滿江紅小甜甜 (已結業)

滿江紅小甜甜今日同朋友係銅鑼灣搵食，幾年前食過一次覺得唔錯，唔知道而家水準仲keep唔keep得住呢🤔金菇肥牛鍋(麻辣燙)~$88份量都幾多，入邊有金菇，一碟肥牛，略嫌唔夠辣，但都OK幾好食原味焗蜆~$78份量好多，蜆唔算好大，但係好惹味，蜆肉鮮甜好食炸饅頭六粒~$28熱辣辣新鮮炸起，再點啲煉奶超好食辣子土豆絲~$48餐前小食，啲餸未嚟我哋已經食晒，土豆絲好爽口，辣辣地好開胃西瓜汁~$22正正常常，不太甜白飯~$12滿江紅小甜甜🏠：灣仔駱克道393號地下☎️：28366971

呢一間餐廳係專門食辣嘅咁就入面有好多唔同種類嘅川菜咁譬如係辣炒萵筍 今次過嚟食酸菜魚炸饅頭同埋乾拌鍋酸菜魚 魚肉份量非常多加埋各種芫茜蔥香料湯底非常之好飲魚肉片非常鮮味亦都非常嫩滑辣炒乾鍋有超多辣椒蔥蒜爆得非常之香 辣炒萵筍仍然帶有一啲脆口但係又好香好辣非常好味 灣仔駱克道393號地下平均消費$300評分8/10

最近天氣雖然火熱，心思思想食辣野刺激下喉嚨，經過呢間小甜甜，諗返起以前返通宵更，收工會過黎食野的日子。一坐低就Order左珍寶凍檸茶😂，因爲知道一陣一定會食到出汗。我推薦大家可以嘗試土豆絲，因為土豆絲切到細條而爽口，加上辣椒味道濃郁，都係好食的前菜。大家可以試試小甜甜的魚春煲、雞子煲等，辣味係十分滿意，而且配料足夠，令人會係咁不停去食。

早2個星期(5月19日)同朋友食完，食過返尋味，今晚決定同朋友再試但今晚個大廚係咪換咗？完全失晒水準辣子軟殼蟹勁咸☹️原味焗蜆普普通通🙂辣酒煮花螺d味怪怪地😣蒸魚頭勁多魚鱗😫高力豆沙超多油，d油多到浸埋d糖粉到底發生咩事🥺🥺🥺🥺今晚勁失望希望有所改善

2021年4月3日復活節假期，約朋友出外走走，疫情下只有去行下山，今次由湾仔行去香港仔水塘，晚上當然要去找好吃的，今次有朋友介紹說湾仔的小甜甜的東西有水準，那當然要去會一會她有沒有排位。訂了1900的枱，進店的感覺很特別，燈光很暗，店舖不大，疫情下仍有空枱，也很正常，點了酸菜魚，辣子雞，雞翅尖。酸菜魚端上來，賣相已發現有些不一樣，雖然有泡椒，但好似普通魚湯，沒有花椒油之類的東西，先試一口湯頭，味道不錯，似自己做的魚湯，鮮酸味適中，很微的辣味，更不要想有麻辣的口味，相信是要迎合港式口味。可能是近日吃得多酸菜魚，知道味道那裡有分別多了要求，其實都可以的，可是最扣分的是魚肉魚片全部帶魚骨，吃得很不爽，雖然有很多大豆芽之類的配菜，但今晚吃完之後，我跟朋友說，這家店有些把我想再吃酸菜魚的熱誠降下去，吃完這家的酸菜魚後不想再吃，不想再去尋找探索了。辣子雞無乜肉吃，得過辣字，雞翅尖得個咸字，返來再吃的機會在我自己而言，是negative的，最要命當晚吃完後口渴。

.滿江紅小甜甜 (灣仔)麻辣魚春魚卜煲好似好出名都幾爽口又香 啱啲鍾意嘅人食但因為我麻麻哋食依啲所以淨係食咗幾啖但係佢嗰個青瓜真係好入味！好食！田雞都好食 都入味不過略嫌唔夠滑！因為當你食過啲好滑嘅就返唔到轉頭但係香港比較少食到所以冇得咁比豆豉鯪魚油麥菜超級推介出奇的好食油麥菜唔會係老嗰隻 仲要係新鮮油麥菜買得靚都要識揀！因為街市有好多都係老既油麥菜 好難買到啲嫩既 所以推薦大家試鮮茄香茜魚頭湯 湯好濃好入味但我個人麻麻個湯 略嫌有啲濃 比較鍾意飲廣東湯多啲📍滿江紅小甜甜 (灣仔)灣仔駱克道393號地下

以前都成日幫襯呢間野，但係都係晚市，一直都覺得唔錯。隔左差唔多一年，今日去左試lunch，真係好後悔，食到嬲。口水雞：似係白烚完求其淋d辣油辣醬上去，完全唔入咪。食到雞肉既咸味多過辣味。順帶一提，佢地既口水雞係暖身既，我本人就比較prefer凍個隻。酸菜魚：酸菜真心少，個湯完全係清淡到一個點，估佢地唔係煮左好耐，完全索唔到酸菜味。講返舊魚，以前晚市食都係好軟滑，今日食個件又老又硬，仲可以聞到陣腥臭味。除左菜色上，成間野晚燈都好暗，經過門口以為冇開門，氣氛好差。午市除左午餐，單點既菜基本上都缺乏，而午餐得個兩三個係辣既，唔明當日既川菜食堂點會變成咁。唔會再去。

介紹呢間川菜應該已經有不小人食過，呢個店舖有銅鑼灣分店和旺角分店。兩個地方都算方便到達，唔講咁多介紹吓啲食物先。1️⃣超級好食嘅南瓜餅（個人認為係我食過咁多間南瓜餅之中最好味嘅一間）首先，皮脆真係好重要🤗食落好新鮮 不過南瓜味就唔係好重。但真心好味推介大家試吓‼️‼️2️⃣蜆煲／田雞煲（就一般般正常嘅味道，不算出眾）

A rather unpleasant experience. Bad attitude! They will insist you to wait outside until "everyone has arrived" even when there are plenty of untaken tables available, and even when we were just waiting for one person in our group. They won't care if it's scorching hot or wet outside. The way they tell you to stand outside (making you stare at the empty tables through the little glass door) is just simply rude! No consideration at all. I guess they simply don't care about customers or service.We

忙足全日，做完野已經是晚上11點，站於銅鑼灣街頭覓食，想食特別一點的菜色。老公建議食呢間，進店後覺得裝潢一般，舊舊的而且感覺不太乾淨，但完來食物很有驚喜。辣子土豆絲我嫌有少少過濕，但老公覺得剛好，蒜味和辣味都能夠入到薯絲裡面。薯絲粗幼均一，口感一致，不錯！原味焗蜆好有驚喜，又係蒜同辣既組合，今次仲加了濃濃的紹興酒味，雖然香味一般但食落酒味很濃，更能帶出蜆肉的鮮味！很好！水煮雞一般般的菜色，水晶粉太軟身，一夾就斷。雞件太細件，味道正常。最推介既係我平時最喜歡的炸鏝頭，呢度的鏝頭又大舊，油清令鏝頭表面金黃色，但包身水份又保留到，証明呢個鏝頭在存貨果時不算放得很久，沒有被抽乾水份。非常推介！四款菜色加兩飲品，埋單$318，抵！最後讚一讚侍應，見到有孕婦會多多照顧，安排大一點的枱，好細心！

行完銅鑼灣，但又想食中菜，就諗到來呢間小甜甜。食過旺角分店，灣仔相對地無咁多人，起碼唔洗等位。坐低，叫左個奇味雞煲，炸饅頭，蒜香雞翼，炒土豆絲，同豉椒炒蜆。奇味雞煲有少少失望，因為個味就唔太惹味，辣又唔夠，味又唔夠，所以失色左。炸饅頭就抵食，好多個，亦好味。蒜香雞翼香口，不過不失。炒土豆絲反而有驚喜，因為平時好少食到，亦唔會自己整，爽口得來又夠味，不錯！炒蜆就勁辣，同有啲沙，鑊氣都唔夠大排擋來。整體好食，不過下次要揀過啲更好味既！

來這裡就只有一個目的--買春！！！㊙️㊙️我們要的是魚春！！！小甜甜的麻辣魚春可謂名物, 不少食客都為此而來。可惜今晚我們和好幾桌姍姍來遲的食客都失望了。🗿🗿 不過就借此機會試試新花樣吧!🤤🤤🤤 今晚實在重口味，點了豬腦，🧠🧠名符其實食腦。希望以形補型有用吧！ 🤪 🧠🧠麻辣豬腦鍋：端上桌就是一個腦的全貌！！！這個畫面就像奪寶奇兵吃猴子腦的情節。鐵鍋下的小火細細燒著，同桌一邊叫我等等，可是我沒有聽他，一夾下去放進口中——哇！強烈的豬腦味，有點像豬肉味吧，但又摻雜了別的味道。咬上去有點像放久了的豆腐花，形容不上的怪異。🤢🤢友人說煮久了口感就好，不知道是味蕾接受了還是真的煮久了就好，吃著吃著就似吃海膽。 🐖🐖尖椒炒肉：湖南名菜，又叫＂農家小炒肉＂。聽說在湘南一帶的菜館都能點到。炒最賞心悅目之處是它充滿鑊氣的香味，加上三高爆燈的油光，肉條咬上去爽口，夾著尖椒惹味的香氣和刺激的辛辣——唔該要碗白飯！！！

第一次黎小甜甜係午餐時間，因為今次無點影相，但都可以簡單介紹一下！主食類比較偏向川菜非常適合愛吃辣嘅朋友當然也有一些不辣的家常菜囉！午餐嗌左個口水雞餐，一人份量都足夠，麻辣味重，辛辣味後期漸濃，另外仲有湯同菜送，午餐來講優惠又抵食！另外單點左 薑蔥魚春魚卜煲值得推介，魚春卜卜脆，一淡魚春一淡魚卜再加埋啲蔥一齊食真係無得輸，入晒味，個煲由頭到尾都熱辣辣，好滿足。值得一提嘅係，今次我同朋友點左兩杯蜂蜜火龍果汁，絕對唔會失望，甜度岩岩好，又足料，飲到蜜糖甜味亦有濃濃嘅果香！菜圃蛋一道家常菜食落唔鹹，味道啱啱好整個份量好足夠，一疊四個人食夠！煎得好香口，真係送飯一流，呢樣小菜好有家嘅感覺！

今晚突然間想過來食個宵夜，雖然時間已經唔早啦，但仍然仲有幾多人。麻辣雞煲同番薯糖水。麻辣雞煲其實唔算好辣，只不過麻得過癮，食到停唔到口。食完辣嘢，在來碗番薯糖水，簡直是非常好噶享受，飲完糖水麻噶感覺基本就散左了，一聞到隔離臺噶辣味，簡直想再嚟一份。

兩個人夜麻麻先係銅鑼灣收工搵野食，經過小甜甜點知仲要排隊，咁就排啦，不過好快就有位啦，坐入面間房，但係入面係無訊號鋪頭又無wifi，都好兩個人可以放底電話慢慢傾下計😂😂每次都必點既係魚春煲🤤🤤好多既魚春係面，每粒都係爽脆既，唔係淋身個啲，下面有青瓜，有蘿蔔同薯仔，煲一陣等佢地淋晒入晒味，愈煲愈辣，愈辣愈好味👍🏼👍🏼😂叫左大大杯既青檸樹，好多既青檸不過真係好酸🥴但係好解辣叫左個蒜蓉炒萵筍，好爽好好味☺️兩個人都食唔晒再整多個焗蜆，好鮮甜，但係唔係太肥同有啲有沙