漁樂 (TKO Spot)

营业中

休息中

差評...今日外賣自取叫左個鴛鴦扒焗飯, 由拿外賣後3-4分鍾回到家 飯...外暖內凍 扒...就溫暖偏凍,係咪雪房求其拿出焗一焗?唔知? 冇錯~我食左個凍焗扒飯 聽過味? 雖然咬兩啖直接丟垃圾筒 本人想拿落去換,太累都費事了 直接煮個麵食算 下次都唔會去買

最近懶懶地，用OpenRice 外賣自取好方便叫完整埋野啱啱好行到過去就可以拎外賣只係外賣自取選擇少啲好在有我鐘意食既紅咖喱焗豬扒飯已經食咗兩日啦，今日飲可樂加埋$44呢個焗飯夠濃味，我鐘意夠哂飽

泰式茄子抄牛肉還可以，但性價比唔高，份量偏少，大部份都係茄子，牛肉勁少，不過撈汁送飯一流。但係一打開個星洲炒貴刁勁失望個色水和味道好明顯係隔夜拎返去微波爐叮返熱勁難食

冬蔭功豬頸肉金邊粉Order左唔夠30秒就有，一上索哂水咁！！應該係人地order左唔要再比我既😒😒金邊粉份量好多，食唔哂；麵底唔彈牙，好乾，似放左好耐，漲哂😒😒冬蔭功湯底唔夠辣，唔夠酸。豬頸肉薄切，係全碗野最好食架喇⋯泰式燒野菌茄子上面加埋芝士焗，但茄子都唔入味。脆炸素春卷3舊要20$ ，以為貴少少質素應該好D😅原來普通料，饀少，素。😅😅😅海南雞飯普普通通，油飯比較乾。雞⋯唔算老。菠蘿特飲但事實得兩舊細菠蘿😂就普通一杯咸梳打。啤酒花咸檸檬梳打睇圖都知伏~

鬆軟煎豬扒 $38 配餐肉煎蛋蒜香多士豬扒都算唔錯唔會好乾 其他味道正常 鮮野菌沙嗲牛肉米線 $33 沙嗲牛肉分量較少 湯底夠味 都算唔錯奶油厚多士 $23外賣多士淋咗咁嘅價錢來講質素算唔錯 每個套餐都有包嘢飲

lunch過黎試過成日都好似有人排隊嘅漁樂，之前外賣過椰香焗豬扒飯好正，所以走黎試堂食。叫咗呢個泰正金不換炒金邊粉，以往食過泰式金邊粉，都係自己好嘅嘢，但係呢兜...賣相唔差，側邊應放咗鹽/花生碎/辣粉，俾你自己按需要去撈，不過唔撈都已經過濃味了，濃到一個點係你食食下唔想再食，因為太濃...其實佢有啲蝦/魚蛋片中和一下，但實在唔夠多去中和佢過濃嘅味，我初時以為要撈埋先平衡番，但撈埋更失衡...可能係我少數會食淨嘅一餐，真係食唔落...睇黎下次都係要食番焗豬...前面都有啲小插曲，因為一位入黎，所以都預餐廳安排完你個位會想你轉枱，等佢地可能放多人嘅客，我今次都有被邀請，最弊今次叫我轉枱係請我行前轉左果張，我行到去，其實無枱咖喎，又無人接應，頭先叫我轉枱果個又走開咗，呢個位唔係好得喎，再問先有人黎帶，我覺得如果係咁我下次唔會想讓張枱出黎囉，呢個位真係要改改...

又平又抵泰國菜，又吾會好菜餐feel，坐得舒服又企理，叫到成枱都係食物 香甜椰汁顱魚，辣辣鳳爪沙律，紅咖哩雞配兩碗白飯焗雜菌茄子 正呀 兩杯飲品賣單都係$26x，泰國菜黎講吾算貴又好食。

下午茶點了香烤扎肉飽, 女兒只吃了扎肉及蔬菜, 説麵飽不好吃, 看真一下, 所謂的香烤扎肉飽, 只不過是一個普通的類似熱狗飽, 完全沒有烤過 , 剩下的吃了一口, 真的不怎麽好吃.

之前食過漁樂下午茶嘅扎肉湯米線覺得唔太抵食 所以今次就食個「泰皇椰汁焗香茅雞扒飯」喇面頭有小編至愛嘅芝士 飯粒都食到香濃嘅椰汁味 雞扒唔算好大塊 大約係正常雞扒嘅2/3左右 但食到最尾會發覺有啲油 整體黎講$38都算抵食

限聚令聽日開始又要收緊喇但條街都仲係好多人 不過飯都係要食係屋企附近是但食 今次食漁樂叫左佢既船河黎食視覺係吸引既 大大碗但份量其實唔係好多 係個碗大😂湯底係一般船河湯底 微微甜 普通配料好多 有扎肉 豬扒 牛肉丸 豬肉丸 生牛肉同炸豬皮炸豬皮炸到脆卜卜 點湯食幾好生牛肉浸湯熟 都有牛味 唔會韌但反而牛肉丸麻麻 好硬 牛味冇 食到成口渣咁其他都係正常朋友叫左香辣牛肉炒飯炒飯都炒得幾乾身 唔油 少少辣 有好香既香草味不過冇咩肉碎 得飯😅生牛肉冬蔭湯粉 湯底唔會太酸 但唔夠辣正正常常呢間既檸檬飲品啲檸檬比佢打碎晒變左冇得自己篤檸檬控制酸度但少甜都係好甜 勝在份量夠大杯

紅咖喱焗豬扒飯（$39） +熱檸水飯量足夠，有2-3塊炸過既豬扒，再淋上紅咖喱汁同芝士。我覺得呢個焗飯幾香，而且有少少辣星洲炒金邊炒（$40） +熱華田有唔少韭菜洋蔥炒入去，同一啲蝦，味道唔錯，但好多油

🌞夏日炎炎歎返杯菠蘿咸檸梳打，消暑呀！前幾日去左漁樂食野，試左幾款美食，仲試左新出的菠蘿咸檸梳打，咸檸味十足，加埋菠蘿果茸，夏天飲啱晒啦！跟餐只需要加$8！另外仲有2款口味架，包括🍺啤酒花鹹檸檬梳打同🍹鴛鴦咸檸檬梳打！而野食方面就試左越香火車頭什錦湯河，有牛肉片, 牛丸, 等配料，好豐富！仲有泰式紅咖哩配香酥手抓餅，紅咖喱好香濃又香辣！同埋沙爹雞肉串，雞肉串配上沙嗲汁，都好惹味，值得推薦呀😋！

其實今次寫的呢間漁樂都食過好多次，外賣都試過，試過的有濛粉、金邊粉、飯、甚至剛開時的套餐都試過，但今日就少有地去左下午茶，下午茶睇落抵食好多，$38~$40已經有飯，仲加送飲品一杯。叫左一份是馬來沙嗲焗豬扒飯，另一份是泰皇椰汁焗雞扒飯。飲品可選奶茶或咖啡，我們都選左奶茶。奶茶幾大杯下，味道可以，一坐低店員都主動比左杯水。兩份焗飯味道都好食，屋企人曾經叫過外賣，話外賣個份量就大份啲，呢個下午茶餐的份量相對夠細，男仕食就唔夠飽。汁係ok多，夠拌飯用，味道而且好香。雞扒肉質都好，配椰子芝士味道好正，仲帶有香茅味，但香茅味唔會太搶，呢樣覺得幾好。豬扒偏向薄身，可能咁樣焗起上來快熟啲，食落都好易咬開，唔會“un”，味道都幾好。啲飯粒粒分明都好食，黃色的飯睇落都好吸引，有異國風情格調😋店內的裝修都好靚，坐唔同位置去睇都覺得不錯。服務未去到最好，但算ok的，有遇過有不少服務員都好!

近期少了出街吃，多了買外賣或叫外送。第一次試這間漁樂。由落單到收到食物，大約40分鐘。 在家弄弄這，弄弄那，食物便送到來了，40分鐘一點也不覺得長。我試這個泰皇椰汁焗魚柳飯。很久沒有吃魚，所以試下他的魚。魚柳是炸過來的，所以較香口，魚肉也不易散。 但不太喜歡炸物的我，如果早知是炸魚，我就不會叫這個了!飯是炒飯，炒飯裏都有不少蛋👍，沒有用白飯那麼寡。 吃到椰汁的香味。炒飯、炸魚加椰汁，吃了整個之後就很飽!整體來說我覺得幾好味的，因魚是炸所以扣了少少分。家人叫的香茅雞扒。泰國香米飯。見到隻太陽蛋很驚喜😄! 想不到會有蛋。家人吃不到香茅味，雞扒吃到有燒烤味，但味道不錯，不會鹹。有少少椰菜作配菜。不知是從哪裏來的油，落到飯裡，家人覺得有點油膩。整體來說這店的食物都不錯。

漁樂將軍澳唐明街2號尚德廣場2樓205B號舖今日專登入左黎將軍澳探朋友順便拜年，朋友就帶左我去佢屋企樓下商場到食左個lunch先lunch time都幾full, 我地都等左一陣先有位，入到黎都好多卡位坐得好舒服，而且餐廳入面既裝修都幾有格調，估唔到係屋邨商場既餐廳都有呢種感覺，好驚喜meun入面既選擇都幾多，而且價錢好平民同一般既茶餐廳差不多，抵食油飯好香又唔會太油膩啱啱好，而海南雞就已經起晒骨，食落啖啖肉，好爽即叫即焗，熱辣辣好好味，好欣賞呢個沙嗲汁，好有馬拉風味，非常正宗