐(同平時食既唔同，我記得之前係另一間食湊湊火鍋d鴨血都唔係甘)，之後我想再添加豆腐，個職員仲話好呀，黎到我見到個樣好似鴨血，我問完佢先話豆腐無哂，姐係個鍋底由頭同尾都無豆腐? 定其實鴨血豆腐混埋左一齊(係同一樣野黎?) 有少少失望，因為我朋友本身想食另一個鍋的，如果知道無豆腐同埋d鴨血係甘我就叫另一個。 花膠雞湯，香味濃郁，好多花膠，肉類叫左黑豬肉，牛肩胛推介飛魚籽墨魚滑呢個真係好好食，墨魚滑彈牙，仲加埋飛魚籽。最後送梅子茶凍同埋沙冰食左2個鐘$1080 / 3人約$360 / 人

凑凑打邊爐大家都知，今日中午來到，也有其他套餐選擇，今次叫了酸菜魚套餐，少少辣，魚是魚柳，大大舊，份量也很多，套餐還有其他配菜，包括鴨血、魚皮、菜、滷水蛋。配菜味道一般，不過勝在種類多。

極極極少會出post講伏但今日唔講唔得！將軍澳分店午餐超伏，叫左個三寶拌麵$108+10%，食物嚟到同相片100%不符都算了，但成碗野係冷冰冰無溫度🥲🥲一滴汁都無點拌呢？（如圖白雪雪汁都無滴）好笑既事情出現了….女侍應拎左碟豉油碟咁大既「汁」出黎佈滿琼住一舊舊既油係冰凍的😖😖😖我問侍呢碟真係拌麵汁？🤨佢拎返入去應該用微波爐叮返熱…再拎返出黎….我仲敢食咩？🙄🙄🙄係我錯火鍋店唔應該叫熟食，應該自己碌先岩但火鍋我都唔敢試，衛生太差醬油區碟西瓜擺左咁耐無野蓋住又比細細隻蚊滋飛黎飛去….要打邊爐去返鼎王或者大將算啦明白而家係艱難時期，但唔等於就可以無質素到咁囉，$40兩餸飯都好過佢呢碗麵！起碼係熱既！街坊千祈唔好中伏

火鍋二人餐台式麻辣鍋配花膠雞鍋麻辣鍋係唔辣的，但十分香 岩哂中意辣味但又頂唔順辣嘅人 超越香，入味👍🏻👍🏻 鴨血可以無限添加 花膠勁多，湯係超濃味，好潔身，唔會好水前菜海蜇 真係出乎意料 超好食，小小辣 好爽口肉燥飯就麻麻，味道怪怪的 牛大人好食好多企鵝丸（墨魚丸）造成企鵝形象超可愛 食落入面，彈牙👍🏻👍🏻 鮑魚都好爽口 不過較細隻美國牛小排 伊比利亞豬肉 兩隻肉都好淋 又唔太肥大紅袍珍珠奶茶好淡味🥴🥴但好大杯另加$33二人餐💰HKD$698 加一裝修好靚 坐得寬落 食得飽😚

見到OpenRice的餐牌價錢公道，就和老公來這裏吃一個午餐然後去行山，一點來到因為不是吃火鍋所以就不能享用自助沙律bar。我哋的座位非常寬闊坐落很舒服，但是店員十分之忙碌，點了兩個午餐，我吃完但老公的還未上菜。【台式鹵三寶拌麵】這個就是等了九個字才有的拌麵，端出來的時候發現他完全沒有顏色，應該是忘了淋醬汁，味道很淡唯有靠拌碟的菠菜肉燥醬汁撈在一起。滷肉味道普通，牛筋幾入味。小食魚皮很像海蜇半彈牙，不過滷水蛋非常難食，連普通烚蛋都不如。【台式香腸肉操飯】香腸又甜又鹹幾好吃，是標準的台灣香腸味道，不過數量就有些不足，肉燥不算鹹所以撈飯吃不太油膩。最後結帳又等了三個字，前後共等了一個鐘，沒有下次了。

企係門口望同等佢有人應要幾分鐘好多人行過但冇人肯理我最後有人理啦！我買外賣set lunch……我落完單，佢同我講要等15-20分鐘我平日午餐時段，等15-20分鐘🙄我應該可食完成個飯囉！最後，係真係等左一個牛肉麵外賣20分鐘真係絕對無下次