滾餃

营业中

休息中

大概6點3上到去,唔使等位,但已座無虛席。地方淺窄，有啲逼夾。因為我買咗一大袋野，所以我褪後張凳大概佔咗半條走廊，準備把袋嘢塞入枱底嘅時候，即刻畀阿姐喝住話：你唔好咁樣坐！塞住條走廊㗎！使唔使咁大反應呀？應該係人都知道我唔會咁樣坐啦，距離張枱成兩尺遠，我點申個頭埋張枱度食嘢呀？禮貌欠奉，態度認真麻麻！叫咗兩碗麵，其中一個係煎餃子，但啲餃子唔係煎嘅，係炸！炸到好硬，其實幾難食。餃子冇乜特別，另外一碗係淥餃子，都係正常嘅，冇乜特別。又叫咗皮蛋，都係好一般嘅嘢，老實講，譚仔好食過佢。千祈唔好叫佢嗰啲豆漿飲，淡到好似水咁！真係有被搵笨嘅感覺！見到嗰兩個阿姐不停監視啲食客，一見佢食完，幾乎筷子都未放低，就收走曬啲碗碟。收咗啲碗碟之後又繼續監視你！問你啲嘢齊曬未呀咁(淨係想你走咁)。有一枱更加直接叫佢哋埋單！可能過咗40分鐘掛……知你出面有人等位，但都唔需要咁嘅態度趕人，人哋真係有權坐足你限時的40分鐘㗎！總括而言，如果大家係有被監視嘅辟好，就可以去幫襯下，不過我就唔會再去了！食物又唔係有咩咁特別，都係好一般嘅嘢，無謂貼錢買難受！

叫坐煎餃同埋湯餃，兩種都好好味😋最推薦蒜芯鮮蝦煎餃同埋玉米鮮肉湯餃🥟煎饺金黃酥脆,咬落入面软滑多汁,一啖就化咗你口邊,好好滋味湯饺就更惹味了,皮薄內嫩,一啖湯汁就濕了你口水,入邊又有爆滿的肉碎,真係幾乎要食唔完咁好味!咁啱同啲小菜配埋呀!實在太正喇,真係食得太多,連個肚都撐啦

之前搵觀塘有咩食，都見有唔少人推薦呢間餃子，作為第一次食嘅顧客，我係絕對係唔會返嚟食第二次。先講餃子，以香港咁多好味餃子嚟講，佢嘅質素都算非常一般。首先皮好厚，完全唔係「皮薄餡靚」嘅感覺，食到一半有幾粒已經係浸到脹晒一patpat咁，口感唔太好。其次店員態度非常惡劣。上菜時我禮貌地請店員俾一杯水我，唔知該店員係甩手定有咩問題，放水杯上枱嗰陣係砰一聲，我同朋友對望咗一下，都覺得有啲奇怪，不過都冇特別理會，心諗可能係甩手/唔小心而已。食野期間，店員不斷行埋嚟收嘢，望住朋友食最後一粒餃子，令顧客感覺不良好。當我地剛剛食完之後，店員極度不友善及不禮貌咁講：「其實我地後面仲有兩張枱等緊。」咁我同朋友都即刻起身馬上埋單。我後來睇返時間，由上菜到結帳，我地食咗不足30分鐘。我都明白餐廳想翻桌快d，如果你哋禮貌地向客人示意，我諗好多客人都會明白。但絕對唔係依家呢個態度，唔講我仲以為我地食咗一個鐘頭添，原來只係食咗30分鐘。如果呢間餐廳，係要求客人「食完要即刻馬上走/30分鐘內食完，否則會被店員不禮貌對待。」下次可以寫係餐廳外，我諗好多人都會選擇唔食😃

放到d枱有咁逼得咁逼，都未坐好已經喝住你叫你係咁坐入d，我只係正常身高都坐到十分唔舒服，因為佢仲會係後面係咁推你同出出入入，真係好逼。冷氣勁大，d野好快凍哂，講到尾都係想你快d食快d走。未食完已經企正你後面望住食最後一啖即刻收你d野，再即刻話出面仲有客等緊叫你即刻走西到無人有，唔會再幫襯。問佢要杯水又係成杯飛落黎，完全無態度可言架啦。野食其實唔係特別好突出，湯底都係味精湯底，個菜蒲我覺得太辣，餃子個個大隻係中間，基本上都係要食8-10隻，如果唔係都唔會飽架啦。只係收現金同PayMe，其他既都唔收。

朋友帶我去了一間在工廠大廈中的隱世餃子店，沒有想過在6點的時間已經人頭湧湧我們等了一會便有位了，餐廳細細的，但是有不少特式手工餃子選擇，還有辣菜脯伴食，辣辣的，十分惹味 。雙拼煎餃 三色素餃餃子煎得香脆, 但內裡仍然充滿著肉汁，餃子皮軟薄, 素餃入面有木耳，栗米，菜，沒有肉也能十分鮮甜更是多了一份清爽。黑松露芝士豬肉餃豬肉餡的鮮嫩口感和黑松露獨有的香氣，再加上芝士的奶香濃郁口感, 味道融合得很好，一口咬下啖啖肉汁爆出，驚嘆 。雙拼湯餃京蔥豬肉餃湯底選了豬肉湯，清清甜甜，餃子皮厚度適中，京蔥的香氣襯托出豬肉餡的鮮美口感，為整隻餃子增添一種獨特的風味，豬肉亦彈牙有肉味，食落美味又有口感蒜芯鮮蝦豬肉餃蒜芯的清香和鮮蝦的鮮甜完美結合，鮮蝦彈牙，每一口都帶來了濃郁的蒜香和鮮蝦的鮮美蔥油麵大大碗的撈麵, 麵條彈牙有勁，淋上香口惹味的蔥油，香味撲鼻，醬料掛在每一條都條上，鹹鹹的，讓人難忘。手拍青瓜份量很多，青瓜爽脆，清新，配上炸蒜蓉及料油，滋味十足。泰式無骨鳳爪鳳爪的質感爽嫩，比想像中的要辣，但是又帶點酸酸的味道中和了，搭配泰式香料，美味又吸引。豆漿大大支，而且是樽裝，不會太甜，解膩一流 。

已經係第二次漏單，今次坐低左一段時間都未見支裝飲品，已經立即吸收上次教訓，問店員係唔係留單？佢之後即刻俾兩支豆漿我地，仲話冇漏單。等咗差不多15分鐘，遲過我哋入黎嘅客人都有食物，有啲都食完，再追多幾次，問係咪其實漏左單？之後就諸多解釋話咩廚房擺起左張單，並不是漏單，其實你地樓面代表餐廳，我理得你咩原因遲上食物，起碼都講句「唔好意思」呀？仲要堅持自己冇錯咁。之後一肚氣趕住返工開會，叫佢俾個外賣盒我裝起拎走。其實佢係外面排隊等嘅時候已經一早會定個qr code你落住單，箍住你唔好走繼續排隊，但其實都起碼要等多10至20分鐘，而入面其實都未走，我就落得單，我唔知係咪因為依個原因令到啲單咁亂。其實啲餃子真係OK，但係咁嘅系統咁嘅服務都好難會再幫襯。

呢日lunch想去駱駝漆買下d 化妝護膚品，唔想食太飽，於是search 下駱駝漆仲有咩其他米線我可以試，於是就見到呢間啦～我一入去就有位，入到去叫左個蒜芯鮮蝦豬肉餃米線同埋一支野飲。其實我比較prefer 飲有人沖果d 凍檸茶/凍奶茶，但呢度無 等左好耐碗野都未黎，不過我催左之後無耐就到左，d 侍應態度都正常嘅。d 水餃食落唔錯，有蒜香味，d 蝦都算彈牙。我呢碗有6粒水餃（我無另外加錢加多d 水餃）～ 不過略嫌d皮厚左d。

一直好鐘意食餃子,平民小食得黎又好味,滾餃一直都喺區內比較出名, 就提議同朋友收工黎食下韭菜豬肉餃 $44 (6隻) 加米線餃子皮煙un又唔會太厚, 加上韭菜濃濃既香氣配埋米線就夠晒飽肚蒜芯鮮蝦豬肉餃 $60 (8隻) 呢款叫左煎, 外皮煎得金黃色帶香脆口感, 煎完又不失肉汁, 啖啖蝦肉帶鮮香, 蒜味都濃郁芝士栗米豬肉餃 $55 (8隻) 煎雖然加左芝士但一d都唔膩, 粒粒栗米增添口感香菇栗米豬肉餃 $38 (6隻)蒸餃反而顯得栗米香更出, 加埋香菇好足料

位於觀塘駱駝漆大廈第三座嘅❣︎滾餃❣︎日賣過千隻餃子🥟店主由經營網店開始到轉型開實體店，堅持每日以優質新鮮嘅材料包製餃子，我今日一個平日嘅下午茶去食，都眼見人來人往，仲不時有人專登上來買生餃，真係好多熟客👍🏻呢到價錢親民，鍾意食餃子嘅朋友千祈唔好錯過。❣︎煎餃(雙拼)$48 +10隻$16 +米線$8❣︎♡︎蒜芯鮮蝦豬肉♡︎即叫即煎，煎到金黃香脆😋大大隻餡料足👍🏻鮮蝦彈牙，蒜芯爽脆鮮甜，連埋佢跟嘅辣菜脯一齊食更滋味，啲辣菜脯自家製，香辣鹹鮮，大大粒好脆爽。♡︎蘑菇煙肉芝士豬肉餃♡︎呢個配搭好特別，好似cafe早餐配搭😆肉汁豐富但又唔會好膩，呢到嘅煎餃好犀利，入口一啲都唔覺油膩👍🏻❣︎湯餃(雙拼)$44 +10隻$16 +米線$8 +蕃茄湯$3❣︎♡︎韭菜豬肉餃♡︎皮薄超爆餡嘅韭菜😍香氣十足，蕃茄湯底絕冇味精🙅🏻‍♀️飲完唔會口乾。♡︎香菇粟米豬肉餃♡︎超推薦呢個餃🫶🏻香菇嘅香氣加埋超爽口鮮甜嘅粟米豬肉，口感超好😋❣︎涼拌肉鬆皮蛋豆腐❣︎$38而家天熱，食呢個涼拌最適合👍🏻皮蛋甘香軟綿，豆腐大大磚清涼嫩滑，配埋獨特醬汁好滋味。❣︎豆漿❣︎$10 ❣︎紅茶花伝檸檬紅茶❣︎$8飲品樽裝上夠凍。

收工在附近吃点，来了朋友推荐的饺子店，七点多依然还是挺多人的，可见在附近口碑都挺好👍🏻饺子新鲜皮薄馅大，即叫即煮，而且很抵食～✨韭菜猪肉饺（汤饺）好大一个，我觉得小食女生6个完全够了😂皮很滑很薄，吃得出馅料很新鲜。汤底可以选择猪骨汤和番茄土豆汤，番茄马铃薯汤蛮特别的，马铃薯很软，汤番茄味很浓，推荐～✨ 香茜猪肉饺（汤饺）芫荽爱好者必点hh里面芫荽都是绿绿脆脆的，很新鲜～✨ 黑松露芝士猪肉饺（煎饺）煎饺外脆里软，不会干也不会油，黑松露的独特香气和芝士的奶香味道融合得很好。✨ 京葱猪肉饺（煎饺）内里鲜嫩多汁，京葱味道不会很冲，更加突出猪肉的鲜甜～✨手拍青瓜青瓜已经削了皮，口感超脆爽，上面铺有蒜蓉酱，麻辣滋味，特别适合夏天！

下午茶 香菇粟米豬肉湯餃配米線🥟✨3.6/5湯偏淡 但有淡淡豬骨味 餃子皮薄餡大 食落有啲似加大版雲吞 ok好食 米線係粗米線菜脯✨4/5唔係自助任食的 喺staff姨姨俾 非常入味 應該係自己炒～香蒜涼拌皮蛋✨3/5食落普通 皮蛋一夾就散 上面鋪咗層蒜蓉蕃茄湯上海麵✨3.2/5蕃茄湯唔算濃郁 黑松露芝士豬肉餃✨4/5黑松露味好香 未至於蓋過豬肉味 調味適中 味道平衡得好好泡菜豬肉餃✨3/5冇黑松露咁多汁 應該唔係自己醃嘅泡菜 泡菜發酵味好重

7:25pm等位到食物上桌已是8點多，正大快朵頤時店員告知8:30pm收鋪明白工廠區收鋪時間都較早，所以明知出餐要等咁耐不如早d截單，唔駛人食得趕頭趕命各位要食晚餐最好預6點幾去食食物方面點了泡菜豬肉煎餃🥟6隻跟烏冬,另點了泰式鳳爪皮很脆但不算出色, 豬肉不太新鮮，烏冬正常，鳳爪汁調得一般, 冇咩酸味總結：不推介此餐, 另外一家餃子店‘餃里’更好。

這天晚上我約了家人去觀塘吃晚飯，經過網上的推薦，我們便決定來到這間米線店試一試，店內環境明亮和清潔衛生，店內客人是坐滿的，證明食物質素應該有一定的保證，餐廳十分細心，有提供免費無線上網，有播放音樂黑松露芝士豬肉餃($71)米線十分嫩滑，八隻黑松露芝士豬肉餃清新淡雅，非常新鮮，十分足料，蕃茄湯鮮甜，份量十分多樽裝奶茶($18)自家製奶茶奶滑茶濃，味道恰到好處，不會太甜京蔥豬肉餃($61)上海麵軟彈煙韌，薯仔軟身，用芝麻粒灑面，八隻京蔥豬肉餃是用蔥，豬肉製成，口感稔香軟彈，非常新鮮，蕃茄湯鮮甜涼拌肉鬆皮蛋豆腐($38)用來涼拌的醬汁酸酸的，令人非常開胃，豆腐新鮮和柔滑的，皮蛋彈牙，肉鬆清甜，份量十分多自家製的辣菜脯味道頗辣，十分爽口整體來說，食物的質素非常高，食物的份量非常多，食物的用料非常新鮮，食物的賣相非常吸引，價錢相對大眾化，而店員亦有良好的服務態度和積極，所以我認為這間餐廳是值得再去惠顧

小店先上了辣菜脯，顏色唔紅但唔好睇少佢，都幾辣架，有後勁，唔食得辣嘅要小心。不過份量太少了，得幾粒嚴重唔夠喉🙌🏻小店嘅餃子肉類只有豬肉，相對其他餃子店來說選擇好像較少，但對病咗要戒雞、牛嘅朋友friendly👍🏻👍🏻👍🏻香茜豬肉湯餃（8隻) $52（+$8 加米粉)大大隻😋，好香芫茜味😍，好fresh，食落冇罪咎感👍🏻。湯選擇了豬骨湯，清清地唔會搶咗湯飯嘅味。米粉外貌少少透明，反而似粉絲多啲，食落都冇咩米味，米粉還好啦👌🏻黑松露芝士豬肉煎餃 （8隻） $60因為個皮夠薄，所以煎完真係香脆而唔硬😋。煎餃好出色。😍😍😍黑松露夠濃味又不會太搶，同芝士、豬肉mix得好好🙌🏻。呢個味值得再食多次。但煎餃體積比湯餃細隻，男士好大機會唔夠飽。結論湯餃大大隻，煎餃脆香做得好好。如果只可以揀一樣，我會覺得湯餃較易做到呢個水準，所以揀煎餃🥟Ps 小店只收現金/ payme

媽咪鍾意食餃子，特登帶佢過海嚟試下人山人海餃子舖，睇落貨真價實， 由入場到走都係坐滿客人鍾意佢哋可以選擇雙拼，一次試多d唔同口味煎餃 雙拼餃子皮煎到焦香，內裏仍然肉汁豐富蒜心鮮蝦豬肉餃 拼 韭菜豬肉餃前者 淡淡蒜香味配上原隻鮮蝦，鮮蝦彈牙香甜後者 滿滿好香的韭菜湯餃雙拼黑松露芝士豬肉餃 併 泡菜豬肉餃，加$3有蕃茄湯底前者 淡淡黑松露香味， 中間呈流心狀態，芝士溶在口中後者 泡菜拼豬肉味道特別，唔辣雞絲粉皮粉皮幼細，雞肉絲配上香口芝麻醬， 消暑解熱檸檬紅茶，自製支裝奶茶 甜度剛好，透心涼