湯鮮生 (莊士敦道) (已結業)

I have always wanted to try this soup joint but frankly the location is in the middle of no where and the fact that it has been here for quite a while means it should be quite good.As a soup lover, I got the Overlord flower with pork ribs Chinese soup .It was quite tasty and piping hot loaded with pork bones and those herbs.The noodles were too oily though and found something in it so exchanged it for another dish.It wasn't bad but just oily so despite having a healthy soup, the food isnt that h

一向貪靚又懂養生之道的同事，今日帶我去飲靚湯水，吃住家飯。可能價錢比茶餐廳貴一點，但一分價錢一分貨。這裏有真材實料的老火靚湯，飯類也是較健康，調味得宜。餐廳光猛，整潔亮麗，裝修雅緻。我今天選了雞腳湯和义燒蛋飯。👍湯料十足;👍飯很大碟，义燒很冧，但我吃剩了一點，有點浪費。他們可能没有添加任何味精，我没有越吃越口渴的情况，吃了很舒服，很有家的感覺。同事好想請我吃這裏的甜品，但我説今天太飽了，改天再吃吧!

是晚在灣仔上堂，本來想求其搵間茶餐廳醫肚，點知途經「湯鮮生」就俾佢個招牌吸引左，因為小妹本身好鍾意飲湯，尤其中湯（老火湯同燉湯都愛）呢度主打燉湯，收銀姐姐推介我飲《雪耳木瓜燉龍骨》話岩呢種天氣飲，潤一潤，小妹未試過呢隻湯，唔算好飲但都唔係難飲.. 男友就叫左冬瓜薏米燉龍骨佢話冇味喎！我試左啖，係有冬瓜薏米味，只係佢本身材料都係偏淡味...原條豉汁蒸䱽魚，普普通通啦（外型有點頹😂），反而碟配菜有驚喜，雖然是淥熟的但有陣蒜香味😆瑞士雞翼飯，雞翼少少甜，都ok la熱柚子蜜，足料夠味👍

叫得飯堂當然係一個星期至少去幫襯兩至三次啦！ 因為公司在灣仔, 終於給我發現一間有住家飯 feel 的餐廳°lunch time特別多人, 可能是新開章, 老實說, 流程是有點亂,餐廳是以排隊 order 後比 number再去搵位° 老闆娘會協助你好快就搵到位坐低等員工送餐° 湯對我來說比較淡, 但飲得出没有味精, 餐牌有套餐, 或分開買亦可, 除了飯餐也有意粉, 花茶任君選擇° 本身很愛飲湯, 所以對飯餐的味道沒有太多要求, 一個 lunch time 有飯有湯已很滿足°

今日去開中環修手甲，整完果陣，時間啱啱好3點差唔多到下午茶時段。又心郁郁想過灣仔飲盅燉湯暖下個胃。最終敵不過我舖滋潤中式燉湯癮，決定又去幫襯喇！至中意呢d時間去，因為避開哂打工仔& OL嘅食午飯時段；避免服務員太忙出現混亂，影響到我飲湯嘅評價。今次點左生熟地龍骨湯～ 補血祛毒、補血養顏好正！好濃！好滋補！

原先俾燉湯吸引...但...收銀出order極混亂，好明顯唔熟，等左十幾分鐘都未有，追問下先跟進。食物方面失望，椰子燉雞賣相差，湯仲酸的，湯料只有雞翼尖及內臓，另order瑞士雞脾，無論顔色及味道都係老水雞脾，仲要賣$33一隻！唔會再幫襯！

本人好一排無經過灣仔莊士敦道。一落叮叮就俾我發現有間新開張嘅燉湯店。其實咁啱得咁橋我今日都想搵湯水飲～ 適逢下午兩點幾三點都未食午飯嘅我，就決定入去嚟番盅，試吓佢係咩質素！餐牌有成超過廿款燉湯任均選擇！佢仲將因應功效而分類，清楚列名係養陰補血、清熱潤肺、祛濕解毒、同埋特別調理功效。。。等類別。首先我試咗「赤小豆蓮藕燉龍骨」，好濃厚好足料，幾乎全無味精。讚 飲完我再叫多盅具有滋陰補氣 嘅「淮山杞子燉烏雞」。都有驚喜啵！本人對以上兩盅都好滿意

想食清清地，行過見到門面都ok乾淨整潔就入去試試～店內枱面是沒有餐牌的，只好影低收銀櫃位張紙再返埋位與朋友相量相量，唔太方便。我試了原隻椰子燉烏雞$59打開時椰香撲鼻，其實都真係真材實料嘅，但就真係太甜，我估唔到個湯係甜到糖水咁，但係，係雞肉味的糖水，個人來說感覺怪怪的。而朋友就點了雞骨草燉龍骨$48，e個個味道就正常D喇～店員話龍骨係等於豬骨。但太細碗，加埋D湯渣基本上都無乜湯，這價格來說性價比低了點。飯要另外點的，如果有飯+燉湯的餐會更好。

個餐成88蚊，但係難食到極點，湯冇味都算，連撈公仔麵都可以難食到咁，真心佩服，唯一算正常嘅只有員工服務態度，唔可以話差但係又唔係特別好，但係味道真係唔配呢個價錢，價錢高又冇質素。趕返個湯先， 一打開係有好多料， 但係一飲落去係一啲味都冇嘅， 同埋陣味有少少怪。至於個撈麵， 係叫做月見雞髀撈麵， 佢啲汁凝固咗， 一食落去係有陣怪味， 同埋啲撈麵係發曬漲嘅， 佢啲菜又係一啲味都冇， 簡直就係超級難食， 仲要收得咁貴，真係要改善下。

叫左個意式肉醬飯 + xx龍骨湯。個湯稀， 無味。 個飯食落覺得古怪， 質地好有彈性， 無飯味， 聞起無米味。 食左幾啖， 有啲擔心， 雖然肚餓， 放棄唔食。價錢Ok, 但質數令人有懷疑。 說實話， 湯又唔係難煲， 米價又唔係貴， 用點心思時間在好食物味道吧。

朋友根據電子顯示屏的編號點了湯品, 忘記check 單, 結果送餐後, 先發覺電子顯示屏與收銀台上餐牌對同一湯品/食品的編號原來不符😑 食唔到自己想食嘅野😅汲取經驗後我點餐時直指要"花菇雞腳湯", 單後據亦顯示正確, 於是我放心坐定定等食。結果Round 1 黎錯左個椰子豬肉湯, 比返張單叫佢換。Round 2 再黎錯雞骨草豬肉湯, 再比返張單佢換。Round 3 諗住唔會再錯啦, 結果再繼續錯黎左唔知咩豬肉湯😡 大佬我已經成枱湯, 叫佢即刻收返個錯嘅湯, 問佢係咪無花菇雞腳湯又唔答, 淨係拎返張單話再換。到我食晒成個飯, 都未曾見到一粒花菇同一隻雞腳, 同個侍應講「個湯唔洗上啦, 我食完走啦」 依個moment 個侍應竟然話「下? 我唔知呀, 唔知廚房點」 原來跟都無幫我跟, 直接拎走左我張單然後ignore 🤷🏻‍♀️🤷🏻‍♀️🤷🏻‍♀️可一不可再。

今次係我睇3次光顧呢間食店，因為呢度既店員個個都好親切和好好笑容。當我唔知道order咩湯，收銀員都會比意見我。今次我order左菜脯蛋飯 -食得出無味精，有足夠蔬菜，菜脯蛋食落不太咸，味道剛剛好，整個份量好足夠，一定足夠男士既食量。西洋菜燉排骨- 湯既味道不是超級濃味，但相比起其他茶餐廳，呢間濃好多。湯完全無落鹽，喜歡落鹽可以自己落。環境雖然不是裝修高貴，但都幾寧靜，不會像茶餐廳嘈吵。所以會繼續光顧。

同事提議去試呢間，因為我睇完醫生先返公司個頭，就叫同事幫我點埋餐。大家都叫芝士肉醬焗飯，同事飲西洋菜湯，我就因為感冒唔敢亂飲湯，叫咗個第一次聽既黑杞子茶。個湯用杯上，但好大杯，同事話個湯都好飲，唔係味精湯。我個黑杞子茶黎到我以為係藍莓茶添,到食完飯飲都係飲唔到有味。 (50分)芝士焗肉醬飯，等咗5-10分鐘先到，應該係即叫即焗，芝士焗肉醬意粉食得多，試吓配飯啦，都不過不失，而且冇意粉咁重味，亦冇咁油。 可惜細咗d囉， 唯有扣分啦，75分

話說生於一個無飯家庭，所以餐餐岀面食，至但係半個環保女人好想飲湯又唔想去鴻x堂製造咁多垃圾可以點？就係放工與返學之際路過湯鮮生，簡直係眼前一亮，最平三十元唔夠就有交易喎，都幾平吖，我叫左個淮山杞子燉烏雞，好清甜，諗住又係得2舊豬肉食，點知唻到打開成個碗都係湯渣確實有點意外，睇落個碗唔算大，但好像飲咗好耐都未飲完！佢個碗仲有耳仔，方便飲最後嘅精華👍🏻👍🏻👍🏻除了有湯仲有飯同菜食，我為咗慳家所以無試佢d飯菜🙈 以後返學前或者等人無所事事時都值得一去

在灣仔的新店，主打燉湯，門口有大大張 poster 係原隻椰子燉湯，好吸晴，一於試試先 😄先來介紹地獄吧 😂 青咖哩雞飯 $43～ 根本就是辣的薯仔炆雞飯啊！！ 青咖哩在哪？ 感覺被騙了！ 這店子與灣仔街市很近吖～ 隨便買一個青咖哩醬也不會變成這樣吧 🤣🤣🤣 叫白飯應該沒這麼驚嚇 😆 飢point : 1/10原隻椰子燉烏雞湯 $59 ～ 平時飲一包包現成燉湯冇乜湯料，好像有點缺。呢個椰子 size 頗大，目測有六寸直徑 。 打開椰子蓋，香氣四溢😊 ～ 味道清甜～侍應姐說是原隻燉，沒有加鹽，可以自己加。 內有烏雞，豬肉，淮山，杞子 等～ 湯色清澈，淺啡～ 雞味雖不算濃郁，但雞骨連肉部分有很多膠源 BB 😍, 飲完燉湯，熱氣運行全身，很讚 👍🏻 燉湯價格相宜 ，至於飯就唔洗預我啦～ 👋飢 point : 7/10 ( For 燉湯 only )#hungermarch #飢詩 #非飢詩