滋味齋

营业中

休息中

元朗區我覺得呢間素食係最好食亦都最足料另外我鍾意佢哋乾乾淨淨，座位寬闊雖然只係簡單家庭式裝修，但係好舒服我本身食素，我老公不是素食者，有次佢陪我去呢度食，佢話原來都幾好食，因為呢間調味會比較適合經常食外賣的香港人，唔會太淡口而且好足料，佢哋個湯好夠料，所以冇肉類都可以好有味好甜佢哋係類似兩餸飯三餸飯咁，有幾兜俾你選擇，不過唔會放好耐，每一兜唔會好大兜，定期都會有新菜式出嚟，好新鮮我最鍾意食佢嘅麻婆豆腐

跟朋友湊腳去咗滋味齋，落座一試，真係驚喜連連！🌟 第一擊就係咖喱豬扒飯，賣相吸引，咖喱香氣四溢，豬扒厚實得嚟唔死鹹，口感又夠鬆化，真係一流！重點係件豬扒唔會乾巴巴，食落去口口都嫩滑，真係好入味。再嚟幾條魚手指，雖然今次唔係咁吸引，但都仲算脆卜卜，搭咗啲汁仲有少少驚喜。與此同時，我都特登加咗份素肉鷹嘴豆菠菜，清新爽口，而家食素都咁有層次，真係食得開心，食得健康。我發覺哩間鋪頭仲會不時搞啲義舉，真係好有愛心。食完呢一膳豐盛嘅晚餐，心情靚晒，落肚充實，又唔會攞住果種罪惡感，因為你知道自己啲選擇都幫到環境添！係咪又一次證明咗好嘢唔一定要肉食先得？🌱🥢

今晚又去滋味齊食晚飯呢一間算係元朗，我最鍾意食嘅仲要係我平時10齋日嘅飯堂佢哋有好多唔同種類嘅素食產品賣…有杯麵有面有罐頭有營養食品平時佢哋日日都有好多唔同餸菜有兩餸飯三餸飯我最鍾意食佢呢度嘅咖喱今日我就散叫一個咖喱豬扒飯…材料十足加多$10有三條魚手指…不過今日嘅魚手指冇咁趣🫨🫨🤭另外加多$10有素肉鷹嘴豆菠菜…呢個餸好好味呢度總會有一啲定期嘅放生或者係派飯嘅功德…隨喜參加今晚食到好滿足都係$78…仲有一個靚湯送添🌹🌹🌹

最近經開元朗，就係呢頭地方附近搵到呢間齋鋪食lunch. 不過佢哋逢星期一休息。呢間係一間好傳統嘅齋鋪。有好多人都點两餸飯。見佢都好多嘢買，有買調味料，同埋好多素食嘅零食，急凍嘅素肉。今日試咗佢個兩餸飯大大碟，都好夠食。兩餸加湯都係$45。真係經濟又實惠！我點咗佢嘅茄子豆腐同埋翠肉瓜炒素肉。見佢啲餸去得好快，所以食材都好新鮮。又固唔太重味精，都幾住家飯feel. 本身都想點佢嘅炸物，之前試過幾好食，不過油左小小，所以今次無點。下次有quota 再點返

最近開始的初一十五，我們都會茹素，今次試咗呢間元朗嘅素材，佢有而家好興嘅兩餸飯，選擇都唔少。但我哋就散叫咗個豆腐素斑腩飯，佢哋嘅飯係紅米飯，感覺特別健康。嗰個豆腐素斑腩揸得非常香脆，一啲都唔油膩，令人食完一啖，好想立即再咬一啖，嗰個素斑腩好好味，你一啲都唔覺得自己食緊素，好滿足。最近食嘅素菜，都好滿意，希望好快可以做到多素少肉，健康d，又環保d。大家有冇其他素菜介紹吓？ 交流吓呢？希望多d 人試下食素，偶然為地球出一分力

對於食齋一向好抗拒，無肉不歡......估唔到傳統齋鋪新概念，款式多、味道獨特，朋友告知要用新鮮猴頭菇才可整咕嚕肉，配上新鮮蕃茄，色味俱全。要介紹酸辣湯，用上陳醋，與上海鋪的有別，這個吃上令血氣運行、暖胃.......夾包的菜餚在這餐是我最喜愛的，麵包軟熟微熱，配上齋叉燒簡直係絕配。

酸齋幾好味！但係個人覺得稍為酸左啲，喜歡素食的人可以試吓嘅，都很多人排隊生意好似幾好，員工都己有禮貌都算係一間幾好食嘅齋鋪、價錢又唔算貴，味道同肉類差唔多，！！

今年初二食呢間的素盆菜，覺得ok啊，賣相豐富。然後到清明，二佬帶我地到此食午餐。有位師姐個子矮小，但很風趣的，感覺識咗好耐，其實我第一次到。到端午節同屋企人食飯，一行四人。原本想嗌梅菜琵琶鴨，點知無，上次無，今次都未能一嚐。今次就嗌咗以下食物：叉燒包：個叉燒都幾好咬，個汁甜甜地，夾埋個包就剛剛好，唔太漏。竹笙猴頭菇：無特別。椒鹽炸豆腐：炸到脆口，表面灑上椒鹽。炸大腸：唔夠脆身，所以需要用小小牙力咬。羅漢齋炒麵：個麵脆口，個汁唔算咸。總結：好飽，好滿足，唔口渴。

今日星期日放假先來打8號風球.....仲要正值初一日....今日必須要食齊.....好在滋味齋又開等我今日唔使捱肚餓　不過可能驚打風起初你真係開咗一邊門我仲以為冇開添好像有開...開心晒其實而家呢個年代....食齋已經吾再係以前既青菜豆腐現在已經去到好多齋舖將啲餸菜都做到好有質感唔話你知你根本唔知道你食緊嘅係齋好似呢間滋味齋喺元朗已經有10幾年歷史好多佛門中人或善信都當左呢度係聚腳地裏邊仲有好多不同款類嘅齋....同健康食品任君選擇你睇佢哋嘅餐牌完全唔似係食緊齋唔知道以為自己去咗小炒店今次我揀咗你一個香濃茄汁芝士焗豬扒飯當佢一放係我面前.... 我已經感受到呢個豬扒飯嘅震撼實在太大塊豬扒同好多茄汁佢嘅芝士好香濃.....而且食落去塊豬扒好有質感只係茄汁多得滯整個味道配搭都可以另外叫多一個豆腐班腩飯...佢哋採用非一般嘅白米食落去都會比較健康加上你哋望落去.....覺得我似唔似食緊齋啊

裝修之後好耐冇嚟食過點知坐底冇耐就覺得中伏，落完order佢先話得一個爐，最初仲以為聽錯，點知D野食真係要等好耐先出一碟，成餐飯食咗2個鐘。最初食都覺得唔錯只係煮得慢，點知食到中途已經開始覺得好口渴，仲要係搞到全部人都口渴到不得了⋯⋯估計應該係用咗好多味精。餐廳內主要得位婆婆級落單及送餐，其他都係自助形式。

呢間齋舖係好幾年前…新開既時候係有堂食有食品賣...後來有好一陣子無做堂食...自此亦無再刻意行過黎呢頭...點知今日無心之下...才發現原來又開返堂食..都唔知係幾耐之前既事黎啦...呢度既堂食一般都係做一餸二餸等碟頭飯...另外都有炒野叫...但時間等得稍耐...餸菜方面...齋鹵味小食等都當一個餸...其他餸菜日日轉款...基本上呢度好似快餐店咁…自助式…排隊選餸比$自取等等…無論選幾多餸...都會有碗例湯...當然都係齋湯...日日轉款...一般材料多數都係青紅蘿蔔、蓮藕、冬菇、眉豆、花生、蜜棗等等...但今日呢碗略帶少少酸味...唔係好似湯…節瓜瘦肉飯～涼瓜瘦肉飯～套餐可選飯、炒麵或米粉…而飯就係好健康既糙米黎…至於餸方面…味道不過不失…好彩既話…遇到新鮮出爐…熱辣辣當然好味d....如果唔係…凍左既餸菜…煮得幾好味都好…都會大打折扣啦…

之前，我陪媽咪去元朗做磁力共振，起初佢打算帶我去幫襯「好到底」；行吓行吓經過水車館街，見到有間齋舖，門口仲有觀音圖像。媽咪話同觀音真有緣，我哋二話不說走入去。餐廳唔係好大，呢度有些特色裝飾，好似：如意結、心經...等等；近廚窗位置，更擺放不少素食售賣。店員亦好有禮貌。下午茶餐由$22 起，真係好抵！ 我的選擇：蕃茄南瓜雲吞麵 $22聽個名都幾健康！ 紅卜卜鮮蕃茄及南瓜切件，南瓜烚得夠熟，兩者略帶甜味，鮮冬菇切絲。雲吞有4 粒，一咬開，好奇一望，係白菜仔及素肉，雖然無豬肉口感，但係味道唔錯！ 麵係2 個鹼水麵，份量真慷慨！ 麵比較腍，反而去除鹼水味仲好！湯底夠味之餘又夠清！熱好立克一大杯，不過，攪嘅時候發覺，杯底有一大團好立克粉，味道 OK !媽咪的選擇：豆腐魚片飯 $22魚片係以紫菜同埋唔知係咪冬菇定壓成素魚片；豆腐係炸豆腐切片，芡汁咸味恰到好處；飯都幾多，因為佢食唔哂，我食埋。店內還有素盤菜賣，賣相好吸引， 出門口見到好多小食賣，像真度高！其實齋並唔係想像中咁齋！

第一次食齋茶餐廳好特別一入門口老闆娘就好熱情咁招呼我地而且入面光燈明亮 環境整潔讓人坐得很舒服~對點菜拿不出主意交給了老闆『發板』這餅乾是老闆娘請的脆身又夠香是日例湯, 很清甜, 而且喝起來熱呼呼的, 讓人感覺突然暖和起來很誘人是不是?!! 剛炸起來, 咬著香脆的外皮, 內裏的芋頭又香又粉就是不沾醬料也是那麼棒這個一上桌真是有夠驚喜的因為真的很大鍋!!而且吃起來真的是很『海鮮』哩!不像齋的喇最後是這咕嚕肉, 看起來就不錯了吧吃起來可不得了 好吃!!! 比真的肉還好吃!!用猴頭菇來取代豬肉, 口感很像炸得剛剛好, 咬起來很對口而且還加了南瓜去炒, 很特別聞到醋酸味吃起來卻酸甜適合這最好吃了必吃!!!這餐飯吃得很滿足朋友仔請客, 萬分感謝!!

滋味齋難得在元朗有間茶餐廳風格的齋店，除了一般中式齋菜，還有咖啡奶茶、三文治和即食麵等。午飯時行過好幾次，店內人頭湧湧，於是和少奶在下午茶時間來試試。下午茶的選擇很多，中西兼備，價錢也算合理。花多眼亂，和少奶考慮了一陣才決定先試兩味。蕃茄南瓜雲吞麵：賣相一流，橙橙紅紅的蕃茄和南瓜，加上白色的雲吞，睇見都想食。味道也很清淡，湯底沒有味精，蕃茄和南瓜很新鮮，雲吞的冬菇味也很香，只是生麵底煮得有點冧。菠蘿餐肉蛋炒飯：難得炒飯也能少油，除菠蘿外，還有粟米和翠玉瓜等雜菜，而且比例很多，吃下感覺很清甜爽口，齋餐肉也只是點綴，不減清淡的主調。今次試了的兩款清淡食物都很滿意，下次可以再試其他香口味濃的食品，看看可有新發現。餐牌上特別標明，可以要求少油少鹽，又可以選擇不要蛋。少少細節，足見這店照顧客人方面的細心。抵讚。

趁食飯時間落元朗拿點小東西,回程前肚子不爭氣地咕嚕咕嚕響,想慳一餐都不行,還是要食午飯!食飯範圍只限在水車館街幾間小店,還是食素較合心意,在門口看到飯餐的牌牌,加上見人不多就隨即入內.一入去立即聞到檀香的味道,因為門口近神枱,老闆和阿姐們立即熱情地問我幾位?然後叫我搭張大枱.幸好這邊聞不到檀香呢時間關係,極快速地點了個蕃茄南瓜雞扒飯,小食的可以點碗量,大食如我就當然成碟上啦!即叫即炒都等左幾分鐘就有得食大量蕃茄肉加蕃茄醬煮成的汁,酸甜味各均衡,令人越食越開胃,幾件南瓜就硬了少少,雞扒是素雞,切成一塊塊,當中食到一絲絲''雞肉纖維''其餘配料有多多雞脾菇,少量冬菇和芹菜,汁量岩岩夠撈整碟白飯,好味多菜又夠飽!所有飯餐都送保健例湯,今日是南瓜湯,例湯竟然用有蓋小膠盎奉上,誠意可加!湯色濃厚,味道甜甜地,湯渣有不少紅豆呢~飲完喉嚨甚感滋潤,保健果然不是假,飲湯仲好過飲華田喎~(而且熱飲又要加$3...XD)食物,湯水甚至茶水都夠哂熱辣辣,食飽飽的我發現已經流到成頭汗了此餐廳有個好處,所有食物如需走蛋 / 少鹽 / 少油 / 少味,都可以落單前通知,估不到齋店都奉行三小主意,實在合我心水呀老闆