滿屋廚房 (已結業)

夜晚肚又唔太餓唔想食到好濟，但又唔想食甜品，就決定黎到Fullhouse一嚐佢幾吸引眼球嘅牛角包🥐.軟殼蟹牛角包三文治🥐 $70以前KY係FullHouse都係食過佢嘅早餐🥣麵包都只係試過佢都幾好食嘅菠蘿包🥠今次呢個三文治🥪都算唔錯😗雖然牛角包攞出黎嘅時候唔係好熱，但係勝在有落去嘅時候依舊卜卜脆～軟殼蟹🦀份量唔係話好多，反而其他蔬菜🥒同沙律汁嘅份量就都幾足，混埋沙律汁嘅軟殼蟹真係無得輸😝不過我個包三文治都真係幾難切，每次想切一部份嘅時候都會跌咗啲饀出來，所以食落真係幾麻煩😂整體評分:6.0/10.滿屋廚房 (鑽石山)鑽石山龍蟠街3號荷里活廣場1樓174號舖.

昨天和太太、BB滿心歡喜去試吓呢一間親子餐廳。見到門外一片童話色彩，原本仲好高期望，點知全部都係失望。入到去發現原來除咗門口對住買精品的counter外，裏面冷冷清清，連侍應都唔多一個，已經開始心知不妙。作為親子餐廳，裏面位置非常狹窄，根本冇地方比小朋友走動，或者擺BB車。我哋叫咗兩份牛角包餐，餐牌見到好靚，以為好大份，但係來到時嘅時候托盤只係比手掌大少少，根本唔夠食。沙律菜仲係變咗味。兩份餐，一份要等15分鐘，第二份差唔多35分鐘先來。真係當我地食完嘅時候，已經差唔多開始肚餓，一定唔會再嚟。

今日去咗試依間所謂親子餐廳，一試難忘，冇第二次，叫佐一份egg benedict牛角包同鹹牛肉片牛角包🥐，一個小到唔少嘅牛角包夾料就價值$60-$70，唔特別好食，冇嘢飲跟，大家想嘆一份食兩啖（比到盡三啖）就冇佐，啱啱卡住喉嚨嘅一餐一定要幫襯佢！講環境，裝修一啲都冇親子味，唔會吸引到小朋友。餐廳有自助‘針’水枱係good嘅，但痴住啲飲管附近有幾塊好似茶記嘅污joe枺枱布真係扣晒分。講服務，經理兇神惡煞，啲wait好懶慢，等餐等佐半個鐘，搵wait幫手追，佢答係廚房嘅問題，得一個人做，噢！今時今日，假日出街食嘢我真係要體諒廚房得一個人做嘢，所以等個只係夾片鹹牛肉落個牛角包度要等30分鐘，客人得幾個都攪到咁！講味道，都ok la，葉制現成野冇得難食得去邊，但個沙津嘅菜都竟然唔新鮮，食得出似放佐喺雪櫃隔佐夜乾水，而咖啡就不過不失，但求其嘅拉花都好睇得出。依間餐廳我hubby想試，點知失望到咁，堅唔會再食，認真啲攪飲食得唔得！！

一日之計在於晨，食個all day breakfast先開始繁忙既一日就最好不過☺️今日同屋企人黎到呢間滿屋廚房試下佢既早餐，呢間鋪頭好得意，佢外面係賣特色商品，而入面先係食野既地方。就咁望到佢賣既產品都唔算貴，而且幾別緻。我都有少少心郁郁想買佢既木模型😛講翻野食，我叫左個all day breakfast, 價錢中等，$50幾蚊，相對於其他鋪頭既all day breakfast 便好多呀☺️而佢既薯餅炸得好香口，沙津菜都好新鮮。食物質素唔錯，對得住呢個價錢～推薦大家得閒黎試下喔～P.s 榴槤咖啡幾好飲鍾意既朋友可以試埋

平日來到這個商場，試試平日沒有吃過的餐廳， 見到有小龍蝦沙律牛角包便試一試。這個小龍蝦沙律牛角包配上少量菜沙律，加一杯普通飲品， 我們點了一杯普通奶茶，員工說明是英式奶茶，味道比較淡，不需加糖已經帶甜味。另一杯牛奶咖啡香滑濃郁， 比奶茶好。牛角包味道雖然不錯，但這個包份量比較少， 即時加上配料吃完亦不會有飽肚感覺， 下午茶比較適合。當天咖啡曲奇做特價，半價15元便買了兩包， 清淡咖啡味，入口鬆化， 當天便已吃完。難得員工服務態度十分好！

難得約齊腳出嚟同 #香蕉公主 賀壽，梗係要加個好好味嘅蛋糕🎂點綴吓🥳 #小秘書 早幾日路過 Fullhouse Kitchen 見到櫥窗個 #黑松露朱古力蛋糕 好吸引，仲要係超級街坊價，一於訂比大家試試🍽真係估佢唔到🥴個個都話 #FullHouseKitchen 個蛋糕好正，可惜我唔知今日有咁多人出嚟，唯有 🍪🍪🍪🍪🍪🐟🐟 式齊齊分享🥰不得不提嘅原來 #FullHouseKitchen 個老闆好窩心，訂蛋糕之餘，仲可以加$10刻一個木牌比壽星女留念，不過就要早三日預訂。壽星女收到會好開心㗎❤️

係荷里活附近住，放工唔想返屋企煮就唯有去商場度食。foodcourt ok ge，但有時好多人，靜靜地坐下食下野真係唔多得，所以，我又來左fullhouse度食啦！。今次食左個叫”墨魚仔粉紅忌廉蝴蝶粉”，一上枱，其實係偏橙色，哈哈，食落好creamy，好夾個粉，而且係甜甜地，好正，食哂！。野飲係紅莓咖啡(無影到相sor)，聽落怪怪地，但係收銀姐姐推介就試下啦，點知，真心ok wo，飲落酸酸味味，唔似咖啡喎，越飲越正，又係有驚喜！。PS: 我見到有人拍片，似d飲食節目，咁架勢堂？！

夜晚放工約左朋友去荷里活廣場，經過見到先知原來開咗間Full House，我哋都未試過，望下餐牌啲食物都好吸引～朋友叫咗一杯水果茶，我就叫咗杯西柚茶，勁扺又大杯，仲要好飲我嘅至愛Benedict !! 都幾好食，以呢個價錢完全合格另外仲叫咗個牛角包，夠鬆脆👍🏼最後見到餐牌有甜品😋唔錯

上星期日到荷里活看戲後，就來到滿屋廚房吃個輕食下午茶，其實之前也在這裡外賣過雞蛋仔，不過就從未試過堂食。一入門口是卡通精品的零售位置，一直行入去就是用餐區。這裡雞蛋仔款式特別多，而且雞蛋仔還刻有人樣，相當可愛趣緻。餐廳面積不大，座位編排得有點密。自助式下單後就可入座，將號碼牌放在當眼處等待店員送餐。設有自助區，冷水熱水都可自斟自飲。餐牌以輕食為主，價錢相宜，不收加一服務費。心軟波士 $12心軟波士是最近剛剛推出的新品，其實就是原味吉士菠蘿牛角包。size就如掌心般大小，即叫即焗極之熱辣辣，金黃外層酥脆香甜，而且菠蘿皮依附力強，大口吃都不易碎散。氣孔細密的牛角包填滿濃郁細滑的流心吉士餡，入口特別暖笠笠。夏威夷雞蛋仔 $49難得這裡竟然有pizza x 雞蛋仔如此新穎的配搭，對我這個雞蛋仔控來說，當然是必試！平時雞蛋仔就吃得多，但今次還是頭一趟試這款變奏成pizza的雞蛋仔，雞蛋仔質感依然外脆內軟，不過不像平時的雞蛋仔那樣甜，以免搶走pizza的味道。雞蛋仔餅底香脆中帶點彈性，舖滿厚厚的芝士，可以造出拉絲效果，芝味無窮。野菌黑松露醬蝴蝶粉 $65忌廉醬汁調較得香滑濃稠，加入黑松露，菌香滿溢

前排朋友放假，話好耐冇試過一齊食早餐。咁就搵左間特色餐廳一齊食啦。呢間餐廳好得意，佢門口係會有唔同野賣，見到佢有賣木模型。😍不過由於太肚餓，所以冇認真睇，哈哈。我就叫左個全日早餐，又唔算好貴。平時出去食all day breakfast 都要80幾90幾一個。呢度$50幾$60就有一大盤啦😄真係覺得幾抵食呀。見圖先好飽呀食到，因為塊薯餅都唔細，又要牛角包。推薦大家試下呀，加埋個coffee就真係perfect! 拉花拉得好靚，飲完心情都好😄😄

荷里活商場d舖頭通常到朝早11點先開, 所以想入去食個早餐都幾難, 但我經過見到呢間Fullhouse有開門, 門口好得意, 有好多公仔, 就吸引左我入去試下啦~~餐牌上都有好幾個餐, 個個餐望落都吸引, 跟住我就揀左個乜都有ge all day breakfast來食啦~~一上到枱, 嘩左一聲, 好豐富啊!! 入面每樣食物都好正, 牛角包好味, 炒蛋滑漏, 煙肉香脆, 特色腸肉質好, 薯餅熱辣辣, 多謝廚師咁有心機煮比我食啊!! 最後呷埋杯cappuccino, 簡直大大滿足!! 第日一定會再來啊!!

我幾乎每日都會飲咖啡，台式飲品，今日行過見到依間店有新推出的黑糖芋圓奶茶便一試$36，叫了一杯走冰半糖外買，點知杯野得四分三杯，仲唔凍唔熱😨，其他品牌的店走冰之後仍然是凍的，還有佢果d所謂嘅芋圓好似一pat嘢咁，有d一粒粒類似珍珠嘅物體甜到痴線🤢我飲過坊間不同店舖的珍珠奶茶，黑糖奶茶等等，都未試過飲到一半就掉咗💀真係難飲到🤮🤮🤮

Bought eggette before watching movie. . $20 chocolate favour it added chocolate chips The mold has cartoon and looks so cute. Need to wait 5 mins after order. Soft inside and crispy outside. Use paper box instead of paper bag . The package is cute too

夜晚搵地方食飯，就openrice下見呢間好似咩都有，緊係試下點知...過往食評ge海南雞，喇沙全無（只怪我無睇晒d食評），只有pizza,意粉，甜品，飲品除左飲品無影，就得以下menu選擇品多我個日叫左呢d芝味芒芒：餐廳有好大個位教點飲，心諗：係主打黎，應該好飲啦 點知...係無味，上面個層得dd 鹹味，下層就dd芒果味（唔甜個隻）墨魚仔粉紅忌廉蝴蝶粉突然少女心爆發，想要粉紅色...碟野黎，說好的粉紅色呢零粉紅...味道非常淡，除左dd黑椒粒+芝士，就無味全日早餐： 煙肉 =過鹹 , 炒蘑菇= 勁濃味 （但神奇地上面蝴蝶粉d菇=無味 ），其他= 無味雞蛋仔+棉花糖朱古力醬： 感覺係即整上台， 雞蛋仔內脆外軟，內裡唔算厚實棉花糖朱古力醬上黎好夠熱拿雞蛋仔搽上去夠邪惡，棉花糖都溶得幾快，朱古力少甜，加埋食到停唔到總結：下次淨食雞蛋仔*食晒成個dinner 都無咩人，所以如果真係想響荷里活搵地方傾計為首要，而食物質素為次要，相信都係一個幾好ge選擇。

最近見有youtuber拍片食髒髒雞蛋仔，對依間野幾有興趣，即時睇過餐牌，食物都吸引喎! 於是就約埋4個人一齊去試下。當日星期日，大約2點前，仲係午餐時間。入面唔係好大，半個舖位都用來賣精品。嗰日冇職員招呼，同另一食客搭枱。食物款式唔多，比我之前睇嘅有出入，沒有湯粉麵，又沒有飯類🤔🤔menu只得幾款意粉，唔係掛😱😱我地叫左「水牛芝士雞蛋仔」，有拉絲的效果，淡淡芝士味另外叫了凍檸茶，熱檸茶，比一般大杯「野菌黑松露蝴蝶粉」，意粉有嚼頭，不會太淋身。係好食嘅，但好細份量，肚餓的話實唔夠飽。「煙三文魚班迪蛋迷你牛角包」，本人不是牛角包愛好者，所以我只是切開流心蛋和煙三文魚吃。由於，個牛角包真的超迷你，只有一隻手指長，真係可以一啖擺落口。（相片影出來，似手掌咁大）流心蛋一切開就湧出來，但整體味道沒有特別。總括而言，我覺得這間餐廳食物份量頗少，價錢偏貴，cp值低了一點，應該唔會有下次。