滿越越式河粉專門店 (已結業)

本人曾於此店開張後不久於此店堂食過越粉基本入門 - 生牛河，但感覺是 - 絕對搵笨﹗何出此言？因我只喝到沒任何香料的味精水勺熟了幾片腥腥的肥牛，它零散地落在粗鞋的河粉及幾條牙菜上，態度其差的內地嬸嬸聽到你"竟然"不喝餐飲後，面黑黑地別過頭去交單。到我結帳也忘了我要了幾次熱水﹗ 自兩個月前越菜癮發，膽粗粗再踏此店驚覺此店不單增聘了本地服務水平中上的待應，生牛河中的下價河粉換上了久違了的貴刁、適當的配菜更在香茅等香料湯中飄零，幸福感覺馬上重燃﹗ 之前再到該店買外賣也不知道該店越來越肯在外賣物料上落本，裝凍檸的大碗不再棄發泡膠取環保硬咭紙，加上堅韌的蓋，食客無須像從前般擔心吃進致癌物了。 值得一讚的是，今天的戴眼鏡女服務員又賣力又有禮，初見面便給我賓至如歸的感覺，服務水平 - 還是本地人佔優﹗﹗

尋日(16-11-2010 Tue)爸爸返o左大陸,臨急臨忙又約唔到人食晚飯,於是諗諗買咩o野返屋企食,記起呢間就睇睇食評,咦?!都唔差喎,再睇其他o既,都冇乜好選擇,於是決定呢間啦.放工後行o黎買個$36.00o既套餐,要香茅雞翼檬,要熱檸水,再加個$25.00o既酸辣鳳爪.買齊返屋企開餐,打開晒所有o野,嗅到香茅雞翼味,配料唔多,花生碎都好少,加魚露食吓先,檬粉好爽,香茅雞翼應該係炸過,但已經唔脆,不過唔緊要,香茅味真係好夠,唔錯啊.而酸辣鳳爪有好多,其實我怕辣但又想食,於是夾開啲辣椒先,試試,唔太辣喎,又酸又夠凍,鳳爪又爽又冇骨,好味啊.而熱檸水呢,有四片檸檬但澀.價錢係$63.00,因為外賣加$1.00.服務:畀o左錢等o既時候,收銀唔單止叫我坐,重畀杯熱茶添,好窩心喎.環境:好光猛,座位好寬闊舒適.

見到廣告特意來試試，香茅豬扒：好香既香茅味，而且豬扒煎得非常香口，脆而不硬，亦有十足豬肉味道庶蝦：蝦肉佔的比例高，蝦肉彈牙夾爽口，還有少許庶香吸了在蝦肉的最深地方，同行友人說這些才是正宗(他是越南裔香港人)越式炸春卷：脆香可口，春卷內的配料夠多，熱食一流青檸梳打：令我對梳打改觀，我的一份只叫了檸茶，沒有什麼特別好 or 不好但呢杯青檸梳打就唔係勒，唔似街邊果d x泉梳打水溝少少顪色就當是梳打手呢間野一定短期內返兜!!!!!

好多時啲越南生牛肉湯河都會遇上一個問題就係切得太薄，放入熱湯已經熟左咁搞法，不如佢地廚房自己煮熟佢就算........................又有啲係切得太厚，OR 湯唔夠熱最後啲牛入口果陣都仲係好生.........但呢間滿越冇呢個問題，今次又係路過被啲味道吸引入去的。碗生牛肉湯河真係好掂，掂在佢啲河粉夠滑夠軟但係又唔會太腍支支但啲牛肉又好有味好鮮放入熱水灼一灼已經有半熟既效果！不過等野食出就慢左啲啲咁....快d 就仲好

當好多老字號圳的越南湯河越做越衰之時，出現左一間叫滿越的越南菜。若非雜誌介紹，真係唔會刻意去荃灣試一試。當然，我順路購物 叫左一碗生牛肉湯河，牛肉鮮嫩，滿口洋溢一道半生半熟的味道。湯底甜甜地酸酸地，連埋啲河粉一齊入口，呢啲就係美味.....湯底我很滿意的，唔似得好多地方放一個食家出來拍2張照就當係權威,菜牌內其實都有好多明星到訪，若非好味道，怎會吸引明星來到荃灣這類「平民」地方消費發哥週不時去買牛河都係買外賣咋！總之好味！

兩個人七點零黎到，環境寬敞，檯同檯之間唔迫，食客一半滿到，好容易搵到張檯。睇左陣餐牌，叫左以下食物：1. 順化豬手湯河：碗河粉好大碗，我諗兩個女仔都夠，豬手幾霖，蘿蔔都幾入味，不過豬手仲有毛未清理好。2. 檬粉蝦片：蝦片唔係好脆，但味道ok。3. 豬扒撈檬：老婆話加埋魚露唔錯，豬扒亦好味，而且一樣好大碗。4. 酸辣鳳爪：普通無骨鳳爪。環境唔錯，服務唔差，最緊要係食到好飽，埋單都唔使百三，抵！

已經有好多同學食過話好味，而我自己未食過，於是跟埋同學一齊去試下。入面好乾淨，可以話係全條沙咀道咁多間餐廳中最乾淨的一間。特別係佢地啲座位，張張都拍到好整齊，感覺都幾舒服，不過d 光線令人好眼訓 雜誌介紹生牛肉河粉，我呢啲聽話嘅學生緊係試左先，啲湯好熱，生牛肉一上枱到我拎部相機出黎已經熟左一個圈，可見啲湯真係好夠熱，牛肉中間啲肉拖一拖湯就very good 勒！牛肉好滑好軟，放入口「朗朗下」，牛味亦十足，好似打邊爐的肥牛一樣咁好味！啲檸茶苦苦地，不過我覺得太苦。學生餐~ $30 有找，好過去食「慘」仔。

看餐牌先知係新星開的分支，新星野食都有保證，水準平均，來吃越南多數吃粉，但我見到有紅米飯吃，都幾出奇，就叫了香茅豬扒紅米飯，賣相普通，紅米好多喎，砌出四方飯，配兩片青瓜，豬扒無特別，唔覺難吃，豬味輕，送飲品。地方大，但格局似茶餐廳，坐得都舒服。

個日老公同我都唔想煮飯想出去食上左or就選左去e間試下~有時上黎都係想搵人地d經驗..但係...都係唔好提叫左個二人set2杯飲品 - 我地2個都叫左楊枝金露>>>好難飲e加想起都覺得自己好笨~.~應該叫2個唔同先岩..叫碼多一個機會食物方便就好好多啦個肥牛紅米飯紅米好好味牛肉一般ok豬扒撈朦~一般酸辣鳳爪同雞翼都幾好食湯菜幾好.平時d油菜放一陣就唔好食架啦e個因為有湯.所以特別好味如果個飲品好返dd.就好完美

從馬灣出荃灣，本想直接回家，但肚皮在叫，就拉著朋友吃越南餐。一看餐牌，見到要一份兩人套餐，有越式拼盤、一碗湯粉(肉類可選四款，我們當然要生牛肉湯河)還有兩杯飲品(特飲加$3，我們要珍多冰和三色冰)，就再加一碗順化豬手湯檬。三色冰杯裏材料沒錯，有大菜糕絲、綠豆、紅豆及椰奶。但綠豆和紅豆都沒煮成蓉，而且紅豆大部份還是未熟的。是一杯頗低分的三色冰。sad珍多冰是大菜糕絲及椰奶，是三色冰裏也有的東西。糖水在底，建議攪均後才喝。但攪了幾下，大菜糕絲的綠色全溶在椰奶令整杯變青色，大菜糕自己則透明了。現成貨來講是較差的質素，但不影響味道就算。順化豬手湯檬是食物中最快上的。豬手跟粉與預期一樣是分開的，因豬手煮上一段時間會令湯變成膠狀。先試豬手，是香港一般的鹵水味，而且順化汁也不是正宗的而令人失望。順化汁有的薑、紅蔥頭、香茅等等我都不見，只見不該出現的白蘿蔔，而且是過鹹的。清湯檬有生牛肉湯河一樣的清牛骨湯，上面有剛熟的洋蔥、蔥粒和一條金不換。清牛骨湯無論牛骨香料味及湯的濃度均對辦，十分收貨，因我是很少在香港吃越南粉時不用落鹹魚露的。湯檬夾起來會容易斷，配以湯匙吃最好。底部有大量芽菜，連湯粉吃的話粉更香。

有雜誌介紹講一日賣過百碗生牛湯河，所以買咗碗外賣試試，外賣唔評價佢嘅外觀，我拎住佢行左3層樓梯都冇散晒其實算係咁。回家一打開，湯好熱，d 生牛肉已經熟晒，不過都好正常。湯非常香，而且好清甜，雜誌介紹絕非味精湯而且係肉骨煲很久似乎真有其事。生牛肉好腍，牛肉味十足，而且一條牛很長，份量不算太大，我這類大男人吃一定不夠吃。整體來講唔錯.會再去,但會去堂食

夜晚七點幾走入去(閒日)唔洗等就即刻安排左張唔錯既位置比我同朋友兩個有D套餐,飯,湯粉等等都有.落單個阿姐仲問加唔加碟菜添我食左札肉湯濛,朋友食左招牌撈濛之類正常,唔難食. 想讚下佢杯涷檬茶都幾好飲環境算係舒適寬敞架喇最緊要係唔貴lor,每人四十蚊倒渣不過間野位置唔太就腳就真總括黎講,係食得過o既

睇見雜誌話好味，又咁岩去左荃灣行街，於是就刻意咁去試下。舖頭位置都算係幾山卡啦，唔算太近地鐵站，亦唔在好多野食果條街。不過我會再去試多次，因為好味。雜誌介紹生牛肉湯河，仲話一日賣出百幾碗，認真誇張。我同朋友一人一碗，佢要生牛肉湯河，我就要左招牌湯河，兩碗河粉味都差唔多，不過招牌湯河配料的款式較多。湯河都算幾幼滑，彈牙就不至於，但由於湯底的味道很好，每口粉連同湯一起吃下的話效果會很好。至於配料，招牌湯河有3款配料，札肉、雞絲、牛肉，札肉幾甜，雞絲不夠幼，如果可以撕得更幼效果會更好，因為沉在湯底可以吸收到湯的味，最後生牛肉也很新鮮，下次我會食生牛肉湯河就算，食過之後我真係信佢一日賣百幾碗生牛肉出街，因為真係覺得好好味。飲品要左杯青檸梳打，幾好飲唔算太甜亦不會太淡，加左一片香草在飲品內不過我估只是裝飾，並沒有什麼用的。我坐的位置剛好可以偷看廚房，常說眼不見為乾淨，但我眼見這舖頭的廚房相當清潔，廚師的服裝也十分清潔白淨，這是意料不到的。

雜誌報導一日賣出百幾碗，點可以執輸星期6都算幾多人，可能付近有投注店掛生牛肉湯河的確係好味，相比有食家果一間好得多先牛肉好滑，湯夠熱又勁香，粉又夠軟餐飲係楊枝金路，好多芒果肉，不過d肉有d 酸份量唔算好多，不過我食既係下午茶，平好多可能因為咁份量少d整體來講合格有餘，可以食多幾次

荃灣英皇附近有一間叫滿越的越南菜館，D野都幾好食，我都係常客。上星期去食晚飯竟然比我見到杜文澤同王祖藍2個同一個女仔(似係助手)食飯見到佢地果枱好多都係小食，又雞軟骨又蝦餅又特飲又椰青而我冇佢地咁多錢，張枱就得一份咖哩牛脯飯 加一杯茶咖哩牛我揀左紅米飯，紅米既比例佔75%左右，同佢地D 宣傳品有D 距離但係咖哩汁好香，而且辣味合宜，唔會太辣，亦唔會唔辣，有少少刺激又唔會太過份而牛腩有好多舊，薯仔亦好粉，雖然飯既份量好似唔夠多，但係D 餸既份量就十足 !!!!我呢D 發育中既男仔食都唔會話唔夠飽！！講返祖藍同杜文澤，佢地講野好大聲，佢地真人都好好笑對我地呢D 食客來講算係一個免費娛樂吧佢地臨走仲同我地其他客人講 BYE BYE呢間野既服務亦非常好唔會話見到明星就掛住睇星唔做野亦唔會係咁拎相機咁影影影都係好專心做野亦冇大細超咁理左2粒星而唔理其他客非常抵讚！