影片
港铁何文田站 B 出口, 步行约8分钟
继续阅读
电话号码
23636488
奖项殊荣
米芝蓮必比登推介 (2023-2024)
营业时间
今日营业
10:00 - 22:00
星期一
全日休息
星期二至日
10:00 - 22:00
*最後落單時間: 21:30
以上资料只供参考，请与餐厅确认详情
人氣滿堂樂回來了，新店開了在必嘉坊，是晚就同朋友嚟試下，睇下味道有無變先😋大約八點鐘來到依然全場爆滿，新店光猛咗感覺乾淨衛生，坐低後店員送上qr code落單，睇下食咩好先。⭐鹹豆漿鹹豆漿買少見少，見有得食一定要試下，豆漿鹹鮮好味，蔥花、蝦皮、油炸鬼、鹹菜粒缺一不可，記住落埋辣椒油，個辣椒油其實唔辣，但加咗落鹹豆漿更有層次更好味，正呀。⭐招牌粢飯黎得食又點少得滿堂樂嘅招牌粢飯，依然係大大個即叫即包熱辣辣，糯米飯煙韌有咬口，配埋鹹豆漿真係啱啱好😋⭐生煎水餃水餃都係至愛之一，煎餃揀咗韭菜口味，煎得香脆，餡料鮮味爆汁，好食🤤⭐炸雲吞仲叫咗炸雲吞添，炸雲吞個外形有啲似魚皮餃😆炸得酥香，入面係鮮肉餡，同樣美味。⭐燻魚朋友話好耐無食過燻魚就叫咗一份，魚肉鹹香鮮味，加上微甜嘅醬汁又幾好味喎👍⭐酸辣湯水餃呢碗都係朋友叫嘅，佢鍾意酸辣湯，諗緊要酸辣湯麵好定係水餃好，見今餐已經叫咗咁多嘢，叫麵應該食唔曬，最後就揀咗酸辣湯水餃，今次個水餃要咗津白口味。酸辣湯好足料有木耳絲、豆腐乾、筍絲等，仲有蕃茄同豬肚，味道偏酸咗啲，而且個人覺得可以辣多少少。整體嚟講係幾好味嘅，會為咗鹹豆漿再嚟👍
继续阅读
約了朋友係紅磡食飯，正當苦惱緊去邊間餐廳食之際，竟然比我搵到一間平靚正的滬京菜的新餐廳。雖然位置係新樓盤個邊，附近好似唔太多人路經，但係這間小店竟然爆滿。生煎水餃 – 千萬不要立即放入口食，因為真係煎到熱辣辣，小心慢慢食。餃子煎得很脆口，但又唔油膩。滬式燻魚 – 半煎炸的燻魚，配上特色醬汁，很香口和惹味。酸辣湯麵 – 酸辣湯很豐富，有豬肚、豆腐干、木耳、竹筍、菜和蕃茄，味道有點特別，好似同其他店舖的酸辣湯不同，但味道很不錯。幼麵，我選擇了要爽口點的，有咬口之餘亦很掛湯。雲吞豬扒麵 – $52有豬扒有雲吞，仲要配埋大大碗麵，難怪咁多人幫襯啦。豬扒薄切，炸得很酥脆；雲吞大大粒，個餡包得一D都唔手軟。整碗麵份量十足，又好食又抵食。
继续阅读
喺紅磡嘅一間上海嘢小店，款式選擇都幾多，仲見到個門口擺咗個Michelin2024既牌㖭啊一睇，CP值好似都幾高喎，一碗麵$40-$50左右，炸雞扒炸豬扒呢類型嘅小食都只不過係$20選擇都幾多，價錢亦都好吸引，搞到忍唔住嗌咗幾樣就成枱都係枱面上亦有多款醬汁以供選擇擔擔麵 $45佢啲面類都可以揀粗麵、幼麵、粉絲或米線，都幾多選擇，我哋揀咗最傳統嘅上海幼面，湯底都幾濃郁，職員會提你請先攪勻湯底，因為下面真係有濃濃嘅花生醬㗎酸辣水餃麵 $50嚟到見到，真係好驚人，滿滿嘅一碗酸辣湯，上面鋪咗四隻超級巨型嘅水餃，水餃可以揀津白或者韭菜，我哋揀咗津白水餃酸辣湯味道偏酸，開胃惹味，上海粗麵彈牙又唔太硬，加埋水餃其實真係已經好飽喇生煎水餃 $30一份有五隻，一樣係可以選擇津白或者韭菜，我哋揀咗津白，佢生煎嘅程度好似炸咁樣，但又唔油膩喎，咬開仲有肉汁咇出嚟炸雲吞 $30亦都一樣一份有五隻，炸雲吞炸得非常脆口，咬落口嗰下脆到KaKa聲，好好食炸豬扒 $20見到佢有皇冠推介就梗係要試埋啦，算係偏薄身嘅炸豬扒，有別豬出面好口炸粉，佢算係薄粉型，但係都一樣好脆，亦都唔會話好多油喺面，感覺唔肥膩豆漿 $12$12一支嘅豆漿有呢個size簡直係性價比超級高，食完鐵炸嘢再飲一啖甜甜地嘅凍豆漿簡直係超級正順帶一提，聽到好多人都嗌鹹豆漿，應該係非常之好食，下次一定要試吓
继续阅读
小妹今晚同屋企人行吓何文田突然好想食粢飯、飲熱豆漿😍 就見到呢間「滿堂樂」，位於住宅大廈地下～睇餐牌見到主打粢飯 、酸辣湯 、豆漿、水餃🥟等🥰非常吸引🤩餐廳🍴環境闊落，坐得舒服😌無論何文田站或紅磡站都只需步行約10分鐘內，非即做粢飯呢度既粢飯係即叫即整，上枱時熱辣辣，分開時仲可以分大細邊/半邊，切開兩個，好似拳頭般大既份量，入邊有著滿滿餡料，包括：肉鬆、榨菜、油炸鬼🌝非常足料～肉鬆及榨菜配搭非常好，鹹鹹地，配埋脆炸油炸鬼比例恰到好處，整體非常滿意😀👍🏻雲吞豬扒上海中麵 份量不少，每粒雲吞皮都好薄，幾大粒😆 豬扒切開並另上，所以每嚿酥脆香口，食落好乾身，保持到豬的鮮味🥰津白水餃上海中麵津白🥟與豬肉餡料非常夾味，食落口同樣清甜多汁，仲帶點鮮香味道👅連埋上海中麵食絕對一流🌝淨上湯韭菜餃🥟無論呢款韭菜餃子或津白餃子同樣餃子皮均厚身，韭菜與豬肉餡同樣好味😋加上湯底香甜，連埋一食好有口感😍熱豆漿可以叫凍或熱、鹹或甜，全部都係餐廳自家製😛小妹今次就擇咗甜豆漿～入口已經感覺到好香滑，幾重豆味，但完全冇苦澀味道，大大碗好飲👍🏻小妹覺得呢間餐廳🍴豐有人情味，絕對係街坊既食堂，環境乾淨衛生，職員態度亦很好😎
继续阅读
這家餐廳的雲吞豬扒麵令人印象深刻。湯頭清淡卻鮮美，搭配新鮮的青菜和彈牙的麵條，讓每一口都充滿了滿足感。皮薄餡多，內餡的肉質鮮嫩，搭配湯汁的鮮美，讓人忍不住一口接一口。青菜的脆嫩與麵條的滑順形成絕佳的口感對比。旁邊的豬扒也值得一讚，外皮金黃酥脆，內裡多汁，香氣四溢，讓人食慾大開。而豆漿則是完美的飲品選擇，濃郁的豆香味為整餐增添了清新感。整體而言，這頓餐點不僅色香味俱全，更帶有家的溫暖，讓人感到舒適愉悅。無論是與朋友聚餐還是獨自享用，都是一個不錯的選擇。下次來訪，我一定會再點這道美味！
继续阅读