滿漢小館 (已結業)

晚飯兩個人吃，點了肉絲津白，上海菜肉小雲吞，熏魚，酒釀丸子和豆漿. 整體來說食物還可以，味道比較淡，感覺沒有太多味精，比較家庭式的口味。熏魚有驚喜，旁邊食客點了上海粗炒，看上去味道不錯。酒釀丸子有桂花味，不是很甜，但酒糟味道不夠。有機會會再回來光顧。

啱啱食到一半就忍唔住，開黎睇下大家啲評語，後悔冇睇到大家啲負評就以身試伏。從來冇寫過食評，今次真係伏到一定要寫。🥲🥲🥲嘢食冇香味，味道係未食過嘅般嘅難食。雞扒中間係奇怪粉紅色，好油淋淋，炸皮同肉係分開。兩碗擔擔面，一碗極杰(得咸味)，一碗極稀(冇味)。本人食咗一啖頂唔順，比朋友幫我搞掂🤣(出左鋪頭，朋友默默表示🥲好難食🥲)價錢唔係特別平，似貼錢買難受🥲員工態度差，講嘢冇禮貌。落完單，張單拋落張枱度。食到一半拎起手機，就走過黎趕住收走啲嘢(???)唔會有下次了😀

一坐低，餐牌同枱都痴笠笠，諗住都多人食，都試下，點知後悔醉雞飯，凍既，無醉酒味排骨粗炒，面ok, 啲排骨都係落左啲鬆肉粉熱奶茶：第一次黎到唔夠奶，再飲，啲茶係苦澀佢話佢地係上海舖，無茶走，我明但係普通奶茶都做唔好，就唔好賣la熱檸茶，黑過密斗點解無相，因為無諗住寫食評...點解要寫食評，因為服務態度唔好話得2個人番工，好多野甩漏，都會體諒...催左幾次檸茶未到，就話cancel,個員工就話轉頭）已經成肚氣就埋單走人，個老板娘先拎黎，我地話唔要，佢就話唔一早講，係到大吵大鬧一早同佢員工講左，係佢唔知🤬🤬🤬🤬飯，面60蚊起跳，飲品要加錢，啲質素對唔住個價錢

今日同朋友去石門尋找美食，本身諗住去食拉麵嘅，行左一個圈，朋友話俾呢間中菜吸引左，因為附近餐廳好似都唔算多人，得呢間比較多人，可能會好食d掛！入到去睇完menu, 我地就叫左老潼關肉夾膜（$38）、夫妻肺片（$58）、雪菜湯年糕（$62）、半隻雲吞雞煲（$148）。第一樣黎嘅係夫妻肺片（$58），入面主要都係牛肚，同埋幾片牛肉，又唔覺話食到好多其他牛嘅部位，本身黎嘅時候見到滿滿一碟，以為有好多牛雜，點知原來下面其實係一舊舊嘅青瓜，有d失望，雖然冇想像中咁大份，但其實都唔算細份，2個人食剛剛好！味道方面，雖然見到成個底都係辣椒油，但唔麻亦都唔辣，如果係辣味愛好者可能就要額外咁加辣啦！老潼關肉夾膜（$35），外面酥皮夾住鹹鹹地嘅肉碎，外層酥皮係脆嘅，餡料都好豐富，口感非常好，亦都好足料，朋友食完係大推，話下次要再黎食，但我個人就覺得個餅略為有點乾，配返個野飲會好d!雪菜湯年糕（$62），本身叫呢個嘅原因係因為怕個夫妻肺片太辣，所以叫個湯年糕，中和下，點知原來根本冇呢個需要入面除左有雪菜外，仲有好多嘅切碎左嘅娃娃菜，湯底方面我覺得有少少似魚湯，因為有少少腥味，年糕方面都麻麻地，成盤入面可能有

我打電話去問再賣有冇折，個老闆娘話滿100就有9折，咁我就落單叫外賣自取，都取時佢就話冇9折，我就照俾錢啦，回家後諗諗下覺得怪怪地，再打電話去問，佢依然話係有9折，我話剛才自取時你都冇俾（我有問），佢即時在電話內講基本上係冇9折（咩係基本上），所以佢話當佢講錯，我心諗你唔俾折我，我都諗住幫襯你一同共度時艱，但呢間舖頭實在唔老實，你叫我下次幫唔幫襯你好，基本上係冇折，但又同你講有折，俾錢時又話冇，如果我係有心玩嘢，我直情唔要啦，祝佢生意興隆，越呃越有

石門都幾多嘢食，今次去了一間食上海菜的餐廳，分別點了滿漢小籠包、老潼關肉夾膜、蔥油開洋拌麵、水煮牛肉麵、蒜蓉窩芛及芝麻豆漿。先講小籠包，咬落去唔多汁，唔夠熱，同埋啲肉餡有啲「鞋」，唔係太掂。之後到個老潼關肉夾膜，個餅皮都幾鬆脆，不過唔係太夠熱，而啲肉幾香同濃味，如果熱啲會幾好。至於蔥油拌麵個味道唔錯，不過份量偏少，而個湯就偏淡。而水煮牛肉麵就唔係太夠辣，牛肉就係普通滑牛肉，同埋唔係太入味，似係煮熟個麵就咁放啲牛肉上去再加湯。反而個蒜蓉窩芛食落去幾脆，加上蒜蓉變得幾香，唔錯，亦係全餐最好食的一道菜。

#石門 #滿漢小館 係呀，又係石門呀🤣今次呢間隔涉少少，係一期最角落，仲要唔通商場，要係出面入去呢間上海野，我無記錯嘅話，呢間應該係石門惟一一間有#小籠包 嘅上海野😍🤤#小籠包 似係自己包嘅，肉餡味道同外面嘅唔一樣，皮唔算薄，juicy😋😋😋😋😋#上海炒年糕 超級多年糕，偏硬咗少少，肉絲有鬆肉粉味，一般，醬汁咸香，不過下次唔會叫，食到我牙骹軟#水煮牛肉麵 正👍大陸風味🤣🤤#凍檸茶 茶味淡，但解辣一流😄味道: 7/10味精: 7/10價錢: 6/10環境: 5/10服務: 6/10

第1次食，食物冇味，醉豬手冇味，唔入味，好似白㕸浸酒咁。飲品難飲，凍啡原來冇味，叫佢換過，仲要態度勁差，講真杯凍啡唔係加幾蚊，係正價18蚊，唔會再有下次，垃圾。

上星期姨仔生日，去左沙田某酒店stay cation, 由於外父都有去，佢淨係食中菜，所以最終喺石門搵到呢間。開頭睇open rice, 見到啲食評好偏激，本來都諗住再搵其他，但老人家攰，所以照入去試。我哋一行8人，叫左十幾碟餸，千二三蚊，當中包括雞扒菜飯、小籠包、上海粗炒、糖醋骨、酸菜魚、肉夾膜等等。其實味道真係唔差喎，當然上海餐館例牌偏油。酸菜魚我都推介㗎，而我老婆就覺得甜品都唔錯坐位就真係麻麻。整體嚟講，平衡埋價錢的話，我覺得係算好嘅，可惜掛住吹水無影相。

睇食評就好負面，但食落覺得唔錯，今次第二次黎，都係叫返小籠包、回窩肉、魚塊，今次叫埋上海粗炒同揚州炒飯，全部都ok。味道ok的，一杯凍奶茶夠飲，之前食過另一間連鎖式既，野飲一杯真係唔多夠，呢度食到野食既味道，唔係食緊味精。

今晚又去石門揼骨，九點幾先搵地方醫肚。朋友想食上海菜，要快靚正，所以又來依度搵食。今晚老闆娘推薦浙江骨，果然不錯調味酸甜適中，勝在陳醋味不會太突出。上海粗炒都好好吃，不會太油，朋友大讚有家鄉風味。我最愛的水煮魚，今晚略有遜色，潑油辣子不夠上次香，原來因為大廚放假老闆娘耐心聽取意見，主動叫廚師再加工，仲要加魚添，個水煮魚先收128，大大兜，搞到我哋都不好意思！但是今時今日咁的服務態度，抵讚朋友食得開心，話以後自己識來啦

星期五晚放工，喺沙田嘆完spa，同老公搵地方食飯。OpenRice睇到依間店嘅評論咁差，唔敢去。但係經過嘅時候，見到依度燈火通明，坐到爆，望吓大家枱上嘅食物，又相當唔錯喎，所以膽粗粗入去試吓。點知非常之有驚喜，水煮魚相當出色用嘅仲要係生魚片，冇骨，嫩滑，仲要有唔常見嘅寬粉墊底，蓮藕萵筍通通都非常之入味只售$128真係抵到冇朋。肉夾饃唔錯，口水雞一般般，酸辣湯稍為遜色，其他手抓餅等等，都表現出色。會繼續支持，如果有埋辣子田雞，干鍋肥腸之類的，咁就更加正啦。

放工晚了, 在附近找了這間吃川菜的, 本想着不靠位置、低價吸客的, 味道方面也差不了多少！ 可惜, 一試便仲伏.叫了幾款食物, 只有肉夾膜算是可以. 其他的也只能概嘆！陽春面 - 清湯沒味, 淨麵一個, 還要$40, 寧可吃碗雲吞麵.蒜蓉花椒雲耳蒸雞- 是普通蒸雞加了花椒油嗎？加了幾粒原粒花椒只是裝飾吧了！因為花椒不經抄过, 裂開, 花椒味根本出不了來的！上海抄年糕 - 顔色是有的, 但不夠味, 要加上豆瓣醬及醋才可入口.整體感覺, 雷聲大雨點小, 有些貨不對板. 廚師技藝有改進的空間, 格介需調整一下.

啲野真係勁難食 諗住係戶戶送 叫下外賣試下呢間野 叫完先上open rice 睇到食評原來個個都話唔好食我就知道中伏了唉 酸菜魚 簡直係垃圾 唔知咩味 酸又唔酸 辣又唔辣個咪道勁奇怪！酸辣湯 又係一啲味都冇 好似飲水咁真係唔係誇張，係我食過最難食既酸辣湯。我真係完全食唔落口 ！！！我真係唔明點解生存到 叫左3樣野3樣野都唔好食 難食 難食 垃圾垃圾唔會再幫襯 大家食前記得睇左食評先啊我連少少都食唔落 千期唔好上當不可一，不可再！好失望

没做資料蒐集下中左伏，酸菜魚無味唔酸唔辣！魚梅梅地，糖醋排骨竟然是hea 煮蕃茄豬扒。打比店主只想了解是不是送錯糖醋排骨？佢啲服務態度態度一流！附上一張糖醋排骨相，只唔想有人再花過百元食hea 煮蕃茄豬扒🤣😂之後睇番openrice 先發現劣評如潮😂第一次係openrice 真心唔想有人再伏，店主基本上無諗過有改善或進步空間🤷🏻‍♀️呃埋政府錢應該好快執！超級難食、超級難食、超級難食的垃圾店！！