影片
营业时间
今日营业
17:30 - 02:30
星期一至日
17:30 - 02:30
以上资料只供参考，请与餐厅确认详情
火锅汤底配料选择多，好少火锅店会有海鲜鱼缸，食材新鲜，座位阔落，好有空间感，干净又坐得舒服，门口仲贴住劲多明星合照，原来系明星火锅店😉炸虾饼 $118上枱热辣辣，外脆内弹牙，啖啖虾肉，虽然系炸但感觉唔太腻唔太热气，必食💯潮州汤底 $99另+$20拣咗鸳鸯锅点咗秘制沙嗲汤底潮州汤底好有潮州肉碎粥底feel，除左芫茜、唐芹、肉碎、豆腐、冬菜等等，仲有半个紫菜饼，够特别又健康而秘制沙嗲汤底，沙嗲味花生味浓，够香浓招牌手切牛颈脊 $298油脂分布平均，份量算多，每片都有啲厚度，肉质嫩滑鲜猪腰 $36/猪粉肠 $36睇个样已知道劲新鲜脆骨腩 $65好新鲜，口感够脆象拔蚌丸 $65第一次食象拔蚌丸，手工丸，爽口又弹牙梅菜猪肉饺 $79又系手工嘢，梅菜猪肉饺都系第一次食，皮薄馅多，梅菜+猪肉，既熟悉又有特色什菜 $66超级新鲜竹蔗水 $72自家制竹蔗水唔太甜，打边炉饮超夹又下火，赞👍🏻
继续阅读
餐厅位于棉登径，入门口后需要上一层先去到!餐厅座位都几多，有圆枱、卡位，亦有VIP房!餐厅系用QR code落单，餐牌上有多款汤底、火锅配料可供选择!蕃茄芫茜豆腐汤拼潮州汤，估唔到呢度嘅汤底咁好味，平时出面嘅蕃茄汤通常系配薯仔，但系呢度嘅蕃茄汤入面系豆腐同芫茜，估唔到咁match，而且汤底味道浓郁，够哂蕃茄同芫茜味，就算食到最尾汤味仍然浓郁!而潮州汤底估唔到系有成半个紫菜饼系入面，，除左紫菜入面仲有肉碎同埋豆腐，汤底味道清甜，用黎碌海鲜果D就最正!招牌手切牛颈脊，我地叫左例牌份量嘅牛颈脊，估唔到都几多，牛肉油脂分布平均，食落肉质松软，牛肉味浓郁!自制四宝丸，打边炉又点少得食丸呢，呢度嘅四宝丸包括有牛丸、虾丸、墨鱼丸同埋梅菜猪肉丸!虾丸同墨鱼丸爽口弹牙，梅菜猪肉丸有淡淡嘅梅菜味!食神棒打牛丸，呢度嘅牛丸弹牙而且多汁，系真正嘅牛肉味，非常惹味!香口牛眼根，呢个部位真系第一次食，系店员推介架!呢只肉一定要碌15分钟以上先好食，15分钟嘅时候食肉质仲系有点韧，但系如果碌再耐D，肉质估唔到好松软，而且吸收左汤嘅味道，除左食到浓郁嘅牛肉味，亦食到香浓嘅汤味，估唔到咁好食!梅菜猪肉饺，饺子馅料满满，有淡淡嘅梅菜香味，用上潮州汤底碌味道更鲜更美味!鲜海虾，海虾非常新鲜，上枱嘅仲系识郁架!海虾新鲜弹牙而且鲜甜，正呀!三秒腐皮，佢地嘅响铃卷唔会好油，连平时唔太中意食响铃嘅我都食左好多，响铃吸左蕃茄汤嘅味道，食落更开胃!竹蔗水，打边炉点少得饮凉茶呢，呢度嘅竹蔗水味道唔会太甜，饮落够哂清凉!
继续阅读
跟好友叙旧，朋友们嚷着要吃火锅，选定了尖沙咀的滚得栈，交通够方便之余，性价比也甚高。餐厅环境新净企理，座位宽敞，给人很舒服的感觉。是夜的丰富火锅晚餐 😍😍😍 潮州汤底拼沙嗲汤 $119，卖相超级靓仔，潮州汤底忍不住连喝几碗，沙嗲汤底沙嗲味够浓，滚牛肉后可免酱料。招牌手切牛颈脊 $298，牛颈脊红白分明，肥瘦均匀，肉味香浓零韧度，是碟极品手切牛肉。鲜海虾半份 $76，鲜活海虾扎扎跳，鲜味可想而知。油麦菜 $39，新鲜爽嫩。炸虾饼（甜酸酱）$118，热辣辣的炸虾饼，口感弹牙。梅菜猪肉饺 $79，梅菜跟猪肉，一向是经典配搭，味道熟悉，造成饺子打边炉，好食无难度。自制四宝丸 $118，分别是墨鱼丸、牛肉丸、猪肉丸及虾丸。自制跟买现成的，味道天渊之别，这客四宝丸，四款佳美味。生炒糯米饭 $148，糯米饭中的糯米粒粒分明，看得出是生炒的，有诚意，激赞！新鲜炒起，口感软糯，加上花生腊肉，冇得输。
继续阅读
位于尖沙咀棉登径的「滚得栈」系我食过数一数二食材超高质的火锅店，好耐都未试过打边炉，由汤底、牛肉、手打丸、自家制饺子、海鲜、菜和小食都可以食清光，好食得一点食物也不想浪费，特别系牛肉真系超班，另外有鱼缸养住海鲜，怪不得如此新鲜👍▪️四川麻辣汤底拼潮州汤 麻辣汤底完全到位，又麻又香而且辣到适中，完全唔会辣到影响食物嘅原味道，潮州汤更加有特色，汤底是潮州蚝仔粥嘅汤底，汤底超鲜甜味道咸香，内里放满紫菜、肉碎、香芹、豆腐和香葱，未打边炉之前先饮碗汤，非常滋味👍▪️招牌手切牛颈脊（例）牛颈脊就是牛脖子上那块微微突起，最经常活动的肉的核心部分，鲜红柔嫩的牛肉中密密分布著雪白的油花，口感肥嫩而具弹性，入口咬两口便溶化，而且牛肉味超浓，真系不得了▪️虾胶酿油条人气小食，油炸鬼酿虾胶新鲜即炸，油炸鬼香口又香脆，虾饺超弹牙，口感丰富，沾上酸甜汁，超滋味▪️梅菜猪肉饺暂时食过最好食嘅手包饺子，味道和口感就如妈妈做的梅菜蒸肉饼一样，饺子皮亦厚薄适中，非常推荐▪️象拔蚌丸又是一样特别的手打丸，味道鲜味而且仍然食到粒粒象拔蚌肉，整粒丸爽口又弹牙，超美味▪️鲜海虾见住店员从鱼缸流出来，海虾就算用竹签穿好之后，仍然好生猛，肉质超新鲜和弹牙▪️脆骨腩最钟意食脆肉鲩的口感，脆骨腩滚熟之后，口感脆口，而且唔多骨容易进食▪️西洋菜西洋菜配上潮州汤鲜美十足又爽脆，而且完全冇揸，好食得一条都冇得剩▪️自家制茅根竹蔗水打边炉最啱饮竹蔗茅根水，自家制甜度适中，清润又清甜
继续阅读
久唔久都钟意同朋友去精致火锅店叹返餐靓牛肉、靓海鲜嘅火锅盛宴，满足一下口腹之欲🤪尖沙咀就有间环境几骨子嘅港式火锅楼上店－滚得栈，不论牛肉、汤底或其他配料都几高质🫶🏻店内仲有一大排鱼缸，养住龙虾、海虾、象拔蚌等，想打边炉食新鲜海鲜，呢度一定满足到😽🥘四川麻辣汤底拼海底椰浓猪骨汤 $109+$20双拼汤底有不少款式选择，选择困难嘅话当然要拣双拼，试多啲😆麻辣锅几出色，有唔少花椒辣椒系入面，香气十足，辣得嚟唔会太呛，系有层次嘅辣🌶️另一款就拣返滋润少少嘅汤底，海底椰加上大大旧啖啖肉嘅猪骨，仲有爽口雪耳，浓郁滋补😚🥩招牌手切牛颈脊 $298份量极多！雪花纹够靓，每块牛都有一定厚度，口感不错，而且肉味浓😋🦐鲜海虾 $148海虾系店内鱼缸捞起，认真新鲜，放咗好耐都keep住跳跳扎🤣打边炉必备。🧡桂花蚌、珊瑚蚌 $138海鲜类仲有特别啲嘅桂花蚌同珊瑚蚌，两者都非常爽脆，不论放麻辣汤或海底椰汤都好夹😋🍤炸虾饼（甜酸酱) $118除咗打边炉配料，呢度嘅小菜都几出色👍🏻好似呢个大大碟嘅虾饼，外脆内弹牙，要趁新鲜热辣炸起时食，如果摊冻咗，私心推介浸落麻辣汤底咁食😎又唔怕冻咗，又多咗一层滋味。🍢自制四宝丸 $118有虾丸、墨鱼丸、鲮鱼球等，墨鱼丸零舍弹牙鲜味，仲会食到墨鱼粒，几高质👏🏻🍗黄油鸡肠 $48打边炉鹅肠就见得多，鸡肠比较少见，烚一阵见到缩起就食得，食落爽脆无内脏噏味，唔错😚🥬唐生菜 $39推介指数（10分为满分）：8分
继续阅读