源記餐廳

营业中

休息中

尖沙咀源記粉麵星期日途經尖沙咀，好想食源記嘅牛腩粉，以前最鍾意佢嘅竹腸河，可惜今時唔同往日，有得睇但唔敢再放肆去食咁肥膩嘅食物啦！烘底麵包夠晒熱，麵包搽咗一層薄薄鹹牛油味道香濃好食。而火腿奄列煎得啱啱好，味道亦都正常、炸豬扒肉味淡薄，肉質腍身兼夠水份都算可以接受。牛腩五香醃料味濃，牛腩肉味重冇臊味，河粉夠嫩滑口感細膩，湯汁偏向淡味，有水準唔會過鹹。熱檸茶茶色靚可惜味淡無茶味。杯碟碗筷乾淨，餐廳座桌清潔，餐廳空調弱有油煙味，裝修光猛簡單帶啲土豪金味道，枱凳相對比較狹窄，店員有禮貌殷勤。

源記餐廳(尖沙咀）星期日喺尖沙咀附近諗住隨便食一間茶記，本來想食隔籬華嫂。但周圍都好多人，呢家唔需要排隊，所以直入入咗去食。餐廳有兩層，好多空間，星期一至五先有午市套餐，假日冇。🍜黑椒牛柳絲炒公仔麵 💰70（加$3配凍飲）嚟茶餐廳食炒麵，梗係諗住有火候。但係呢個炒公仔麵令人有少少失望，油得黎冇鑊氣。黑椒牛柳絲真係絲，如果想食肉應該嗌返其他。整體嚟講食物一般，不過價錢嚟講尖沙咀都係咁上下。如果鍾意我呢一篇食評，歡迎關注我:獨角獸aka彩虹小馬🦄🦄記錄日常生活食物日記

首先，朋友叫野飲，凍檸茶少甜少冰，黎杯甜到漏既。同佢講我地係要少甜少冰，佢話少左嫁喇喎，話幫我地倒一半加返d茶啦，攞返到黎，茶係無左一半，但多左一半冰，咁我既少冰去左邊。然後食物到，炸魚又柴又乾，咬到牙都痛，雪藏味重。雞排鹹到痴線，皮炸到好硬，好似非洲黎咁，唔知食緊乜。奄列食倒蛋殼。整體食到懷疑人生，茶餐廳呢種水平，都少見。

起尖沙咀行咗陣，想搵平平地嘅茶餐唔易…見佢$3x-4x/茶餐，入去試試佢。我叫咗：脆脆奶油豬 配火腿蛋，飲熱飲$38，價錢合理。道味都唔錯，脆脆豬脆得黎唔會好硬，佢係表面烤脆，包質軟身，真係稱得上外脆內軟

不吐不快！和女友兩個6:30入座，餐廳唔算多人，職員安排我坐喺近門口既一張半圓枱，叫左碟細腩、油菜同麵。本來張枱已經有兩位客人，空間較迫，前後啲凳已經迫到背脊貼背脊，再坐的大部份客人都是背着書包食。我地叫左碟細腩、油菜同麵。牛腩係好食嘅，但由於人多嘅關係，張枱完全放唔落。於是我哋得準職員許可後，轉左去單邊卡位。但企門口個位帶眼鏡職員非常不禮貌地罵了批准轉位的員工。然後上菜嗰陣又大力放低食物，感覺非常不禮貌。整餐飯吃得非常不自在，因該為店員不停啤住我地，感覺自己就像犯人一樣！茶餐廳無服務冇問題，但都唔應該咁樣對啲客。美食好吃，但職員態度非常不友善。

今日8月最後一日去咗邊間咁嘅地方食晏。12:51分落咗份A歺，等到13:19分，吹左3次，都未有野食。算啦，趕住過灣仔開會，斬欖走人。冇咗半個鐘，輸少當贏😡😡😡😡😡

早上到尖沙嘴辦事，先在附近吃個早餐，吃早餐是我人生養成的第１個好習慣，尤其喜歡茶餐廳早餐，未上幼兒園就跟著爸爸吃茶餐廳早餐。今次試試加連威老道源發餐廳，點了自選雙拼麵餐，包括以下的：#熱咖啡：每天１至２杯熱咖啡，是我維持近20年的飲食習慣，不可１日無啡，源發餐廳的咖啡酸味很重，我不喜歡！#午餐肉煎蛋湯米粉：有２片午餐肉，算厚切，微微煎過，味道挺好的！煎蛋是流心的，我喜歡！湯米粉無功無過。服務：目測店員都是中年阿叔，態度友善，感覺挺好的！咖啡不合口味，下次會點熱奶茶。

吃的咖喱鸡扒饭加冻奶茶，咖喱饭是不错的，鸡扒脆脆的，咖喱很好吃。奶茶满大街都是一样的味道啦！茶餐厅就不要再要求服务？如果服务人员态度能够好一点点就好了。一个套餐也是65港币啦！

以前公司喺附近，源記基本上係飯堂，片頭河加腩汁，係冇走雞嘅選擇，但係自從公司搬咗之後已經好少再食，今日經過附近做嘢，走去食返餐，點知又係一間差咗嘅餐廳。以前源記嘅腩汁又香又濃，河粉吸晒啲腩汁味，真係淡淡都好味。今日個腩汁真係淡晒，食落去好似豉油味咁，我都唔知佢係轉左老細定係轉左廚房。片頭就係正常嘅，個菜都幾甜，但係冇咗精華嘅腩汁我真係唔使喺度食。奶油脆豬都算脆，但係油同奶都唔夠，$26.1個下午茶餐，雖然唔係貴，但係都唔好咁孤寒啲材料啦。

沙嗲牛肉麵餐沙嗲牛肉麵可揀兩款配料，揀咗煎蛋同腸仔，包飲品。我轉咗做米通就會配三色豆，否則跟公仔麵就係蔥😂店員落單時都會主動禮貌詢問👍🏻沙爹牛肉份量頗多，鬆肉粉唔會落太多，肉質鬆軟保留少許咬口，沙嗲湯底唔會太重口味，加咗洋蔥多咗一份清甜，不過質感較稀，如果有花生粒食落就更有口感啦🤔可能因為啱啱食完長洲陳通記嘅沙爹牛肉麵實在太出色，反而覺得好好運嘅只係普普通通😅好好運已經係唔錯嘅選擇啦😛PS. 服務好好👍🏻

話說今日超肚餓😵🥹 難得想食四寶飯 本身想去大快活買 但係4:30已經賣晒 咁唯有搵下 喺附近嘅源記買啦 返到公司 打開見到個樣 都還可以～但係見到個燒腩仔 睇落個樣就淋曬 食落去果然係好難食嘅😵 點解可以連個紅腸 都唔好食唯一最好食嘅係嗰半隻咸鴨旦 😝 叉燒其實見到個顏色已經都麻麻哋 總括嚟講四寶飯千其唔好揀

港式茶餐廳，好似有一種魔力咁，想食咩有咩，中西式任君選擇。坐得舒服，又有卡位～但茶餐廳有得食牛什粉麵既就好少見。🥢牛什河：第一眼就見到金錢肚，就真係心心眼，好少地方食到真正既金錢肚啦。其他牛什都好夠味。湯底滿滿腩汁。另外，河粉條條分明，夠滑。成碗粉整上辣椒油，真係一流😋🥤凍檸茶：茶餐廳靈魂之一，茶底要夠味，又唔可以太濃，檸檬又唔可以太酸。哩間完全做得到👍🏽

一朝早係尖沙咀食早餐，入咗呢間茶餐廳，叫咗兩個早餐，一個係鮑魚火腿通心粉，另一個係炸菜肉絲麵。兩款份量都大，炒蛋亦都滑，仲包咗烘底厚多士，整體黎講性價比高，食完實飽。

一份出色的公司三文治應該有兩片烘得外脆內軟的多士。多士上應塗上一層淺淺的牛油，為本身乾身的多士帶些柔滑感。另外，三文治內的食材應包括芝士，餐肉，雞扒，雞蛋，生菜及蕃茄，內加沙律醬以作調味。公司三文治的精髓就是一份麵包內可以綜合各種口感軟硬的食材: 乾身的多士有蕃茄滋潤，略咸的餐肉有生菜調和，各食材在沙律醬的配合融為一份完整的口感。 但可惜，今天我在源記吃到的，只是一份沒有靈魂的公司三文治。三文治除了乾，就是乾！麵包乾，餐肉乾，蛋薄，生菜只有薄薄一片，芝士沒有些少溶化感… 而重點是三文治內竟然沒有沙律醬！！！失望透了…. 要不是太餓，我應該真的會定放棄這份乾包。

今日放假，專登早起過尖沙咀打算食完早餐之後去做gym，結果入到呢間餐廳已經11:03 ，我又冇留意原來佢早餐只係做到11點，正準備離開嘅時候，店員問有咩幫到我，跟住我問仲有冇早餐食，跟住店員話可以做埋俾我叫咗一個A餐仿鮑絲火腿通，同一個G 餐榨菜肉絲米粉個餐跟腸蛋多士，嘢飲就叫咗凍鴛鴦多奶同埋凍奶茶多奶通粉來講我覺得佢太薄身，如果個通粉可以厚少少就好啲，榨菜肉絲米粉嘅米份量好足夠，我好滿意，值得一提嘅係佢個辣椒油好夠辣，辣得好過癮塊多士就好普通，所以我都冇食到凍奶茶正常水平，凍鴛鴦就個咖啡偏酸，我自己唔太鍾意兩個人埋單$78