影片
港铁荃湾西站 E1 出口, 步行约1分钟
继续阅读
营业时间
星期一至日
11:00 - 21:00
公众假期
11:00 - 21:00
公众假期前夕
11:00 - 21:00
以上资料只供参考，请与餐厅确认详情
食一次都嫌多，饮完茶经过同一层，见到之前食酸菜鱼的店舖换咗第二个名，而且写住有私房菜，价钱又不贵，尽早订餐，农历年期间仲可以照旧价钱去食套餐，$3980一围，只有10个人份量，我们一围12人便要加多每位$300，即是$4580一圉，满心期待，因为私房菜差极都会有限度，所以落咗$500订金订了初三食，订了7:00 ，入坐后追了好几次7:30才上菜。普普通通不过不失只是龙虾肉非常细粒。龙虾大概一斤左右，10分细只，没有惊喜。荷叶杞子虫草花蒸鸡，味道超级一般见不到有一片荷叶及杞子便问老板点样叫荷叶和杞子蒸鸡呢？老板只笑了一笑，然后便出了房门，不用解释亦不理会。冰镇鲍鱼同炸蟹钳正正常常冇特别，亦都唔会唔好食蛏子王炒西芹，蛏子王火候过了超级烟靭，这个不是重点，重点有四条系有沙的，姨甥仔吐了两粒大沙出嚟，同老板讲了他只说会同厨房反映，然后便走了出去，完全冇其他表态。饮唔出系炖汤，第一啖觉得甜第二啖觉得好咸，从来没试过炖汤每个人都饮唔晒，只饮了少许或者一半，正如𠮶啲要嚟洗超级多沙的海参。枝竹炆大班次超级新鲜，用刀叉分割成细份，未切到去中间就切唔落去啦，完全唔熟，只系熟咗五成，然后再去同老板讲，佢只系话师傅整得唔熟，再走下油就得㗎啦，然后成碟攞走再去加工，亦都冇其他协议或者觉得系佢哋嘅问题，完全觉得系理所当然。呢一碟最过分，我手指尾咁上下大嘅海参一口咬落去竟然有沙，从未食过海参有沙，我就问老板会唔会今日太忙，所以洗唔干净呢？老板竟然答早几日搞掂咗㗎啦，咁即系佢哋师傅有问题啰洗唔干净，老板依旧系冇乜反应，然后出咗去。最好食，应该系呢碟炒饭，可能系之前啲𩠌全部都有问题，所以屋企人唯有食炒饭，所以炒饭差不多食晒食紧炒饭之际，一个屋企人突然间从凳上边跌咗落地下，手掌揿咗落地，我哋大家都一齐叫咗出嚟，叫咗个侍应入嚟佢只系攞走张兰登换返一张胶凳，木无表情换完就出返去，我即刻追出去叫佢老板入嚟，老板除咗讲咗句，唔好意思叫我哋报警之外就冇第二句说话啦，完全好似唔关佢事咁置身事外，然后就交咗俾佢个女去处理，佢个女就似返啲人啦，系咁讲唔好意思对唔住，然后俾返个八折我，跟住佢个好蠢嘅员工减咗我比嘅$500订金之后再计返个八折俾我，正常应该系全单八折，个伙计系真系蠢唔系扮，其实呢间舖头讲到自己系做咗好耐嘅私房菜，唔知点解我感觉佢系完全唔认识乜嘢叫做私房菜，又食到沙到啲𩠌唔熟，继而去到炖汤超级咸呢啲低级错误都可以做到的话，我觉得呢间店舖唔可以叫自己做私房菜。直到我哋12个人行出门口，老板喺门口都冇同我哋点头，亦都唔敢正视我哋，就知道佢系好有问题。我都写过几百篇食评试过好多间店舖，呢间系我食过最差最差最唔好食嘅私房菜，如果大家要帮衬真系要考虑清楚，总括一句非常差，兼且没有服务。（各位食家，千祈唔好俾我啲食物图片误导，以为好食）
继续阅读
星期六日下昼多客人上嚟，我谂忙少少都系正常嘅，不过啲楼面态度略为赶客，问多两句语气好似得罪佢咁，仲滚水渌老人家只手😔我相信系忙中有错，无心之失啫😔但使唔使连道歉都冇句呢？🫨好彩只手冇起水泡咋！仲有你水饺讲明系鲜虾水饺，落咗单，到上菜先发觉系猪肉！大佬，你唔符合商品说明条例㖞，我可以报海关拉你！但系你仲要推三推四，一嚟楼面话唔系自己落单，又揾藉口话自己啲虾唔靓，所以冇俾到，诸多狡辩，讲到自己无错咁，其实系楼面同厨房根本冇沟通！咁无赖嘅餐厅都系第一次见！食餐饭都咁委屈，下次唔会再买难受！咁差劣嘅餐厅，简直颠覆我三观🥹😥👋🏻👋🏻👋🏻
继续阅读
本身私心加偷懒不想写食评，怕写完人山人海到我想食时食唔到。但系新开小店真系有质素又好抵食，唔分享惊佢冇人识去而执笠冇得食！已经去过几次，同行家人都觉得好味！佢最好系小菜有得拣例牌或小份，岩晒心多但又食唔多既人士。暂时未有一个𩠌我觉得唔好味，但有一个小问题佢地即叫即整，等上菜等得较慢，可能8点入座，半个钟后先上菜。如果呢个小问题都解决，咁就Perfect！我最近一次去系为左做冬，成餐饭好丰富，同行屋企人都觉得好满意！
继续阅读
同两个闺密出街晚饭女仔胃口唔会好大老板好细心咁建议我哋两样两样咁叫👍🏿𩠌菜份量适中 唔会太多或太少点咗糯米饭、羊腩煲小炒皇、香煎豉油虾、乳鸽仲有新出嘅雪花啤酒🍻小炒皇同香煎虾好开胃送酒一流绝配乳鸽可以有进步空间糯米饭好香口 d饭粒粒分别会忍唔住不停食😂羊腩煲好足料 味道控制得好好个汁唔会太”苏”所以我哋叫咗好多枝竹再食老板同员工都好nice有求必应 餐具同环境都好干净上菜又快 就算我哋过咗last order都唔会赶收工咁 反而继续有倾有讲下次会再帮衬👍🏿👍🏿👍🏿
继续阅读
海之恋商场内有很多食肆，由地下一路选择，去到三楼，就立即见到间日本餐厅，不过今日想食中餐，咁就见到，俾门口大大个餐牌～有点心，小炒介绍吸引左，最特别系有例牌同小份选择，啱晒我哋两口子👍服务员态度一般，上菜速度适中，小份的份量刚好，味道镬气十足，只系”干煸鲍鱼鸡”d鸡只系骨，仲要碎骨，冇乜鸡肉，有点不合理😣老板在我们结帐时有咨询意见，我们亦即时说出有待改善地方，期待下次见到他们的进步，香港饮食业加油💪埋单先知道，只收茶钱及加一服务费，前菜（没有拍照）免费的。
继续阅读