湯。雞

营业中

休息中

難得阿媽懶懶地唔想煮飯，帶佢去葵廣食飯。同老人家食飯，最緊要都係有啖湯水飲，而“湯。雞”似乎係一個唔錯嘅選擇👍🏻以晚餐嚟講，算係平靚正！呢間餐廳最大特色，就係賣雞煲翅，價錢就根據口味材料等等而有所唔同，例如雪梨椰子雞，蟲草花螺頭，泡椒花膠酸菜魚，仲有好多好多選擇！但係始終第一次帶阿媽嚟食，我哋就嗌咗個最人氣嘅砂鍋花膠雞湯翅配刀削麵 🐤砂鍋花膠雞湯翅 - 83$ ⭐⭐⭐⭐⭐/⭐x5 推薦指數上菜嘅一刻，砂鍋雞湯仲係滾緊㗎，陣陣嘅雞湯味撲鼻而來，睇到都已經流曬口水！食花膠最怕煮得唔夠淋，但佢哋煮出嚟做倒彈牙同有啲漿口，每件雞都好滑，雞湯底鮮味濃郁，一口麵配一口湯，食到最後都飲曬成碗湯，經過我反轉佢個鍋，加加埋埋佢都有一湯羹碎翅。溏心醉蛋 - 餐加12$ ⭐⭐⭐/⭐x5 推薦指數叫麵食嘅同時，我哋都加咗溏心醉蛋，醉蛋就放咗喺浸滿花雕酒嘅豉油碟上，我略嚴酒精味太濃，但係蛋就做到流心效果，好正呀！而阿媽佢就好欣賞❤️兩個人埋單加埋200蚊都唔使，呢一餐真係經濟實惠，阿媽都讚口不絕👍🏻

雖然平日晚餐時間黎，排曬長龍，不過等左15分鐘就入得，好有效率！一邊排可以睇下門口透明玻璃雪櫃放好嘅冷盤，諗定食咩或者睇住餐單，可以先叫再等入坐，咁就一坐底就有得食😋 二話不說，即刻叫左主打嘅砂窩主菜，今次試砂鍋姬松茸蟲草花螺頭花菇雞淮山麵($80)及砂鍋桃膠雪梨椰子雞刀削麵($73),再加多碟烚菜芯($22)。砂鍋姬松茸蟲草花螺頭花菇雞淮山麵($80)-湯料好足，鋪到成個面都係，真材實料！姬松茸、蟲草花、紅棗份量多，湯味濃，好似飲緊住家湯，冬天飲一流。淮山麵都吸曬湯味，配搭唔錯。雞都偏滑，性價比高😋。價錢：❤️❤️❤️🤍🤍味道：❤️❤️❤️❤️🤍推介：❤️❤️❤️❤️🤍砂鍋桃膠雪梨椰子雞刀削麵($73)-桃膠、惻絲椰子乾鋪滿面，湯味較清甜，雞份量正常同都偏滑，唔會煮過龍或老雞質地，一啖麵一啖桃膠一啖雞，好滋味。好適合冬天再黎食！性價比高。😋😋價錢：❤️❤️❤️🤍🤍味道：❤️❤️❤️❤️🤍推介：❤️❤️❤️❤️🤍菜芯就正常普通，少油，食到菜芯嘅甜味，健康人士都值得叫一碟呢。整體，食完真係好補呢！

今次做嘢做到一半朋友話肚餓，因為未到晚飯時間，所以估計唔會太多人，所以落去攞嘢嘅時候順便去食埋嘢，所以要諗去邊度食，佢就帶咗我去葵涌廣場，上到3樓行入少少響出邊就見到好多人買小食，但係呢間舖頭入邊唔算多人，不過我朋友話俾我聽平時都好多人排隊。我哋分別叫咗砂鍋姬松茸蟲草花螺頭花菇刀削麵，同埋砂鍋桃膠雪梨椰子刀削麵，當然兩個面都係跟埋雞啦。嚟到嘅時候我試咗一啖椰子嗰個湯，比較清淡少少，但係椰子味好重好香，而我自己嗰個姬松茸蟲草花螺頭花菇，味道會偏濃少少，但係一邊食麵一邊好覺得係飲緊煲湯嘅感覺，味道都係好好味嘅。分量都幾足夠，可以同一時間飲湯兼食埋雞麵，而且啲雞都幾滑幾香，絕對下次可以再嚟試埋其他嘅湯底或者味道。

鍾意飲湯，又少煲湯、因為懶怕煩，愛錫自己也要好好照料自己，工作太忙不是藉口，因為有人煮湯俾你。葵廣的#湯。雞，飲碗住家湯滋補美味，有雞湯，亦有藥膳湯和桃膠雪梨椰子湯，選擇非常豐富，最人氣的當然是招牌砂鍋粉麵。花膠有三大顆，魚翅也有一匙，鍋裡4-5有件雞件，雞胸、雞腿部位都有，肉質雖不至超嫩滑，但也十分美味。雞湯是無可挑剔，沒有口渴的感覺，真是不加味精，刀削麵煮得軟淋，正合我口味！藉得推介俾親朋好友，齊齊分享。

去葵廣唔係得小食，仲有砂窩雞可以食▪️砂窩水煮雞 (芽菜、雲耳)呢間都食過幾次，試過好多唔同款，今次就特別啲，叫咗碗辣嘅。水煮湯底都真係幾辣，蓋過咗雞嘅鮮味。雞肉好多件，仲有雞翼，都幾嫩滑，刀削麵正常。下次再食會叫返唔辣嗰啲😂湯。雞 (葵芳)葵芳葵富路7-11號葵涌廣場3樓302A號舖

係附近返工諗住叫外賣就打電話，然後個姐姐態度超差，嘢都未講完就cut咗線，之後去到攞明明個醉雞淮山麵，餐牌寫住$67蚊，正常外賣加1,2蚊 我明 合理！ 但係呢，佢收我$3蚊，我問點解佢話不嬲係咁樣收費，話係常識，因為俾咗三個盒一個盒裝醉雞一個盒裝湯閂一個盒裝面，咁就收咗我3蚊，仲要個姐姐超惡，仲要鬧翻我轉頭，嬲到我要特登打呢個食評，好出色咁你唔問我分唔分湯？咁如果我揀唔分湯係咪收小個盒啊？ 呀大姐態度差亂收錢都算啦，呢間x店，仲要勁難食，個湯超鹹，啲面超林好似漿糊咁

葵涌廣場頂樓多嘢食就係人都知，不過能夠喺呢個廝殺戰場上佔一席位嘅，肯定質素都唔差👍🏻今次要介紹嘅係主打滋陰養身香濃砂鍋雞湯嘅 湯。雞砂鍋雲吞雞($75)：砂鍋熱辣辣，出哂煙咁，陣陣香濃雞湯味，攻入我個鼻🥹我哋揀咗淮山麵，貪佢夠掛湯。份量好足，而且啲雞一啲都唔老，好鬼滑溜😌 啲雲吞爽口彈牙，雲吞皮都尚算薄砂鍋花膠雞湯翅($83)：都係揀咗淮山麵🤫 橫掂雞湯咁補身，冇理由唔養埋個顏🤣 所以我哋揀咗花膠，貪佢對皮膚好🧏🏻‍♀️ 花膠好厚，好入味，湯底同砂鍋雲吞雞一樣，好濃郁好正。魚翅份量唔算太多，不過重點係個湯底，所以我哋冇所謂胡麻醬秋葵($32)：新鮮即叫即做，正正常常，冇乜特別醉豬肚($52)：呢個真係真心推介🤩佢哋用嘅紹興酒，調味得好好，好出色👍🏻唔會話淨係得紹興酒嗰種香及辛辣，佢仲帶少少甜。而個豬肚夠爽口🐷，份量又多，最難得同時好入味，以呢個價錢我哋覺得超值，如果餐廳能夠推出醉冷麵，我諗我哋會揀佢🤣因為真係好好食🤤呢間餐廳行過如果冇留意，真係會走寶㗎，舖頭細細，入面原來有得坐，大家行開葵廣，又唔想食太多唔健康嘅食物，可以選擇佢哋喔～

呢間食店位於人流好旺既葵涌廣告場，每次經過都坐滿食客，難得今次唔使排隊緊係即刻衝入去，呢間食店主打砂鍋雞麵，所有麵都係用砂鍋上，非常熱辣辣，枱枱都見到人叫呢個招牌🤤砂鍋姖松茸蟲草花螺頭花菇雞配刀削麵🐔朋友叫左呢個麵，湯底超級濃郁，好重松茸味，花菇同姖松茸巨量，食極都仲有，雞都好滑，刀削麵咬口唔會過硬，整體唔錯砂鍋花膠雞湯翅配米線🐔一上枱好驚喜，竟然有隻大雞脾，一如概往的好滑，花膠大大塊有2-3塊，湯底有金華火腿好濃好濃，雖然食完好飽都飲晒成碗湯，正

去葵涌廣場覓食，見到這間新開的湯雞好多人排隊。看看餐牌，覺得好似幾養生，所以就即管試下。☁️砂鍋花膠雞湯翅米線 $83感覺份量偏細，雞肉有四舊，花膠有兩大件。米線份量少，女仔而言都可以輕鬆食完，還有點意猶未盡，覺得未夠飽。但係花膠的確好滑，湯底都好飲的。☁️砂鍋姬松茸蟲草花螺頭花菇米線$80感覺好養生，姬松茸蟲草花味重，湯底比較甜好飲。都有幾舊雞肉，唔會鞋口，好食過花膠雞湯翅米線。(⁎⁍̴̛ᴗ⁍̴̛⁎)

經過Pro無數次，以為店舖很小，或者只做外賣，今天被朋友拉着入去，原來地方小小，着座位卻不少，坐得舒服。menu 非常簡單，清晰，我們叫了藥膳醉雞刀削麵，醉三寶粉絲，同埋雞絲粉皮當作小食。簡單來說，湯底濃郁，好味道停不了，酒味濃郁，醉三寶有雞翼，牛脷，豬肚，全部都非常出色，並且分量頗足夠，兩位女士都食唔晒。如果在繁忙的生活中想停一停，補一補，推介！另外店舖雖小，燈光位可以係打卡位，就算坐唔到入去，經過叫外賣也不錯！

<#🐳肥肥食記🐳>👧🏻 葵芳｜滋補型雞砂鍋 $80養身/中餐/雞/湯水📍地址：#湯。雞 (葵芳)葵芳葵富路7-11號葵涌廣場3樓302A號舖🍲砂鍋桃膠雪梨椰子雞成個超級滋補型 女士飲一流 入邊的不會飲到一口油的感覺超級清 叫咗個粉絲配 一口粉絲一口雞真係好鬼正🏠環境地方雖細 但企理同乾淨🤵🏻服務本身坐細枱 當時想換 何奈當時有人要求咗先 但阿哥起好 記得我們想坐得空闊些 結果一有位 記得給我們換 超級貼心🌟總結推介指數：⭐️⭐️⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️⭐️⭐️

作為一個經常去葵芳嘅我，今次又將架車泊係新都會！今次嚟到葵湧廣場食湯。雞，喺店外面就見到要等兩張枱，店內環境通風唔係咁好比較焗但都接受到，嗰位都正正常常唔會太逼今次同女朋友嚟食咗三樣嘢，涼拌萵筍，蟲草花螺頭花菇雞湯麵同埋蔥油雞撈麵首先到嘅係涼拌萵筍呢個菜麻麻地所以冇影相味道一般因為佢係一片片而唔係一條條，涼拌萵筍絲係比較好食好多呢個絕對唔推薦然後係蟲草花螺頭花菇雞湯麵，呢個係呢間鋪頭嘅特色！湯底非常濃郁，分量高而且性價比高！雞好滑絕對推薦然後係呢個蔥油雞撈麵,叫呢個原因係除咗店入邊特色嘢之外亦都想試下其他,唎個面亦都推介大家食，因為蔥油味比較濃郁，汁水比較多雖然係涼拌

如果喺葵芳忽然想食米線，唔洗諗我一定去呢度😍 我嚟幾次都叫✨️砂鍋桃膠雪梨椰子雞米線✨️超鐘意個湯底，係好清甜嘅椰子雞湯，裡面有椰子、桃膠、雲耳，不自覺會一路食米線一路飲埋湯底，餐廳標榜湯底絕無添加味精，所以飲完都唔會覺得頸渴，雞件多又嫰滑，正😋 其實今日我係專程帶一位天水圍朋友過嚟行葵廣同食米線，佢都大讚湯底好味無介紹錯°舖頭空間唔大，中午基本上可以直入，夜晚比較多人，食飯時間通常都需要等位， 非常受歡迎！

呢間野主打砂鍋花膠雞翅，湯頭很濃但食完好口乾，熱辣辣上枱，但鋪頭很焗很熱，只能感受到門外商場飄入一絲涼意，射燈照住食物很保溫吧！但對住人就更加熱，鋪頭通風不足，食得滿頭大汗。我堂食四位，但朋友未到，待應要人齊入座，地方很迫，安排大枱坐（落完單又叫你坐一旁方便對面安排多枱生意），但每人一窩砂鍋的情況下就很侷促，總體又熱又迫，味道又一般般而且食完很口乾。侍應落單都甩甩卡卡總體溝通得有點辛苦。四鍋砂鍋花膠雞+兩隻醉蛋+一份醉雞例牌4位埋單，盛惠晒$400有找（好像$380多以美食集中地嘅葵廣黎講唔算太吸引吧

喺葵涌廣場賣嘅嘢食嘢飲價錢已經隨住通脹逐漸變得唔平民但勝在依然夠多選擇如果想食得飽又唔想企喺商場食嘅話湯雞會係間唔錯嘅選擇😉有白飯薯粉淮山麵烏冬米線米粉等等我諗一定有款啱你口味套餐係一個小食配一個主食麵類分藥膳湯同雞湯(兩款湯都唔錯)藥膳湯係有少少黨蔘北芪紅棗淮山嘅味頂唔順嘅人可能要斟酌選擇返同時要留意返餐廳有個唔太靈活嘅限制佢限住咗某啲小食要跟特定嘅湯店員係真係唔會改俾你嘅😅講返我覺得比較出色嘅小食類醉雞醉三寶嘅酒味極度濃烈浸得非常入味泡椒嘅辣同白醋亦都屬重口味之選沙薑雞腳食得出係煲咗好耐都有少少酒味麻辣鴨血墨魚頭比較遜色應該係個麻辣一般但整體嚟講我都覺得係平靚正又夠飽另外有啲砂鍋花膠雞嘅選項我試過兩次覺得一般還好首先因為花膠係近似優質魚肚如果食中雞胸嘅話都幾鞋口鮑魚就好似平時罐頭六隻嗰種唔會係好特別有驚喜屬於正常發揮我自己都係鍾意其他小食多啲🤤