滿粥順德粥底海鮮火鍋

营业中

休息中

今次慶祝生日，五個人叫咗兩個龍蝦餐同埋三個肉蟹餐，份量好夠，食材都OK新鮮。龍蝦有啲削，肉蟹都可以，跟餐會有肥牛、丸、餃．．．．一般打邊爐食材可以選擇，最後食埋個粥已經食唔落太飽。期間會有專人負責幫你煮海鮮，你可以盡情飲啤酒同friends傾偈。但係每人最少要嗌一個餐，可以喺訂座嘅時候早啲講。店舖會要求咁多個客人嗌一樣嘅嘢，方便上菜，但係最後都好flexible，盡量滿足唔同客人嘅要求。埋單每位大約400都算好抵食，好啱三五知己去，太多人會有啲迫。

相約好耐無見嘅朋友聚一聚，響openrice搵咗好多間無位，見呢間食評不錯就選定了呢間，期待新鮮海鮮仲有又甜又解味一個靚粥；誰不知牛肉叫到吊籠竟然無味，海鮮好失望，唔知點解海鮮好似唔新鮮，問職員答案係無問題，叫我們放心吃，感覺中伏都算啦，繼續吹下水慢慢吃，不過仲有一個問題係冷氣完全唔夠，邊食邊出汗，職員話已經開到最大，我哋懷疑直頭壞冷氣，我哋拿拿林快煮埋個粥，感覺都好一般，吾係好有鮮味嘅粥，真係好失望。

聖誕佳節唔想同人逼，又想食粥底火鍋，約左朋友係附近睇戲，就黎滿粥食粥底火鍋。一坐底，待應叔叔已經上左粥底，滾住先。同埋推介有3個餐可以選擇，一個係半隻肉蟹餐$198一位、另一個係半隻龍蝦餐$298或者兩者兼得-肉蟹同龍蝦各半隻餐 $348，每個餐都夾埋其他時令海鮮，包括鮑魚、蝦、魚片、貝類、蜆同沙白等4個人可以揀唔同既餐，但一定要2個人揀同一款。海鮮送上枱都算新鮮，龍蝦都算幾大隻。枱上面有個計時器，可以根據枱面既指示計住需時幾耐先熟。食完海鮮，侍應姐姐送上一碗粟米、南瓜同芋頭既配料，可以倒入鍋，一陣用黎煮粥。另外可以自選6款配料，唔夠仲可以追加。我地揀左肥牛、雞件、花膠仔、豬腩片、准山同娃娃菜。配料份量足夠4人食，味道正常。食完火鍋，侍應姐姐會帶上粥膽幫手煮粥，配料有冬菜、芫荽、蔥、豬油渣等，如果有人唔食可以另上。有龍蝦既膏煲出黎既粥黃黃地，食落都有一啲海鮮既味道，食埋粥真係幾飽。黃大仙區附近既粥底火鍋好去處，唔夠食可以再追加海鮮同配料，價錢亦都唔算貴，個日接近7點3已經沽清龍蝦，如果好想食龍蝦，建議訂枱時預訂左先，住附近既朋友可以一試。

🔅滿粥🔅新蒲崗🔅粥底火鍋🔅話說男朋友踢波，所以叫晒我所有朋友去新蒲崗，點知俾我哋意外發現咗呢一間親民粥底火鍋店！佢首先會上一個三層海鮮架，完全有貴派享受嘅外貌，蟹肉非常之鮮甜～蜆仔全開好新鮮，啲蝦喺支竹籤上邊仲會郁，有啲驚嚇最驚嚇嘅係，佢個套餐其實係包七款基本海鮮、六款火鍋配料、同埋粥底！每人$198! 火鍋配料方面，我哋揀咗鮮雞，同埋豬肉片，炸魚皮，響鈴，金沙丸，同埋蔬菜藍～雖然佢話份量係按人頭計，但係其實超級多～ 我地眼闊肚窄，仲叫左手切肥牛片，肥牛略肥，但都好有牛味！～同兩渣冬瓜茶！真係超級飽～我最鍾意佢add on都可以做左$18一碟，完全係抵食同可以俾貪心嘅人類叫多啲(o^^o)個粥底佢仲有粟米、芋頭同南瓜粒粒，加上蛋花一齊煮，我地四個人最終係清晒所有粥，真係好驚人😂滿粥順德粥底海鮮火鍋網上訂座即賺Rice Dollars 網址: https://s.openrice.com/QrbS0miS700~uZ5MGAA地址: 新蒲崗景福街79號地舖電話: 98849484=====================#火鍋 #打邊爐 #黃店邊爐 #打邊爐 #海鮮 #海鮮火鍋 #

不知道這麼多好評是刷出來的嗎？本來看到評語這麼好，興致勃勃的來，還以為是蒸海鮮，結果原來是用只家用的鍋來煮。上面看到的海鮮塔根本沒有，因為我們是二個人，只有三個人以上才有海鮮塔吧！沒有龍蝦，蟶子，只有扇貝和鮑魚，但請註意了，198元一位的餐，一人只有一個扇貝和鮑魚，小貝殼也沒幾只，一人好像三只蝦，用肉蟹代替了龍蝦，就這個蟹還可以二個人有一只蟹。記不起有七款海鮮都是什麼了，只看到五款，因為當時很驚訝這種對待，所以氣得也沒拍照。這架式還不如大家樂的小火鍋呢！最使人氣憤的是剛出來不到15分鐘就拉肚子了，老公也說肚子不舒服，二個人加上飲料和服務費496元，在一個擠得走不動的小屋裡，您說值不值這價錢？？？？？

呢間鋪頭由一對都上左年紀嘅夫婦經營，佢哋做樓面，我見廚房就另外有人負責嘅。呢度好有人情味，對夫婦好好笑容同禮貌，會幫手落下野食，但大家都要包容下佢哋會忙唔過黎同行動慢啲啦。首先會食左海鮮先，用一個塔上菜，幾grand。海鮮方面有大硯、鮑魚、細硯、蟹同魚，餐枱上已經寫明每樣野滾幾多分鐘，又有提供timer。我好surprise鮑魚好嫩口同彈牙;蟹都多膏同香口;硯肉冇沙，都滑同嫩;魚肉夠實同冇乜骨，方便食！火鍋料就可以揀6樣，按人頭分配。推薦花膠、雞件同淮山。份量好足同埋唔係好cheap嘅材料。最後有粥食，都ok geh 但前面已經食到好飽了🤣🤣以200蚊黎講，我覺得成餐對得住佢價錢！

520尖沙咀周圍都爆曬🙈諗起之前一直都好想試吓滿粥～8點幾打去問下～竟然有位😍即刻同老公飛的過去～去到全場full哂～幫我哋留左個卡位👍🏻我哋揀左520限定既龍蝦餐$298/1位～有魚、海蝦、大蜆、白沙蜆、龍蝦、鮑魚同可以揀6款配菜～我地揀左肥牛，濃湯牛丸、響鈴、津白、淮山、滑雞～海鮮好新鮮～龍蝦同海蝦，都仲郁緊嘅🤩 D蜆都好鮮甜！推介牛丸好好味😋侍應好好得閒就望下我哋搞唔搞得掂，又提我地龍蝦未熟🤣差d食左⋯⋯又不停幫我地倒碟d殼，酒店服務咁～份量啱啱好，食哂所有食物，侍應伯伯重自動幫我地調個粥～但太飽淨係食左一碗～～一定會再嚟食～

最近香港終於有番啲冬天嘅感覺❄️咁凍去打邊爐就最適合不過😽位於新蒲崗呢間主打純天然粥底火鍋嘅「滿粥」🍲海鮮每日新鮮來貨🦞而且價錢相當實惠💰鍾意食粥底海鮮火鍋嘅朋友絕不能錯過✅🔸順德粥底海鮮火鍋（$198/位）（包7款時令海鮮、6款自選配料、3款特選時蔬、1款精華海鮮粥）♦ 時令海鮮 ♦野生鮑魚、肉蟹、基圍蝦、蟶子皇、白蜆、沙白、多寶魚生猛鮑魚鮮嫩彈牙🤩肉蟹滿有鮮味🦀鮮蝦爽彈滋味🦐蟶子皇肉嫩爽口💁🏻‍♀️白蜆🐚沙白鮮甜無沙👏🏻多寶魚肉質嫩滑🐟每款海鮮都令人相當滿意☺️值得一讚🎖♦ 自選配料 ♦黑毛豬腩片、鮮滑雞件、黃金響鈴、養顏花膠片、蘿蔔片食完海鮮後，將南瓜🎃芋頭同粟米加入粥底🌽增添其綿滑質感🥰再用嚟灼其他配料💋風味絕佳👍🏻豬腩片脂肪比例均勻🐷肉味濃郁😺雞件新鮮嫩滑🐔花膠軟腍有彈性🧏🏻‍♀️響鈴🔔蘿蔔片吸盡湯底精華🥕滋味無比🎊♦ 海鮮粥 ♦食完所有配料後😃更有專人為我哋煮粥👨🏻‍🍳將日本珍珠米煲至潮州粥質地🥣按份量次序加入粥膽😇蛋漿🥚豬油渣🙆🏻‍♀️芫荽🌱菜脯🙌🏻冬菜同葱花👀一同攪勻至沸騰🔥即成一鍋鮮味十足嘅海鮮粥😋誠意推介💞

一入座職員好熱心咁問我地有冇食過粥底火鍋，然後好用心友善咁指導我地。由於枱面空間有限，用到英式hightea set三層既盤來裝著海鮮，相當有趣。7款海鮮好新鮮呀，蝦，鮑魚，蜆仲郁緊。蟹膏既膏都唔少，而魚係多寶魚，我第一次見打邊爐食多寶魚。牆上貼好左instruction教我地煮海鮮既先後次序以及每一種烹調既時間，有提供埋計時器。成件事好似學生時期上科學堂做實驗咁，我地跟住做，但好快職員就走黎話次序唔重要架，仲幫我地落30秒就熟既大蜆。食完海鮮佢地就會上我地點左既6個火鍋餸，我地揀左肥牛片，豬肉片，冰豆腐，牛丸，貢丸，娃娃菜。其實食完都已經好飽，但我地最後當然要試埋個粥啦。職員幫我地落埋個粥膽同埋粥既配料，提我地小心個粥會滾出黎。最精彩係佢落蛋花既一刻，可惜冇影低。結論：好飽，差d飽到行唔郁。

員工服務周到，尤其係伯伯，主動幫我們夾海鮮，我哋話可以自己嚟先收手，其他店員態度也非常友善。海鮮非常新鮮，好味，性價比高。最後粥底味道一流，唔會太濃或太咸，絕對值得推介。

天氣轉涼，同朋友約食粥底火鍋，有朋友就提議來新蒲崗試試這家粥底火鍋店。自己食粥底火鍋的次數不多，這是我所試過的第三家店啊～～在openrice book位book了6pm，到達時，店內沒什麼客人，店員只是問了聲有否訂位就讓我入座了 (後來於openrice顯示我沒有出席訂座)。此店的價錢與我試過的其他粥底火鍋價錢相若，$198/位再收加一，包7款海鮮﹑6款自選火鍋配料。至於3款時蔬，是粟米﹑南瓜粒及芋頭粒，是最後加入粥底吃的～～不夠食的話，可加錢額外加配料。海鮮有蟶子﹑鮑魚﹑基圍蝦﹑肉蟹﹑沙白﹑蜆及多寶魚，一上桌時就見到鮑魚及基圍蝦好生猛，仍然會郁！！可按食物的烹煮時間去計時。先灼肉蟹，膏的份量還算可以，味道鮮甜，但粥水未能滲入膏香～～蝦的肉質爽口又甜！！鮑魚的烹煮時間恰好，質感鮮嫩又彈牙！！沙白及蜆乾淨無沙～～店員見我們吃得較慢，所以就沒讓我們逐樣食物計時烹煮，幫我們將魚及沙白&蜆一次過倒入鍋內煮，魚煮得過火了一點，魚肉都散開了。自選配料有美國肥牛﹑黑毛豬腩片﹑粟米﹑手打墨魚滑﹑牛筋丸及醬爆瀨尿牛丸。肥牛不是雪花肥牛，肥油都集中在一起，豬腩片同樣略肥，兩款肉都一般。墨魚滑的份量都有大

第一次係同事介紹，9月左右外賣自取12人份量，食落非常唔錯，到近日叫左2人份量外送，就唔太店，有少少失望比起上次蟹變細左，整體海鮮都無上一次咁新鮮，可能係外賣自取同外送既分別以下係2人份量，黎到即開盒，蝦有2隻已死，蟹同魚都麻麻地，俾膏蟹定肉蟹都唔係問題，最重要係新鮮，BTW，上一次Order係真係掂既...個分別好大9月時Order的12份量，果時鮑魚同蝦都係好活潑唔知係唔係運送方法既問題今次真係失望左

每位$198 (需加一，不收醬料費)7款時令海鮮6款自選配料3款特選時蔬精華海鮮粥估唔到食粥底海鮮火鍋都有high tea既享受😍除左擺盤好有心思，款款海鮮都好新鮮同生猛!! 有圖有真相，鮑魚、海蝦都仲識郁嫁🤩硯類都好鮮甜，完全無沙!! 肉蟹好大隻，但🦀殼硬得有點誇張，食得有點吃力🙃自選配料方面就正常發揮啦，爆汁牛肉芝心丸係幾特別😋不過略嫌美國肥牛、黑毛豬腩片都太肥啦🤮令到個湯底好多肥油...話曬之後都要加粥底落去，肥仔到有啲內疚👿值得一提既係雞件好滑，啖啖肉真心正!! 最後加埋粥米落湯底到，好鮮甜呀😋仲有芋頭、南瓜粒!! 我盡力飛左啲肥油嫁啦，食左先算啦哈哈😊

位置方便，位於mikiki 商場對面，即晚訂位有位。嘢食不錯，每人$198的套餐食物很充足，除咗海鮮以外還包括六樣食材，食物很新鮮。牆壁上有清晰的指引教導食客如何煮熟海鮮，環境乾淨。最後，海鮮粥頗鮮甜，充滿海鮮精華。此外，最值得讚是侍應伯伯和嬸嬸服務非常周到，雖然整店只有兩名侍應，他們十分忙碌，但他們仍然十分殷勤，全程不停走來走去，協助我們煮食，而且態度十分友善。由於伯伯的緣故，絕對會推薦朋友們再去。

因為媽媽生日又冇得出去食飯，全家都支持黃店，所以就叫左滿粥外賣試吓，之前我都試過到門市食都OK！所有海鮮都好新鮮，今次仲追加左瀬尿蝦超多膏，蟹都非常多膏，蝦送到屋企仲識跳，家人都非常滿意，最緊要唔使去買同洗海鮮，超方便，有時自己都未必買到咁新鮮！下次一定再幫襯！