滿記甜品 (已搬遷) 新店位置

Unfortunately I was in SK again so went here for dessert.Had the grass jelly in vanilla sauce as usual. It tasted ok but the sauce wasn't too icy this time.

黎到西貢 梗係要食滿記糖水叫左 榴連忘返 👍🏻👍🏻呢個好食呀👍🏻榴連雪糕加糯米 好match 👍🏻仲叫左個龍眼xx冰, 超級甜🙄 甜到吾想再食 好少食甜品會食吾晒 但呢個真係食吾晒🙄大家要小心選擇👍🏻

西貢之旅，一行七人吃完湘菜「村里村外」，去了滿記甜品嚐甜。小哥哥要了一杯芒果布甸$24，好吃與否就不得而知了，只見他吃得津津有味的。妹妹與B要了一客芒果鮮奶樂$33，據說芒果夠香甜，燉奶夠香滑。B的丈夫，點了一客楊枝金露$36。看來，他們一家都是「芒果狂徒」，非芒不吃了！姨甥女，年紀輕輕，卻要了一客熱芝麻糊配杏仁茶$30，教人大跌眼鏡。據說，芝麻和杏仁香一般。其實，甫見賣相，已經不吸引了。C要了白雪黑珍珠$36，材料多樣化，口感豐富。小妹的海底椰白雪黑糯米$39，椰奶汁入口冰凍清香且不太甜膩，海底椰香腍細滑，黑糯米煙韌富咬口，好好吃。

Went here for dessert as it was a touristy thing to do.I wanted to order the star pancake but it was $68 and not that convincing as a pancake because it looked hard and crusty on the product photo.It might have helped if I asked the staff about it but I couldn't be arsed!To be on the safe side I had the grass jelly with Vanilla sauce because grass jelly is just jelly and the vanilla sauce is icy milky sauce!

夜晚去咗西貢嗰頭. 咁就去滿記食糖水,雖然係連鎖店度度都有,不過呢間都叫做係佢哋嘅發跡店. 抹茶彩虹,抹茶係指中間嗰球抹茶雪糕,旁邊有啲鮮雜果例如係西瓜,哈密瓜等等,另有星形椰果點綴,朋友話好甜. 楊枝甘露,柚肉同西米份量幾多,西米食落煙煙韌韌,鮮芒果肉就甜而唔酸,冇驚喜但隱陣.

夏天最好食就係芒果...記得滿記岩岩開張，未有咁多分店時候...芒果班戟係我愛上佢認識佢既原因！Weekend重臨西貢...重臨滿記...芒果班戟已不再一樣！賣相脹卜卜非常吸引，但入口cream既比例比芒果肉多，水準大減！值得欣賞既係班戟皮薄柔軟，口感軟滑！

夜釣墨魚之後，因為船上的到會真的不好吃，唯有吃碗甜品補補數！*芝麻糊豆腐花（$29）點了一碗暖的芝麻糊豆腐花。芝麻糊拌豆腐花，甜度剛好；豆腐花很滑溜；芝麻糊很香濃。不過一碗那麼少的甜品索價$30，真的不太值。

滿記開得成行成市，但質素有點參差，還記得多年前在銅鑼灣吃過不好吃的楊枝甘露後便多年沒有光顧過滿記。今日難得黎到西貢，天氣又熱又焗，頂唔住都要返地方抖抖。下午時分滿記冷氣大又不多人，岩晒。身為榴連迷的我不會放棄呢個好機會榴連白雪涼粉黃色的鮮榴連肉加上冰做成冰凍的'榴連雪糕'。真係又香又冰凍加上椰汁更加香滑，涼粉份量不少簡單係透心涼，但有點太細碎。建議榴連肉加上椰汁一齊食更好同場加映男友的椰汁黑糯米，黑糯米煮得夠稔，椰汁香甜，不錯唯一唔好就係好多大陸遊客 唔管住的細路成日周圍踢踢到我

食完飯渣車入左黎西貢食糖水朋友話呢間係第一間分店？唔講真係唔知呀🙈話說呢間好食d，我都覺！山長水遠入黎食都抵· 木瓜雪耳唔太甜，好滋潤丫· 雪山榴連鍾意食榴連一定覺得佢正正子，好濃榴連味，加埋d冰冰，消暑一流呀· 金露豆腐花我唔知咩叫金露呀，我諗都係楊枝金露d朋友啦hahaa 所以叫黎試下，其實都係芒果汁黎ja芒果唔酸，豆腐花滑· 芒果豆腐花一樣芒果正正子，豆腐花滑嘟嘟

假日去西貢歎下，玩下，去西貢一定要潮拜滿記甜品嘅榴蓮忘返，榴蓮迷嘅我，一定要食架距嘅大大球榴蓮球都係榴蓮肉黎架每羹榴蓮肉都必須加椰汁一齊食，更加清甜，榴蓮味好濃，清甜，不會有酒味正到暈，隔離有個系紫米球嘅紫米好淋，加埋椰汁一齊食好正，絕配，

去開西貢當然要幫襯下滿記甜品嘅總店啦， 叫咗個雪山黑珍珠，總店真係總店比其他分店真係好食啲嘅，個雲呢嗱雪糕好大球，重非常之香雲呢拿味同清甜，啲黑珍珠都雪在都好凍，最正係個雲呢嗱冰汁唔太甜好好食，食落有啲冰塊好好口感，個凍既黑珍珠連呢個雲呢嗱冰汁一齊食非常非常之好食

男朋友渣車車去西貢就係為左食原味滿記, 食咁多間都係西貢呢間最好食.叫左一個椰汁西米露涼粉($22), 擺上台凍冰冰好正, 椰汁好香椰味, 仲有少少奶味, 食落口好滑, 西米夠多, 又夠林, 加上涼粉既質感好爽口, 不過我嫌佢d糖水有少少略甜, 同埋涼粉有d少.整體水準都保持到, 次次黎都要排隊都有係理由既.

晚上由順天跑去西貢呢段路真係 辛苦到呢跑左1:45 小時 mission completed 為左開心一下 食左個糖水慶祝好喜歡食腐竹蛋糖水既我 都係叫返呢個 再加隻蛋味道唔會太甜 岩岩好意外地覺得雞蛋好食 蛋黃唔會太熟而好硬岩岩好！蛋味唔會煮得太耐無左 正

舊式甜品荔茸西米布甸布甸面有燒過的焦糖，金黃色(好吸引)涵料足(滿佈西米和荔茸)蛋打得好滑，味道剛好(不太甜)好味另一款甜品龍眼冰三重奏西米露，配上水晶珠(有口感)有椰果，荔枝肉，西米(整體好夾個西米露)，味道清甜，炎炎夏日食這個甜品，好解渴，值得再試

行完夜街最好就係去食甜品，可以坐下又可以吹水。講返黎個草莓豆腐花，賣相當吸引，分成兩層，一層係豆腐花一層係草苺沙冰, 最上面有一球草苺雪糕同少許嘅士多啤梨。豆腐花香滑，加埋沙冰一齊食感覺特別。