影片
我時時都會去銅鑼灣個間, 因為佢有我至愛的杏仁豆腐花! 尋晚第一次來跑馬地呢間, 有理由相信個d話佢侍應服務態度好好的食評肯定1000%係造馬!! 叫兩碗杏仁豆腐, 一碗純味, 一碗芒果味, 佢都行左兩轉問兩次至落到單, 碗純味杏仁豆腐就咁用外賣膠兜載住比我就算, 連碗都費時洗, 食到我一手痴立立; 由叫甜品, 問佢水(要問至有)到收錢全程都係黑面, 絕對符合佢更年期的年紀, 好似當我地係第二間食店臥底來刺探軍情!味道方面我偏好銅鑼灣個間, 好似實淨d, 呢間一邊食塊豆腐一邊溶化!其實佢都有態度好的時候, 係對住d熟客囉! 與其花時間係度寫造馬食評, 不如用心改善一下服務啦老細!無下次! 服務1分都唔值!貼錢買難受當然唔抵食啦! 以後只會幫襯銅鑼灣店!
继续阅读
以上资料只供参考，请与餐厅确认详情
相关文章
前幾日同朋友去左跑馬地彭慶記度食晚飯, 飯後就去左附近既滿屋度食甜品, 我點左芒果杏仁豆腐花, 估唔到佢整得咁好食, 好香杏仁味, 口感仲有少少煙un, 我一口氣食左2碗, 個姨姨侍應都話好多人鐘意食, 朋友就點左楊枝甘露, 不過呢個就ma ma地, 滿記會好食過佢~ 我地坐喺外面食, 桌上有太陽傘, 都幾好feel, haha~
继续阅读
晚飯後（約八點左右），和四位朋友到滿屋食甜品，坐不到十五分鐘（連食嘢）其中一位歐巴桑侍應居然極不客氣地說：「無嘢叫啦」，迫人離開，態度超串。本人十分相信這間店舖遲早玩完！
继续阅读
銖記之後﹐我們一行13 人浩浩蕩蕩的沿著成和道想行番出銅鑼灣搭地鐵﹐點知途經滿屋時大家又忍不住想吃甜品﹐一個眼色﹐都不用多說話﹐大家已經立即轉移方向﹐想我們的甜品屋進發﹗次次來這裡都是吃這個又是西米芋茸焗布甸﹐這次都不例外。不過感覺是好像越來越差的樣子﹐是吃得多厭煩了﹐還是真的水準日益下降呢﹖這晚的感覺是芋茸不夠﹐味道亦淡(是夠甜的﹐只是芋頭味道不明顯)﹐食落似漿糊﹐毫無口感﹐唯一是夠熱和上面微焦的皮幾香﹐否則一無可取。環境是室外比室內好﹕我們人太多﹐要分開兩張檯才可坐得晒。吸煙那幾個理所當然的要了室外那張檯喇。我們在侷促的一角匆匆吃過就埋單出去join 埋其他人。外面的確很舒服﹐晚上汽車不多﹐又吹著微微涼風﹐所以我們坐下都不捨得離開。同樣的環境(室外only)﹐消費總比隔壁的Pub 便宜多了﹗
继续阅读
和朋友食完晚飯，當然想食返碗糖水啦，但附近又沒有什麼更好的選擇，就只得這間。我們叫了焗西米芋茸布甸和芒果爽爽。焗西米芋茸布甸- 每次食這甜品，就會想起老闆娘以前做的焗布甸，今次就來回味一下，味道唔算太甜，芋茸很滑又香，西米也煮得很腍，只可惜表面燒得唔夠，因此唔夠脆和香口。芒果爽爽- 芒果新鮮好味，味道也唔算太甜，幾合胃口。只是地方太細，坐得唔多舒服，出入都非常麻煩。
继续阅读