滋味屋

营业中

休息中

經常見到這間滋味屋排長龍，但由於食開隔離海南雞飯，一直未試過，今次就的起心肝試試呢間兩餸飯，叫了炒花菜及黑椒牛柳。本來兩餸飯係40蚊，但黑椒牛柳要加10蚊。回到家吃，兩個餸味道係比坊間其他兩餸飯好味，不過就過油。下次會試埋蝦醬腩肉及雲耳蒸飯。

太安樓本身就係有美食廣場嘅稱號，呢一間滷水店既滷味都非常出色，尤其是滷水鵝，滷水汁非常入味，仲有炸乳鴿，即叫即炸，熱辣辣香噴噴，滷水豆腐同埋滷水蛋都滷得非常入味，所以久唔久我都會斬料加餸，每次搦住呢一間舖頭嘅滷水返到屋企，小朋友都會勁開心，飯都食到兩碗添。

去咗太安樓呢一間係好似同海南雞嘅有一個共用餐室貪佢廿幾蚊有得坐低食見到會將個雞髀放落鹵水汁到加熱再不水汁入盒飯曾經有一下掙扎想叫佢唔切個雞髀最後都冇叫到可能唔切食喺香啲飯量超級多又夠熱廿x蚊其實抵食到爆

太安樓中，個人覺得抵食嘅餐廳隔離係另一名店，又係排長龍喺人龍中嘅滋味屋都好味㗎32蚊已經食到一盒滷味鴨飯，份量都唔細份有時豪少少，俾多幾蚊，叫鵝片飯，更正！啖啖肉

太安樓真係好多好野食，午市見到呢間啲滷味幾正咁，於是叫左個雞飯（$28），鵝片飯（$32）同滷豆腐（$5）😋😋佢斬料果陣已經嚇親，勁足料而且熱辣辣好好味，個豆腐我見佢用百福豆腐，滷得入味，$5真係超抵，成個份量大到嚇親，估唔到港島都搵到平得咁驚人既午餐😋😋食食下見到佢地既兩餸飯已經有人龍，十幾個人等緊買，午市抵食之選😋😋😋

今日放工經過西灣河，又去左飲食地標太安樓搵野食。近排疫情關係，加上太安樓本身比較人煙稠密，小編出街堂食既意欲好低，所以就去左搵外賣。呢間滋味屋晚市主打單/雙餸飯，另外都有得買湯/飲品同淨餸。餸既選擇唔少既，有菜有肉，總共有大概十款，放滿曬全間店。小編要左個雙餸飯，㨂左炒牛柳同豬軟骨。個飯盒入面飯同餸份量都幾多，感覺好抵食，但味道坦白講唔算太吸引。值得留意既係，成間店既餸菜除左前面幾款有塊板之外，其他都係無遮、無掩、無恆溫，就咁擺係度，返到去更加完全凍曬，感覺唔係好衛生，但食完總算無肚痛既。總括而言，小編唔係太推介呢間外賣店，特別係全城置身於疫情既水深火熱中，該店既食物衛生的確有進步既空間。

海南雞飯，我加咗底(加飯)加咗腎，等於二人份量呀😍兩個人食到飽飽，大碟又抵食喔，五十幾蚊兩個人喔👏🏻👏🏻👏🏻🌟海南雞好滑🌟油飯底，好香噴噴🌟有杯冬瓜湯，好清甜

太安樓出名多美食，平價飯盒選擇一直都好多， 之前一直好想試果間無骨海南雞飯，但去到發現無開， 見到隔離有間賣1餸,2餸飯盒既外賣店，價錢幾平，餸菜選擇都好多。 我就叫左個2餸飯，價錢只係$38，但份量多到你唔信！  我叫左2個餸，分别係日式肥牛同椒鹽豬扒，而且係叫左多飯。飯既份量都算多，而餸既份量係超多，不過味道就唔算太吸引。但食飯盒本身唔會有太高期望，所以都叫勉強接受。肥牛係可以接受，不過不失，但椒鹽豬扒就比較失色，令我有些小失望，欠缺了椒鹽味，味道太淡，而且肉質偏硬。不過以一個$38 2餸飯飯盒黎講，佢係超級飽肚，但味道只能說尚可接受。  推介指數：7/10

黑椒牛柳飯(每盒$30元)，淨餸$40起，我今晚買咗一盒黑椒牛柳飯，牛柳份量真係幾多，而且D牛柳有好濃嘅黑椒味，黑椒碎粒清楚可見，再配埋青椒及洋蔥一齊爆炒，真係相當香口惹味，價錢又經濟實惠，長期食單在些也

滋味屋嘅住家小菜飯盒，所有嘅兩餸飯均一價$35元，而且餸嘅份量都相當多，我叫咗椒鹽魚腩拼蒸滑雞飯，兩款餸都幾好食，味道唔會過鹹，飯粒軟硬有咬口，唔會煲到爛哂，以港島區嚟講，$35元有一盒兩餸飯，而且仲要份量夠多，可以長期幫襯

收工買外賣同肥髀食，搭順風車去到西灣河，入太安樓搵食，見呢間掛啲鵝出來幾靚，店面就係廚房，睇晒啲食材，當時有幾個人排隊，等一下到我，先同店員姨姨落單，姨姨即刻切，切好入盒比我，比錢拎走外賣都係發泡膠飯盒皇牌乳香芝麻雞飯（$28）白飯幾鬆，椰菜正常，雞件皮幾厚，我無食，肥髀就食得滋味，肉算嫩滑，幾好鵝片飯（$39）加了大腸及鹵水蛋（唔記得幾錢）白飯幾鬆，椰菜正常，蛋較實較老，鹵水又唔算入味，大腸煙韌彈牙，鹵水無壓味，好味！鵝片大塊，鵝味重唔嚡，點白醋好味，加埋豉油汁好味！店員姨姨豪爽唔廢話，爽手出菜快！鵝比雞好味！

今天工人姐姐放假，天氣太熱也不想自己弄晚餐，只好到太安樓框框，看看有什麼東西可以吃 ，行過滋味屋，看見人龍非常長，是買幾送飯的外賣店，在看看他買的餸，已有很多賣完了，就立即想試吓，照料個肉餅喎云耳炆雞還加了＄10要個例湯，他標明真材實料不加味精的，回家吃時，餸菜都是凍的，不知是否夏天天氣很熱，肉餅好像有少少變味，小小不算太多，雞的味道也不錯只是不夠熱，米飯也比較爛，湯也真的是不錯，是熱的。但如果要排長龍買凍的飯菜，我就覺得不值得

Got the rice with a choice of two dishes, spicy tofu and the tomato and egg.The spicy tofu was indeed spicy and you could taste the chili but it was bland and lacked flavour.The tomato and egg was really good, there was a natural tomato taste which was appetizing and tart but inevitably, there is colouring in the food because the egg was a solid orange colour.I was almost finishing the food until I found ....