滿泰

营业中

休息中

出trip 做野早咗入機場，梗係去歎返個靚早餐先啦，禁區𥚃面food court裝修完，多咗D新餐廳，行過見到間泰國野有船麵早餐，入去試下先個彼得包幾鬆軟，香口炒蛋正常，最緊要係碗船面，湯底濃郁都幾好味，不過啲麵就淋左少少，少少敗筆，總體算ok

其實大家都知係機場食野又貴又唔好食 雖然好似好多選擇甘 但其實又無咩選擇 睇食評見大家彈多過讚 不過作為一個機場員工👩‍💼我可以話俾大家聽 滿泰既lunch我真心覺得係機場入面算唔錯既餐廳 而且價錢唔算貴(對比機場其他餐廳) 😅 所以都想推介下俾大家多個參考滿泰係一間泰國菜既餐廳 位置禁區內 係過完海關同入境處之後向前少少既food court入面 不過food court暫時一部分仲翻新緊 不過都算容易搵今次同同事就叫左湯麵 亦係我覺得唔錯既選擇豬頸肉湯金邊粉 (+$5轉冬陰功湯底) $63(好味指數: 😋😋😋😋😋)黎個真係5星必食之選 我指個湯底 平時食冬陰功湯底既湯粉通常都好淡味 但黎個完全唔同 冬陰功湯好濃 配金粉邊吸晒d湯汁傳統船麵-什錦 $68(好味指數: 😋😋😋😋)黎個一真係滿足幾多願望 有豬皮 魚蛋 札肉 豬肉片 牛肉 真係好足料 個湯底真係正宗船麵風味配蛋麵因為唔係成日有時間過到黎食lunch 所以食左幾次都係湯粉(真係太掛住個冬陰功湯) 下次有機會都想試下佢d炒粉面飯(為最高)整體食物質素: 性價比: 推薦指數:

食物 : 豬頸肉湯金邊粉賣相 :一般般，不太吸引味道 : 7.5/10 ，飽肚之選，不能要求太多環境: 7/10，機場位置坐價錢 : hkd 56/1人性價比: 8/10 ，以機場而言不算貴

一早就要飛啦，邊趕得切食埋嘢覺出嚟啊，都係check in完，過晒安檢先再他他條食啦。入到嚟先知，原來餐廳嗰邊裝修緊啊，得返幾間餐廳揀咋，叫到有職員喺度叫人埋嚟睇吓，又睇吓啦，早餐都咁重口味點搞，但係無得揀嘅情況下都要食㗎啦，唔係餓死咩。最後叫咗個泰式肉碎扎肉通粉配炒雙蛋比得包，真唔平㗎，都$52。因為呢個望落好似無咁heavy~味道認真麻麻，但係叫食得飽啦。不過個蛋都炒得幾滑，不得不提個比得包，我同朋友完全摸不著頭腦，唔知係點食法，個包都幾乾，夾蛋食又好怪，就咁食又無味⋯希望隔離啲餐廳快啲開返..

臨上機前要食飽d，機場全部餐廳都排哂長龍，咁我地就隨便幫襯一間啦...出發去泰國既我地都決定食返泰國野朋友本來想買芭堤雅燒雞飯，但已經賣哂，所以轉左個蟹肉炒飯。點知個炒飯係有條毛髮係上面，好彩拎返去換個職員都好合作，即場倒左，換一碟新既。蟹肉炒飯既蟹肉非常少，只有鋪係飯面既幾粒肉不過食落都幾香，如果飯可以炒至乾身d更佳。而我就叫左一碗豬頸肉湯麵。豬頸肉有3大片，都算厚切，食得出佢係有煎過，仲幾爽脆。而麵既份量就唔算多，只夠一個女仔食，同埋煮得有d腍，唔夠彈牙。湯就非常夠熱，同埋唔會過咸，我飲左幾啖都唔太口渴

小妹係機場返工，呢邊裝完修之後成日經過都好想食，不過朝早到11點都係咁多人排隊買，所以每次都放棄咗而返通宵雖然唔多人，但係食佢實在太飽同埋怕肥但今次因為飛凌晨機，對上一次食野已經係好耐之前，所以飛之前同朋友決定食完呢間先飛～買嘅時候真係唔太多人，價錢可能真係會貴小小，但機場禁區而家通宵都無乜野食，呢個價錢黎講都可以接受啦！款式同朝早其實都差唔多～我同朋友都食咗泰式豬頸肉金邊粉(冬蔭功湯)加杯泰式奶茶！通宵真係會快好多，等一陣好快就有得食啦！唔好睇佢細細碗，其實佢份量都好多！個冬蔭功湯好好味，好味到我飲晒成個湯豬頸肉都有好多舊，都足料架！泰式奶茶同係泰國飲嘅一樣！貴就貴咗啲，同埋無咁多日的確會好好多！有機會嘅話如果日頭果啲時間都咁好就好啦！

早餐在機場禁區吃，沒想到遇上美食區在裝修，有些餐廳不見了 最後見這家頗多人吃就試下，好像是新開的!? 、(•⌔•⑅)泰式肉碎扎肉金邊粉 配炒雙蛋比得包 ($52) 份量來說會吃得飽吧~而且還有不用加錢的餐飲，選了咖啡湯底比較清一點，味道普普通通 ... 大概機場的質素應該差不多就這樣?是說那蛋可以選烚蛋，但買餐時店員完全沒有問過 Orz .. 幸好炒蛋也頗滑的沒有料的比得包，能吃到麥的味道 ... 最後還是自行將蛋夾進去來吃泰式牛肉船麵 配炒雙蛋比得包 ($52)完全是因為"船麵"二字才選的！這個湯底較前者濃得多 (oﾟωﾟo)連牛肉也很入味，但自己不太喜歡麵條的口感偏硬身而且蘿蔔超老 .... 

去旅行準備上機前當然係去搵下嘢食先啦，去到赤鱲角國際機場，通常我都會過完海關先食嘢，原來宜家裝修緊，所以剩返幾間鋪頭。行左好耐最後決定食滿泰，叫咗個香辣肉碎飯同埋泰式牛頸脊金邊粉。泰式牛頸脊金邊粉份量好少，呢個價錢一啲都唔值，食幾啖就冇，完全醫唔到肚，朋友食完之後話完全冇食過，仲係好肚餓，但味道都OK。至於香辣肉碎飯剛剛相反，勁大份，食到勁飽。味道都幾好食，有少少㗎，啲飯軟硬適中，建議食飯好過食粉。希望入面快啲開埋其他餐廳，等我哋可以多啲選擇。

由於平時去機場禁區多數食麥x勞，到禁區內先知冇左，咁要尋找一間店食早餐，見依間都算多人，感覺上好似好味道！咁決定一試扎肉配通粉，依個組合其實怪怪既，因本身米粉改做通粉，但個湯底認真唔掂淡到冇朋友耶..沙爹牛肉麵依個組合係比較好味、雪菜肉絲米，雪菜同肉絲真係小得好可憐喔⋯⋯米粉仲要用普通牌子米粉唔係某好味品牌既米粉.不過呢碟炒蛋真心覺得係大份既，但係冇味同好碎，嗰件麵包完全唔識欣賞，一口咬落去冇味同冇味，白麵包可能好食過佢！人流決定一切，係機場禁區黎講係另外一回事

New choice at hong kong airport.Good choice on the menu including some grab and go items. We went for a fried rice and a tom yum seafood noodle. Wait was average and easy, wait for your number. Fried rice lacked a bit of flavour however the noodle soup had a good flavour to the broth. As expected from airport food!

I ordered Tom Yam soup noodle.And i was waiting for more that 30 minutes even there was no customer before my order. I thought they just wanted to serve many orders simutaneously so i kept waiting but aftet 30 minutes, i asked servers about order. Although i asked them to prepare my food since they forgot and throw away the paper which my waiting number was written, they just did other useless thing and made me wait over 50 minutes without any reason. I hope this mistakes not happen again for o

裝修不錯的門面，以為香港機場多了一間泰國美食店、於是買了個船面做早餐，取餐時以為對方比錯餐我，後証實無錯。幾塊牛肉片置於面上顔色百份百似豬肉片，湯水根本和即食麵的沙爹湯一模一樣，並非泰式的深黑色湯，成為碗麵就真的只有面和幾塊肉片。葱花？芽菜？等等什麼都沒有，有點被欺騙的感覺，因為經常有㫓泰國餐的原故，所以會要求高小小，但是就算在街邊随便走入一間茶餐廳，也很難食到如此低的品質，套餐還包括了一個炒蛋，及一塊像煎餅的面包，真的是不論不類。大家有興趣，不防去試試。

晨早出機場，唸住食個靚早餐再出發，見到呢間新開滿泰，裝修好靚，門面好大，就唸住試下。點咗船麵C餐配烚蛋。等緊攞野食已經覺得伏味濃。排我前面幾個客人都好似唔係好滿意咁講 '嘩！乜咁架？' 望一望佢哋盤湯金邊粉，個湯係滾水烚公仔麵咁嘅色。心唸: '唉！金翅XX鳥' 終於出咗我個餐，雖然賣相好少少，但完全第二樣野嚟，似沙嗲牛多啲，仲要好難食，仲衰過普通茶餐廳。碗大大，麵少少。烚蛋烚過龍，成個蛋黃灰色。俾多幾蚊食個正斗唔好？

路經新開業的泰國餐廳, 點了一個船面早餐。 出餐時一度懷疑是否給錯了另一款食品? 經確認後沒有出錯, 店員說是船面無誤。 這船面跟我吃過的沒有任何相似之處, 跟餐廳燈箱上的圖片也截然不同。 湯不是正常船面應有的茶黑色, 而是像一般沙爹牛面啡色的湯。牛肉更跟不用說了, 有點 也沒有圖片中出現的金不換。面條就真的用了泰式面條, 可能煮的時間不足, 感覺有點生及硬。除了面條外本身就是一碗沙爹牛面, 而且是不好吃的那種。 這根本就不是船面 !! 從湯到配料也找不到船面的任何元素, 令人失望。這個餐還配炒蛋和一片彼德包, 炒蛋屬正常水平, 彼德包偏硬, 我沒吃上幾口。 飲品方面我點了一杯凍檸茶, 整體正常, 有點特別的是配上紙飲管一根, 使用上沒有甚麼問題。