源發潮州粉麵

营业中

休息中

扺食街坊食堂，已經嚟過好多次，今日老闆教識我食雲吞雞煲嘅程序：千祈唔好等嗰煲停止噴泡攤凍啲先食，啲雞肉會變老。因為佢啲雞係由室溫放入滾煲，所以佢攞出嚟上枱嗰陣時就要即刻食。其時雞肉溫度其實唔會好熱，暖暖地，但係就保留到佢精心製作嘅嫩滑度。等嗰煲停止噴泡攤凍啲先食雞肉，一來會老左，二來溫度反而更高，更辣嘴。長知識～

主打食牛既粉麵店香港都有唔少，但主打食豬既就好似真係比較少見，今日早餐就黎左呢間咁特別既舖頭試下！佢有各式各樣既早餐提供，不過我今日就叫左主餐牌上面既雙併粉麵（唔跟飲品）⭐蝴蝶腩併果皮炆豬肺銀針粉 $40出餐時店員就咁望碗粉係見唔到有豬肺，專登問廚房係咪有，都幾盡責👍原來豬肺沉左落條菜下面，而且份量都幾足，有成四件咁多👍第一啖食舊豬肺食到好突出好香既果皮味😋完全無內臟既腥味，口感輕微彈牙得黎帶D空氣感，都幾得意😂蝴蝶腩食落真係好似牛腩但就無左牛果陣羶味，對於唔食牛／對牛敏感既人黎講係非常好既代替品👍肉質係一絲絲既，有啲淋Ｄ有啲韌Ｄ～銀針粉正常湯底偏濃味食完都幾口渴🙈個人認為豬肺反而有驚喜過蝴蝶腩😅如果有下次應該會試埋黑椒豬脆軟骨同豬什😁

好耐之前食過一次源發蝴蝶腩河粉後，已經念念不忘。 似乎暫時未見到其他地方有賣蝴蝶腩，而呢間餐廳粉麵暫時來講都係首選。今次都係例牌叫左一碗清湯蝴蝶腩河粉加配餃子。腩肉味道食落其實好似牛腩，肉質一絲絲咁。 外觀上來睇好似牛腩，而腩肉間中會有少少地方帶肥膏。 另外，味道咸味中帶少少甜。 當然，仲有其他食物都好食，不過每次我都只會食蝴蝶腩。 有幾次都無得食，因為蝴蝶腩其實近豬肺部位，貨源有時不穩定。 鋪頭環境不算大，有時需要同人搭枱。尤其午飯時間，可能要輪後一段時間。

終於搵到源發!! 以前係九龍灣由細食到大，直到佢搬左去牛頭角，就無食。今晚行過牛頭角，順便去探一探呢間街坊茶餐廳!! 個餐牌精緻左好d, 不過仍然好似以前咁多款式! 我地就叫左湯飯，一個粟米肉碎湯飯同一個蕃茄肉碎湯飯。等左大概五分鐘就有得食。湯飯仍舊大大碗，仍舊美味。三四十蚊一碗，食到飽都未食完碗湯飯，茶餐廳黎講算係唔錯!

自牛下拆御後，從前邨內的老食店就紛紛在附近周圍找地方入舖繼續經營。這一間"源發"，好像便是其中之一員....記得這店仍在牛下之時小弟也幫襯過，吃後好像也沒有留下甚麼深刻印象。不過始終已是許多年前之事了，沒記起，好像也是挺正常....蝴蝶腩是這裡的招牌。來得吃，自然是必點，更難得是可以配搭銀針粉吃。這個，我從小就愛吃的了....滿滿一大碗粉端到面前。滿心期待的夾起一件蝴蝶腩放入口，卻赫然發現是極之難咬得到，心裡暗罵 : "這跟本和吃橡膠沒有分別"....咬到幾口，牙骹也累了，最後決定棄械投降....不忿氣，再夾起另一件試....結果仍是一樣。最後變成只吃碗內剩下的銀針粉及芽菜....至於湯底，還是以人工後加調味為主....喝了一口，就落荒而逃....後加的小食炸雲吞，炸得非常油膩；餡料就只咬到一只沒有甚麼鮮味的小蝦。唯一的好，是新鮮熱辣弄起的，放入口差點就將嘴燙熟。邊食邊想 : "老字號，並不表示一定是好....之前巳碰過不少釘，現在還不知悔改 ?".....

今天去牛頭角探朋友，在她屋企附近食晏，朋友話呢間有卡位，便入去。我叫了薑湯豬潤銀針粉，豬潤不是我喜歡的食物，但豬潤補血，我仍會飲用，試了一件，豬潤雖不致於很滑，但也沒有嚡烚烚的，而薑湯味道也很濃，算是驚喜發現。她叫了蝴蝶腩銀針粉，因不好意思，我沒拿來試，只問她味道如何?她說蝴蝶腩不是炆到很焾身，是有咬口果種，腩汁湯底味道okay。至於飲品，凍咖啡，凍檸茶，畢竟只是一般茶餐廳，沒祈望，也沒失望。以價錢及這兩款食物質量，服務態度來平衡，幾十元而已，算係咁架喇!至於服務態度，落單姐姐有禮貌，食飽與朋友在那聊天，都冇嗱嗱聲執檯趕客。

最喜愛去茶餐廳，粉麵擋，平價浪漫食堂。 這間潮州粉麵檔好獨特，不買牛肉，只買豬，豬雜，豬肺，蝴蝶腩。我每次來都係食銀針粉， 在外好難有銀針粉食，每次來我必食，銀針粉係主角， 配角就每次不同。今次配豬雜。 銀針粉是一種頭尾尖，中間圓形的粉條，滑嫩有嚼勁，豬雜處理乾淨，新鮮，豬潤甘香，粉腸沒有苦澀味， 加上蔥及芹菜粒，令湯更突出。源發除了供應粉麵，還有常餐，晚上還有煲仔飯，蠔餅。

平日普普通通尚可接受的當然不會費神寫。好好或好差的餐廳則一定要同大家分享! 上次七月時錯怪無辜 (將此餐廳誤作隔鄰小店興記，錯交了評論)。因我實在太喜歡吃粉麵，今天再來工作地方附近這源發潮州粉麵，多給一次機會，誰知失望仍然大：一、服務真的十分欠佳，當然你可說茶餐廳是這樣，但其他茶餐廳起碼都大聲豪氣問你幾位，安排你坐!進去時， 這間的人視你若無堵，當你透明。二、上次來的時候，坐係柜台個阿嬸忙著講電話，找錯$給我 (仲要係找少左)，佢突然醒覺，之後竟然惡人先告狀，大大聲惡形惡相大嗌：「俾我呀！我叫你俾我呀！」然後大力拍了個2個2蚊係枱面。(請注意：全程我係無出聲、無鬧佢，佢係度自動發癲。乜料呀！) ...... 今次阿嬸依舊大聲無禮貌，找錢時把錢拋左在枱，想點！三、跟上次一樣，叫了紫菜四寶河，份量ok但味道平平，餃比其他茶餐廳少了鮮味，已比上次好少許，但依舊一句：附近麵檔茶餐廳做得好過佢多的是。凍奶茶依舊略嫌苦，少了奶。是，是我自己擺黎，上次食過不好都再黎。但眞的希望麵檔有改善，尊重顧客 (原來這不是必然！)，不當客係沙包，讓九龍灣/牛頭角多一家平日可去吃午飯的粉麵檔。

夏天你會諗起啲乜？曬太陽？游水？以前細個係暑假嘅時候，父母最鐘意叫我去學游水。我最鐘意嘅係游水過後嘅活動，就係去食炸雞脾啦！而家好難係餐廳搵返以前食開生炸雞脾個味道，幸好，今日搵到了！佢嘅炸雞脾可能要等耐少少，大慨10-15分鐘到啦。話哂都生炸，梗係要等耐少少家啦，咁隻雞脾先熟家嘛。新鮮熱辣啲雞脾，無多餘嘅味道，皮脆肉嫩，一切開仲流出一滴滴嘅雞油，無得輸！配埋茶餐廳嘅粗薯條，同細個食嘅時候，係一模一樣家！☺️今次真係大滿足呀！始終都係舊式味道好。

叫四五次外卖 次次都赶客ge態度 心念 你开得店 写住有外卖服务就好d態度啦 次次都串串公ge態度 想点啊 忍冇可忍先系度写下食评发泄下咋 冇闹你宜家好好啦 叫完野食 先打电话黎话毛人送外卖 重要恶到死ge態度讲野 五明点解可以甘多好评 五值咯

每次進入食肆，總想找點新奇的食物試試，就連食碗麵都抱著這種心情。今天吸睛的是清湯豬肺片和果皮炆豬肺。最後選擇了前者。 豬肺片呈深褐色，不是慣見的白肺模樣。應該是用自家調製的湯汁煮過，味道獨特。每片都有喉管狀物體，吃在咀裡，不是我喜歡的感覺。生麵爽口彈身，合我心意。

河粉質地ok, 唔會容易斷, 亦唔會碎濕濕, 魚蛋麻麻地… 無鮮味, 湯底有D鹹, 估唔到魚蛋粉都有芽菜跟埋, 都幾有創意! 加$7 有碟菜跟埋.呢間餐廳啲辣椒油都幾好味.

為左食，你可以去到幾盡？話說，係好耐好耐以前，每日放學，我都會係牛下的食肆打躉，等爸媽收工回家。粥鋪，何興記，沙爹牛面，真知味鹵水腸頭，仲有佢。。。源發。源發，出名蝴蝶腩，即係唔咪牛，但係又好好味既豬肉。以前係源發的牆壁餐牌，你唔會見到有牛字。而家，以前佢只係賣粉面，而家有賣埋飯，唔知有無堅持唔賣牛呢～言歸正傳，我仍然堅持我的至愛-魚餃河。先講河粉，仍然是香滑可口，湯頭唔淡，但係當然要加我的調味三寶:魚露，醋，同辣椒油。比例，1:3:著量。魚餃，應該係全港最好味既魚餃，有五大隻，皮薄餡靚。盛惠23蚊。唔記得講，湯入面係有好多芽菜，perfect。佢地既唯一缺點，就係我既第一句。位置好遠，好格涉。大熱天時，我由公司行左兩個字先去到，為左食，你可以去到幾盡？講個秘密俾你知，何興記，牛下真滋味，源發，是同一家族出品。

今日係淘大同FRIEND行街,睇見個商場冇野好食無啦啦唸起好耐冇食過既蝴蝶腩同雲吞點知行左去舊鋪見到拉左閘,之後有個婆婆我同地講間鋪搬左去牛頭角上邨果邊!!佢話搭3蚊小巴係3座落就到''既然想回味下,我地就真係搭左3蚊車去原來都幾方便~去到見啲裝修幾特別,而且好乾淨坐得好舒服@@我地3個人嗌左2個撈公加湯公,仲有3串燒賣同朱古力啲侍應服務周到,入去果陣好nice同我地打招呼^^食左幾啖先影可能影得唔係幾令-3-燒賣一上枱就清左,所以冇影到,朱古力唔記得左影。撈公完本$32可以揀2個餸加麵,但我朋友2個刀想試埋煙鴨胸.所以加左錢要多個餸!唔錯!腸仔同司華力腸炸得好好冇過火煙鴨胸有反甘上下厚度,咬落夠淋,唔乾'皮唔會太肥,同肉係1:4比例,所以好junice公仔麵煮得岩岩好唔會淋哂,而且有彈性,時間控制得好好揀左黑椒汁,老闆娘話所有汁係自制既!好濃黑椒味,微辣。汁邊仲有椰菜配搭,good!!好好味既咖哩汁!雖然唔知點整但真係有好濃既咖哩香味!汁入面仲有少少洋蔥薯仔,match埋一流!炸雲吞個皮好脆,蝦肉新鮮!豬頸肉有肉汁,食落唔乾,炸到金黃色好令煙鴨胸唔多講*相信大家會奇怪個配搭!嗌左腩汁