滇品．米線 (已結業)

剛到九龍城工作到晚上七時多，自然走入九龍城廣場逛逛，在地庫的一邊有中國式開放的滇品:米線，食物種類有多款選擇，我和姊妹都是趕時間，所以選擇了set dinner 。158元的套餐有素和葷的小菜各一式，主食有飯、米線或饅頭，更有2客甜品，如要特飲可加8元。我們選了雜菜煲和涼瓜豬軟骨，雜菜煲份量也不少，涼瓜豬軟骨有驚喜，涼瓜爽脆有回甘，豬軟骨也入味。我選了米粉，姊妹揀了白飯，份量非常充足，我為了不想浪費，吃到非常飽，但是甜點是另一個胃，大家都選擇了西米布甸，雖然非常袖珍，但絕對值得推薦👍👍👍

約左班朋友午餐去到九龍城廣場其實大部分都係大形連鎖店，最近大家都比較喜歡幫襯小店，振興經濟，去左呢間米線，朋友推薦一定要飲潽洱朱古力 ，佢地又加珍珠又加盃芽，我就飲熱！我叫左鹵水雞翼貢丸麻辣米線，味道適中好味，佢地有4個叫涼拌手絲雞撈麵😬不過本人對涼拌撈麵一般，都係食返麻辣我通常都食淨好多，我今日食哂成碗米線，吾知係因為太好味？我太肚餓？定係佢本身吾多米線

依間野唔洗等位就入去試下，坐底睇menu個下都覺得ok正常，唔明點解無人，之後落單個下，諗緊飲咩，個待應態度已經開始唔耐煩，之後仲命令我放好個餐牌，個下覺得攪咩? 食完野，諗到想飲咩，叫待應落單，又係頭先個女待應，佢就用d好差既態度望住我。食到甘委屈，我一定唔會再幫襯，如果你係依間公司老闆，首先要改善樓面服務!

餐廳位於九龍城廣場地庫環境整潔， 有軟椅墊的藤椅座位 ，坐得舒適，有點懷舊特色。座位寬敞有卡位，有圓枱芝麻香辣雞~味道鮮美濃香， 雞肉滑嫩，鹹加埋麻辣口味， 味道非常好，有風味 👍👍👍滇味鹵水鵝~鵝肉嫩滑， 越嚼越覺得好味，連骨都有醬汁滋味👍👍👍砂鍋~野生菌餃砂鍋米綫， 小窩口味， 米線爽滑， 配有金菇， 木耳絲， 野菌餃子四隻，不錯，份量大。景頗竹筒牛腩~牛腩配有香菜、 唐芹、薑粒、 滋味牛腩汁。牛腩好原味，微微辣 ，不太肥， 肉質鬆軟， 又有彈性， 拌飯食最佳。灼芥蘭灼唐生菜

上次食個lunch(煱飯）,以為師傅失手,超級水。今日食多一次，比你多一次機會。見到老干媽XXX 豬肉飯，以為碟頭飯會好D。上菜，見到好紅，以為好勁辣la。食一口，er... 冇味。落 辣椒油，er... 都係冇味。落多次辣椒油， 。我開始覺得D 親辣椒油有問題。直接滴入口。原來D 辣椒油冇味。原料都唔得，點整都冇用la.下次去排 薩利亞好過。仲有杯特色drink , a lot of choose. But not good. also no next time.

Lunch time諗住食米線輕鬆一下點知食食下，員工突然用清潔劑拖地！唔係倒瀉野...😑實在好大浸味，叫佢唔好拖地住我地食緊野佢冇理我地 仲繼續拖地！以後都唔會再去！實在太過份其他食客都眼望望表示無奈！😑其實食飯時間用清潔劑拖地咁大浸味佢哋都唔理客人感受態度真係極差講返食物，米線真係一般！係飲品「朱古力普洱」比較出色！但由於態度問題！都係唔會再光顧！到俾錢嘅時候，找錢比客人...跌咗錢落地下都唔執...又唔講「唔好意思」真係好野！

知道呢間舖係九龍城廣場已經好多年，不過成日都無機會試，終於同朋友黎試下，一打開餐牌就發現價錢 好抵，好多小食只係$18~20，砂鍋米線都係三十幾蚊，仲有啲五十幾蚊既小菜~最特別就係金沙洋芋絲，係將啲芋頭切成好幼既幼絲，再炸左佢，再用 鹹蛋黃均勻炒勻啲芋頭絲，每條芋頭絲脆得黎又有蛋王香，最特別係上面放左啲生既蔥，平時我係絕對唔會食生蔥，點知原來加埋啲芋頭絲食出黎既效果係非常好食，另外叫左一個砂鍋豬軟骨米線，價錢唔貴但係份量好夠，材料又多，有雲耳，芽菜，冬菇，韮菜同紅蘿蔔絲，湯底味道亦唔錯，飲品係即叫即整既台式飲品，平時出面好多幾十蚊一杯既台式飲品都只係一早整好晒扲出黎就算，芒果5雖然好細杯，不過好香芒果味，而且係比較“傑”身，唔似溝水既芒果汁，最特別係呢間餐廳係無加一服務費，而只係收每人$3既茶錢，估唔到香港仲有啲咁抵又傳統味道既餐廳，好回味呢種懷舊口味~

難得放假 決定去九龍城食久違既滇品 食一食中學回憶先未入去已經好有方向要叫 醬烤脆肉涼拌米線 同凍胚芽奶茶望一望menu正值下午茶 見佢個米線餐係下午茶時段平咗咁多 即刻嗌多個餸(+$5 花枝丸)同小食(+$10 尚素腐皮卷)環境寬敞舒適 光線充足 等野食既時候 滿滿既回憶番哂黎野食黎到既時候 米線既份量比午餐少 呢個係預期之內 撈渾成個麵 佢既醬都係熟悉既味 似甜醬同花生醬既混合版 有粒粒花生碎同蔥粒係面 醬烤脆肉(烤豬頸肉)都仲係香口同唔會太肥 但另一個餸(花枝丸)就唔太掂 食落似煮咗幾個鐘既發脹魚蛋 冇爽口彈牙既感覺 好唔建議大家嗌小食(尚素腐皮卷)上場 係全餐最好食既 佢係普通既素齋餡腐皮卷 不過勝在即叫既煎 夠新鮮熱辣同香脆可能因為有比較(涼拌既醬稍為冇以前咁濃) 整體還可以啦姐吃的是回憶 不是味道

尋晚同朋友係九龍仔遊完水, 就順便過左去九龍城搵野食啦~~因為都肚餓, 朋友又想食熱辣辣既麵, 所以近近地就入左呢間米線餐廳試下啦! (個人而言幾中意有少少懷舊感覺既裝修佈置, 例如佢D椅子👍🏻)可能因為已經8點幾9點, 無咩客, 一坐低店員就俾左2杯茶我地~朋友揀左個$178 set, 我地揀左豬耳前菜(少辣), 干扁四季豆(少辣), 醬炆豬軟骨, 一個米線, 一份炸銀絲卷, 甜品揀左芒果布丁同芋頭西米露D野食好快大部份一齊到左, 同樣都係少辣, 豬耳係辣過四季豆少少既前菜豬耳好爽, 配埋D木耳同芫茜, 幾開胃😄我最欣賞個四季豆👍🏻👍🏻👍🏻👍🏻👍🏻 炸得好乾身~~ 之前我返大陸都會專程去一間四川餐廳食干扁四季豆, 因為香港唔多餐廳係會做我咁乾身! 終於俾我搵到, 欣賞👍🏻👍🏻👍🏻但個豬軟骨就有D失望既, 因為諗住係好深色比較濃味果種醬燒, 但係佢既煮法比較家常, 同埋D薯仔同紅蘿蔔仲好硬....米線就係清湯米線, 無咩特別, 炸饅頭都OK, 唔會太儂至於個糖水同布丁.... 其實我對呢D餐廳既糖水無咩期望, 所以還好, 我都無失望😆有機會都會再去😀

帶老人家去食，老人家諗好食乜就叫服務員過黎寫野，落單果時睇到老人家個餐有跟飲品，就問老人家，你餐有杯野飲架啵，想飲乜，服務員馬上摺，邊有咁服務架！以後都吾會幫襯，又吾係特別好食！仲要咁嘅服務，真係好嬲！

星期日到九龍城廣場，顧客很少，侍應們個個在聊天，坐位任揀，我們有小朋友，坐在最入最邊旁的卡位。點了2個餐：一個鳳城水餃米線配荔枝玉露，一個砂窩話肉碎米線配木瓜椰子奶。鳳城水餃米線：有3粒鳳城水餃，米線湯底清淡，米線較淋身，適合小朋友食、荔枝玉露有椰果粒，小朋友較喜歡。砂窩話肉碎米線：砂窩很熱，放上餐枱後湯底不停出煙，有少許微辣，味道酸酸辣辣，肉碎足料。木瓜椰子奶有濃濃的木瓜味。因為我地有個幾歲小朋友，所以要求侍應多給一隻細碗，先係一個抱怨的眼神，再來一下大大力放碗的動作，我明白多要求一隻碗給你帶來麻煩，但我很有禮貌，餐飲業請推高服務質素。

小時候常來此處午膳，多年後回來光顧，卻發現服務態度極差，店員西口西面，語氣怠慢，甚至口出諷刺。我自問對店員尊重，從頭微笑到尾，並沒無理取鬧，反而本該是提供服務的人態度差勁。我付錢，是來享受美食及優質服務的，不是要來受氣的，不是來「享受」這種下三濫的服務的。原本是想來回味一下童年的美食，但在此事以後，我定不會再來光顧，恭喜此店因此流失一位忠實顧客。

是日一個人的浪漫, 到了位於九龍城廣場的滇品慶祝開心星期五。看著menu, 選擇困難症發作。由於進食時, 點都想貪心點, 我最後叫了一個午餐: 汁燒肉排飯和熱紫米豆漿, 再加一味黑三剁豆腐。先是肉排飯, 其肉是豬肉, 質地超軟熟, 但未夠香。飯裡有青豆及土豆, 吃下有種兒時回憶。它以煲仔上場, 倒下甜豉油, 過一回有飯焦出, 挻滿足的! 整體味道不錯, 惟香味不夠。我最欣賞是冷盤黑三剁豆腐, 喜歡吃辣的一定要吃! 它用的豆腐冰凍嫩滑, 配以皮蛋, 豬肉碎和配料辣椒碎, 洋蔥和芫茜。皮蛋外層彈牙, 皮蛋王入口融化, 配合香辣肉碎和豆腐一同放進口中, 口感豐富, 味道融為一體, 滋味十足!最後是熱紫米豆漿, 正常味道, 如果先攪拌再上給客人效果更佳!

位於最低下層嘅滇品，完全吾掂😡😡侍應同一男一女老闆態度勁差，好似吾休做甘，叫位叫到亂唒，邊個先邊個後都吾知，🤦🏻‍♀️🤦🏻‍♀️🤦🏻‍♀️個女人好大支野甘架！你嘈佢重黑口黑面俾你睇！成個場完全吾夠人手，叫野耐到嘔！d米缐一啲都吾好食，餸又少，冇乜味！個感覺好似好唔衞生甘，d餐具好污糟！見你食完收唒你抬面d野，趕你走，最好態度咪收$嗰時囉，不過一句多謝都冇，😡😡大家千祈吾好去😑😤

一大班朋友打完波，狂叫小食米綫炒飯，好食又抵食！一向知道九龍城多不同種類食店，但估不到價錢竟然可以如此平！一餸米綫$31一碗，砂鍋雞絲米綫$36，香辣/鹵水雞中翼$20有3隻，飲品一律$16包括特飲，還有很多小食又平又好食，仲要免收加一服務費，可惜態度就相對差啲，舉手叫人好耐至睇到，問嘢回答又唔清唔楚，希望下次再食會有改善啦！