滿滿 (已結業)

初初開無乜人幫襯，到而家見到好多熟客仔，一直都好鍾意同屋企人一齊食滿滿，老闆同廚房姐姐好好人，好有親切感，去親食都好開心野食方面又啱口味，雖然唔食得辣，叫左bb辣都食到，好惹味！最鍾意食青瓜同薯絲，豬扒同豬手都好正！！雖然舖頭位置唔係幾好，但我同屋企都會間唔中幫襯今日爸爸去食晏，聽到老闆同啲客講做到下個月14號真係好唔捨得呀！希望佢哋他日可以另覓舖位，有緣再食到滿滿。未去過又咁啱見到食評嘅街坊可以去試下～～～

今日行過富健街市，探下水果鋪同印尼鋪兩隻喵喵🐱，係呢兩間鋪嘅中間就係呢間滿滿，都開左一段時間都無食過，見天氣咁熱又有涼麵食下，咁就同朋友去試試佢啦！😌我朋友叫左碗重慶酸辣腩肉米線，我試左少少，個人認為個酸辣偏酸左啲，腩肉好食好淋👍🏻而我就叫左重慶微辣雞絲涼面，個汁整得好好，夠哂麻香！！我地仲叫多左個紅油抄手（10粒）超級惹味😋😋，個皮都夠簿身！唯獨覺得杯凍檸茶無咩茶味🤣🤣🤣整體黎講唔錯，不妨可以試試！！

位置：在街市的後巷，所以小巷的衛生情況不理想，見到佳寶店後轉入小巷，前身是閨家。環境：門面以白色牆身和玻璃窗，窗口貼上其招牌菜，室內空間不大，大約五六張枱，天花有假藤葉作裝飾，亦有一個掛牆電視。午市：重慶涼麵配牛𦟌(小辣)$40份量一般，我只是七八成飽，可能是沒有很多配料可以吃，只有牛𦟌，整個麵最棒就是其醬汁，因為是夠香麻辣，有青瓜絲、姜蒜、葱花、油潑辣子、香菜、花椒等，雖然我只是小辣，但我都吃到流鼻水，吃辣的朋友就可以一試。

平時會出九龍食四川菜，今日落雨無意間經過呢間，買了平時愛吃的涼麵，加了牛展選大辣，本來沒抱太大希望，沒想到出乎意料的好吃，比外面連鎖的四川涼拌舖正宗好多，辣度也夠，之前買其他間的都沒有香味得辣同油，但呢一碗真的讓我驚豔，牛展沒雪味，而且麵條也不同其他店，比較幼身但又有咬口沒有麵條冰過的那種硬度，下次想試紅油抄手，老闆話係正宗重慶小雲吞，（之前食其他間係比餃子完全唔正宗）。呢間真係值得一試。老板同老板娘都好有禮貌

之前上網見到有人介紹富健街市既【滿滿】，我就去試一試，首先我打電話問少少資料，知道逢星期三休息。。來到了，我點了口水雞、涼拌豬耳、蒜泥白肉、重慶薯粉（走辣多麻）、涼拌粉皮。。味道是正宗四川的味道，整體唔差，大家可以支持吓。。

屯門區嘅朋友又一美食選擇滿滿主打酸辣麻辣美食仲有少部分嘅港式食物𠻹今日我就孖住細佬走入富健商場食下先我哋兩個都唔算好食得辣酸還好～麻就未必食到老闆娘都好細心先了解我哋嘅口味同接受程度再為我哋準備第一樣要提嘅係一定要食佢哋嘅紅油炒手！每一料都係店家自家製 自家調配口感份量十足佢哋嘅酸辣米線酸辣粉都食到我哋大叫過癮配埋唔同嘅小食有豬肚 豬耳 又開胃 又好味食完一啖又一啖每逢幫襯小店都會好開心因為價錢公道 食物高質 又有濃濃嘅人情味

最近行開龍門居，發現咗呢間隱世小店，所有嘢食味道都好一流❤️❤️❤️涼皮調味得啱啱好，加上唔同嘅配料，芫荽控必食🥰🥰🥰🥰🥰🥰🥰🥰🥰🥰青瓜份量大大碟，食極都仲有，果然係良心小店😍😍😍😍😍😍😍😍土豆絲入味爽口，加埋芫荽同唔同嘅醬汁，配搭剛剛好😋😋😋😋😋😋😋😋😋紅油抄手味道超級惹味，都係必食推介😏😏😏😏😏😏😏😏蒜泥白肉係最必食，份量多而且超級入味，重口味人士必食！！！！❤️❤️❤️❤️❤️❤️

今日去屯門探個朋友 探完佢之後朋友帶左我去佢屋企樓下食嘢 餐廳叫：滿滿 位置都幾隱蔽下 喺街市嘅嘅巷仔入面 今次真係捐窿捐罅搵嘢食這裏主要係做街坊生意 價錢相當平民 但係份量一啲都唔少 而且食物質素相當有水準 以川菜及港式美食為主打雖然店舖細細 但係幾有家的感覺 用餐完全冇壓迫和侷促感 老闆娘非常親民 結帳時一句：嘢食好食嗎？ 完全深深打動了我 為咗令餐廳食物更進步 探索客人既感想 是力求完美的表現蒜泥白肉套餐$60 辣到可分大/中/小辣 小辣唔係好辣 辣度非常柔和 蒜味極重 芫茜極香 白肉切得很薄 每片都帶有豬皮 豬皮口感煙韌有咬口 肥瘦均稱 肉質淋滑又香口 份量好多堆到成座山咁高 蒜泥送飯一流 超好下飯重慶酸辣粉$27 另加配料 雞絲$8 酸辣粉味道正宗 又酸又辣勁開胃 紅油湯底帶有醋香味 酸酸味味 亦有辣椒/芝麻的辛香味 同時亦加入脆花生及榨菜絲 因此湯底並不單調 層次感十足薯粉是比較粗身的 食落煙煙靭靭 咀嚼時有種 回彈感覺紅油抄手10粒 $27 好抵食 一啖一口 皮薄而且潤滑 餡料夠鮮南乳豬手$51 一碟有六至七件 份量夠多 超重膠質 食完個口有黏黏的感覺 誇張啲講句冇牙都食

朋友說在富健花園樓下開了一間好吃的重慶川菜，他帶我穿過街市，來到了佳寶對面的一條不顯眼的小巷中間。新開張的小店光猛企理，白色裝修主調配以假綠葉天花，像是去了文青小店，與街市小巷格格不入。一行四人，我們點了🐱口水雞套餐 $60 👍🏻👍🏻👍🏻👍🏻👍🏻口水雞份量挺大，飯量也很多雖然雞切得有點碎，但很入味麻香味很重而且老闆娘很貼心會建議沒有常吃辣的我們先試BB辣BB辣也很夠香很夠辣惹味但不嗆而且雞肉挺滑拌飯一流🐱重慶麻辣粉$27 👍🏻👍🏻👍🏻👍🏻👍🏻非常特別薯粉粗身彈牙麻辣湯很足料花生、芫荽、蔥、芝麻口感十足老闆娘建議BB辣至小辣中間味道剛剛好🐱加香茅豬扒 $15 👍🏻👍🏻👍🏻👍🏻大塊鬆軟淡淡香茅味🐱加泡椒雞翼 $12 👍🏻👍🏻👍🏻👍🏻涼拌小食酸酸辣辣非常開胃🐱加大腸 $8 👍🏻👍🏻👍🏻👍🏻滷水味濃，份量多🐱涼拌水晶粉皮$27👍🏻👍🏻👍🏻👍🏻👍🏻麻辣開胃粉皮彈牙爽滑配青瓜絲、爽脆花生、芫茜、蔥等非常有風味🐱重慶雲吞10粒 $27👍🏻👍🏻👍🏻👍🏻木耳絲配豬肉加麻辣湯一口一隻，皮薄有口感🐱紅油抄手 10粒$27👍🏻👍🏻👍🏻👍🏻跟雲吞差不多，但配以麻辣油🐱涼拌木耳$22份量多，爽脆🐱涼拌蓮藕$22口

滿滿 (屯門)屯門龍門路45號富健花園地下40號舖雞翼肉醬飯$48雞翼香脆可口，肉醬鹹鹹香香，配上飯來吃人流。非常喜歡這裏的雞翼，肉醬也是精心炮製，很有家的味道。豬扒雞翼飯$45轉菜飯加$5菜飯非常好吃，我的女兒吃了一整碗。飯除了有淡淡的麻油香，還是甜甜的，看得出是用心製作。豬扒炸得非常香脆可口，雞翼也是香脆嫩滑。小小的一檔食店有這個質素非常不錯。麻辣牛𦟌$51非常大碟，牛展量非常多，平時吃外賣也沒有這裏的多。麻香四溢，辣而香！牛展滷得嫩滑，同時保持口感！涼拌雲耳$22云爾是非常有益的食物，平時我就很喜歡吃云爾，以這裏的涼拌雲耳辣得來香脆！涼拌海帶$22我本身非常喜歡吃川菜，但不是處處有涼拌海帶，這裏有所以立即點了來吃，爽脆的海帶，配上香氣四溢的配料。紅油抄手15粒$35好抵食，15粒雲吞，也只是$35。雲吞粒粒肉口，抄手最講究就是醬汁，而這個醬汁辣得來還是香麻的！跟餐有嘢飲，好抵！這些人情味小店，買少見少，我以後會多來。老闆送了碗雲吞俾我女🤪好好食！

街坊生意做到咁既，見佢新開咁，去到叫左個口水雞外賣，等左超過半個鐘，但見無人食堂食又無咩外賣，原來係整熊貓同其他個d外賣啦。都唔緊要，一開個餸驚為天人！D雞係一粒粒勁細粒。超級難食，勁少，同埋想請教隻雞在邊到入貨，點樣可以咁細隻。可能佢淨係做外賣去其他區害人啦，以後一定唔幫襯！

今日我哋經過富健花園街市，行過一個巷仔，見到滿滿呢一間店舖，就入左去食嘢店舖內嘅裝修簡單舒適，環境衛生都好整潔乾淨滿滿係主打四川菜，飽肚之選就有麻辣同酸辣米線/紅薯粉 ($27)，有唔同嘅配料俾你選擇例如：豬大腸、豬腩肉、雞絲、魚蛋、蟹柳等等……仲有……點少得小食同小菜呢！而家天氣咁熱，食返碟涼拌皮蛋、涼拌蓮藕、涼拌豬耳粉皮，不但消暑，仲好開胃啊另外，重慶雲吞都值得一叫啊 雲吞皮夠滑夠薄，餡料有木耳豬肉，每一粒雲吞都睇得出老闆老闆娘嘅用心製作辣方面，係有Bb辣、小辣、中辣、大辣！佢嘅辣會令你想不停食落去老闆同老闆娘都服務態度非常好，好友善位置方面係喺富健花園街市內街，生果檔隔離大家都不妨去試下啦

今日去富建搵朋友，諗住喺佢屋企附近食啲簡單野，經過一間餐廳嘅門口，見入面光光猛猛，諗住簡單食，點知間餐廳個menu入面有好多川味菜式，因為價錢唔貴，樣樣都想試下，但得2個人又唔叫到太多野，所以就問老闆有咩好介紹，我地叫咗幾樣老闆介紹既野，好驚喜，好好食，所以我地再叫多2樣野，最後2個人叫到成枱都係野，但都係二百幾蚊，真係好抵, 性價比高，老闆同老闆娘又好NICE, 咁既味道和價錢真係值得多d客，但佢個位真係未必咁易俾人留意到，大家真係可以去試下。我地點咗以下既： （全部可自行決定辣度）涼拌水晶粉皮 $27 （可加錢揀餸）- 雞絲粉皮食得多，涼拌第一次食，估唔到好好食喎涼拌蓮藕 $22 - 如果唔係老闆推介都唔會叫，但真係好好食蓮藕好爽，老闆話熟客最愛top 3涼拌黃金皮蛋 $27 - 係用黃金皮蛋架， 好食😋涼拌豬耳 $41 - 入晒味，食完下面仲有青瓜絲可以食口水雞 $51 - 口水雞撈晒汁, 好好食，下面又係有青瓜絲可以食重慶雲吞 $27 （10粒）- 細細粒既雲吞，老闆娘話佢自己包，所以好新鮮，最初驚叫10粒食唔晒，最後都食得晒.