滿福庭

营业中

休息中

在一個放假的美好下午，我在鱷魚恤中心選了一間中式茶樓，決定和家人一同休閑地享受一頓精緻的中式飲茶蟹子燒賣金黃式的外皮包著滿滿的肉餡，面頭還有蟹子點綴，散發出誘人的香氣，每一口都是嫩滑多汁 。古法馬拉糕濃厚古早味的甜點，馬拉糕的質地綿密細膩，帶著濃濃的黑糖味，入口即化，讓人彷彿置身於懷舊的時光中 。百花蒸魚肚魚肚和蝦膠完美結合，魚肚軟滑潔白，味道清淡鲜嫩，蝦膠彈牙，口感層次十分豐富 。月半灣水晶鮮蝦餃皇餃皇餡料鮮美，鮮蝦彈牙，口感爽滑，包着煙靭的皮，一起放入口，非常滿足 。瑤柱灌湯餃大大隻，濃郁的湯汁，皮薄餡香，啖啖肉，連湯一起吃，停不了口紫金名醬豉蒜蒸鳳爪鳳爪肉質鮮嫩，搭配上豉蒜醬的調味，帶來一種香濃的口感。懷舊糯米包非常懷念這個點心，很少地方有得吃，黃色嘅薄皮包着軟軟糯糯嘅糯米，糯米飯中有臘味，增加了鹹香味 。卜卜脆肉鬆腸粉創意十足的點心，腸粉中包着肉鬆，鬆脆並濟、香酥味美 · 鹹中帶甜，垂涎之味 。

放假約咗朋友喺觀塘見面，順便傾下近況。友人想飲茶，帶咗我嚟鱷魚恤中心 7/F 呢間「滿福庭」。內在環境光猛，裝修企理，加上全場無柱設計，嚟呢度擺酒確實一流！揀咗份午市點心超值自選 ($208)，組合包 2 款點心及 2 款精選美食。鮮蝦菜苗餃：外皮晶瑩剔透，入面裹滿彈牙蝦肉同翠綠菜苗，兩者比例啱啱好，入口皮薄餡靚，味道鮮美。蠔皇鮮竹卷：鮮竹卷用料好豐富，內有豬肉、冬菇、竹筍和生菜等，腐皮有豆香，加上吸滿了蠔油芡汁，惹味非常。脆皮燒腩仔：腩仔外皮脆卜卜，脂肪同瘦肉層層相間，肉質鬆化，入口軟腍無渣，配埋芥末醬吃，更添滋味！迷你揚州炒飯：米飯炒飯得夠乾身👍🏻，粒粒分明又有鑊氣，配料有叉燒、蝦仁、蛋花同蔥粒等，分量十足，色香味俱全。再加點咗碟陳皮叉燒酥 (大點)，外皮酥脆，內𥚃叉燒餡軟嫩微甜，配上面頭嘅鹹香陳皮，絕對有畫龍點睛之效。

今天到觀塘APM商場購物，順道先到隔鄰鱷魚恤中心7樓的「滿福庭」午膳。餐廳地方開揚，寬敞，枱與枱的空間闊落，沒有壓迫感。盡頭有特大螢光幕，裝修明亮整潔，環境清雅。午市特價點心都有多款選擇，甚受歡迎，所以午市時段都座無虛席。我點了幾個喜歡吃的點心：“香茜牛肉腸”，腸粉皮又薄又滑，餡料多，而且調味不錯，有芫茜香味，非常超值。“蟲草花鮮竹卷”，鮮竹卷豬肉餡料調味得宜，不太鹹，配上蟲草花上湯，特別滋味。“香脆綠茶餅”，特色甜品，綠茶餅混上炒香芝麻，份外香口，中間是糯米粉餡料，脆中帶軟，雙重口感。“豉椒排骨飯”，排骨肉質爽口，配上青紅椒及惹味豆豉，味道也不錯。“脆皮燒腩仔”，真正皮脆肉嫩，三分肥肉，七分瘦肉，肉質爽口彈牙，是必食之選。“薑汁雞包仔”，大大隻，餡料調味佳，包皮鬆軟，是超值的點心。離開前見旁邊有幾個大魚缸，養住新鮮生猛海鮮，我便想到晚市來嚐嚐海鮮餐。

「飲杯茶☕️食個包」幾乎係爸爸媽媽每日嘅例行公事😚 所以每逢假日，我都會盡量抽時間，帶兩老👵🏻👴🏻出去行吓食吓，等佢哋開心吓🍓 可惜呢個週末天氣不似預期，喺 #紅雨 嘅底下，我唯有改變策略，帶佢哋嚟到 #觀塘港鐵站 旁邊嘅 #鱷魚恤中心 搵食😅 望落水牌，呢度都幾多選擇，不過計舒適度，七樓嘅「滿福庭」似乎都唔錯，一於點佢燈，順便等兩老試吓新嘢☺️佢哋嘅座位擺設都幾寬敞，樓底夠晒高，冇一般酒樓咁侷促… 爽呀😚 我哋嚟到「滿福庭」剛好係 #下午茶時段，佢哋嘅 #特價點心 選擇都幾多，啱晒我呢個 #為食小秘書 🤤🤤 唔講唔知仲以為呢日係我嘅點心放題，#蟹籽燒賣、#潮州粉果、#花菇棉花雞、#鮮竹卷、#叉燒包 … 一次過擺上枱場面真係好治癒🍓 熱辣辣嘅點心就最啱我胃口🤤 #燒賣 啖啖肉好有咬口；#棉花雞 上面嘅魚肚都好鮮味，手勢絕無馬虎😚不過我最欣賞佢哋嘅 #皮蛋瘦肉粥 同 #蜆芥鯪魚球 🤤 粥底煮得好棉，將 #皮蛋 同 #肉碎 一齊入口，味道非常豐富🤤 而佢哋嘅 #鯪魚球 亦都做得相當出色，咬落去魚肉好彈牙，加埋特製嘅 #蜆芥 做調味，真係鮮上加鮮呀🤤 最後加埋碗 #燻蹄米線 俾老竇補充碳水化合

假期陪媽媽飲茶，選擇在滿福庭位於觀塘鱷魚恤中心好方便。滿福庭多座位，樓底夠高，有水晶吊燈裝飾夠華麗，而且有大電視觀看。點心選擇眾多，又有午市優惠。安蝦咸水角特價之選，熱騰騰上檯，外皮香脆軟糯，美味。百花釀魚肚魚籽蝦膠脆卜卜又彈牙，魚肚如棉花吸收湯汁精華好入味。月半彎水晶鮮蝦餃皇蝦餃皇好巨型，煙韌的蝦餃皮包埋多粒爽口蝦肉。永和鎮鮮竹牛肉球牛肉嫩滑又有芫茜香味法式焦糖燉蛋在酒樓少見的甜品，脆卜卜的焦糖面，燉蛋嫩滑，甜度適中。

朋友極力推介呢間傳統茶樓，點心水準超高！一盅兩件充滿情懷，可以見到日日都超多人，推介以下菜色～ ✨ 鮑汁雞腳雞腳燜到超軟腍，鮑汁濃郁到黐嘴唇～膠質滿滿食完嘴黏黏，骨頭都入味到吮手指，配壺普洱解膩啱晒！ ✨ 月半彎水晶鮮蝦餃皇🦐 皮薄到透光見蝦！蝦肉爽脆彈牙，包咗超大一隻蝦，咬落爆汁鮮甜～水晶皮煙韌唔黏牙，絕對係點心界MVP！ ✨ 蒜茸粉絲蒸元貝❤️ 元貝大隻厚肉，蒸得啱啱好保留咗鮮甜海味！蒜茸香氣撲鼻，粉絲吸晒精華汁液，入口滑溜又惹味，海鮮控必試！ ✨ 半肥不瘦叉燒腸腸粉皮薄滑溜，叉燒肥瘦比例完美～蜜汁香甜滲透米漿，加埋豉油微微鹹香，一啖接一啖停唔到口！

京式片皮鴨：皮薄而脆，鴨肉形成鮮明對比，每一口都能享受美味的層次感。搭配甜麵醬和蔥絲捲入薄餅中，味道更是絕佳。黃金大蝦球：色澤金黃，外皮香脆，蝦肉鮮嫩彈牙。外皮酥脆，又不會讓蝦肉過熟。鮮黑毛豬咕嚕肉：這道咕嚕肉選用鮮黑毛豬肉，酸甜的醬汁完美地包裹住每一塊肉，可能是瘦肉的關係，肉質較硬。西蘭花炒帶子：西蘭花翠綠爽口，帶子嫩口，但鮮味一般，份量也較少，價錢稍貴。蟹粉豆腐煲：蟹粉豆腐煲的豆腐細膩滑嫩，但蟹粉的味道稍嫌淡薄，未能完全展現蟹粉的鮮美。整體口感雖然不錯，但如果能加強蟹粉的味道，會更能提升這道菜的層次。

春節期間電話book位，阿姐未講完就掛線，態度超級差！只是問新年期間收費同訂臺，唔夠20秒就收線。即刻選擇其他店，反正鱷魚恤APM咁多間酒樓，唔係得你們一間，大新年就掛線👍

滿褔庭月半彎水晶鮮蝦餃皇水晶鮮蝦餃皇外皮晶瑩透亮，薄度剛剛好，鮮蝦肥美鮮甜，非常足料，係點心中嘅經典之選。鳳城薑汁雙皮奶薑汁雙皮奶口感順滑，奶香濃郁，搭配薑汁嘅微微辣味，增添一層獨特嘅風味。甜而不膩，十分滋味，令人忍唔住一口接一口。瑤柱貴妃雞飯瑤柱貴妃雞飯雞肉嫩滑，仲要係雞髀。配合薑蓉，令米飯吸收咗雞肉同調味料嘅精華，有冇喜歡嘅地方份外開胃，香氣四溢。韮黃鮮蝦腸韮黃鮮蝦腸外皮薄透，裡面嘅鮮蝦同韮黃搭配得宜。韮黃帶清香提升咗整道菜嘅風味，加上甜豉油提味，絕對係飲茶嘅必點之選。早晨孖寶特惠早晨孖寶包含咗流沙包同杞子桂花糕。香噴噴嘅流沙包內餡濃郁，咬落去即時沙流四溢，要小心翼翼，同時非常享受。杞子桂花糕清甜可口，口感滑嫩，清涼感覺令人舒服。豐富嘅杞子，特別滋潤養眼。

約老友出來閑聊茶聚，喜歡選擇觀塘這間酒樓「滿福庭」交通方便近港鐵站，酒樓小菜，點心都不錯！ 坐得舒服人氣得來又不嘈雜。 今天二人點了煎麵和點心。蟹籽燒賣皇 46.8元賣相雖然不算精緻，但餡料有肉的鮮味和肉粒很有咬口熱騰騰肥瘦肉平均加上蟹籽的卜卜脆口感很好。上海小籠包 36.8元皮簿餡料多汁好鮮味！陳皮叉燒酥 36.8元面層酥皮金黃好鬆脆蜜味，内裡叉燒份量剛好肥瘦適中。好味！銀芽肉絲煎麵 138元 / 碟肉絲嫩滑，銀芽和韮菜夠清爽份量恰到好處的茨汁 覆蓋了整碟麵 加上麵條煎得好香脆入口，滑，爽，脆口層次豐富。山水豆腐花 22.8元豆腐花夠滑有豆香。這個甜品都好味！樣樣點心都美味！

滿福庭地址: 觀塘開源道79號鱷魚恤中心7樓今日同媽媽係觀塘飲茶。經朋友推薦，我地嚟左位於觀塘嘅滿福庭。滿福庭係一間好靚嘅酒樓，環境寛敞，座位坐得舒服。今日中午嚟到，食到好多午市特價點心，好抵食😋。茶位每人$13。香茜牛肉腸 腸粉好滑，皮薄餡靚。牛肉配芫茜好香，味道香濃，牛肉份量多。排骨陳村粉 陳村粉吸滿排骨嘅汁，肉汁味滿滿。排骨好滑，用上左豉椒調味。安蝦咸水角 咸水角啱啱炸起，好脆，炸得外脆內軟，入面煙煙韌韌。酥炸韭菜角 韭菜角都係即叫即炸，韭菜份量好多，味道香口，好滿足。頭抽肉片炒河 炒河粉好大碟，炒得好香口，好有鑊氣。河粉好滑，調味適中，肉片好滑，好大片。永和鎮鮮竹牛肉球 牛肉球大大粒，食落帶點彈牙，牛肉味濃，帶點芫茜味。脆蝦紅米腸粉 紅米腸好特別，腸粉皮紅色，薄薄一層，好滑。內裏係炸過嘅食材，食落脆脆地，口感十足。而且仲有蝦，味道都好豐富。

放假就約媽咪到觀塘APM商場飲完茶再行街，我哋就選擇咗去到鱷魚恤中心7樓福滿庭飲午茶，喜歡這裏環境寬敞坐得好舒服，點心質素不錯。餐紙上有午市特價點心及炒粉麵。豉椒排骨炒河豉椒的味道香噴噴，河粉炒得好有鑊氣，每一條都掛上醬汁，排骨啖啖肉好入味。古法馬拉糕馬拉糕即叫即蒸，入口好鬆軟，不會過甜。鮑汁炆雞腳一鍋大約有五至七隻，炆得好淋，入口骨肉分離，一隻接一隻食唔停口，花生都好入味。鮮蝦菜苗餃一籠有三隻，餃皮好薄肉眼都見到餡料，蝦肉鮮甜爽脆，蔬菜嫩嫩綠綠，加入小小辣椒醬一齊食味道更加豐富。

聖誕長假期同爸媽去飲下午茶，呢間酒樓位置方便，新淨光猛，坐得幾舒服，下午茶有多款特價點心，性價比唔錯。蟹子燒賣（2件）＄12.8我哋點了四件，燒賣大大粒，充滿冬菇香氣豬肉同蝦嘅比例好好，食落很爽口。月半彎水晶蝦餃皇（頂）$45.8賣相很不錯，蝦餃隻隻都很飽滿，晶瑩粉嫩，蝦餃皮爽滑黏口，入邊蝦肉筍絲爽口。潮州蒸粉果$17.8大大隻，好抵食入面很多爽口的沙角，加埋韭菜同花生，很香口。山竹牛肉球$23.8啖啖肉，牛肉嫩滑。老干媽蒸金錢肚（特）$38.8個醬汁很惹味，金錢肚厚身大大件，爽口，蘿蔔吸入醬汁，腍甜可口。蟲草花鮮竹卷$27.8不經油炸嘅鮮竹卷，很健康，腐皮充滿豆香，入邊餡料除咗豬肉有多款蔬菜，個湯很清甜。花菇棉花雞 $29.8魚肚大大件，雞肉嫩滑。蜜汁叉燒包$19.8叉燒包嗰個都爆多餡，醬汁多，個包鬆軟。蜜糖脆蛋散$12.8好抵食的一個甜品，蛋散鬆化。

昨晚我們一行九個人到滿福庭慶祝冬至。由於女多男少，我們為了不浪費食物，提前預訂了半席的乳豬星斑宴，還另外點了三個餸。入座後，我們詢問職員飲品的情況，職員告訴我們包了六罐汽水，並詢問我們想要什麼口味。但隨後她又表示沒有，男經理卻大聲說只有半席才有飲品。可是我們明明是預訂了半席呀？男經理堅持只有半席才包含飲品，你們六人不算! 冬至是一個全家團聚的好日子，我們也不想在這個喜慶的時刻為幾罐汽水爭論。不過，真的希望餐廳能更清楚地解釋一下，六人和半席之間的區別到底是什麼？如果六個人不算半席，那麼到底多少人才算一席？ 就算職員與我們確認餐單時也以半席來形容，或許男經理嫌我們消費太少吧!最後的評價是，服務的職員都非常有禮貌，但男經理的態度就顯得差了一些，食物也只是普通，並不特別好。總的來說，我們決定不會再光顧了！香港人北上消費是有原因的，這不僅僅是價錢的問題，更是態度的問題。希望香港的餐飲業能夠快點認識到自己的問題所在。

一行5人訂咗晚上6點食冬至飯主要叫小菜食，包括:菜芯苗 - 味道算正正常常，菜芯苗有少少硬蟹黃海皇豆腐煲 - 無蟹皇味，蝦碎到食唔到有味，豆腐算滑，但好細舊。最後先上呢道菜，無影到相。咕嚕黑豚肉 - 咕嚕汁味道正常，但係肉質硬，無曬肉汗，完全唔似黑豚肉柚子大蝦球 - 本身叫左柚子大蝦球，點知黎左黃金蝦球，唔想麻煩就照食。size 細，份量少到好似人哋食剩菜都算，果層炸粉味道勁鹹，入面蝦肉就完全無味。可能係要蓋過本身蝦既雪味，所以俾黃金蝦球我哋。最差呢個餸，2百幾蚊俾啲垃圾俾客人食。 以下張相片係一上枱就影。翡翠炒龍躉球 - 龍躉肉好鹹，肉質唔鞋，有啲油。相比其他，已經算正常。服務: 有家人未食完，已經收起其他人嘅碗筷。一食完，即刻幫你埋單，完全係趕客之道….總結: 味道差，份量少，材料唔新鮮，服務差，完全令人失望。唔會再嚟食，北上消費，唔係無原因！！