湯。雞

营业中

休息中

呢間成日放工經過都見有人排隊，想試一段時間ga la, 今次帶阿媽黎，兩個人食佢叫左花膠雞，我叫左椰子雞，兩個都轉脾(+$6），我地都覺得好味，d湯飲晒，冇覺得口渴wor ，反而d雞冇咩味。總結味道，我同阿媽都係比👍👍, 會番check。至於環境就，間鋪頭入面唔大，檯唔多，所以我諗點解成日有人排緊，另外我見幾個係一個人黎，要同人撘檯，咁佢d檯都幾細張，食麵既話面對面果個人唔識好似🙈，收錢阿哥個樣係有d凶，執檯阿姐就好nice 既

行到攰攰地，搵間店坐吓食吓嘢休息，叫咗砂鍋鮑魚花膠雞湯翅 粉絲底 再加$6轉雞脾一個涼拌青瓜，一個涼拌萵筍砂鍋鮑魚花膠雞湯翅，真係有隻鮑魚，粉絲混雜咗啲花膠魚翅，每樣食材都滋補美顏，食一啖飲一啖雞湯涼拌青瓜&涼拌萵筍普普通通，無咩特別

由開店斷斷續續都有幫襯，不過最近食完之後，決定唔再幫襯！主要有2個原因！1.今次食完覺得個雞湯好鹹，食完之後嗰幾個鐘明顯好口乾，之前幫襯咗咁多次都冇呢個情況！2.排隊嘅時候門口個哥仔問我搭唔搭枱，我見前面排緊嗰位小姐都唔搭我就話唔搭，嗰陣係下午，已經過咗lunch hour。等到我見到有張吉枱又到我喇，我咪想行入去坐低，點知比入邊個姐仔大聲叫我唔好入住。好啦等左一陣，佢咪又係叫我坐嗰張枱…然後聽到個哥仔同個姐仔講我唔搭枱嘅到我點餐嘅時候個姐仔叫咗個男人入嚟同我搭枱…如果咁嘅話，咁你點解要問個客搭唔搭枱？其實我唔想搭枱嘅原因，係因為佢哋食湯麵為主，張好窄嘅枱面對面同一個陌生人坐，而中間冇圍板，啲湯係好容易互相彈到對方，我食嘅時候要就住就住，驚俾人彈到又驚彈到人！初初因為想支持小店又覺得好食，所以都一路有幫襯，係咪依家多人食、出咗名，就對啲舊客冇晒人情味？同埋其實佢一個湯麵收$80幾$90，係唔平㗎！所以我以後都唔會再幫襯！

葵芳食肆小食款式非常多，其中呢間雞湯粉麵我非常喜歡🤗鋪頭唔算大，所以成日會出現條小人龍。叫咗一碗砂鍋雲吞雞銀針粉，一碗砂鍋雞湯翅配飯。佢有好多款粉面可以揀，其中我覺得佢個米粉配雞湯好好食，不過今日比較想食銀針粉😊😊即叫即整，所以碗野非常熱，大家唔好咁心急記得慢慢食！雖然係雞湯但碗野唔算好油，個湯好好飲偏清淡少少。飲完唔會口渴，飲得出冇味精。雞肉就比左雞胸肉同雞翼，因為係雞胸肉，所以都唔會好滑，會有少少嚡，但都ok。餐廳冷氣唔算好涼，不過冬天黎食暖笠笠會好正🤩🤩

雞係唔錯不過一間餐廳連最基本既煮飯都煮唔熟…可能佢地無乜所謂啦一碗唔熟換一碗都唔熟有話今日之前都已經係咁咁就唔應該賣比客啦店員有話換碗麵唔使喇 。一間餐廳咁既煮野態度..多謝喇😵‍💫

😎次次行過呢間葵廣小店都好多人排隊，都放棄咗冇排隊😂今次終於的起心肝一定要排隊入去食為止🤩果然，係值得排隊嘅，砂煲雞湯花膠好好味，原來仲有其他粉麵選擇，我即刻揀咗最鍾意食嘅銀針粉， Yummy Yummy😋😋仲叫咗醉鴨舌同埋半隻醉乳鴿，好有特色，酒味唔係太過濃，所以唔鹹，幾好幾好👍🏻👍🏻👍🏻葵涌廣場太多小食，有時真係好多誘惑，不過呢一間湯雞真係認真唔錯，仲可以坐低慢慢食，值得推介👍🏻👍🏻

之前其實都有食開，佢地啲野好正常幾好味，仲有唔同款配搭，所以間唔中lunch都會去食，點知前幾日就見證到員工既服務態度真係奇差無比！食完都諗住走，個人都未離開座位，見到佢送緊野都諗住停一停，點知就俾個員工一野勁大聲咁喝住話「睇住呀」，無預過食飯會俾人喝，同佢講「你細聲講我都聽到唔洗咁大聲」，佢仲要個樣勁串係度話「整到你就唔好啦」，食個飯啫，唔洗受氣掛，呢啲咁既餐廳，多謝晒，野食就算唔差，都唔會再黎！

個湯米係好好食 湯夠濃夠味 其實講真係我食過入面最好食嗰幾間但個呀姐真係好趕客 我明食飯時間出面好多人等位 佢會不停收碗收碟 有時擺明未食完佢都會問你食完未食完嘢想飲埋杯嘢先都要比佢望到實一實 係企喺隔離望住你 搞到我拿拿林飲埋罐汽水飲到一肚氣 抖都唔比你抖就要你埋單唔好以為我坐咗好耐 兩個人食嘢兩碗大大碗米線連飲品 坐咗9個字都冇味道一流 服務差過food court其實我都唔想打咁多字鬧你 但openrice要200字先可以評分 唯有比多啲人知道你係一間點嘅餐廳

之前都嚟過幾次食，藥膳醉雞係幾好味。不過今次去，體驗超差👎同朋友行左好耐，難得見佢唔多人，就入去食野。我哋坐低30分鐘都冇，汽水都未飲一半，有個戴眼鏡嘅中年女人，行過嚟拍枱叫我哋食完好走，有人喺出面等。咁我哋都唔想阻住人，就算好攰，都極速飲埋就走。點知出去嗰陣，根本冇人排緊隊，甚至有幾張空枱喺度。幾時開始，想慢慢食個麵都好似變咗食快餐咁？（如果想坐得耐，係咪要食到好慢？先唔使俾人趕走）😤其實想叫我哋走都唔緊要，不過下次可以禮貌啲。之前嘅年輕店員都唔會咁嘅態度，換咗呢個阿姐，即刻超唔想幫襯😡建議呢個阿姐，改善服務態度，唔係真係趕走班熟客。

葵廣好一向多野食，呢間米線店真係長期排隊，想食每次都趁佢一開門先得。砂鍋花膠雞湯翅 $83★★★★☆砂鍋上枱食到尾都仲係熱辣辣。湯底飲落有厚度幾稠密，可能關有加花膠事。飲落幾順口冇味精，有雞味、火腿，幾濃郁，湯底仲有啲翅角仔，整體足料。花膠大舊幾肥厚，重膠質又冇腥味，唔錯。雞肉好多件，唔算係超級嫩滑，但唔鞋，有雞味。米線好滑溜，食食下都不知覺飲哂成碗湯。麻辣墨魚頭 $49★★★★☆呢到嘅招牌冷盤小食都好出名，除左食米線真係要叫番一份。一份都好多(2-3人份量)，呢個麻辣味好出，特別係麻味，墨魚頭好爽口彈口，加埋個醬汁勁惹味，必叫！🌟總括：味道唔錯，真材實料，出面好多主打花膠雞米線都做唔到佢呢個質素，絕對會再去。

話說有一既放工想去食下好耐冇食既湯雞我欣賞佢既湯底同野食但係 個日！之後 ！ 我唔想再去幫襯佢事源我想買外賣用八達通比錢第一次唔得 試第二次好啦 我電話顯示扣左我錢佢部機！ 佢話佢部機冇扣到錢！好啦，佢顯示比我睇紀錄果然係冇咁好啦，個問題係宜家依件事佢要我自己打電話去問八達通公司！喂 我消費者黎架你部機有問題 唔係我電話有問題！咁你地做生意係咪應該做好少少多多少少會覺得唔好意思同個客講聲唔好意思 留低佢電話幫佢解決問題呀？！仲要同我講之前其他人都試過係咁樣發生同一個情況咩意思呀咁點呀 我唔識追八達通公司 咁係咪大家企左係度呀？真係好嬲 個日我又餓又攰 又要再諗食咩我用左個八達通咁耐都未試過發生啲咁既事宜家唔係個筆錢既問題啦我係已經冇心機再去追錢我真心覺得好過分Hello 如果係其他受害人我想問你地係點樣拎番啲錢？可唔可以教下我？我真係唔識 我打上去 八達通係冇人聽….

嚟到葵芳一定要試吓湯。雞～又一性價比之選，點咗個花膠雞湯翅同埋麻辣花膠。花膠雞湯翅個麵完全吸晒湯入邊嘅精華，好有味。同埋佢啲雞都係啱啱好，唔會太熟過老。麻辣花膠就有少少辣，不過個人接受到覺得都幾好食。📍湯。雞 (葵芳)葵芳葵富路7-11號葵涌廣場3樓302A號舖

呢間嘢都開咗一段時間，每次過嚟幫襯都係因為要去葵涌劇場睇舞台劇😆今次我哋食咗兩碗麵同兩個小食，我哋都覺得小食比面出色😗我地分別叫咗砂鍋花膠雞湯麵同埋雲吞雞湯麵， 同埋醉牛脷同麻辣墨魚頭兩款砂鍋雲吞雞同埋砂鍋花膠雞嘅湯都夠濃，但係都有一個問題，就係啲雞比較鞋，連小朋友都唔係好鍾意食😆值得一讚嘅係用砂鍋妝面真係好保持到面嘅溫度，食咗成程都仲係暖嘅，抵讚👍🏼小食嚟講，我哋就欣賞佢哋嘅醉牛脷！佢哋啲醉嘢食真係幾入味㗎 ！之前食過醉乳鴿都好入味，所以每次嚟到都會encore佢哋啲醉嘢食🩷麻辣墨魚頭就普普通通，夠辣但係唔算好入味，同埋份量可以再多少少總括嚟講呢間餐廳係葵廣可以坐低得黎又比較好食嘅餐廳🙂但係當然啲雞真係要改善一下😳因為對我哋嚟講葵廣坐得好又好食嘅餐廳真係少之又少☹️

跟素會員及朋友去葵廣試了這間#湯。雞長期客滿葵廣店鋪細小座位間相對較擠服務普通店外仲有小食可供外賣砂鍋桃膠雪梨椰子雞 配淮山麵 -先講湯底，店家聲稱無添加味精！本身好鐘意椰子煲雞湯，所以就點了來試，湯底再加上雪梨，鮮甜而不油膩，飲落也似無落味精，仲有桃膠美顏一下！絕讚！另配了未食過的淮山麵，口感爽滑，軟硬適中！再講雞件，經素會員提點才留意到用風冷雞，風冷雞更能保存肉質同肉汁！剛好這碗是配上雞脾，所以肉質尚算嫩滑多肉，件數適中砂鍋花膠雞湯翅 配淮山麵 - 素會員點了招牌，一分錢一分貨，花膠望落應是相對價錢質素，翅亦不多，雞件肉不多，但湯底跟淮山麵也是一樣出色砂鍋“花膠魚翅餃”雞 配粉絲 -朋友點的，花膠魚翅餃食落分別不大，粉絲份量好多wwwwww滷水大腸 -腍身入味

用openrice咁多年一直都冇寫過食評，今日第一次！😂搵食搵到呢間，主打雞湯粉麵飯，好耐之前有朋友社交媒體話好正咁我又試下啦，中午都要排下隊但好快到我，未坐低就叫左個花膠雞湯翅銀針粉。餐牌仲有醉香同麻辣小食，竟然小店會有醉鵝肝😱好啦咁我又試下😌第一樣上嘅係個花膠雞針粉，如同我認知嘅雞湯翅一樣係奶白色有層黃油，有幾舊大花膠（？）、雞肉（好彩係髀位唔怕鞋！），出哂煙咁夠哂熱！好快就上埋個鵝肝，薄切同埋都幾白淨🥴有啲微妙感滲進我內心…碗粉太熱啦我梗係試左個肝先…點解口感就好似食緊凍牛油咁嘅？重點黎啦——》「肝冇肝味」嘅喂！醉香係有但其實唔重手，所以唔覺得因為呢個因素令個肝味走左！ 唉唉…咁樣我先返去個主菜先啦可能第一口啫味蕾未訓醒呀吓。雞湯調味都適中食完唔覺得口乾，不過個人口味就覺得個湯金華火腿味比雞味重，入面有少量魚唇。花膠就係出面打邊爐白雪雪果只，但都幾大舊都多嘅，當然不能用乾貨好貴果啲相比啦🙂銀針粉有少少煙韌唔會斷哂入口散爛呢個唔錯，雞髀唔洗講啦唔會鞋有雞味嘅！好啦，過左陣我再返焯個肝，唔…都冇咩要補充嘅呢🤗因為都唔平我唔想浪費盡食但都唔得啦…雞湯粉間唔中食下過下口癮可以嘅，但個肝真